紅葉茶屋 (海之戀商場)

营业中

休息中

前幾日同同事去咗荃灣嘅紅葉茶屋食午餐，聽聞呢間店環境舒服，而且午餐set都幾抵食。餐廳氣氛輕鬆，正適合忙裡偷閒嘅午餐時光。香噴噴嘅蜆肉烏冬 🍜首先試咗烏冬，湯底好清甜，帶住少少柚子嘅香氣，同蜆肉嘅鮮味夾得啱啱好。烏冬滑溜彈牙，每啖都覺得好好味，同事話食完一碗暖笠笠，真係滿足呀！👍茶漬飯配三文魚刺身 🐟另外嗰道係茶漬飯，簡簡單單一碗飯，配咗火灸過嘅三文魚刺身。魚肉有少少炭香味，加埋茶湯一齊食，清清淡淡但好滋味，完全唔覺得膩。飯粒吸收咗茶湯嘅香味，暖暖地帶住少少甘香～💕環境舒服，出品穩定，價錢合理。如果鍾意簡簡單單嘅日式料理，呢間可以試下啦！

平時我自己本身唔係好食日本菜，但係荃灣呢間紅葉茶屋就啱曬我嘅口味，佢哋嘅日本菜好有特色，而家仲有雙人套餐可以點，餐單睇起嚟就係非常唔錯。佢哋嘅前菜上嚟就有龍蝦醬沙律，食材已經好豪華，然後小菜拼盤入面都有好新鮮嘅魚肉刺身，唔單止豪華，仲非常新鮮，食物放入口中就已經可以品嚐到鮮味。叫嘅主餐係炸豬扒同蠔，仲有牛肉壽喜燒。先嚟講講佢哋唔同凡響嘅牛肉壽喜燒，湯汁煮得好入味，把料同湯汁泡喺米飯入面，等飯粒吸收精華，每一啖都係風味十足。炸豬扒同蠔都好有特色，冇諗到蠔都可以咁樣食，非常推薦。甜品嚟上兩塊蛋糕，好滿足，cheese cake係抹茶口味，口感好濃郁，又唔會膩，另外一個抹茶提拉米蘇口感就好絲滑，食咗仲會回甘。另外，飲品我哋要咗清酒，食肉飲酒就係好正。

週末下午，我同老公搵咗間主打日式輕食嘅餐廳，呢度嘅裝飾係簡約風格，加埋柔和燈光，令人即刻放鬆。我老公點咗香蔥柚子蜆肉烏冬，呢個烏冬面嘅湯底好特別，入面嘅蜆肉又鮮嫩多汁，每一啖都好好食，滿足味蕾。我揀咗和牛茶泡飯，茶湯味道好濃郁，好香，牛肉入口即化，配埋茶香，非常好食。我哋點咗兩種唔同嘅飲品，我嗰杯係冰雜莓紅茶，紅茶味道真係好香，配埋酸酸甜甜嘅雜莓，好好飲；我老公就揀咗熱生薑蜜茶，濃郁嘅生薑味配埋蜜茶，唔會太辣，味道啱啱好，都好好飲。呢度嘅食物好好食，環境又舒服，服務又周到。下次有機會，我仲想帶屋企人一齊嚟試吓呢度嘅菜式

尋日中午約咗朋友去荃灣紅葉茶屋食lunch，呢間餐廳環境幾舒服，坐得幾放鬆，唔會太嘈。午餐係set lunch，揀咗兩個唔同嘅主菜，仲試咗幾款飲品同小食，一齊分享俾大家睇下！😊【照燒雞肉定食】呢份雞肉用咗照燒醬燒，表面微微焦香，醬汁鹹中帶甜，入口仲好嫩滑，配菜有沙律菜同米飯。【和牛茶漬飯】呢道茶漬飯可以話係比較特別嘅選擇，飯上面有啲切薄嘅和牛肉片，淋咗熱湯之後仲有陣清香味，感覺好暖胃。【熱抹茶】飲品方面，我哋試咗一杯熱抹茶，口感幾濃郁，唔會太苦，仲有少少奶香味，非常啱喺冷天飲，好滿足。【炸年糕配芝士】呢個炸年糕真係幾有趣，外層炸到金黃脆口，內裡係煙韌嘅年糕，加少少芝士味，口感幾特別，但唔會太膩，係幾好嘅小食選擇。呢餐飯份量啱啱好，啱晒午餐。朋友都話呢間餐廳嘅氣氛好啱坐住慢慢傾偈！

