紅葉茶屋 (海之戀商場)

紅葉茶屋的木系風格，桌子搭配榻榻米座位，營造日式的雅致。大窗的戶外景色一覽無遺，欣賞繁華的城市夜景，窗邊的可愛熊貓裝飾，增添親和力，感到愉快輕鬆。紅葉茶屋二人前 $488二人餐包含了新鮮刺身盛盒、主食及別緻甜點，色彩鮮艷，讓人期待。龍蝦沙律爽脆的蔬菜沙律，配上鮮嫩的龍蝦肉，惹味的他他醬，帶來清新口感，滋味開胃。紅葉四點盛刺身盛盒有帶子、三文魚及吞拿魚刺身，新鮮厚切，三文魚油潤可口，吞拿魚油脂豐富，帶子滑溜口感極佳。唐揚炸蝦香氣四溢，炸至甘香酥脆。芥末八爪魚充滿彈性，微辣帶來驚喜。清新的枝豆，帶一抹綠意。吉列豬扒＆廣島蠔香炸的吉列豬扒，熱呼呼，口感鬆化，生菜絲配上酸甜沙律醬，十分減膩。搭配廣島蠔，咬開肥美的蠔肉，散發熱燙的肉汁，鮮甜可口，讓人回味。照燒三文魚配清湯烏冬 （加$10）三文魚表面油光亮澤，魚皮脆卜卜，肉身保持鮮嫩多汁，配上溫熱的清湯烏冬，口感柔和，十分暖笠笠。芒果百香果茶清爽的飲品，酸甜適中，芒果與百香果果香濃郁，清爽熱帶風情，美味清爽。雪糕牛奶抹茶純滑的牛奶雪糕，拌勻香醇的抹茶，入口冰涼滑順，抹茶的微苦與甜美平衡，帶來純滑享受。紅葉茶屋抹茶提拉米蘇 （加$10）抹茶tiramisu鋪滿抹茶粉，質感輕盈醇厚，豐厚的抹茶香，充滿和風特色。鎌倉紅葉茶屋抹茶白玉漬柔軟煙韌的的白玉，配上綿蓉紅豆，沁出紅豆的甜香，倒上抹茶黑糖漿，增添抹茶香氣，口感細膩，十分陶醉。炸餃子 $38外皮脆卜卜，包裹著多汁的餡料，是不可錯過的小吃。…查看更多

紅葉茶屋二人套餐，相當吸引！有前菜、主食兩款、甜品及飲品，相當唔錯！我今晚都點了這客二人餐，套餐很多野食，超級滿足！紅葉四點盛！賣相精緻，而且四款的小食都相當出色及美味！1. 三色刺身，三文魚、吞拿魚、帶子！刺身新鮮肥美，爽口清甜！超正！2. 酥炸蝦，脆卜卜的口感，相當惹味，而且蝦都是大大隻的，好有口感同咬口！3. 芥辣八爪魚，芥辣超惹味，八爪魚又爽口又彈牙！4. 枝豆，清甜枝豆令人食到停不了！龍蝦沙律，惹味足料既龍蝦配上爽脆又翠綠的沙律菜，吃起來酸酸甜甜的，相當清新開胃！一本鰻定食！鰻魚超巨大又肥美，相當吸引！熱辣辣的鰻魚配上日本米飯，非常惹味！食到停不了口！而且鰻魚份量足，兩人分享恰到好處！吉列豬扒、吉列蠔定食，份量足，可以兩人分享！吉列豬扒炸得相當酥脆，非常美味！外皮鬆化，中間豬肉啖啖肉有口感！正！吉列蠔大大隻！又酥脆又肥美！超美味！仲可以自行配上燒汁及芝麻提味！定期都會配上了醃菜及麵豉湯！紅葉茶屋的甜品都相當出名，所以都必定要試！套餐都有配上不同甜品！抹茶白玉漬！相當飽肚！白玉是熱熱的，吃起來好彈牙，軟綿綿的！配上紅豆蓉來吃，甜甜香香的，滋味無比！仲可加入抹茶及抹茶醬！相當濃郁，又有另一種口味！抹茶tiramisu,相當有名的甜品之一！tiramisu鋪滿了滿滿的抹茶粉，吃起來抹茶味十足！超香濃美味！而且tiramisu做得相當幼滑，一層層的蛋糕、cream、抹茶，口感同味道勁正！必食！套餐還附上飲品兩杯，點了蘋果汁和橙汁！正！滋味又性價比高的二人套餐！…查看更多

