竺扶大班燒味

营业中

休息中

每次想lunch經過都俾條龍嚇怕左，真係太出名😂，怕有排等，但又好想黎食，今日星期六終於黎排下隊，但其實條龍都去得幾快，等左15分鐘左右就到我地了。1） 黯然銷魂鴛鴦瀨粉 $70🩷❤️🧡見餐牌寫住係全港首創，有半肥瘦叉燒、冰燒鳳凰雞+煎雙蛋 （有流心蛋汁），仲有兩種秘製醬汁（大將燒肉汁+鳳凰辣汁），聽講個鳳凰辣汁係用咗菠蘿、紅黃椒、青檸、蒜蓉等特調嘅醬汁，可謂三餸飯，仲有汁撈埋，性價比！半肥瘦叉又真係唔會太多肥膏，真係做到肥瘦均勻。冰燒鳳凰雞真係好入味，雞皮同肉係黏住嘅，中間係冇脂肪層嘅。瀨粉好新鮮，真係夾到一條條，而唔係碎濕濕。2）古井燒鵝，拼燒腩仔瀨粉 $62🩷❤️🧡隻燒鵝，聽講係只揀選特定重量嘅比雌鵝去燒，仲會用自家製嘅陳皮醬去醃製燒鵝嘅內殼，所以唔怪得外皮脆之餘仲肉質好入味，連燒鵝骨都有味㗎！燒腩仔皮夠脆，肉質唔死鹹，脂肪層唔算厚 ，好味得來冇咁邪惡。3）例湯每日唔同款式，叫一個碟頭飯+$6就可以飲到一碗 。今日都試咗佢哋個例湯，真材實料，有家嘅味道！🩷❤️🧡樓面侍應服務態度優良有禮，唔會係咁催你落單，又唔會催你走，令食客開心滿意！🩷❤️🧡

呢間嘢想食好耐，次次擺咗喺個list度都未去，有日經過佢叫咗個叉燒瀨粉下午茶。間嘢下午三四點都坐幾多人，要搭枱。出奇地有好多外籍遊客。個叉燒瀨粉落單係寫半肥瘦叉燒，見到咁多YouTuber報過呢一間，滿心期待。嚟到見到碟叉燒，未食已經知道賴嘢，完全見唔到肥膏。又話乜嘢梅頭第一刀，第二都。我唔理佢第幾刀，淨係知佢好瘦，好柴，請賜教什麼叫半肥瘦？食一啖瀨粉，我唔知點樣評價，同平時啲瀨粉唔一樣，好腍同埋偏滑。我淨係想要正常嘅瀨粉。冇嘢飲，一碗粉收$44。好食嘅話還可以嘅，但係我食咗兩嚿就走咗，無謂嘥quota。

喺灣仔番工嘅都應該聽過呢間人氣燒味一到lunch time一定排晒長龍可以稱得上香港必試嘅高質燒味店今日嚟到排咗10分幾鐘就有位呢度每日嘅老火湯都唔同 跟餐加6蚊就飲到今日係老黃瓜赤小豆煲豬骨湯當然整番碗去吓濕 真材實料橫財燻蹄本身佢跟埋飯嘅 但我其實淨係想食燻蹄 所以就走咗個飯 🤫燻蹄配埋醋食是必須的啖啖肉 好快清碟🐷銷魂叉燒皇 + 至尊古井燒鵝飯🪿叉燒叫咗半肥瘦 燒到有啲焦 香噴噴燒鵝皮薄肉厚 佢用埋陳皮醬醃過內籠所以特別好味佢啲燒鵝梅醬比平時食到嘅酸少少 解膩 👍🏻🐥豉油雞 + 燒腩仔飯🐷雞肉好嫩滑 平時食雞走皮嘅我今次都連皮食 好入味呀 🙈燒腩仔個外皮金黃酥脆 絕無過多嘅肥肉沾埋芥末醬 perfect

灣仔有間燒味店，Lunch Hour經常大排長龍，主打多款港式燒味，另可按個人喜好選擇主食。店內環境較細，多人時預咗要搭枱，勝在上菜速度夠快，而且大家食完就撇，深受上班族歡迎。招牌菜有古井燒鵝，用自家祕制陳皮醬醃制內籠，味道濃，皮脆汁多，唔膩。私心推介叉燒皇，肥瘦均勻，肉質嫩滑，味道適中唔會過鹹。豉油雞神奇地滑，啖啖肉好滋味。燒腩仔偏肥，入口即化，外皮夠脆。主食有上海粗麵、瀨粉米線或飯。麵條軟硬度啱啱好，不過人更喜歡飯，撈埋甜豉油同蔥油真係可以食多幾碗。湯品都唔錯，無味精，每日更換唔會悶。