前晚同屋企人喺荃灣紅葉茶屋食咗個好好味嘅日式晚餐。餐廳裝修簡單舒服，氣氛寧靜又溫暖，好啱一家人聚餐。芝士雞肉烏冬嘅醬汁濃郁，帶住芝士同蕃茄嘅香味，配埋煙韌嘅烏冬同嫩滑嘅雞肉，食落好暖胃嗰種感覺。和牛茶漬飯就簡單清新，熱茶湯浸過嘅米飯帶住淡淡茶香，吸滿和牛嘅油脂味，牛肉片夠嫩滑又唔會過火，口感好好。炸物拼盤就有炸蝦🦐、炸蠔同炸豆腐魚餅，炸得香脆唔油膩，配埋蛋黃醬更加出味👍。個人覺得炸豆腐魚餅最特別，外脆內滑，食落幾有驚喜。甜品方面，軟雪糕芭菲係呢餐嘅亮點之一，雪糕入口即溶，配埋日式甜點同其他配料，清甜又唔膩，好啱飯後食！最後仲試咗佢哋嘅清酒，酒味偏淡帶少少甜味，幾易入口。

星期五中午同男朋友去咗紅葉茶屋，都幾爆，不過好彩企左一陣就有位，呢度啲嘢食保持水準，難怪相隔一個星期我又去食多次🌟照燒雞肉定食 定食有麵豉湯🍲前菜🥗飯🍚麵豉湯好濃味，小菜份量畀得好足。主角照燒雞肉，portion啱啱好，食落都幾鮮，好香甜，好好味！飯粒渾圓軟熟，咬落香甜🌟牛肉壽喜燒定食牛肉壽喜燒鍋嘅湯底係偏甜嘅火鍋湯，有九片大片火鍋牛肉，肥肉位都有🥓將跟上嘅日本半生蛋打勻，變成一碗蛋汁，再夾起一片牛肉片，沾上蛋汁，熱辣辣嘅牛肉片上面嘅熱力可以令蛋汁沾滿牛肉面上，形成蛋漿嚟食，食落口滑潺潺又軟熟嘅牛肉🥩本身已經帶有浸滿偏甜火鍋湯湯味，呢個就係牛肉壽喜燒嘅滋味。鍋物入面仲有幾舊冬菇、甘筍、日本大蔥、嫩豆腐，配料連湯撈落飯一齊食，係非常送飯嘅餸菜。跟餐仲有一碗麵豉湯，食飯前暖一暖胃，就係日本定食嘅特色

「吉列豬扒滑蛋丼」金黃酥脆嘅豬扒，麵皮輕盈唔油膩，入面鮮嫩多汁口最鍾意就係嗰個滑蛋，滿滿咁鋪喺飯上面，蛋香味超濃郁口同飯撈勻之後，一啖飯一啖豬扒，食落滿足又窩心，係一道令人回味無窮嘅日式經典😄「照燒雞肉定食」每次嚟都必點佢哋嘅定食，唔止主角好食，連定食嘅配菜都一點都唔馬虎口主角照燒雞肉外皮微焦，帶住濃郁嘅照燒醬汁，睇落嚟就十分誘人口配菜帶有日式沙律、醃漬小菜、仲有味增湯，整體味道都唔錯❤️「冰雜莓紅茶」冰涼嘅紅茶帶住淡淡嘅莓果香味，飲落清爽宜人，酸甜適中口酸酸甜甜嘅非常好飲「傳統抹茶」第一啖落去就令人驚艷，微苦嘅茶香味口感好濃郁，之後就轉化成柔和嘅回甘，尤其係熱飲味道層次更加豐富😋