荃灣紅葉茶屋的二人前套餐絕對是高質素的日式料理。餐前的龍蝦沙律清爽開胃，龍蝦肉鮮甜彈牙，配上沙律醬汁恰到好處。海鮮刺身四點成入，包括吞拿魚、三文魚等，切片厚薄適中，魚味鮮美，配上日本米飯和麵豉湯，簡單卻令人滿足。我們加了 $58 升級成豪華和牛壽喜燒，絕對值得。和牛油脂分佈均勻，入口即化，配上壽喜燒醬汁和蔬菜，香氣撲鼻，令人回味。另外，油漬赤蝦手卷也令人驚喜，蝦肉鮮甜，油漬處理令味道更有層次。飲品方面，雪糕白玉抹茶Latte香濃滑順，白玉煙韌，甜度適中，而謙倉紅葉茶屋抹茶則茶味濃郁，適合喜歡原味抹茶的朋友。甜品方面，黑蜜抹茶蕨餅口感柔軟，黑蜜香甜不膩； 抹茶 Tiramisu則是西式甜品的點睛之筆，口感細膩，與整體日式餐點形成有趣對比。整體而言，紅葉茶屋的餐點不但味道出色，擺盤亦見心思，服務親切，是一次愉快的用餐體驗。適合情侶、朋友或家庭聚餐，值得再訪。…查看更多

好鍾意食日本料理嘅我哋，喺海之戀搵到新開嘅日式料理餐廳。入面採用木系嘅裝修，感覺非常和諧。晚上同朋友食下飯，傾下偈，呢度係唔錯嘅選擇。餐廳設有好特別嘅tatami座位，入座須除鞋，望住遼闊嘅藍巴勒海域，感覺更加特色。餐牌有唔同嘅定食料理、例如拉麵、茶漬飯及豬扒飯等。 亦有抵食二人套餐，小食及特色甜品等。選擇多多🤩1）👍🏻豪華原條鰻魚茶清飯 （蝦湯）- 上枱時好驚喜，好大條鰻魚，擺盤型好靚。茶漬飯有兩種食法，刺身食及下湯食。鰻魚啖啖肉，非常肥美。而蝦湯作為茶漬飯好少有，蝦味濃郁，絕對值得一試2）🐟燒花魚一夜干定食 - 製作需時15-20分鐘，但等都好值得。一夜乾燒得焦香，唔油膩，配白飯一流。定食涼菜仲有青瓜同沙葛，好fresh，唔會頂住個肚3）🍣三文魚剌身（3片）- 新鮮肥美，魚油香十足4）🍅胡麻凍番茄 - 清新鮮甜，咬落爽口，用嚟做前菜非常岩5）🍤炸北海道甜蝦 - 唔好睇佢細細碟，其實入面好多蝦。炸得金黃色，好香脆，作為佐酒料理非常好！👍🏻6）☕熱雜莓&香橙紅茶及熱蜂蜜薑紅茶 - 飲落好舒服，少少甜，好驅寒暖胃7）🍰謙倉紅葉茶屋抹茶提拉米蘇 - 餐廳嘅招牌甜品，抹茶控至愛，食落好多層次，有蛋糕、芝士，仲有抹茶，好鬆軟及幼滑。呢度甜品完滿了整頓晚餐！！😋…查看更多

