神燈海鮮酒家 (18廣場)

营业中

休息中

菜色精緻，味道出色，裝潢典雅，這家餐廳在我的預備list已很久，今日終於有機會吃店家非常多人，一到七點已經高朋滿座！想來吃記得訂位典雅又不失氣派的裝潢，座位跟座位之間的空間感還好， 坐得滿舒服的侍應的服務相當好，禮貌周到，值得一讚食品糯米炒糕蟹$568未上菜之前還有些微質疑到底值不值這個價錢，當我揭開蟹蓋之後就知道值得了蟹黃暴多，蟹肉多而紮實，用來煮糯米飯有點難以置信，因為這新鮮程度應該是直接蒸煮更強吧！翻開鍋底的糯米飯， 似是有少量飯焦，混合蟹黃的油香，爆好吃！這隻膏蟹配合這個簡單的糯米飯飯焦，洋溢令人感動的美味黑松露玻璃燒鵝（ ¼隻） $148鵝肉相當肥美，外皮早已割分開，漆黑的外皮相當爽脆！一口咬下黑松露的香味滿瀉！原來加入了黑松露烤製，難怪松露味那麼香濃！沾上鵝油汁再吃，又別有一番風味。伊比利亞叉燒皇$228伊比利亞叉燒入口即化，脂肪並非偏向一邊而是非常平均的分布，外皮爽脆又帶點蜜糖的香味，伊比利亞豬特有的豬香非常誘人，是從未有過的叉燒體驗神燈小炒王$168豬肉，蝦乾，銀魚，吊片，菜圃，腰果，豆角每間餐廳都有不同的小炒王，這家的最特別是有豬肉跟吊片，另外還有相當爽脆的油炸鬼薄片

近來朋友食完一間海鮮酒家讚不絕口，於是我都襯週末嚐嚐他們的午市點心小菜。一進入上一條旋轉樓梯，即到達他們的主廳，內裡環境相當闊絡，地方寬躺，真係可以好好享受一頓午餐。淨睇菜單都感到非常型格吸引！其實都有一段時間無去酒樓、茶樓，飲茶歎番杯了。金磚滑豆腐份量不少的金黃色金磚豆腐，外皮細薄，內裡還保持嫩滑口感，而且表面更撒上點點調味粉，食落更添惹味可口。鮑汁雞腳雞腳經鮑汁炆煮了一段時間，令雞腳滲滿了鮑汁，入口軟腍，骨膠原味甚濃。.上湯杞子娃娃菜新鮮的娃娃菜，搭配清甜的上湯杞子，入口清爽可口，鮮甜爽嫩，口感豐富。水牛城雞翼雞翼做到酥脆可口，加上水牛城醬，入口香脆中帶點肉汁，微微香辣，非常開胃！黑金流沙包黑金流沙包即叫即蒸，口感熱燙燙，外皮軟腍，一搣開即時流出奶黃流沙的餡料，澎湃餡料，令人愛上。北菇滑雞煲仔飯午市都有煲仔飯食實在難得，他們這款即叫即煲仔飯一打開已聞到陣陣香味！米飯做到乾身之餘，粒粒分明，而且雞肉嫩滑鮮甜，冬菇也吸收了雞汁嘅精華，來到真係必食之選。

神燈海鮮酒家 (佐敦).呢間我食過幾次晚市已經覺得正，之前佢好似做過點心放題但好似太full 就唔到時間🥹 今日過黎食點心，好耐無飲茶好好食🤭💜.▪️手拍青瓜· 金磚滑豆腐 ▪️.個手拍青瓜重蒜味，但個汁又夠酸甜，勁好食！ 豆腐即叫即炸，外皮炸粉唔厚又酥脆，入面勁滑嘅嫩豆腐！.▪️原籠蒸馬拉糕▪️.好耐無食過馬拉糕(˶‾᷄ ⁻̫ ‾᷅˵) 唔會太甜又鬆軟.▪️羅宋湯鮮竹卷▪️.好新鮮嘅配搭，羅宋湯好似蕃茄湯咁得酸開胃，鮮竹卷就索曬啲湯汁.▪️ 醬皇蒸鳯爪▪️.🤭唔會食到脹卜卜但有味又好食.▪️蝦仁燒賣·晶瑩蝦餃王·鮮蝦菠菜餃 ·豉油皇煎腸粉▪️.太耐無飲茶兩個人叫左勁多野🤭燒賣四粒大大粒，蝦餃三大粒但係超大個蝦肉，水晶皮夠煙韌💜 菠菜餃係男朋友喜歡，佢表示唔落辣油更好食豉油皇煎腸粉完全係乾炒牛河味變腸粉version🤭.▪️迷你珍珠雞▪️.一人一隻啱啱好，好似有少少鹹蛋黃，肉絲等配料.📌 神燈海鮮酒家 (佐敦)佐敦長樂街14-20號18廣場地下及1樓.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