之前同老窦喺附近嘅日式餐廳食晚餐，覺得食物食材新鮮好味，非常推薦大家去試嚇。荃灣呢間紅葉茶屋，日本菜色都幾正宗，然後口味都中咗老爹嘅喜好，最緊要係價錢公道，環境又好。我哋叫嘅係鯖魚定食，鯖魚燒得恰到好處，甜美嘅魚肉仲伴有油香味，肉質緊緻，非常惹味。老窦話呢度嘅鯖魚處理得好好，完全冇腥味，好味到不得了。我自己就試咗生薑豚肉。呢度嘅豚肉唔會有太重嘅薑味，而且食落去甜甜地，好討喜，醬汁都好香，配飯一齊食，簡直係完美。另外我哋都叫咗小食。雞翼炸得金黃酥脆，肉質肥美多汁，一口落去，好juicy！加上明太子做調味，雞翼食落去更加香！比起雞翼，老窦話呢盤海鮮炸物更加深得佢心。海鮮有蝦子、蠔肉同豆腐魚餅。每一樣食材新鮮無比，炸得酥脆，每一口都充滿鮮味！老窦對呢間餐廳嘅食物評價好高，下次仲會再嚟！

一直都很喜歡這家日料😺❤️特別是他們家的日式甜品s😋實在好看又令人回味🍨所以間唔中都會不停回訪～見最近推咗人均二百多嘅set都幾抵食！擺盤一如既往精緻講究🍱👍🏻keep到質素🍁⬇️季節限定二人前 $488⬇️🍁✨前菜兩款 -🍁紅葉四點盛 -🥗小龍蝦沙律 -🧡三文魚他他芝士脆片 （追加$20）✨主食兩款 -🦀紅葉松葉蟹味噌拌麵（蟹迷一定會很喜歡這個拌麵！蟹肉分上吃的超方便啊～整個拌麵蟹香味十足帶點微辣！特製的蟹膏醬很是鹹香惹味）-🦐自家製柚漬赤蝦手卷（手卷自己DIY 玩味十足～而且柚漬赤蝦好好吃哦！赤蝦刺身鮮味帶清新柚香，也很喜歡壽司飯伴有獨特的醋香氣～主食份量適中～最後食埋個甜品就會啱啱好👌🏻✨甜品兩款-🍨抹茶蕨餅新地 （+$20）-💚鎌倉紅葉茶屋抹茶提拉米蘇 （+$10）（兩款都是鎮店之寶的人氣甜品！抹茶都是採用日本百年歷史老字號「森半」，抹茶香氣十足🍵抹茶控一定會鍾意）✨飲品兩杯-🍹芒果西柚紅茶-🍹百香果茉莉花茶

平時我自己本身鍾意好日本菜 ，而荃灣呢間紅葉茶屋就特別一啱我嘅口味，佢哋嘅日本菜好有特色，而家仲有雙人套餐可以點，餐單睇起嚟就係非常唔錯。佢哋嘅前菜上嚟就有龍蝦醬沙律，食材已經好豪華，然後小菜拼盤入面都有好新鮮嘅魚肉刺身，唔單止豪華，仲非常新鮮，食物放入口中就已經可以品嚐到鮮味。叫嘅主餐係炸豬扒同蠔，仲有牛肉壽喜燒。先嚟講講佢哋唔同凡響嘅牛肉壽喜燒，湯汁煮得好入味，把料同湯汁泡喺米飯入面，等飯粒吸收精華，每一啖都係風味十足。炸豬扒同蠔都好有特色，冇諗到蠔都可以咁樣食，非常推薦。 甜品嚟上兩塊蛋糕，好滿足，cheese cake係抹茶口味，口感好濃郁，又唔會膩，另外一個抹茶提拉米蘇口感就好絲滑，食咗仲會回甘。另外，飲品我哋要咗清酒，食肉飲酒就係好正。一頓晚餐落嚟，呢種豪華體驗就係非常正。

