神燈海鮮酒家 (18廣場)

营业中

休息中

位於佐敦長樂街< 𝐋𝐚𝐧𝐭𝐞𝐫𝐧 𝐒𝐞𝐚𝐟𝐨𝐨𝐝 𝐑𝐞𝐬𝐭𝐚𝐮𝐫𝐚𝐧𝐭 >, 一間懷舊粵菜酒樓, 裝潢以江南蘇坑的故典風格為主。最近推出一口價午市點心, 每款平均都是$²⁵, 相當抵食。晶瑩蝦餃皇 $²⁵蝦餃非常大粒, 內層放有鮮甜蝦肉, 質感爽口彈牙。黑金流沙包 $²⁵包點口感軟綿, 再帶點煙韌, 內層放滿濃郁奶黃流沙。沙律明蝦角 $²⁵外層酥脆, 內層加入蝦肉、甘筍及西芹粒, 旁邊放有西式沙律醬調味, 層次感豐富, 這個推薦!香煎蓮藕餅 $³⁰爽脆蓮藕配搭新鮮鯪魚肉, 帶有雙重口感, 很好吃呢。鴽鴦腸煲仔飯 $⁶⁸焦香飯底配上油香臘腸膶腸, 再散上秘制古法頭抽, 十分惹味。杞子桂花糕 $²⁵帶有甜甜桂花香氣。3.6牛乳布甸 $²⁵奶味香濃, 入口綿密, 質感極滑。神燈海鮮酒家 (佐敦)📍佐敦長樂街14-20號18廣場地下及1樓

位於佐敦的中菜館，網上評論這是一間高質的新派粵菜，而且裝潢滿有格調，座位亦算寬敞，算是一群朋友聚餐的好地方吧!法式蜂蜜芥末蝦球 $148蝦球爽脆彈牙，外脆內嫩，甜鮮解饞! 蝦球炸得十分香脆，芥末醬份量適中，不會太嗆鼻! 很合佐酒懷舊蝦多士 $158蝦多士香脆，每一口都充滿厚實的蝦肉! 外脆內嫩, 蝦肉十分彈牙, 味道鮮甜又爽口, 麵包表面更是舖滿了芝麻，十分香口啫啫芥蘭煲 $108一上菜時蝦膏醬十分香濃，香氣陣陣撲鼻，我以為會很好吃! 可惜芥蘭有點老，吃下去有點苦澀的味道, 而且有部分更炒得有點黃神燈小炒皇 $158小炒皇用了很多款不同的材料拌炒而成，有豬板筋、油炸鬼、四季豆、腰果、蝦乾等，口感很豐富，真的是佐酒恩物! 可惜有點太鹹，因此一定要連同白飯一併進食即燒伊比利亞叉燒皇 $228高質素的叉燒王，肉質非常豐厚，肥瘦比例適中，叉燒的邊位焦香，每一口都十分鬆軟可口；蜜汁調味剛好，而且帶點麥芽香，非常好食

星期六中午去咗飲茶~ 呢間酒樓午市點心幾扺食👍🏻 種類多不勝數，啱晒一家大細來聚會～ 啲姐姐幾友善，服務唔錯😃 酒樓有兩層，上下層地方都好闊落，4至十幾人枱都有，地方算整潔。我哋叫咗八個點心都係三百幾蚊，茶芥兩位就+20%☕️🫖燒賣，蝦餃，蒸排骨，鳳爪例牌必叫👍🏻 三蒜香醋燻蹄，蒜味十足，惹味涼拌小食😋 芝士長春卷好特別，長長一條食得特別過癮😜 XO醬炒蘿蔔糕第一次食，外脆內軟口感唔錯🥰 最後黑金沙包流沙奶黃好流心，都係經典嘅點心之一❤️

🫖好整無飲過茶，咁岩係附近做完身體檢查，就係附近睇下有咩好食🔸XO醬蘿蔔糕蘿蔔粒大細岩岩好，一啖一粒，XO醬落得夠，所以無舊都夠哂味，蘿蔔糕外層脆脆地，外面就好軟綿綿🔸黑金流沙包流沙包係飲茶必點，包既口感軟熟得黎帶點煙韌，入面好層次感，流沙餡唔會好甜，做到流沙效果🔸晶營蝦餃皇蝦餃好大粒，入面全部都係蝦肉，每隻蝦都好大隻同爽口🔸香茜牛肉球淡淡既芫茜味，唔食芫茜既都唔怕，牛肉球好有彈性，食落有咬口🔸醬皇蒸鳳爪味道唔會好濃同咸，都蒸得夠腍，啲骨易咬開🔸芝士長春卷除左芝士，入面仲有蝦肉，芝士既咸香，加埋芝肉，味道都幾夾🔸椒鹽魷魚鬚份量唔係好大，2個人都唔怕食唔哂，無條長短切得差唔多，食得好方便，魷魚彈牙

