竺扶大班燒味

营业中

休息中

灣仔有間燒味店，Lunch Hour經常大排長龍，主打多款港式燒味，另可按個人喜好選擇主食。店內環境較細，多人時預咗要搭枱，勝在上菜速度夠快，而且大家食完就撇，深受上班族歡迎。招牌菜有古井燒鵝，用自家祕制陳皮醬醃制內籠，味道濃，皮脆汁多，唔膩。私心推介叉燒皇，肥瘦均勻，肉質嫩滑，味道適中唔會過鹹。豉油雞神奇地滑，啖啖肉好滋味。燒腩仔偏肥，入口即化，外皮夠脆。主食有上海粗麵、瀨粉米線或飯。麵條軟硬度啱啱好，不過人更喜歡飯，撈埋甜豉油同蔥油真係可以食多幾碗。湯品都唔錯，無味精，每日更換唔會悶。