石鍋堂

营业中

休息中

喺旺角出晒名多餐廳多嘢食，只係一條女人街都已經遍地餐廳，真係揀都有排揀，😂唔想揀嘅，當然就係進行長期嘅掃街任務，食盡每一間好西。一大班人嘅時候當然就係打邊爐放題韓燒，但人數少嘅話亦都可以考慮一啲特色嘅餐廳，😌例如我推介嘅石鍋烏冬，呢一間石鍋堂最出名嘅一定就係熱石燒烏冬，選擇多味道好，仲要係性價比高😝石鍋堂海鮮石燒手打烏冬— 🗿可以自選嘅湯底款式唔少，但最出名嘅當然就係黑松露香菇湯，香氣撲鼻，而且黑松露嘅味道10分濃郁， 🍜啱啱上到嚟嘅時候係非常之滾燙，渣渣聲嘅熱湯視覺上已經非常之吸引，🗿另外烏冬亦都係佢哋自家手打，比較粗之餘，亦都唔容易變淋，經過高溫煮完之後仍然保持好強烈嘅彈牙感，🍜而海鮮方面都有蟹柳帶子同埋底部有唔少嘅白蜆，用料充足，個湯底更加係又甜又香🍜脆味軟殼蟹— 🦀淨係食烏冬，當然唔夠滿足，另外都仲要嗌啲唔同嘅小食，軟殼蟹，🦀始終都係小食之中最正，炸完之後又熱辣辣又鬆脆更有原隻蟹嘅精華，🦀個頭都唔細，一分為二🦀好大舊，裏面嘅肉夠晒飽滿重大有少少蟹膏，🦀最重要都係小油溢味，處理嘅方式亦都係夠晒正宗🦀關西風石燒流煎餃子— 🥟另外呢度嘅招牌就係佢哋煎餃子，內餡亦都係塞滿豬肉，🥟以面頭

收工係旺角行街，行到攰就要搵嘢食，見呢間都多人食，比較有信心，所以就揀呢間。原條鰻魚蛋包飯（ $98 ）係原條鰻魚啊😍😍😍而且仲係蛋包飯🥰真係超級滿足🤭條鰻魚都唔細條，肉質厚實，口感彈牙。日本飯粒粒分明，而且調咗味，真心唔錯。蒲燒鰻魚雞扒石鍋飯（$84）朋友一樣好想食鰻魚，所以就叫咗蒲燒鰻魚雞扒石鍋飯，一次過滿足晒兩個願望。個石鍋真係熱辣辣，熱到有飯焦，令到個飯有焦香味同口感🍚。燒雞唔會燒到乾爭爭，用咗teriyaki醬汁，好好食，鰻魚同樣彈牙。朋友好開心咁食晒😆。

屋企人之前話食過一間唔錯既韓國野話帶我食，但又唔記得咩名，係通菜街行黎行去憑記憶終於搵到🤣本身擔心星期日要排隊(個時1pm)，好好彩咁岩有位，一坐低出面開始排隊叫左兩個石鍋飯，一個係鯖魚雞扒($74)，一個係燒牛仔骨($78)，額外加流心蛋(每隻$10)相對抵食既話我推薦鯖魚雞扒，入面有3塊小雞扒同2塊鯖魚，有魚有肉有菜👍🏻而牛仔骨就有3塊，有少少韌，同人share食 d餸就豐富d加3蚊有凍飲，叫凍紅棗桂圓同凍蜂蜜蘋果，正常啖啖飯都熱辣辣同埋飯量多，冬天去食就正同埋店員好好，我地問收銀姐姐有冇廁所，姐姐話要出巷仔，不過去前面商場好D，仲教我地去，啊媽問多幾次又教多幾次，我鍾意咁有溫度既交流☺️

遊客到此一遊~用呢個app一次都未寫過食評，平時都係睇開多，今次都忍唔住寫返個食評！睇返之前既食評都係話有個呀姐態度服務差，今次都同樣遇到戈個呀姐，又大聲又冇禮貌！做飲食業做到咁都算極品！坐得逼都算，點知連態度都差過人！咁都有人食都勁！我都永遠backlist佢！香港好食的店都唔差佢一間！好心個老世見到啲食評就改善下啦！仲要比加一服務費，真心俾唔落冇服務有冇得扣一服務費架？仲差二十幾字先有得評分，肯定就一星架啦