為食🐑又食日本嘢，呢間「過江龍」Cafe 都食過幾次，今次食咗個超抵2人套餐，季節限定🌸其中都有特別菜色，let's go!🐼呢間分店有普通座位同日式和室，實現「熊貓經濟」？好多🐼🐼好cute，啱晒大家打咭！前菜兩款🍁紅葉四點盛紅葉四點有齊晒我鍾意嘅嘢💖炸蝦香脆鹹香十足，刺身拼盤入面有新鮮嘅三文魚🍣吞拿魚帶子，另外Wasabi八爪魚好惹味，最後食埋枝豆中和一下就perfect啦！🥗小龍蝦沙律小龍蝦沙律份量勁多，鹹香滿滿嘅小龍蝦配搭沙律菜！🦞🐟🧀三文魚他他芝士脆片（追加＄20）呢個值得加💰芝士味好濃郁，底層脆皮夠香脆，混合三文魚他他同三文魚子，整體味道唔錯！✨主食✨🦐自家製柚漬赤蝦手卷好得意呀，可以自己DIY 整手卷！由於醋飯加咗自家製油漬，入口充滿柚子香，味道香甜，另外赤蝦好大隻又新鮮，配搭醃蘿蔔同埋柚子皮，玩味十足又好味！🦀松葉蟹味噌拌麵🥢蟹迷🦀實鐘意啦（即係我！）入面有齊我最鍾意嘅蟹肉同蟹膏，撈埋一齊又點會唔好食呀？呢個麵比較幼身嘅款式，啱晒鍾意食天使麵嘅朋友，⁉️底層仲辣粉，大家可以撈埋一齊食，味道Double up！呢個麵仲配咗麵豉湯、青瓜、醃蘿蔔，令到味道更加豐富有層次！🍵🍵🍵

今日去咗荃灣食嘢，叫咗個芝士雞肉蕃茄忌廉烏冬，一上枱已經聞到陣陣芝士香！個賣相好吸引，成碗烏冬上面鋪滿咗芝士，仲要係半溶嘅狀態，睇落就好誘人！啲烏冬條條彈牙，軟硬適中，個蕃茄忌廉醬調味啱啱好，唔會太重口味，又唔會太淡。啲雞肉切得幾薄，煮得嫩滑多汁，配埋個醬汁食真係無得頂！最正係個芝士拉絲，夾起嚟成條絲咁，影相都好靚，食落香濃滑溜，同個蕃茄忌廉醬完美配合！豪華海鮮丼茶漬飯就更加吸引！碗飯上面擺滿晒唔同嘅刺身，有三文魚、吞拿魚、帶子同埋蝦，每樣都新鮮彈牙，特別係啲帶子，甜味十足！啲刺身切得又厚又靚，完全冇腥味。最特別係佢會另外附送一壺熱茶，等你可以將啲茶慢慢倒落個飯度，等佢變成茶泡飯。個茶香味好特別，有少少柴魚嘅鮮味，配埋啲新鮮刺身食真係絕配！連飯都係用日本米，粒粒分明，軟硬適中，真係食到最後一啖都唔覺悶！最後仲叫咗個紅葉甘之三味，即係三款甜品嘅拼盤。藍莓tiramisu層次分明，個藍莓味香甜可口，cream夠滑，個餅底夠軟熟，唔會太甜。最後係雪糕，質地幼滑，甜度適中，食落好清爽，收尾食真係啱啱好！