# 神燈海鮮酒家 （太子）比較少去太子呢邊，有時候都唔知食咩好，所以搵左一陣見到有間酒家個名幾特別，於是就入去試一試😆唔知入面有無燈神呢？點心來說款式選擇比較多，總共點了幾個點心🤩蟹肉瑤柱蛋白炒飯 $68呢個炒飯非常香口，蛋白香味岩岩好，又唔會太油👍🏻藍莓一口骨 $30性價比極高，在酒樓比較少見這種，酸酸甜甜，十分惹味😋羅宋湯鮮竹卷 $25點心很多都是一口價的，所以這個如此特別的配搭必須一試🤩好味指數：8/10性價比指數：8/10

平價高質午市點心推介神燈海鮮酒家 （佐敦）～～～～～～～～～～～～～～～今日黎到佐敦搵嘢食🥰呢一間神燈海鮮酒家啱曬一家大細去飲茶，價錢相對便宜， 點心平均一份$25元左右。小編一共叫咗8份點心，包括蓮藕餅，蝦餃，蘿蔔糕，黑金流沙包，豆腐金磚，牛肉球，炸魷魚鬚，鹹水角 （全部都係點心必食精選哈！！）食物大部分都很好味，值得試嘅係黑金流沙包同埋豆腐金磚😊😊黑金流沙包一咬下去淡淡流心奶黃香味，麵包鬆軟～～～超級邪惡～～另外豆腐金磚外脆內軟（ 小編對豆腐金磚非常有研究， 幾乎每次飲茶或者打冷都會叫，呢一間嘅豆腐金磚非常正，脆卜卜配上椒鹽非常香口🥰🥰）正呢～～～

食得多西餐 有時都要食下中菜平衡番🤓誤打誤撞OpenRice見到呢間幾多好評 所以就試下😉地點其實幾方便 ⚠️不過揸車就有少少難搵泊位😅神燈既菜式係幾特別既 創意Feel但可惜今次兩個人試唔到太多野🥹唔覺唔覺又叫左幾樣炸野🤦🏻‍♀️好在佢炸粉唔太厚姐！但味道就普普通通蝦個汁係幾好既 但我麻麻地佢個肉質….好多人介紹既伊利比亞叉燒皇 🔱$200幾蚊一碟 性價比唔高 有點失望..雖然的確食得出肉質係唔同d 但略嫌太有咬口 好韌🫠個人比較喜歡鬆化D果種

🔮朋友知我鐘意食中菜，所以介紹左我黎「神燈海鮮酒家」，呢度裝修雅致舒適，菜式比普通酒家創新豐富，仲好有質素！好彩一定提早book位呀，因為當晚全場滿座！🦀️糯米炒蟹膏（$568）用上14兩斗門蟹配生炒糯米飯，蟹汁滲透飯粒中，啖啖都係蟹膏及蟹肉既鮮香。糯米飯炒得粒粒分明，口感煙韌豐富，果然係完美既配搭！👅蜜汁脆燒鱔（$268）肥美既白鱔燒得皮脆肉嫩，入口彈牙充滿油脂香，配上蜜汁特別香甜惹味呀！✨伊比利亞叉燒皇（$248）色澤賣相非常吸引，肉質軟腍有彈性，火喉控制得啱啱好，味道都唔錯！我就鐘意食瘦叉，所以略顯多了少少油膩感。🥢神燈小炒王（$168）越式牛肋骨（$168）💁🏼‍♀️另外仲試左兩款特式小菜，大大碟好夠份量，最緊要鑊氣十足。食完仲有甜品糕點送，職員服務態度良好，成餐飯享受又滿足，下次一定會再幫襯！