我今晚同三個朋友去食，我第二次去食你好趕時間咩，趕客走D野食未食完，就要我地三個人走－D禮貌都冇，個位女職員D野食好食都唔使咁呀！真離譜！😠😠，相反其他員工好過你多多聲

晚上約了老公去旺角吃飯，我們選了位於女人街的石鍋堂。我們6:30到達，餐廳已經座無虛席，門口還有不少人等候。幸好，等了大概10分鐘就有位了。餐廳環境尚可，座位有點狹窄，但價錢非常吸引，食物份量也驚人，服務也不錯。安格斯牛肉石燒手打烏冬—山地獄辛辣湯 $80上桌時湯還在翻滾，熱騰騰、香氣四溢。湯底味道濃郁，又辣又香，讓人垂涎欲滴。牛肉很嫩，肉味豐富。烏冬很滑，軟硬適中。唐揚炸雞蛋包飯配咖喱汁 $66唐揚炸雞外皮酥脆香口，一點也不油膩，雞肉很嫩很新鮮。蛋很嫩滑，蛋味很香。飯是珍珠米，晶凝通透，口感煙韌。胡麻冷菠菜 $35份量很多，菠菜翠綠鮮嫩，加入濃香胡麻醬，味道更清新可口。

天氣凍當然要吃些熱騰騰的，朋友介紹這間出名食石鍋飯或烏冬的, 當然還有其他選擇，例如蛋包飯、茶漬飯等，還有其他小食。我們點了煎餃子🥟一份有五件，餃子啖啖肉餡，肉汁飽滿😋外皮薄薄的一層，配上木魚絲及沙律醬，是日式餃子的味道。一鍋裏面有雞扒有鰻魚，一次過滿足貪心的我兩個願望🤭看圖就知足料啦！鰻魚也是啖啖肉。石鍋上枱時還是很熱的，要小心呢，趁熱的時候撈一下個飯，想吃脆飯焦的可以把少許飯輕壓在石鍋邊，薄薄一層就可以，待一會吃完了飯就有飯焦吃。說到最出名的當然是石鍋烏冬啦，用的是讚岐烏冬，上枱的時候湯底還是滾的。烏冬有幾款湯底選擇，因為一進店就聞到濃濃的黑松露味，所以就決定選黑松露香菇湯，烏冬吸收了湯底的味道，非常入味😋，烏冬控必試呢。這間店很適合天氣凍時暖暖胃，下次再試試蛋包飯和茶漬飯😝

石鍋堂 (旺角)旺角通菜街2A-2P號鴻光大廈地下D號舖蒲燒鰻魚雞扒石鍋飯 $84熱辣辣上枱，石燒聲音炸炸聲，熱氣不停冒岀，材料足夠，鰻魚同雞扒大大份，夠兩人食。蒲燒鰻魚醬汁相當惹味，雞扒肉好滑。飯香撲鼻，有飯焦，正。黑胡椒煮活花甲 $72黑胡椒煮湯超好飲，暖身，花甲超大隻，夠過癮爽口，清甜冇沙。脆味軟殼蟹 $45酥炸原隻軟殼蟹，未食已聞到勁香的蟹味，炸軟殼蟹香鮮可口，熱辣辣，討人歡喜，蟹肉軟滑細嫩。酥炸原隻軟殼蟹，勁脆，肉軟滑細嫩。