之前係尖東分店食過下午茶覺得唔錯今次帶姑媽去海之戀分店食dinner豪華吉列滑蛋丼(豬扒&廣島蠔) $138份量十足，蛋香軟滑仲有爽脆洋蔥墊底吉列豬扒好厚，粉漿唔會太厚，肉質嫰滑廣島蠔都幾大隻，一咬爆汁熱泡沫咖啡$20奶泡豐富，咖啡香濃仲有石頭朱古力伴碟，好有兒時回憶鹿兒島黑毛一口和牛定食$128牛味濃郁，肥瘦適中，送飯一流味噌湯熱辣辣，前菜青瓜＆蘿蔔爽脆多汁熱鮮奶咖啡 $20同樣有石頭朱古力，雖則無拉花，味道都唔錯炸北海道甜蝦$58炸到好酥脆，連蝦頭都食得，起碼有8隻，好抵燒味琳魚乾 $48呢個正，熱辣辣，煙煙韌韌，蘸埋蛋黃醬不得了士多啤梨朱古力新地 $68牛奶雪糕＆朱古力雪糕真係幾時都咁啱key除左士多啤梨仲有藍莓，脆片燕麥等等AFFOGATO $58呢個係我至愛之一，滾熱既espresso淋落牛奶雪糕度，形成既分層真係好靚，咖啡超濃郁，同埋比出面既大杯，好滿足裝修日系，當日坐塌塌米，有3隻熊貓陪坐，忘憂既一餐…查看更多

呢間餐廳環境舒適，服務態度好，日式屋企既裝飾，戶外日落時間仲可以睇到日落景象好靚，我地叫左刺身拼盤，刺身赤身赤身好瘦同健康，三文魚香滑同埋帶子安格斯牛肉定食配飯，仲有牛蒡，麵豉湯等等，炸豬扒外脆內軟脆卜卜，好香口惹味，dessert必食推介自選芭菲，芭菲層次感好多，雪糕軟綿綿。炸豬扒定食：豬扒炸至脆卜卜又香口，好好味加埋檸檬汁更fresh，芝麻粒同豬扒醬汁好夾，麵豉湯清甜。#香港美食 #香港探店 #紅葉茶屋 …查看更多

來到荃灣本來打算吃西餐，但bff臨時改變主意，要吃日本菜，最後就來到了「紅葉茶屋」。這家日本料理茶屋的抹茶飲品及甜品真的非常出名，見季節限定二人前套餐已包甜品，立即下單。紅葉茶屋二人前除了有甜品及飲品外，附送龍蝦沙律、紅葉四點盛、日本產米飯及麵豉湯。紅葉四點盛內裏包含四款小食，炸蝦酥脆甘香；芥末八爪魚Q彈有咬口；枝豆清爽脆口；刺身有數款，我最愛就是三文魚，油膩豐富，超級肥美。小龍蝦沙律沙律內有大量小龍蝦肉，口感爽彈，配上新鮮沙律菜，味道酸甜，令人胃口大開。三文魚他他芝士脆片脆片帶有濃郁芝士香，上層放了三文魚籽及三文魚他他，入口帶鹹香。牛肉壽喜燒壽喜燒內的材料非常多，除了主角牛肉，還有紅蘿蔔、豆腐、蔬菜絲和冬菇等等，牛肉嫩滑帶肉香，吸收了了滿滿壽喜燒湯汁，味道香甜，佐飯一流。香辣燒牛肉牛肉味道巨惹味，燒香後口感仍能保持嫩滑不柴，味道微辣，配上洋蔥絲及蒜片一同享用，滋味十足。抹茶蕨餅新地極愛這裏的甜品，特別是抹茶蕨餅新地，不但賣相精緻，牛奶雪糕奶味巨濃厚，口感絲滑，配上香甜紅豆蓉、回甘味濃的抹茶雪糕、嫩滑Q彈的抹茶蕨餅、忌廉及櫻桃，口感豐富，讚。抹茶雲石紋芝士蛋糕芝士蛋糕口感軟滑，既有抹茶茶香，又有芝士奶香，味道清新，甜度適中，吃時蘸上草莓醬，味道酸中帶甜，中和芝士膩滯感。熱蜂蜜薑紅茶及雪糕牛奶抹茶蜂蜜薑紅茶入口帶有淡淡檸檬清香，薑味不會過重，喝後整個人都變得暖呼呼；雪糕牛奶抹茶口感細滑，味道香甜，抹茶味重厚，有回甘餘韻。…查看更多

