竺扶大班燒味

外賣叉燒飯，要走燶走汁，去律敦治探病比病人食。結果如相片自己睇。佢個叉燒飯叫金牌銷魂叉燒皇飯，咁鬼燶食完真係銷魂。最簡單嘅叉燒飯都做得唔好，唔會再幫襯呢一間店。…ดูเพิ่มเติม

This is probably my 2nd favourite Chinese BBQ place in HK. This is one place that I would say all their stuffs are pretty decent. Especially their Roasted Goose and Crispy Pork, they were so well cooked. The meat were very tender, both their Roasted Goose and Crispy Pork were on the fattier side, so if you like them leaner, then this might not be the place for you. Their Cha Siu were pretty good too. They were very juicy😊and the most important thing is, they are so affordable. No wonder why theres always a queue.…ดูเพิ่มเติม

lunch time時間見咁多人排隊又有網上介紹話好食，今日去左試點知中伏。總共點了一個叉燒切雞飯，一個叉燒燒鵝飯，兩個例湯。叉燒味道好普通，只可以講唔柴皮既，唔難食既，但如果係要排隊就唔值得試啦！最離譜係啲切雞，斬到好細件好碎，全部都係冇咩肉得層肥雞皮，燒鵝其實不相伯仲，只係比切雞好少少！就算唔係啖啖肉，都起碼要比返一兩舊肉食下，唔係全部骨頭同皮。總括黎講，未試可以唔駛試，唔會再幫襯。…ดูเพิ่มเติม

最重要燒肉皮唔脆係淋,而個燒鵝係無香味,燒鵝皮唔脆肉係柴柴地,湯底係無乜味勁淡一陣胡椒味,而加錢嘅例湯亦都超級淡味似加水例湯甘,真係唔需要另外加錢叫,只係網上有人推介話例湯好好飲,所以加錢試下,但第一啖飲,心諗咩事,好似茶餐廳送嗰啲例湯咁嘅味道,例湯無限溝水甘嘅味,無需排隊食,坐係我隊面個男人食幾啖就走左,絕對稱唔上好食級別,有圖有真相,可能係灣仔附近街坊先落去食,講堅十分之普通嘅燒味同屋企樓下街市燒味嘅味道差不多…ดูเพิ่มเติม

平時去灣仔食燒臘飯都係去「再興」，今次試下呢間「竺扶大班燒味」，佢招牌菜係「黯然銷魂飯」即係叉燒煎雙蛋飯但要成六十幾蚊，咁就先試下佢嘅燒味雙拚先啦，如果好食下次再點，雖然價錢比再興貴少少但覺得物有所值，厚切濃邊半肥叉夠淋，燻蹄口感唔錯煙韌彈牙，醬汁惹味飯香鬆軟，夜晚繁忙時間都幾滿客，原本單人座了一個卡位為了遷就一家大細食客都被迫調了位，亞姐便特意送上一碗例湯作補償都幾窩心........☺️🤗😉…ดูเพิ่มเติม

嗰晚入大埔螢火蟲仲夏夜，大熱天時睇蟲前，整碗燒味飯、黎杯凍奶茶，人生樂事也。I’ve been to this siu mei diner in Wanchai before, noticed that its branch is now available in Tai Po, it’s my ritual to have their signature roasted goose and pork belly on rice, with my kind of saints under this hot weather: HK-style milk tea. The milk tea here is an absolute winner, so as their siu mei, as they prove themselves by a wall mounted with golden trophies and certificates. ☕️ Iced Milk tea: Served with crushed ice, their formula was very well articulated, perfect balance between the tea & authentic brand of evaporated milk, most importantly, it’s prepared by a cheerfully hyper staff at the open kitchen counter. Three thumbs up (if I happen to have an extra thumb)! 🐤 Roasted goose & roasted pork belly: The sauces are gem, sweet tangy house-mixed mustard sauce for the crispy pork belly, and unlimited self-served candid plum sauce for the golden roasted goose. Skin light and thin, in-between that and the flesh goes the legit layer of shimmering fat, that’s how a delicious piece of roasted goose should be. 🥕 Veggies in soup & Soup of the day: Crunchy, fresh, well blanched, kept in luscious green, this choy sum is what you’ll need to go with the siu mei. Never forget a complimentary bowl of comforting carrot & turnip with pork soup. …ดูเพิ่มเติม

