紅葉茶屋 (海之戀商場)

营业中

休息中

我本人對於貴公司有少少意見想反映吓，我琴晚同朋友去荃灣海之戀分店食晚飯，由於叫咗幾款刺身，所以就向店員攞多少少wasabi，隨即聽到喺廚房入面有個中年男士極為不滿既回應「又要？」，如果貴公司既wasabi係收取費用既話，大可以標明喺Menu上面，而唔俾我一個咁樣既回應，當店員提供咗wasabi俾我之後，我向店員反映呢個問題，當時店員有即時道歉，成件事上面店員係無問題，態度良好同有禮貌，問題在於點解貴公司既廚房師父會咁樣對待客人？希望貴公司正視問題

人氣日本過江龍餐廳 - 紅葉茶屋紅葉茶屋，來自日本鎌倉，設立於2017年的日式餐廳，於日本鐮倉、橫浜都有開店 ! 朋友仔上次到訪過尖沙咀店，覺得味道不錯，這晚就帶我來到開業只有1年左右的荃灣店試一試 !  進入餐廳後，發現荃灣店的日式風格的裝潢及燈光佈置，令人感覺柔和舒適！ 店內更特別設有廣闊落地大玻璃的半開放式和室！坐榻榻米！望實海景！😍🌅不過要坐榻榻米是要每台達到500元消費金額的，這次我們就沒有進去那裡啦 ~我們focus在食物那裡吧 :🍱 剌身5點盛 $138前菜：牛蒡蘿蔔絲、醃蘿蔔配蔥 、甜蛋絲、Wasabi茶漬飯配湯，可選鰹魚昆布湯 / 香濃蝦湯香濃蝦湯 +$0蝦味淡淡鮮香！ 上餐時，會連同一張茶漬飯享用教學予食客，貼心！🍱 🍲 特盛黑麻油濃厚豚骨湯拉麵 $138前菜：牛蒡蘿蔔絲、醃蘿蔔配溫泉蛋麵質韌性十足，而且掛湯能力高，特盛還可以免費加麵變為200g麵！湯底更是整碗拉麵的精華所在，充滿濃厚魚介及豚骨風味，但同時又做到油而不膩！配荀之日本湯 +$0味噌湯🟩 黑蜜抹茶蕨餅 +$35 (跟定食優惠)以抹茶粉灑在表面，抹茶味香濃，入口又柔軟又綿密香甜！🍨 炸南瓜餅 +$35 (

埋單九秒九. 剩係得個唔為意既牌寫住海之戀會員有九折. 當然佢秒答你埋左單就無架la. 班員工心諗可以賺得就賺, 不過我相信唔少人 (如果係海之戀會員) 應該都奶過野. 唔緊要, 咁就無下次!

呢間之前係旺角TOP食過，覺得幾好食，性價比幾好，可惜最後結業。不過最近餐廳係荃灣海之戀開左分店，鍾意食嘅我當然唔放過機會，星期五放工約朋友去食喇，最愛佢哋嘅壽喜燒套餐。————————————————————————和牛肉壽喜燒定食 $178壽喜燒有豆腐、冬菇、娃娃菜、仲有好多片嘅和牛肉，和牛肉都有好多塊，浸係壽喜料醬汁度入味，味道偏甜少少，但肉質嫩滑均勻，入口易咬開，醬汁配白飯再加牛肉，口感非常豐富。 定食套餐仲包麵豉湯、小配菜、溫泉蛋，整體唔會單調，又可以開開胃，解油膩感。冰抹茶拿鐵 $25自己加糖水，抹茶香濃，入口無澀味溫泉蛋卡邦尼烏冬 $92卡邦尼醬汁濃郁creamy，將溫泉蛋與醬料混合一起，味道唔會太重而過於膩口，均勻滑溜，鹹香交織。冰鮮奶咖啡 $20奶味濃，咖啡冰凍好飲，味道算唔錯紅葉甘之三味（藍莓提拉米蘇） $88有三道不同嘅甜品，性價比高，有哈密瓜雪糕、草莓奶凍同藍莓提拉米蘇，我覺得最好食係雪糕，哈密瓜味香甜可口，提拉米蘇有新鮮藍莓粒，而且唔算好甜，好特別抹茶雲石紋芝士蛋糕 $55蛋糕口感細膩，抹茶嘅苦味與芝士嘅奶香完融合，層次分明，每一口都有濃郁嘅抹茶風味，搭配乳酪