今日去左灣仔做野，之前經過呢間灣仔燒味人氣店「竺扶大班燒味」都想入去食，不過上次係午餐時間，好受返工人士歡迎，見到大排長龍，所以無試到！今次下午茶時間過來，等左一陣就入到去，叫左個下午茶套餐，揀左古井燒鵝配半肥瘦叉燒瀨粉，有埋凍檸檬茶，都係50幾蚊，好抵食💁🏻‍♀️ 燒味同瀨粉係分開上，古井燒鵝好好味，聽講係用自家祕制陳皮醬醃制內籠，用上5 斤半比雌鵝，食落口非常好味🤤 呢間係到香港必試的高質燒味

原本目標係試主角燒鵝 但比想像中有落差 皮不脆肉瘦 中規中矩 反而燒腩皮脆卜卜五花腩👍😋叉燒稍甜夠淋 加$6例湯不錯 以這個價錢可以接受嘅 中午食飯時間要等30分鐘先有位 試一次足夠啦！

又去咗我地至愛嘅灣仔區內人氣燒味店🥢 午市去親都大排長龍 今次特登兩點後去 等咗陣就入得😝今次照舊食黯然銷魂飯 🍚原本想食乳豬可惜又賣曬🥹🥹𖧧 黯然銷魂飯 $60 (+ 燒腩仔 $20）略有焦香嘅半肥瘦叉燒 配上兩隻誘人嘅太陽蛋😋撈埋蛋汁食真係一流今次另外加咗$20追加燒腩仔🤪外皮香脆鬆化 肥瘦均勻𖧧 黯然銷魂鴛鴦飯 $70冰燒鳳凰雞真係好出色🤤 肉質嫩滑 帶少少甜味𖧧 老火湯 $6是日靚湯係青紅蘿蔔豬骨湯 都幾足料 青潤啱晒冬天飲🥰

好耐冇食燒味 醒起灣仔有間lunch hour 成日排哂長龍既燒味店 今日就試下呢間「竺扶大班燒味」 🍽️ 十一點左右去到 餐廳已經差唔多爆場 臨走時仲已經有人排緊隊🙈🌟乳豬拼油雞$85乳豬外皮脆卜卜 外脆內軟 份量都唔少 豉油雞嫩滑入味配埋蔥油食一流！🌟燒鵝五寶飯 $88超豐富嘅五寶飯！物超所值😍至尊古井燒鵝 銷魂叉燒王 燒腩仔 玫瑰紅腸 鹹蛋半隻🥚店內對食材十分講究嚴選 5 斤半比雌鵝 再用自家祕制陳皮醬醃制內籠 唔怪之得咁好食😋叉瘦肥瘦均勻 色澤紅色 甜甜地好香口燒腩仔外皮酥脆 芥末較淺色 奶油感重啲 應該係自家製👍🏻📍竺扶大班燒味 (灣仔)灣仔三角街2-3號華欣閣地下3號舖

📍竺扶大班燒味😍香港一試難忘的叉燒👍～餐廳環境靚😍食物質素高🥳店員服務態度好👍出面勁多人排隊😨～金牌銷魂叉燒皇飯😍採用半肥瘦叉燒😍肉質鮮嫩🤪叉燒調味亦都做得好好🤤👍～黯然銷魂上湯瀨粉😍叉燒全部都係半肥瘦燶邊😘太陽蛋生熟程度啱啱好👍瀨爽口彈牙😘湯底亦都做得好好👍☺️～雖然好多人排隊😂但係啲叉燒真係好正👍下次有機會一定再嚟食🥰📍竺扶大班燒味 (灣仔)灣仔三角街2-3號華欣閣地下3號舖

因為喺附近返工，由佢新開舖已經開始食佢。一直都係食外賣，但呢間野出左名之後質素同服務都直線下降，越嚟越頂唔順。嗌切雞飯幾次都比埋啲餸頭餸尾，完全無肉食。服務一句講晒，就係: 超級差！以為上次服務差係個別事件，今日再比一次機會佢，完全係比錢買難受。外賣自取明明寫住拎得，先入舖頭諗住問下，未出聲問呀姐已經喝我，叫我外賣出去等，之後等左陣，發現個外賣原來一直都已經放左出嚟等拎。其實幫手睇一睇係咪真係咁難呢，完全都無比機會人出聲講野，總之就係以後唔會再幫襯

下班時間超級肚餓，與家人隨意找了一間茶餐廳吃晚飯，沒想到超級有驚喜 😍🔸乳豬五寶飯乳豬外皮烤至金黃酥脆，肉質鮮嫩多汁，搭配上特製的醬汁，口感和味道都超級好 🤩 其他四寶是油雞、叉燒、紅腸和鹹蛋，每一樣都很好吃超滿足 😋🔸冰燒鳳凰雞飯雞肉外皮微焦肉質很鮮嫩，重點是啖啖都是肉完全無骨 🥰 雞肉本身的醬汁甜中帶鹹好好吃 🤤🔸凍奶茶 / 可樂想不到隨意選擇的餐廳竟然有如此驚喜，又多一間可以經常去的餐廳了 😆