位於荃灣的日本料理甜品店，木系風格，地方寬敞，空間感大，而且有榻榻米包廂。餐牌選擇眾多，定食、刺身飯、烏冬、拉麵、佐酒小食、炸物、鍋物等等，還有性價比高的二人套餐。小食：炙燒帶子紫菜包裹著的帶子，大大粒厚肉鮮味，表面燒得微微焦香。小食：燒花魚一夜干花魚小小的，連皮帶骨燒得香口，骨頭也能是脆脆的，魚肉則帶鹹鮮味。肉定食：豪華和牛壽喜燒定食和牛肉薄片，十分軟嫩；肥牛部份分佈平均，吸收了壽喜燒湯汁的鮮甜，很入味。其他配料還有雜菜、豆腐等。定食還附上白飯、麵豉湯、前菜小食及溫泉蛋，很豐富。烏冬：香蔥柚子蜆肉烏冬湯底清香，蜆肉大大粒，鋪上京蔥及柚子皮點綴，烏冬煙韌，口感彈牙。咖啡飲品：香橙梳打咖啡創意特飲，將濃縮咖啡倒入香橙梳打水中，拌勻後咖啡帶橙清香，而且很清新解暑的夏日飲品。抹茶飲品：抹茶拿鐵抹茶茶底濃郁順滑，熱的茶味相對突出、醇厚，帶點甜，減低苦澀感。甜品：提拉米蘇蕨餅窩夫甜品也是另一特色之一，款式甚多。窩夫蓋上一層提拉米蘇，中間夾著蕨餅，口感煙韌，層次豐富。伴碟還有抹茶味雪糕及水果。…查看更多

紅葉茶屋以淺木色為主調，採用傳統的木製餐桌椅，風格是雅致的和風。店內一角是榻榻米位置，附近有幅大玻璃，靠窗座位可以欣賞到荃灣西的海濱景致。今次同朋友放工後相約喺呢度食晚飯，點選二人前，有齊前菜、主食、甜品、飲品，菜式賣相、份量和味道都唔錯，可以慰勞辛苦工作一天的自己。✔️紅葉茶屋二人前$488前菜：▪️紅葉四點盛劃分四格的木盒上分別有四個唔同顏色、圖案的小碟盛着刺身、芥末八爪魚、炸蝦、枝豆，作為前菜份量真係唔少，最鍾意嘅刺身夠新鮮夠大塊。▪️小龍蝦沙律整球混有明太子的龍蝦肉放在沙律菜上，淋上酸甜醬汁，撈勻進食，清爽開胃。主食：▪️豪華原條鰻魚+$48、清湯烏冬+$10定食包括菠菜、沙葛粒兩款前菜和麵豉湯、當然唔少得加錢升級的原條鰻魚，size接近有我前臂咁長咁大！肉質肥美，上面均勻塗滿甜中帶鹹嘅照燒醬汁。烏冬軟糯彈牙，有口感。▪️一人前照燒雞肉同樣係定食套餐，雞肉保持豐盈肉汁，照燒醬味與雞肉鮮味匹配，係經典的味道。甜品：▪️黑蜜抹茶蕨餅蕨餅Q彈，帶有淡淡的蕨餅清香，表面灑滿醇香的抹茶粉。蘸上黑糖蜜，剛好平衡抹茶的甘苦。▪️抹茶雲石紋芝士蛋糕+$10綠色雲石紋提升蛋糕賣相，蛋糕本身奶味香且突出，旁邊配有口感極佳嘅乾果粒和酸味較出的紅莓，增添口感之餘又平衡蛋糕滯膩感。飲品：▪️雪糕牛奶抹茶深邃的抹茶茶香帶有牛奶的順滑，加上一整球雲呢拿雪球，好似一杯可以飲嘅甜品。▪️奇異果雜果茶果茶入面有多片奇異果和其他細碎果粒，紅茶裏混合着天然果香。果茶本身沒有加糖，餐廳會另外奉上一杯糖漿，食客自行加入。…查看更多