抹茶提拉米蘇抹茶提拉米蘇外觀十分精緻，層層分明的綠色和白色交織🍵😋 非常感受到濃郁抹茶香氣，再加上咖啡的香味巧妙結合，口感非常滑順✨💫再撒上細緻抹茶粉同可可粉，無疑係一道視覺饗宴🤩🤓抹茶雲石紋芝土蛋糕蛋糕外觀非常吸引🍰🧁抹茶同芝士交織既仿雲石紋理，色彩分明，令人垂涎🤤蛋糕口感柔軟濕潤，抹茶香氣好濃郁，同芝士絲滑感完美融合🌟令整體美觀又精緻🍽️和風庭園藍莓慕斯藍莓慕斯外觀清新迷人😋😋😋層次分明藍色和白色交織，慕斯的口感輕盈柔滑，再配上新鮮藍莓，色彩鮮豔，視覺效果十分誘人🐧🐧🐧牛肉壽喜燒定食牛肉壽喜燒定食十分精緻🐂✨肉片整齊擺放係陶瓷鍋，牛肉的質地鮮嫩入口即化，再搭配新鮮的蔬菜同豆腐，色彩鮮明💫😙令人食欲大，增添層次感🍽️👍🏻冰芒果百香果茶百香果茶外觀非常吸引人🍹鮮艷黃色同橙色交織😙😆 口感非常清爽，芒果甜香同百香果既微酸形成完美平衡😋✨更點綴著新鮮水果片同冰塊，令整體都非常清新🐧🐧🐧士多啤梨朱古力新地新地外觀十分誘人🍓🍓🍓鮮紅色士多啤梨同濃郁的朱古力醬交織🍫更有脆脆巧克力碎片非常之吸引🤤🤤🤤傳統抹茶傳統抹茶呈現十分簡約而典雅🍵深綠色抹茶粉在茶碗中搖曳✨頂部輕輕泛著泡沫，口感非常濃郁並茶香四溢

去咗荃灣西買嘢，午餐揀咗呢間日本餐廳，見佢好多食物選擇，又有定食好吸引。豪華和牛肉壽喜燒定食$218定食套餐有漬物伴碟，並配有昆布麵豉湯。壽喜燒有好多大大片嘅和牛，肉質鮮嫩，食得出真係高質和牛。配菜嘅鮮冬菇、豆腐、本菇、蔬菜吸收咗醬汁，啱晒用嚟餸飯。天氣開始轉涼，食完鍋物感覺暖笠笠。照燒三文魚定食$138三文魚好厚肉，好有誠意。照燒汁好入味，肉質一啲都唔嚡口，仲有輕微焦香，點少少沙律醬又有另一種味道。配菜係新鮮沙律菜，口感清爽。炸牛肉薯餅 (+$15)小食加配咗炸牛肉薯餅，薯餅咬落外層鬆脆，裡面嘅薯肉好綿密，加上一啲牛肉碎，味道濃郁，好香口。抹茶白玉紅豆窩夫$68窩夫外脆內軟，配有紅豆蓉、抹茶雪糕，食落唔會太甜。白玉煙煙韌韌，有原味、抹茶口味兩款。呢款係一道冷熱兼備，多種口感嘅甜品。

竟可安排坐到海景日式榻榻米座位, 仲有超多食物選擇包括定食、二人餐與及海鮮丼, 賣相真係樣樣都想食, 最後揀咗一個豪華吉列豬扒及廣島蠔定食, 好大份炸豬扒及兩隻肥美炸生蠔伴沙律, 更配有兩份牛蒡和蘿蔔小吃和麵豉湯, 白飯還可免費添加, 至於另一份定食叫了豚肉生薑燒, 一樣份量十足, 跟餐果茶系列特價, 各要了一杯芒果百香果茶及桃子洛神花茶,很清新怡神, 用完主餐食後已經很滿足,但甜品胃又要啓動, 一於試它的期間限定紅葉三重奏,包括藍莓提拉米素、牛奶布甸及北海道蜜瓜軟雪糕, 友人仲要添食朱古力士多啤梨新地, 真係要收手啦, 下次再試其他。

今日去試海之戀呢間日本餐廳，佢都好多選擇有丼飯烏冬，仲有刺身飯。豪華海鮮丼茶漬飯刺身都好新鮮，而且份量都唔少，三文魚好肥美，吞拿魚，甘蝦，帶子同埋魚子都好鮮甜，我哋揀咗香龍蝦湯，個蝦湯好鮮，飲得出係用蝦頭熬出嚟，食晒刺身嘅時候最後倒埋個湯，撈埋個飯嘅時候好似湯飯，最啱冬天嘅時候食吉列豬扒定飯，豬扒比想像中細份少少，但係外皮好脆，入邊豬扒嘅肥瘦比例唔錯，不會太乾，個日本飯好有驚喜，煙煙韌韌，真係好想叫多碗再食我哋各自都嗌咗杯嘢飲，個百香果好香，但係唔會太甜，咖啡都配咗糖漿，你可以自行去加牛肉薯餅，滿滿嘅薯蓉撈埋牛肉，剛剛炸起，熱辣辣雪糕好有驚喜，我哋加咗$35 ，每人都要咗一份，上面嘅雪糕食得出係高質，旁邊嘅朱古力帶有少少朱古力苦味，唔會一味死甜，而且下面仲有一啲麥片脆脆，最後可以食埋個窩夫餅底，好大滿足