趁天氣仲係陰陰寒, 今晚同丫妹又再encore石鍋堂。係坊間食過好幾間石鍋, 但印象中唔係間間都可以做到石鍋滾滾下上檯。所以石鍋堂亦係我地bookmark會encore嘅餐廳。餐廳樓面小, 座位有限亦唔算闊落, 要預時間等位啊!八款手打鳥冬選擇, 配搭自選五款湯底, 總有一款啱口味另有石鍋飯、冷烏冬、追加配料、蛋包飯、茶漬飯、小食等…最最最吸引嘅當然係呢度嘅石鍋手打烏冬【安格斯牛肉石燒手打烏冬】HK$82湯底揀咗和風咖哩濃湯, 上檯時湯底還是熱得滾下滾下, 咖哩香甜微辣濃郁, 非常惹味; 烏冬好滑帶少少口感, 新鮮嫩紅嘅安格斯牛肉放面, 熱辣辣湯底令牛肉滾至自己想食嘅熟度, 即時入口, 口感嫩滑。+$8 追加粟米粒放入湯底配搭同時入口, 增加層次, 多一份粟米清甜。【海鮮石燒手打烏冬】HK$86湯底揀咗魚介豚肉濃湯, 充滿魚介鹹鮮味, 海鮮包括有帶子、兩隻原隻海蝦、蟹棒、日式魚片、蠔, 蝦爽口實肉, 帶子大大粒, 所有海鮮吸了湯汁, 令每款海鮮夠哂入味。

今日同男朋友去左食呢間餐廳，本身都期待已久，因為聽講都好好食，果然完全唔會失望!我叫左一個安格斯牛肉烏冬，男朋友叫左豚肉烏冬，兩個烏冬黎到都熱辣辣，過左陣都仲係咁熱😋 個湯好正，我地兩個都係叫黑蒜油豬骨湯，本身諗住冇乜特別，就係平時拉麵店咁嘅味，點知我地兩個個湯個味有d唔同，我果個一飲就發現好有牛味，豚肉烏冬嘅湯就好有豚肉嘅味道，好有驚喜🤣 豚肉烏冬個湯味道比牛果個濃d，但係我都係鍾意牛肉烏冬嘅湯多dd牛肉都好食但唔算好特別，d烏冬好滑，overall 呢間烏冬真係好好食啊！我地另外都叫左個鹽燒牛舌，都幾好味，不過個人略顯texture韌左D咁der

今日寒流襲港，天寒地凍我和同事重要去旺角見客，辦完事經過石鍋堂，見到有不少客人在等位，咁凍天氣食返個熱辣辣石鍋烏冬，真係想起都暖笠笠，我哋即刻加入排隊行列等入座。店內地方不大，環境整潔乾淨。主打的日式石鍋烏冬之外還有石頭鍋飯及其他日式料理。吉列豬扒石燒手打烏冬，石燒手打烏冬可配五款不同自家泡製濃湯底，揀咗黑蒜油豚骨湯，湯係用石鍋上，所以夠晒熱辣辣，上枱時仲滾起泡泡，湯底係用咗日本青森縣黑蒜，配以自家製豚骨湯底熬製，飲落帶有黑蒜獨特嘅酸甜味道，濃郁香醇。而另上嘅吉列豬扒係厚切，外脆肉嫩好香口。手打烏冬口感彈牙。石鍋堂海鮮石燒手打烏冬，湯底係魚介豚骨濃湯，用咗柴魚乾、小魚乾、鰹魚乾、魚乾粉、乾貝粉、昆布等熬煮10多小時而成，味道濃郁鮮甜。海鮮亦好豐富，有鮮蝦、帆立貝、蟹柳、蠔和蜆，味道鮮甜。唐揚炸雞，炸雞炸得不油膩，一口咬下外酥內軟保留肉汁原味。

過多十天八天就新年了，有什麼想食，就食了再算，減肥？等新年後，再減吧，哈哈。所以昨天外出食晚餐都食個飽飽的，有沙律，有石鍋烏冬，而且豬手特別大，食過飯後，感覺150分飽滿，超級飽，哈哈。醬油豬手石燒手打烏冬 $108配低溫慢煮流心蛋$10配赤板魚蛋 $8平時食手打烏冬都是配雞扒豬扒，今天就想食別的，所以就叫了豬手。醬油甜甜的，讓豬手的皮帶有甜度，易入口又開胃。另外，想說的是，豬手超級大，相當於三個拳頭大喔，真的一個人很難食完，不過我食量大，全都食在肚子裏，哈哈。肉質嫩又不老，帶微咸感，配熱騰騰的烏冬，也是很滿足的，很有飽肚感。蟹棒青瓜沙律$38這碟沙律我食得一絲不剩，挺特別的，裡面有平常食沙律的青瓜絲，又有沙律菜，又有其他椰菜絲等，再加粟米粒和少許蟹籽，當然也有切到一塊一塊的蟹棒，全部攪拌一起食，清新又爽翠。再加一罐Zero $14，實在滿足的一個晚餐。