呢間燒味極高質好吸引，所以好多人幫襯，人氣十足😋🥢黯然銷魂鴛鴦飯 $70花多眼亂嘅可以揀呢款必食招牌之一，有半肥瘦叉燒＋冰燒鳳凰雞＋煎雙蛋仲可以加$10 轉鵝汁撈米，出面好少見，惹味好多😚叉燒燒得香口出色，冰燒鳳凰雞係烤焗過嘅，又係好滋味👍🏻🥢燒鵝五寶飯 $88有至尊古井燒鵝＋銷魂叉燒皇＋燒腩仔＋玫瑰紅腸＋鹹蛋半隻，燒腩好脆好正，其他都好高質🥣例湯呢日係合掌瓜紅蘿蔔粟米豬骨湯，多料又清甜👍🏻🥤凍奶茶茶底香，茶奶比例剛好，好飲👍🏻🚩竺扶大班燒味 (灣仔) @chukfotaipan 📍灣仔三角街2-3號華欣閣地下3號舖

最近在灣仔試左平日午市大排長龍既人氣燒味店-竺扶大班燒味。燒味雙拼飯搭配至尊古井燒鵝和豉油雞，燒鵝皮脆肉嫩，豉油雞醬香四溢，與白飯相得益彰。燒鵝五寶飯更是味覺盛宴，古井燒鵝選用的五斤半雌鵝，經過自家秘制陳皮醬醃製，皮脆肉滑，各種燒味口感層次分明。花生眉豆雞腳湯,這款湯品的味道十分醇厚，花生和眉豆的搭配讓湯底更添香滑口感，而雞腳的膠質則讓湯品更加滋補。湯中還帶有淡淡的香料味，喝上一口讓人感到暖心又舒適，十分適合搭配燒味飯食用。老火靚湯花生眉豆雞湯醇厚滋補，熱奶茶則是完美收尾，香滑順口。整體而言，每道菜都讓人感受到港式燒味的高水準，係香港必試既高質燒味餐廳！

呢間燒味飯係灣仔平日lunch time超級多人排隊本身自己鍾意食燒味特別係叉燒同豉油雞有晚收工要買外賣返去，就試下呢間燒味正唔正去到6.05pm左右，如果堂食暫時未洗排隊住係外賣已經排緊幾個隔多10mins多d，堂食開始要排隊🍛我就叫左豉油雞 配叉燒飯($54)之前係open rice睇過人地堂食d相好似幾唔錯d肉好似大大份又夠肥但一食外賣就出事了我份叉燒燒到黑炆炆，好似比晒d頭尾邊邊位我又乾，肉又少😟頭油雞份量都一樣少，大概每款得4舊仔肉我係女仔都覺得食唔飽😑🍛男朋友就叫燒鵝 配燒腩仔飯($62)佢話個燒鵝係好食燒腩仔就正正常常冇咩特別外賣我覺得唔好食，因為份量我覺得好少一份雙併燒味飯收$50-$60左右出面都多選擇但我就肯定唔會再幫襯

小編今日來到灣仔一間燒味店「竺扶大班燒味」，餐廳名字以「大班」為名，因在19世紀到20世紀初香港的外國商人俗稱「大班」，意思指「一流」，希望為街坊帶來一流的港式燒味，店內裝修時尚，牆上掛上「飛天貴妃雞」、「銷魂叉燒皇」、「霹靂火燒腩」等字牌，推介招牌乳豬燒味飯，港式經典燒味令人回味🙌🏻「乳豬五寶飯」一次過滿足吃燒味的慾望✅ 五寶包括乳豬、油雞、銷魂叉燒皇、玫瑰紅腸及鹹蛋半隻，主角「燒乳豬」芝麻皮黃金香脆，即表面呈現如芝麻粒狀而見稱，入口較酥香的芝麻皮色澤均勻，加上秘製醬料醃製，肉質嫩滑，肉汁豐盈🐷 另一主角「油雞」的滷汁以醬油、玫瑰露酒、花椒、八角等材料調製而成，雞肉滑嫩而入味，蘸上經典的港式薑蓉，令雞肉香味更添層次✨ 叉燒帶微微燶邊焦香，蜜汁香甜而肉味香濃，紅腸啖啖肉，加上鹹蛋帶蛋黃流油，搭配香氣四溢的飯，作為一道港式經典美食的代表，夠浪漫又邪惡😈🍽 ：乳豬五寶飯👅好味指數：8.0/10；💰消費：HK$98📍 地址：竺扶大班燒味 灣仔三角街2-3號華欣閣地下3號舖