之前食過尖沙咀和荔枝角分店 印象中食物質素幾好而且 喺日本都有分店 今次嚟到海之戀分店食日本餐-因為特別日子慶祝 仲揀咗榻榻米位置 （提早預約）日落時間睇到超靚夕陽海景 +夕陽 + 紅葉景裝飾🍁真係靚到不得了坐喺榻榻米 位置感覺有少少似去咗日本嘅溫泉旅館度假feel極高質素的壽喜燒 更加可以升級和牛壽喜燒牛肉份量好多，精緻的日式鍋物仲有豆腐、金菇、半熟蛋還有日式漬物，蘿蔔酸酸地好開胃套餐包含 麵豉湯 仲可以升級特飲例如我就揀咗 抹茶忌廉拿鐵呢度甜品好出名 抹茶一樣出色微甘加忌廉唔會太甜剛剛去到嘅時候喺傍晚 🌆睇到一片海景刺身價錢親民 呢款都係$78 有三款刺身牡丹蝦好大隻另外朋友揀咗吉列豬扒滑蛋丼 即叫即炸好香口士多啤梨朱古力新地雪糕口感好香滑 加上香甜的果醬仲有士多啤梨果蓉 甜品果然出色套餐仲可以優惠價加配 刺身三文魚刺身好肥美

荃灣海景餐廳日本菜餐廳設有多款日式定食，其中包括壽喜燒相當受歡迎，壽喜燒也有不同的款式供給選擇。日式炸物也有很多款的選擇，就連刺身魚生飯也有供應。《牛肉蕃茄壽喜燒》$138新出的牛肉壽喜燒系列，加入了蕃茄的湯底，令壽喜燒的鮮味大大提升。牛肉的份量也足夠，配料也非常充足，米飯也非常之軟綿綿，還有前菜小吃，非常豐富！另外，跟定食套餐可追加三文魚刺身，只需$28。《吉列豬扒滑蛋丼》$118非常厚切的炸豬扒，外脆內嫩，滑蛋更非常Creamy，撈飯吃簡直一流！挺食套餐當然也有前菜小吃和麵豉湯，非常豐富！另外，跟定食套餐可追加海鮮炸物盛合，包括有蝦和廣島蠔，只需加$45。重點推介日式甜品，非常好味！《鎌倉紅葉茶屋抹茶白玉》$52非常有特色的甜品，白玉放在日式的小碟上，自行加上抹茶和醬料，很有日式的風味！賣相也非常漂亮！必點必點！《紅豆抹茶軟朱古力芭菲》$68非常有日本特色的雪糕甜品，是日的限定雪糕是夕張蜜瓜味，清爽而鮮甜！而且芭菲的份量非常滿足！必點必點！

呢間餐廳環境舒適，服務態度好，日式屋企既裝飾，戶外日落時間仲可以睇到日落景象好靚，我地叫左一個二人餐，前菜四品係芥末八爪魚，蝦仔，枝豆同埋三款刺身，刺身赤身赤身好瘦同健康，三文魚香滑同埋帶子，龍蝦沙律好大碟配左柚子醋酸甜開胃，沙律菜份量多，龍蝦沙律好彈牙，牛肉鍋牛肉軟熟，仲有牛蒡，麵豉湯等等，炸豬扒同炸蠔外脆內軟脆卜卜，好香口惹味，dessert必食推介tiramisu抹茶蛋糕，入面有藍莓同抹茶粉好軟熟creamy。

位於荃灣海之戀的「紅葉茶屋」 裝潢日系 設榻榻米座位 為食妹👧🏻當然要去試試啦💨✨豪華和牛肉壽喜燒定食A4黑毛和牛份量慷慨 肉質嫩滑口感佳😋定食配埋前菜、白飯🍚、湯 非常滿足🫰🏻✨海鮮四色茶漬飯四色指三文魚、吞拿魚、甘蝦、魚子，刺身新鮮肥美 湯可選鰹魚昆布湯/蝦湯 自行斟下湯 秒變茶漬飯😍望望step123小教學 味道更豐富😮‍💨加配小食、飲品、甜品可享優惠價👍🏿熱雜莓香橙紅茶☕️百香果苿莉花茶☕️酸酸甜甜暖養生❣️✨紅葉甘之三味藍莓提拉米蘇｜冬色牛奶布甸｜北海道蜜瓜軟雪糕三重奏一次過可以滿足三個願望 甜品控表示心心眼😍