呢間餐廳都私心幾鍾意,平時都有起唔同分店食過,因為覺得佢哋性價比唔錯,而且服務態度都好好,最重要係坐得舒服,食物好食🩵豪華和牛壽喜燒定食和牛肉質極度鮮嫩,而且油脂分布均勻,壽喜燒醬汁味道濃郁,而且豪華版嘅和牛份量真係超級多,食落好滿足🥰鹿兒島黑毛一口和牛定食一口和牛煎得啱啱好,聞落超級香,肉質都好嫩,係風味十足嘅定食👍🏻而且好欣賞佢哋嘅定食除咗飯之外,仲配有一湯兩小菜,十分豐富😻海鮮炸物盛合呢個海鮮炸物盛合跟定食加配淨係需要$45咋,而且有兩個炸蝦同兩個炸蠔,超級抵🥹食得出海鮮係新鮮嘅材料,而唔係冷藏海鮮,認真夠誠意😎雜莓香橙紅茶佢哋嘅特色飲品選擇都好多,今次叫咗呢杯雜莓香橙紅茶,飲落酸酸甜甜好惹味,而且果肉都好多🥳鎌倉紅葉茶屋特製軟雪糕芭菲食日本餐廳點可以唔試佢哋嘅芭菲,望落已經好吸引,用料豐富🤤既可以滿足大家打卡嘅要求,都可以為味蕾帶來享受💕…查看更多

日式小店以原木裝潢營造溫馨氛圍，暖黃燈光映照榻榻米座席，彷彿瞬間穿越京都町家～木格窗巧妙隔絕商場喧囂（榻榻米區非常搶手，記得提前預約📞）豪華和牛肉壽喜燒定食 $218海量極致和牛鋪滿整鍋🐮，鍋底仲鋪滿新鮮蔬菜同各式菇菌，吸飽湯汁的豆腐軟嫩入味，將溫泉蛋液裹住牛肉更添滑順濃郁～豪華吉列定食（豬扒&廣島蠔） $138金黃酥脆的吉列豬扒外皮輕薄，廣島蠔個頭飽滿，炸後仍保留海洋鮮甜滋味～定食還附上白飯、日式小菜同味噌湯🍱，食完超滿足蟹肉甲羅燒 $68蟹殼盛滿橙黃蟹膏與絲絲蟹肉🦀，加上芝士脆片增添口感～鹹鮮海味與奶香在唇齒間繚繞鎌倉抹茶Tiramisu $58京都宇治抹茶粉如初雪覆蓋，綿密乳酪輕盈似雲☁️～茶香在舌尖漸次綻放，尾韻縈繞微苦回甘，展現日式甜品的細緻底蘊…查看更多

呢間好日式和風嘅餐廳，竟然仲有靚靚海景！唔想諗食咩就叫左2人餐！紅葉茶屋二人前附送龍蝦沙律，紅葉四點盛，日本產米飯及麵豉湯 HK$488龍蝦沙律勁大碟，份量係好足架！另外仲加左三文魚他他芝士脆片，超香芝士味，好喜歡焦香嘅味道。前菜就好精緻，4格小菜咁，竟然係仲有魚生添！主食揀左紅葉松葉蟹味噌拌麵同牛肉壽喜燒。味噌拌麵係仲有另外一碗仔蟹肉同蟹膏，味道好香，個麵硬度都岩岩好。牛肉壽喜燒估唔到都幾多牛，加埋個溫泉蛋超正的。最後仲加左2個甜品收埋個尾！鎌倉紅葉茶屋抹茶提拉米蘇好的色又好靚，唔算太甜都唔錯。抹茶蕨餅新地，好大份，超級滿足呀！飲品都係超日式的，點了一個忌廉奶抹，減肥人士請勿叫！真係真係好大舊cream，好濃厚！…查看更多