去到餐廳門口已經見到好多人企喺到等入座所以拿拿林攞張飛先呢間好多人話出名食叉燒燒鵝所以嚟食得梗係嗌名物食吓等咗約莫15-20分鐘左右就入座分別叫咗叉燒燒腩瀨粉（$54)同埋叉燒燒鵝瀨粉（$62)嘢食一嚟到就即刻食咗舊叉燒先可能我唔記得咗叫半肥瘦吧食落去覺得無咩特別 肉質口感偏乾身醬汁較咸 因為天氣熱 所以我叫咗瀨粉覺得配飯應該會好啲燒腩仔就皮脆 唔錯嘅燒鵝就三樣入面覺得相對好食嘅伴碟嘅菜 就建議最好唔好食喇因為我諗住放落湯再食嘅時候就見到湯面飄浮著... 明嘅就明啦整體來說 個人而言 正常發揮 無咩特別要排隊食就未必會再返桌…ดูเพิ่มเติม

呢間係唔少打工仔嘅Comfort food，但最近都成為咗遊客嘅熱店。平時鍾意叫佢嘅豉油雞拼燒腩仔飯，燒腩仔脆口，其實都偏肥，但咁先好食⋯豉油雞好嫩滑，醬油甜甜地超好餸飯，另外通常都會加個老火湯，因為呢度啲湯都幾足料，幾好飲。一星期每一日都會有唔同嘅湯。…ดูเพิ่มเติม

唔會再幫襯！本身屋企人生日，諗住加餸叫個金牌叉燒拼燒腩仔，點知完全係災難。叉燒勁肥，肥膏佔成一半，咬落無肉味又唔夠香，啲醬都救唔返；燒腩仔更加離譜，完全唔脆皮，肥到離晒譜，變成「燒腩佬」，同街市臨收工賣剩嘅一樣，根本唔值呢個價錢。呢餐真係食到一肚氣，完全影響晒個慶祝心情。作為一間聲稱有口碑嘅燒味舖，咁樣嘅質素真係好離譜。絕對係真實食評，唔係誇張、唔係針對，只係真心分享，等大家唔好中伏，都唔好浪費時間排隊！…ดูเพิ่มเติม

【Comfort Food。港式燒鵝】灣仔是午飯戰鬥區，這家走茶餐廳風格的燒臘店，更是每天必排人龍店，遊客也很多。餐廳裝橫主調是以金色為主，店裡空間不大，人多時是需要拼座，充滿香港特色味道。❈ 至尊古井燒鵝+金牌銷魂叉燒王飯HK$62❈ 熱茶走HK$5 (跟餐）古井燒鵝是招牌菜之一，用自家祕制陳皮醬醃制，皮脆多汁，鵝肉味濃，在口中散出淡淡油香，滋味豐富。半肥瘦叉燒肉質嫩滑，甜甜的帶點有焦香味。港式奶茶茶味香濃，轉換了練乳，讓口感更滑溜。…ดูเพิ่มเติม

呢主打傳統港式燒味，走平民親民路線，但質素唔輸大牌子。今次試咗佢哋最招牌嘅叉燒瀨粉，加埋老火湯，價錢抵食，味道有驚喜！🥩 金牌銷魂叉燒王皇 上湯瀨粉 $52叉燒夠厚切，表面微焦，蜜味突出，肉質鬆化唔鞋口，啖啖都係肉香同甜香，真係幾銷魂。瀨粉煙韌唔糊口，吸到湯底精華，上湯味濃但唔鹹，飲晒都唔覺膩。🍲 老火湯（+$6）當日係節瓜螺頭煲豬骨，湯色清透，入口鮮甜，飲得出係真材實料慢火煲出嚟，唔係味精湯。配埋主食，成餐有菜有湯夠晒滋潤。成間舖乾淨企理，出餐快，啱晒附近街坊或者上班族快快食返餐，叉燒控一定要試！…ดูเพิ่มเติม

驚世！！！見一個救一個！！！兩個人食見有人排隊千祈唔好排隊等,排喺你後面四個人可以插你隊先入座,遲過你嚟多過四個人又可以插你隊,門口個位阿姨仲會昆你話有人就起身埋單等多兩三分鐘就入得,結果係流料吹水,絕對無人兩三分鐘埋單,等到天荒地老,等都唔係問題,唔好吹水,我再等後面再有四位嚟,你繼續畀佢插隊,咁我要等到幾時先有得食,絕對冇下一次…ดูเพิ่มเติม