佐敦神燈飲茶🫖🕯️✨🦥鬧市中神秘隱世的有質素酒樓，設有「一口價」午市時段，每款點心、小食也有優惠價，抵吃高質！環境方面也有心思，以古式優雅為主題，灰白色的懷舊橋很引人注目，讓你進入懷舊古代情懷。《鮮蝦菠菜餃》 $25新鮮彈牙，有嚼勁，菠菜與鮮蝦融合，配合薄皮的餃子，真材實料，而且size也很大隻，足料美味！《黑金流沙包》 $25外表黑色的包，畫上一條金色的線條，高貴的奶黃包，包軟熟，流沙感很治癒，香滑濃厚的奶皇和咸蛋黃的味道。《三蒜香醋燻蹄》 $30蒜香味超濃郁的燻蹄，三重的蒜蓉舖滿了燻蹄，燻蹄肥瘦適中，膠質豐富。《妙𪘁乳鴿(紅燒）》$58紅燒的乳鴿仔，乳鴿皮脆口，厚肉嫩滑，非常惹味。《雲耳百合鮮准山》$30健康養生之選的小吃，蔬菜類的選擇，新鮮淮山配百合，天作之合之小食。《3.6牛乳布甸》 $25甜品也有多款選擇，特別在中式酒樓有3.6牛乳布甸，很有趣呢！味道也不錯，香濃滑溜的牛乳布甸。總結：佐敦神秘的神燈酒樓。

睇完youtube介紹呢間放題好好食 , 點知 前兩日去book位，佢話已經冇咗成兩個月喇 , 不過佢話有個新 promote , 就係一口價 25蚊 點知睇過餐牌 唔係樣樣都係$25 , 有啲食物去到$68 , 冇所謂啦諗住一心試新嘢 就係黑松露玻璃燒鵝 , 點知原來要提早預訂 , 冇都算啦食其他點心 , 嘢食一般 , 鮑汁雞腳唔淋， 蝦餃 燒賣一般 , 羅宋湯鮮竹卷一般 , 瑤柱蛋白炒飯冇味 , 椒鹽鮮魷邊唔好食 , 所以成個午餐最好係就個鐵觀音茶，餐具唔係好乾淨 , 筷子黐立立 隔住塊膠布沒有清潔有污漬 , 沒有下次

飲茶除左同屋企人飲之外，間唔中都會同朋友去飲。經朋友介紹佐敦一間名叫「神燈」既酒家。餐廳午市唔算好多人，眼見大多數都係一班同事/家庭聚會黎食，而成間酒家除左我地尼枱，仲有一台後生仔女黎食點心。依家飲茶都逐步年輕化，畢竟點心款式多，份量一人一件岩岩好。 ✨點心類 $25/份⦁蝦仁燒賣：蝦仁非常大粒。⦁豉汁蒸排骨：排骨蒸得好淋，d肉不粘骨，易咬！⦁醬皇蒸鳳爪：好入味，如果有少少辣就仲好。⦁黑金流沙包：放耐左少少，食果陣依然流沙，抵讚。👍🏻⦁迷你珍珠雞：一盅兩件，入面好足料！⦁沙律明蝦角：外皮非常脆口，入面都有好多蝦仁，配埋青瓜沙律醬，好惹味！⦁香煎蘿蔔糕：尼款係重蘿蔔果種，配埋佢地既辣醬，酸辣口味，非常特別。 ⦁紅燒妙齡乳鴿 $58⦁鴛鴦膠煲仔飯 $68午市時間，我地居然嗌到好似人地食晚飯咁。不過朋友之前試過餐廳既乳鴿，紅燒得超香脆，一定要嗌俾我試，我試完都覺得，必嗌！😂而果煲仔飯最正係飯粒粒粒分明，仲好易整到飯焦。朋友非常喜愛！