#荃灣美食 榻榻米靚景位超正！😍🍁紅葉茶屋🏠高質和食料理放假又黎到荃灣海濱拍吓拖☺️呢間想食好耐啦！有我最愛嘅抹茶甜品，蕨餅同雪糕，主食都非常吸引，今次揀咗呢兩款都好啱口味😋🐮牛肉壽喜燒定食🥘湯底夠哂鮮味，肉嫩香濃，配菜好豐富，吸收咗壽喜燒醬汁，送飯一流🍚海鮮四色茶漬飯賣相好精緻，刺身新鮮好味，附有教學圖文並茂教食茶漬飯，感覺好好玩呢😂重點推介😍甜品時間💚🥞提拉米蘇蕨餅窩夫都幾大份，超級鍾意食抹茶蕨餅，香濃煙韌，配合窩夫同雪糕一齊食，真係好滿足🥰自選特製新地🍦多款配搭，抹茶軟朱古力，白玉仲可以揀扭紋雪糕，係抹茶加牛奶味，要食快啲因為好快溶😂今次揀咗呢間日式餐廳有榻榻米，環境幾好，下午去仲可以睇日落🤩超大嘅海景玻璃窗位置100分海之戀商場嘅餐廳都好適合聚會，坐得舒服👍🏻食物質素高😆值得再去，荃灣店一定要book 返呢個榻榻米靚景位！…查看更多

依間之前試過其他分店都覺得坐得舒服食物選擇又多。今次係荃灣食仲有得坐榻榻米！舒服又寬敞今次試左豪華原條鰻魚茶漬飯，鰻魚真係好大條帶濃郁嘅鮮甜同油脂味，口感仲好柔軟。個茶有淡淡地茶香味，用黎撈飯中和鰻魚嘅油香！仲叫左個壽司（8貫）配迷你櫻花蝦烏冬，壽司都高質，有兩款蝦、帶子、三文魚、呑拿魚等，新鮮又柔滑。烏冬個櫻花蝦味都好出，清清地幾好食套餐仲配咗兩個小菜，特別讚吓個牛蒡有人蔘味真係好香好有心思另外叫咗小食，試左燒味琳魚乾，甜甜地幾有咬口，正餐前或者送酒食都一流仲嗌左海鮮炸物盛合（蝦/廣島蠔），個炸粉唔會太厚，一咬落去蝦同蠔都熱辣辣好好食！飲品叫咗熱忌廉抹茶拿鐵，好大杯，綠茶味仲好香依間整體質素都幾好！同朋友食住傾吓偈都幾岩…查看更多

雖然天氣仲好熱，但開始有啲秋高氣爽嘅感覺🍂。見到呢間餐廳出咗季節限定二人前，主打日式料理同秋日食材，仲有和牛同松葉蟹，聽到都流口水啦 😋！ 🌟 前菜 紅葉四點盛就似細細個拼盤，有刺身、枝豆、炸蝦乾、魷魚漬物，每樣都精緻得嚟又清新，好開胃 🍃。 小龍蝦沙律真係好清新，肉質爽口，加埋酸酸甜甜嘅沙律醬，成碟清晒 😍！ 🍲 主食 最正一定係豪華和牛壽喜燒，和牛片超嫩，好有肉香，配埋甜甜鹹鹹嘅湯底，真係暖到心入面 ❤️。另外加 $48 升級嘅角切刺身迷你丼都好抵食，新鮮刺身鋪滿日本米飯，滿足到飛起 🐟🍚。 紅葉松葉蟹味噌拌麵聽名都加分，蟹肉鮮甜，麵條彈牙，味噌香濃又惹味 😋。仲有跟餐送麵豉湯，簡單但啱key 🍵。 🍰 甜品 抹茶Tiramisu係招牌！抹茶香濃但唔澀，甜度啱啱好，食完超幸福 🍰。仲有期間限定抹茶軟雪糕，茶香滿滿，清新輕盈 🍦。 🥤 飲品 芒果百香果茶酸甜清爽，好解膩 🍹。 凍蜂蜜薑紅茶薑味帶少少辣，配蜂蜜甜味，秋天飲超舒服 ☕❄️。 整體嚟講，紅葉茶屋呢個季節限定二人前真係用心又高質，每道菜都散發住秋天嘅溫度同味道，絕對值得一試 🍁！ …查看更多