朋友食過介紹就算我唔係太好中菜都覺得好食首先種類繁多 花多眼亂樣樣都想試 但今次得5個人所以唔試得好多最可惜係七點幾黑松露燒鵝已經賣晒柚子海蜇頭 非常爽口加上柚子香味 好夾蜜汁燒鱔好正 脆脆地炒大大隻蟶子 仲可以跟人頭加隻數椒鹽魷魚群邊好惹味 最啱配酒蒜香骨味道好好 但肥咗少少咬落去食到啲肥膏啫啫芥蘭煲好有鑊氣👍🏻麥皮蝦係全晚最差嘅啲蝦有啲霉霉地 唔係好新鮮總括成餐都好 員工服務都好好又唔會急住趕你走可以一邊食一邊慢慢傾偈值得再去 仲有好多嘢想試

👧🏻Caca今次黎到佐敦搵隱世美食，據聞果度有一間傳統手藝中菜，跟住神燈🏮就可尋找美食秘笈📜喇！#神燈海鮮酒家 位置雖然隱世，但全場坐無虛席，除咗見到魚缸生猛巨型游水海鮮🦞，仲有好多巧手小菜架！👧🏻Caca今次食乜嘢？🦀糯米炒膏蟹 $568 - 原隻巨型肉蟹，同糯米飯一齊焗製，一打開蓋就聞到蟹香米香，食落啖啖鮮甜嘅肉蟹，配以糯米飯，色香味俱全！🐷即燒伊比利亞叉燒皇 $228 ✨面層閃閃發光嘅叉燒醬，已好吸引，食落肉香不膩，不愧為叉燒之皇！🦆黑松露玻璃燒鵝1/4隻 $238 黑松露脆皮簿而香脆，燒鵝肉汁飽滿，好滋味！🍲金湯海皇豆腐 $138 海鮮有魚、蝦、帶子等非常足料，金湯濃郁香甜。🍤懷舊蝦多士 $168👍🏻👍🏻超推脆炸多士咬落好似薯片咁香脆，同蝦係絕配，必點沙律醬伴食😋😋

👍🏻 糯米炒膏蟹🦀一大煲熱辣辣嘅糯米炒膏蟹 打開煲蓋時仲係滾下滾下 超級吸引☺️姐姐等我地影完相後 即刻挖底 完美既飯焦就係咁出現喇！下面嘅糯米飯吸收左蟹既鮮甜味 而且混入左蟹膏 越嚼越香👏🏻份量都頗大 要share先得 👍🏻 翡翠珊瑚炒帶子帶子好厚肉 輕輕煎香😇加埋珊瑚蚌 一齊炒西芹 整個菜充滿鮮味 鑊氣十足🔥 食完感覺好清爽👍🏻 伊比利亞叉燒皇叉燒色澤光亮 肥瘦比例岩岩好 每一啖脂肪都有融係口既感覺🐖食落口肉汁滿滿 味道偏甜👍🏻 黑松露玻璃燒鵝 (1/4隻)中西合璧嘅新穎菜式👦🏻估唔到燒鵝用上黑松露調味都幾夾 黑松露味道好香 連鵝肉都醃到入晒味！✅注意事項⚠️- 有茶芥、前菜、加一☺️最後會送甜品添- 餐廳環境舒適 裝修有古色古香既感覺🌈店員服務有禮 好主動換碟🍽

最近同老婆愛上飲茶，見到呢間野都多好評，價錢又大眾化，所以黎試下個點心放題。$196包曬茶錢同加一。好嘅嘢就講到呢度為止… 因為呢度除左價錢尚算okay，服務一般，但d點心啊小菜啊真系冇一樣係好味.. 已經係度諗點解間餐廳會有咁多好評… 跟住食食下仲發現蝦餃下面有小強🪳真心再叫唔落去… 同姐姐講.. 佢只話「唉呀 唔好意思啊，再叫過第二d野食啦」 其實仲邊有胃口食.. 結果後尾都未飽就俾錢走人，唔會再俾第二次機會…