餐廳位於佐敦，主打多款中式小菜，午市更有點心食😜 裝潢以江南蘇坑嘅古典風為主調，有上下兩層，座位闊落，環境舒適，星期六日同屋企人過嚟飲茶就最合適不過了🫖蝦仁燒賣絕對係飲茶必點嘅點心之一，口感紮實得嚟夠彈牙，肉汁鮮嫩，份量十足，極度推介💗 香茜牛肉球都好正🤪 牛味濃郁，肉質新鮮，咬落去啖啖肉咁好滿足呀～ 好耐都冇食過咁大粒嘅牛肉球了🤣薑汁雞包仔比較少見，餡料飽滿，外皮都唔算太厚～ 私心推介黑金流沙包，內餡熱辣辣，味道鹹甜鹹甜咁忍唔住一啖接一啖😍 羅宋湯鮮竹卷呢個配搭都係第一次食，湯汁完美哋融合咗落個腐皮卷，口感豐富，層次分明，創新又特別！小食方面都有唔少選擇，鮑汁豬手粒好有驚喜，豬手軟腍入味，性價比甚高💕 雲耳百合鮮淮山炒得夠鑊氣，五顏六色賣相都幾靚仔🤪 豉油皇煎腸粉又滑又熱，色香味全，值得一試👍🏻 最後以宮廷紅棗糕作結，滿足了🙈

今次介紹依間《神燈》主打中菜，位於佐敦小巷當中，平時行過都未必留意到。餐廳分上下兩層，主要用左中式江南蘇杭設計。伊比利亞叉燒 伊比利亞嘅豬肉製成嘅半肥瘦叉燒，外層焦香又有光澤，食落質感軟腍，又充滿啖啖油香，肥而不膩。黑松露玻璃燒鵝 （1/4）第一次見黑色嘅燒鵝，打卡度十足。燒鵝外皮好薄，所以食落特別香脆。而鵝肉又經過黑松露醃製，所以燒鵝又鮮嫩多汁，點埋佢地嘅秘製黑松露醬汁，好惹味呀。糯米炒膏蟹 真係用左成隻蟹去炒，送到上黎嘅時候熱辣辣。一定要快速攪拌一下個糯米飯底，如果唔係好易燶。打開個蟹蓋全部都係膏，蟹汁比啲糯米飯吸收哂，飯底又有飯焦，好推介。神燈小炒皇四季豆加上腰果、蝦乾、青椒、油條同埋豬板筋，夠哂鑊氣。招牌焗魚腸佢地嘅懷舊招牌菜式之一，出面好少仲用成個瓷缽去焗。厚厚嘅焗蛋但係內層仲好嫩滑。內餡加入左魚腸同埋叉燒粒，口感好豐富。✨人均300左右如果唔想錯過其他好介紹，記得follow我呀😘多謝大家！！！

🍚糯米炒膏蟹 $568冬天暖笠笠，食一碗糯米飯更暖心❤原隻肉蟹夠霸氣！🧑🏻‍🍳餐廳更加會幫你現場炒下，散發陣陣糯米香~🥢1/4隻黑松露玻璃燒鵝 $238第一次見~深黑色係因為加咗黑松露😉燒鵝皮脆肉嫩。🐷伊比利亞叉燒皇 $228份量都幾大，而且晶瑩剔透，蜜汁誘人。🥩肉質軟腍程度啱啱好，功夫十足。🦐懷舊蝦多士 $158難得一見嘅經典港式小食，🤓新鮮炸起，口感香脆。#jordan #tsimshatsui