我係去開竺扶大班餐廳嘅常客，基本上每一至兩星期就會黎食一次，視乎餐廳繁忙時段，堂食同外賣都有食開。今日食完堂食係我食過最差嘅體驗，決定要寫食評同各位食客分享。以下係平時食開嘅D7叉燒燒鵝飯，$62。可見叉燒燒鵝有一定厚度，係竺扶大班平時正常發揮嘅半肥叉。平時食前都已經覺得好香，飯配肉汁真係好好味，唔鹹唔乾，普通男子都會食得飽同滿足。今日同家人三個人12點到餐廳，大概係繁忙時段嘅開始，等了5分鐘左右就可以入座。以下呢個係今日嘅D7叉燒燒鵝飯。落單後5分鐘之後就上碟。賣相/份量：有四塊叉燒同五塊燒鵝同一條菜心。上碟時我以為自己眼花，叉燒好薄，薄得離譜，唔講以為自己叫左鵝片飯咁薄。五塊燒鵝只有骨同鵝皮，只有中間有兩塊有啲肉。味道：叉燒唔硬但又薄又乾，實在食唔出平時有炭燒嘅味道，亦聞唔出平時熟悉嘅香味。五塊燒鵝入面兩塊有啲肉嘅燒鵝只是合格水平，剩餘三塊只得骨頭。白飯亦都配咗好少汁，唔夠平時咁熱。飲品叫左杯凍檸茶，正常普通。除左D7叉燒燒鵝飯，媽媽亦都叫左一個五寶飯$88，包括有叉燒、燒鵝、燒腩仔，同埋紅腸鹹蛋。忘記影相，但可惜叉燒燒鵝一樣薄，燒腩仔好肥，紅腸一般，鹹蛋份量一樣少。同員工作出即時反映，一個肥妹職員都同意今日嘅叉燒同燒鵝都好薄，但佢唔肯更換我哋嘅飯，話今日唔同師傅唔同切法，下次落單時要要求厚切。我同家人都呆左，只好無奈地開始食飯，食左兩塊薄叉燒先忘記未影相，就影左以上呢張相。可能係份量少，只用咗十分鐘左右好快就食完個飯。飲品仲剩成杯未飲，有個短白髮婆婆嘅員工同我哋講而家係繁忙時段，已經請示想我哋離開。雖然我哋都知餐廳開始變得多人，但我哋10分鐘食得快而又咁快俾員工請示，實在食得好唔滿足。三人埋單連飲品$233。身為長年竺扶大班嘅食客，見到1)食物份量減少，2)質素下降，3)員工態度變差，實在覺得失望，今次食得唔開心、唔滿足同埋唔飽滿。我估可能係有新師傅入職唔同切法，可能係繁忙時段嘅原因，但這些都唔係食物份量同質素變少變差嘅藉口。如果食物質素繼續唔一致嘅話實在好可惜，短期間內我都暫時唔會想去住了。…ดูเพิ่มเติม

来香港怎么能错过烧鹅叉烧呢？我有试过好几家博主推的网红店，我个人觉得远不如这家。他家虽然也是在推荐的必吃榜上，但是真的是名副其实的好吃‼️✔️😃黯然销魂饭 大力推荐‼️非常值得‼️里面有两颗太阳蛋，(想要煎熟一点可以跟老板说),烧鹅跟蜜汁叉烧的味道咸甜口，而且肉质超嫩，搭配上调制的特色酱汁裹在米饭上，不知不觉一碗见空。我们八个人都不约而同的夸赞，太好吃了。✔️😃烧鹅五宝饭 招牌单品之一 内容齐全 可以一次吃到烤乳猪 烧鹅 叉烧 红肠 等等 里面还很稀罕配了半只咸鸭蛋 每一样都很不错 。✔️😃 例汤 超高性价比 好像只要多加10港币吧 相对于动辄100港币的饭来说 真的很平 而且里面肉块还蛮多的 汤也很浓郁 挺好喝的 很像家里煲的骨头汤。✔️😃冻鸳鸯 超级好喝，记得一定要点！注意⚠️不要选成热的，那会是两个完全不同的品种 。…ดูเพิ่มเติม

朋友知道我食過發達叉燒，堅持要帶我食吓呢間佢覺得更加好味嘅叉燒。叉燒油雞米叉燒真係好柔嫩，肉味夠香油份又適中，蜜味剛好就係少咗啲焦香味，不過都算係出色嘅叉燒。至於油雞肉質唔算好腍，雞味一般。燒鵝叉燒鵝汁撈粗燒鵝幾香，肉質都唔柴皮。用鵝汁撈粗又真係幾惹味。如果直接比較叉燒我覺得呢間都算係非常好，同發達叉燒不相伯仲。至於環境方面呢度地方淺窄，食嘢都係要搭枱。不過整體感覺輕鬆啲，食得比較自在，冇發達叉燒食得咁緊張。…ดูเพิ่มเติม