紅茶樹屋🌟港鐵荃灣西站🌟#海之戀 #紅茶樹屋 #日本菜 #榻榻米座位 #和風 呢度開咗之後都從冇嚟過 今日同屋企人行開荃灣海之戀 就嚟咗呢度食啦好好彩呀 有得坐喺榻榻米座位🤩今日仲要好好天 喺個大窗望出去係藍天白雲🧡#刺身3點盛- 吞拿魚 三文魚 牡丹蝦- 每種刺身都好新鮮 尤其係牡丹蝦 好鮮甜呀🧡#和牛壽喜燒定食- 和牛份量好多 唔煙韌 - 壽喜燒湯底唔會好濃 所以唔會太鹹 味道啱啱好- 配料勁足！🧡#火炙刺身三文魚鰻魚茶漬飯- 三片火炙三文魚 鮮味十足- 鰻魚份量亦都唔少 特別燒過 少少燶邊 正呀- 茶漬飯底 揀咗昆布湯 🙈🙈🧡跟餐定食有漬物 醃得好好味🧡跟餐仲有飲品 咁啱我哋都揀咗咖啡- 黑啡同奶係分開上嘅 可以自行調配奶嘅份量- 另外仲有幾粒朱古力豆

位於荃灣西海之戀商場嘅紅葉茶屋，主打日式定食🍱另外仲有多款嘅日式小食同甜品等。餐廳環境寬敞舒適，另設有榻榻米座位，以及窗外有紅葉裝飾🍁充滿和式感覺🇯🇵🍴吉列豬扒定食（$118）豬扒炸到表面金黃酥脆👄旁邊更配有沙律菜同豬扒醬，中和豬扒嘅油膩感，配埋附有既白芝麻一齊食，味道更香👐🏻定食包含兩款前菜、白飯同麵豉湯。個人特別鍾意醃製咗嘅牛蒡絲，清爽開胃😆🍴牛肉壽喜燒定食（$138）壽喜燒湯底甜度適中，牛肉大大塊，肉味幾濃👅點埋附有既溫泉蛋，令肉質更滑。另外仲有蔬菜、豆腐同冬菇等配料，吸收咗牛肉同壽喜燒湯底嘅精華 😋🍴炸牛肉薯餅（定食加$15）薯餅外脆內軟，薯味突出，加上牛肉碎，味道更香👍🏻🍴紅豆抹茶軟朱古力芭菲($68)軟雪糕可以揀選牛奶口味或者限定口味，今季限定口味係夕張蜜瓜，最後揀左扭紋，滿足晒兩個願望😎牛奶味奶味突出，而蜜瓜味清甜。抹茶軟朱古力軟滑濃郁，另外仲有紅豆蓉、粟米片、抹茶凍、忌廉等配料，口感層次豐富👅🍴鎌倉紅葉茶屋特製白玉餡蜜($68)白玉口感軟糯，配黑蜜食甜甜地👄另外仲有煙靭嘅抹茶蕨餅、紅豆蓉同少量水果，夾埋一齊食都唔錯👐🏻🍴冰抹茶拿鐵（定食加$20）抹茶味道濃郁，帶微微既抹

小朋友有課外活動，我就同老公撐枱腳食個LUNCH▶️荃灣海之戀 ✨紅葉茶屋✨✅海鮮四色茶漬飯厚切三文魚同吞拿魚，配上甜蝦🦐同三文魚籽，湯可以揀昆布或者香濃蝦湯，蝦湯好濃郁好鮮味，飲得出鮮味，甜蝦好鮮甜，三文魚魚籽脹卜卜好飽滿，刺身件件肥美，充滿鮮味。✅豪華吉列滑蛋丼吉列外層脆卜卜，豬扒好淋，食落JUICY，蠔肉肥美，好CREAMY，兩者相當出色✅熱忌廉抹茶拿鐵抹茶latte賣相精緻，入口順滑帶點抹茶的回甘，加埋邪惡忌廉真係好正✅冰泡沫咖啡香濃咖啡自己調較甜度✅鎌倉紅葉茶屋特製軟雪糕芭菲🍨整杯芭菲好足料，軟雪糕香滑，奶香味重，底層有滿滿紅豆、香滑抹茶忌廉，軟糯白玉、抹茶凍、抹茶味銅鑼燒，中間加入忌廉及香脆脆片增加口感，層次豐富，真係啖啖滿足感✅黑蜜抹茶蕨餅蕨餅微澀茶香與香濃黑糖好夾，蕨餅入口微涼，食落Q彈