好耐冇食中菜，決定要食餐好嘅😆又想環境舒服，又想夠火喉，又唔想太貴，最後揀咗佐敦嘅神燈海鮮酒家。伊比利亞叉燒皇唔係講笑，真係好好味，啲肉半肥瘦，易入口又勁入味，明知會肥都食到停唔到口😍黑松露玻璃燒鵝好特別嘅燒鵝，皮係黑色嘅，真係唔知點樣可以燒到黑色但又唔係燶👍🏻層皮勁脆，佢仲有特別之處，醬汁都加埋黑松露，非常香。法式蜂蜜芥末蝦球蝦球好好味，外層脆，入面啲肉好彈牙，唔會好油，食多幾件都唔驚，配上蜂蜜芥末醬，甜甜哋，好好味。糯米炒膏蟹呢個不得了，成煲糯米飯加成隻膏蟹，上菜嘅時候已經聞到香味，蟹膏好多，可以慢慢食，而糯米飯就勁香，原本唔想食咁多碳水嘅我都忍唔住食咗兩碗。蟹肉菠菜豆腐盒呢個又係呢度嘅特色，未食過咁整嘅豆腐，因為食太多肉同重口味嘅餸，最後揀咗呢個健康之選。佢味道偏淡，主要食豆腐嘅嫩滑，老人家一定鍾意。中菜嚟講都算好高質，同埋有創意，款式好多，幾樣野都好唔錯，非常適合一家大細或者朋友聚會。

佐敦呢間酒家午市嘅點心好抵食，款式比一般茶樓多，除左傳統點心，仲有D都幾有創意，如羅宋湯鮮竹卷、藍莓一口骨等，價錢仲要唔貴，食到我地抱住肚皮咁走😂😂🌟黑金流沙包 $25包嘅口感軟綿，按落去仲會回彈，入面包住奶黃流心，入口好香濃，超鐘意食🥰🥰😝🌟蝦仁燒賣 $25大粒抵食，香菇味濃，唔錯！😝🌟晶瑩蝦餃王 $25超大粒嘅蝦餃王，晶瑩煙靭嘅餃皮包住啖啖肉嘅蝦肉🥰🌟香茜牛肉球 $25牛肉加入馬蹄、香茜及調味料，口感彈牙🤤🌟鮮蝦炸雲吞 $25雲吞炸到卜卜脆，包住大量蝦肉，點埋個沙律醬食落更香😝🌟羅宋湯鮮竹卷 $25羅宋湯浸鮮竹卷係幾特別嘅，羅宋湯茄味濃郁，同鮮竹卷都幾夾😋🌟瑤柱野菌黑豚肉炆伊麵 $68伊麵落左黑豚肉、菇、韭黃、瑤柱一齊炒，加埋黑豚肉嘅伊麵食落唔會咁寡，口感豐富啲！😁

其實自己平時都好少同屋企人飲茶，今日難得飲茶，諗住影相記錄下，點知又覺得幾高質幾抵食🤤所以寫低分享下🤣 平時飲茶一定嗌嘅蝦餃通常都係特點，呢到晶瑩蝦餃皇 ($25)真心平到傻咗😱 蝦餃非常大粒，比起平時嘅大三分之一，內餡都有兩三隻大大隻嘅蝦🦐食落去質感爽口彈牙，亦都唔會乾身👍🏻金磚滑豆腐 ($30)呢個好有驚喜🥰出面好多都係硬豆腐，呢到入面真係滑豆腐，而且個外皮炸到金黃香脆，亦夠薄，再用七味粉調味，夠膽講呢碟係我食過最好食嘅幾碟金磚豆腐😝 黑金流沙包 ($25)賣相好高貴，包體好鬆軟，內層放滿濃郁奶黃流沙，一搣開啲奶黃餡就好澎湃咁流出嚟🤩 另外仲嗌咗啲小食調味都好夠，手拍青瓜 ($30)用咗醋、蒜同芫茜吊味，鮮沙薑豬手粒 ($30)同樣，加埋沙薑特別香，豬手仲要件件大嚿🥳上湯杞子娃娃菜($30)份量都非常大方，娃娃菜鮮甜爽嫩，用上湯煮過好暖笠笠，冬天食最啱😚蟹肉瑤柱蛋白炒飯 ($68) 炒得粒粒分明，夠乾身又鑊氣 ，瑤柱同蛋白嘅份量都非常多，而且咁大碟都只係$68真心抵食🥰總括嚟講，叫咗咁多點心三百蚊都唔使，真心性價比極高，而且每款點心都質素唔錯，好難得午市有咁平嘅酒樓選擇，以後午市飲