🔸番茄胡麻沙律我哋叫咗一份沙律當開胃菜，新鮮嘅番茄鮮甜多汁，配搭上胡麻醬嘅堅果香味，成個口感即豐富又順滑，酸甜平衡，開胃又解膩～🔸豚肉生薑燒豚肉片煎得啱啱好，外層微微焦黃，裹住濃郁嘅生薑燒醬汁，甜中帶點鹹，仲有生薑辛辣嘅口感，溫和但唔嗆口，為肉片增添咗豐富嘅味道同口感👍🏼鍾意佢哋嘅豚肉片，因為一點腥味都冇，每一塊都食到嗰股鮮味同生薑嘅提味，簡單但令人滿足嘅味道～🥰🔸豪華海鮮丼茶漬飯刺身睇落就好新鮮，甜蝦三文魚帶子鋪滿碗中，色澤誘人😍倒入茶湯後，飯同新鮮刺身即刻釋放，細膩嘅刺身同會爆漿嘅三文魚籽，帶住濃郁茶香嘅飯一齊入口，入口係清爽嘅茶香同生魚片嘅精華，簡直就係人間美味😋

今日又嚟荃灣行街食飯 朋友特登搵咗呢間日式餐廳 話有幾間分店 同埋都開咗好多年 食物質素都有保證👍🏻見到二人前套餐都幾抵就叫嚟試試前菜:龍蝦沙律 + 紅葉盛點龍蝦沙律 龍蝦沙律醬份量多有龍蝦醬汁沙律菜做底 啖啖都食到魚籽粒好醒胃 💯紅葉盛點 有炸蝦、毛豆、八爪魚、刺身特別鍾意刺身 魚肉質厚實新鮮爽口主菜:照燒三文魚 + 牛肉壽喜燒照燒三文魚 三文魚油香味十足鮮甜不澀無腥味淨係用照燒醬已經夠滋味加小小檸檬汁食落更清新牛肉壽喜燒 湯底甜度剛剛好 牛肉片量多好多蔬菜配上蛋同豆腐 十分豐富👍🏻 甜品揀左抹茶提拉米蘇 + 黑蜜抹茶蕨餅 甜品好味 黑蜜抹茶蕨餅口感似年糕帶煙韌感抹茶提拉米蘇用 精緻小木盒乘住滿滿一盒細膩濃厚口感 上面鋪滿厚厚一層抹茶粉中和咗奶醬嘅甜膩 底部嘅蛋糕好濕潤入口即化 整得好好味🍵

今日特登去咗荃灣紅葉茶屋食dinner，聽講呢間嘢係荃灣必試嘅日本餐廳!間舖嘅裝修好有格調 ，啲燈光同擺設都好日式，坐低已經好有置身日本嘅感覺。最欣賞呢間嘢係佢將傳統嘅茶漬飯玩得咁有創意，無論係和牛定係海鮮款都做得好出色🥹啲食物新鮮，廚師嘅刀工同火候都掌握得好😇店員態度親切，成個用餐體驗都好舒服.👁‍🗨 和牛茶漬飯.➰ 一上枱已經令人驚艷!成碗飯面頭鋪滿咗靚靚嘅和牛片，油花分佈得好均勻，切得又薄又靚.👁‍🗨 豪華海鮮丼茶漬飯.➰ 好似一幅藝術品咁靚!上面擺滿咗唔同嘅刺身，有厚切三文魚、新鮮吞拿魚、超大粒帶子仲有甜蝦，每一樣都鮮甜無比!特別係啲帶子，彈牙爽口，個甜味好天然。倒茶落去嘅時候，啲茶香同海鮮嘅鮮味完美配合，令到成碗飯都充滿住鮮味!.👁‍🗨 明太子雞翼.➰ 啲雞翼炸得金黃香脆，外皮脆卜卜，入面嘅雞肉超級嫩滑。最正係佢上面有明太子，一啖咬落去就會爆汁，個明太子醬汁香辣惹味，同雞肉嘅鮮甜完美配合!個明太子味道香濃但又唔會搶咗雞翼嘅風頭，真係食一個想再食多個!.🔛 整體評分（7.5/10）