Bookmark左呢間佐敦中菜館一段時間，今日約埋屋企人一齊坐低食餐好既，餐廳環境乾淨衛生坐得好舒服，而且有多款得獎名菜，一於揀幾款人氣推介先~✨糯米炒膏蟹 ($568)呢個糯米炒膏蟹係餐廳既招牌菜，當然要試下啦，店員一打開蓋已經聞到好香蟹鮮味，滿滿既蟹膏撈埋炒香左既糯米一齊食，鮮味十足，膏蟹好新鮮所以蟹肉特別鮮甜，推介💯✨伊比利亞叉燒皇 ($248)用上矜貴既伊比利亞豬肉做既叉燒口感特別腍滑，燒到燶邊既效果最好食，色澤均勻，肉質軟嫩多汁👍🏻👍🏻👍🏻✨(1/4隻) 黑松露玻璃燒鵝 ($238)燒鵝就食得多，加埋黑松露仲要係黑色既燒鵝真係第一次見，估唔到又幾夾，燒鵝皮燒到好香脆，食落有淡淡既黑松露香，肉質嫩滑多汁，高質☺️✨白灼牛三寶 ($188)白灼牛三寶有牛肉、牛黃喉同牛柏葉，牛肉味道香濃有嚼勁，牛黃喉係牛既動脈，白灼過後口感爽脆，牛柏葉爽口新鮮，份量十足😉✨金湯海皇豆腐 ($138)豆腐好滑溜，配埋鹹蛋黃煮既湯底，鹹香十足，送飯一流😋😋😋

喺佐敦長樂街有間隱蔽嘅海鮮酒家，佢就係神燈海鮮酒家。佢哋嘅菜式好特別，有啲係喺其他地方未見過，亦好多人都推介，所以呢次專登嚟一試究竟。糯米炒膏蟹一個大鍋上檯，而且上檯嗰陣仲有嗞嗞聲，喺打開蓋啲飯香就湧入鼻腔，飯入面嘅鮮味喺飯香都感受到。膏蟹嘅份量好大，蟹肉夠哂鮮甜，當然佢啲膏就勁多，同糯米飯一齊食就更甘香。黑松露玻璃燒鵝呢隻燒鵝我第一次見，係一隻呈黑色嘅燒鵝，而喺香脆可口嘅鵝皮上面仲有陣陣嘅油光，可見燒鵝夠哂肥美，而佢黑色皆因係用黑松露，所以除咗燒鵝本身嘅油香之外，仲帶有陣陣黑松露獨特嘅香味，而味道又同燒鵝出奇地夾。伊比利亞叉燒皇用嚟自西班牙嘅伊比利亞豬所做嘅叉燒，肉質較其他嘅細嫩，仲有陣陣嘅果香，而配埋店家特製嘅叉燒醬，更能突出伊比利亞豬嘅優點。神燈小炒皇呢個小炒皇有別於平時食嗰啲，用料都有所不同，呢個小炒皇有豬板筋、油條、四季豆、馬蹄、腰果、蝦乾等。豬板筋同埋油條都有滿滿嘅油香，加埋新鮮爽脆嘅四季豆同馬蹄粒，仲有香脆嘅腰果同有咸鮮風味嘅生曬大蝦乾，令呢個小炒皇變得別具特色，口感味道都更有層次。

神燈海鮮酒家推出2小時午市點心放題已不是新招, 之前2021年推出的點心放題還包括任食燒乳鴿,雖然價錢平日要163元一位, 假日接近200元1位, 但當時想訂座都冇位, 近日又見到神燈推出新的2小時點心放題, 不包括任食燒乳鴿, 但價錢平日只要148元一位,真係好耐冇去飲茶, 今次就前往一試.由佐敦地鐵站B1出口行過去都好近, 但由大路轉入長樂街的小路時就要小心,因路窄又加上地面不平, 我姐就不小心跌倒了, 好彩冇事.酒家在2樓, 除了行樓梯外, 原來旁邊的大廈有電梯上樓, 不過要從後門入內.當日入座率約五成, 我們枱的一邊是吉枱, 另一邊則與鄰枱隔著一片長膠簾, 坐得安心舒服.第1張單點了13樣食物, 而漁夫醬海蝦則要了2份.食物在10分鐘左右陸續上枱, 每碟都係細細碟, 基本2件, 其實咁樣食點心放題最好,可以試多幾款, 覺得好味的可以重複叫. 其中麻醬粉皮漏單冇來. 最期待的漁夫醬海蝦大約食指般長, 1客有3隻, 2客就來了6隻,但食落就覺得肉質霉而不新鮮. 每枱客人送1碟燒腩仔, 我們2人共有6小件.不過其他點心都唔錯, 包括小排骨, 炸蝦角, 雞肉丸, 燻蹄, 茄子. 冇叫的