星期六日最鍾意同屋企人周圍去飲下茶，位於佐敦嘅神燈海鮮酒家身邊好多朋友都一直有提起，一於黎試下!基本上所有點心都係均一價，計落其實幾抵食!蝦仁燒賣皇飲茶必點! 可體型大大粒，夠哂厚肉。蝦仁配上半肥瘦豬肉餡，肉香十足夠彈牙，好食!晶瑩蝦餃皇蝦餃非常大粒，仲大過燒賣，内層蝦肉好足料，皮薄餡靚，咬開非常juicy!醬皇蒸鳳爪鳳爪炸得夠透，加上醬皇蒸煮，非常入味。而且鳳爪一咬就開，夠哂香腍~黑金流沙包麵包質感夠軟韌，輕輕撕開，内層係熱辣辣流質奶黃，流沙奶皇超香口!羅宋湯鮮竹卷鮮竹卷食得多，配羅宋湯真係第一次，估唔到加茄湯又幾好食，酸酸甜甜，感覺無中式鮮竹卷咁油膩豉汁排骨煲仔飯惹味豉汁配上油香十足既排骨，再淋上醬油，已經聞到非常香! 而且飯粒軟硬適中，冬天食一流!

平時返工咁忙，星期六日當然要抽時間陪陪屋企人🏠最適合做嘅一定係上茶樓嘆返一盅兩次🫖位於佐敦長樂街嘅「神燈海鮮酒家」向來主打懷舊粵菜，估唔到連點心都咁出色🤟🏻.餐廳分為上下兩層，裝潢以蘇杭故典風格設計💕午市推出一系列一口價點心，相當抵食🤪.🍴蝦仁燒賣💰$25飲茶點可以唔叫燒賣？😏大大粒燒賣夠哂厚肉😋蝦仁配以半肥瘦豬肉餡，爽口彈牙，真材寶料👍🏻.🍴鮮蝦菠菜餃💰$25成隻餃子咁大隻嘅菠菜餃🤣外皮晶凝通透，賣相豐盈飽滿😍菠菜碧綠爽脆，蝦仁彈牙鮮味，無敵配搭😚.🍴金磚滑豆腐💰$30金黃香脆外皮包住嫩滑豆腐，佐以七味粉提味，令人一口接一口吃不停😝.🍴脆皮燒腩仔💰$78燒腩仔肥瘦均勻，層層相間💕爆脆芝麻皮脆卜卜，直頭好似食緊薯片咁脆😍肉質軟腍，肉味油味交互相融😋.🍴XO醬蘿蔔糕💰$30蘿蔔糕做到外脆內嫩👍🏻香脆外層夾雜XO醬，內裡蘿蔔糕仲食到粒粒蘿蔔，唔會成口粉😌XO醬嘅惹味與蘿蔔嘅鮮甜配合得天衣無縫，正❤️.🍴上湯杞子娃娃菜💰$30非常大碟🤪娃娃菜鮮甜爽嫩，上湯煮法好入味😚.🍴薑汁軟糕💰$25充滿薑汁微辛清香，味道唔會好甜啱啱好👍🏻質感香滑彈牙唔黏牙😌.叫咗咁多點心三百蚊都唔使，非常抵食❣️每款點心充

食過#神燈海鮮酒家 既小菜飲茶都係第一次黎～ 午市點心大多一口價25/30 選擇種類都好多料 整體來講 質素都唔錯 👍尤其喜歡佢既炸物 炸魷魚鬚係我既最愛！炸得好香口 皮唔會好厚 而且好新鮮彈牙😋😍