首先一開頭因為比咗風口位我地坐，之後我地見有人走就想轉去嗰張二人枱，個waiter就話落咗單轉唔到位，仲話陣間食烏冬會好熱就唔會凍。好明顯係懶，都算，諗住如果食物好食就算。兩碗烏冬到咗，一試啖湯，完全係劣質味精湯，仲衰過出前一丁/辛辣即食麵，兩碗都係味精到爆。一碗係雞扒烏冬，d雞扒雞皮好厚，係嗰d頹雞扒。另一碗係蜆烏冬，d蜆好多沙，食到我成口沙。同老闆反映咗蜆有沙既問題，佢話佢地d蜆不嬲都係咁處理，會叫伙記下次浸耐d，hea9我地就算，冇誠意。總結，唔明d like係點黎，因為真心差，仲要唔係特別平，生意唔係咁做的。講真要食味精湯底我番屋企煮個即食麵都得。

天氣轉涼，👦🏻👧🏻係旺角買完野，想揾間食完個人會暖笠笠既餐廳～ 咁岩見到通菜街呢邊有間鋪頭排長龍，主打石燒烏冬和石頭鍋飯，就試吓佢～ 排隊等候個時，店員會俾張點餐紙你揀陣間食咩，☑️好之後，俾番店員～ 到你入去個時，等5至10分鐘食物就到～小店天花掛咗好多日式燈籠，牆壁有幅可愛壁畫，充滿日本風情。店舖面積不大，座位坐得較擠迫。安格斯牛肉石燒手打鳥冬配黑松露香菇湯 $86上枱時超級熱騰騰，湯底仲不斷滾緊，要逐啖吹凍，先入到口😂 湯底方面，好重冬菇味，唔係好食到黑松露味… 烏冬煮得太耐，好淋，無咗彈牙既口感。牛肉重牛味，不錯。吉列豬扒石燒手打鳥冬配魚介豚骨濃湯 $77魚介豚骨濃湯味道清清地，幾好。吉列豬扒皮脆但肉質偏乾身。📍 石鍋堂 (旺角)旺角通菜街2A-2P號鴻光大廈地下D號舖

這天晚上我約了朋友在旺角吃晚飯，經過家人的介紹，我們便決定來到這間日本菜餐廳試一試，店內清潔衛生，店內客人很多，證明食物質素應該有一定保證照燒雞扒石燒手打鳥冬黑蒜油豚骨湯($74)紅蘿蔔爽口，栗米粒鮮甜，食物是即點即煮所以夠熱，湯底經過長時間熬製，十分入味，有很香的黑蒜油味，照燒雞扒用黑芝麻白芝麻鋪面，十分香稔軟嫩十分新鮮，烏冬軟彈煙韌，整體份量十分多原條鰻魚蛋包飯($98)用紫菜碎鋪面，鰻魚軟彈煙韌，十分大條，蛋包飯，軟綿綿的蛋，日本米飯飯粒分明，質素十分高，份量非常多，非常抵食關西風石燒流煎餃子($38)用新鮮的章魚鋪面，豬肉餡餃子口感煙韌，十分新鮮，這個價錢吾貴脆味軟殼蟹($45)軟殼蟹十分新鮮，炸得很脆口，份量十分多，配上沙律醬，味道酸酸甜甜，令人十分開胃整體來說，食物的質素非常高，食物的選擇廷多，食物的份量非常多，食物的用料非常新鮮，食物的賣相非常吸引，食物都是即叫即做，食物的定價十分合理，而店員亦有良好的服務態度，所以我認為這間餐廳是值得再去惠顧