石鍋堂

营业中

休息中

安格斯牛肉烏冬，係生牛肉上，個石鍋非常熱，反一反啲牛肉就熟，牛肉分量都多，叫咗黑松露香菇湯底，味道OK不過可以再濃啲。得罐裝飲品可以選擇，$14罐。普遍座位都非常窄，除咗入門口嗰兩枱。

中午喺旺角又唔知食咩，之後去咗間好多人喺外面等嘅舖頭仔到試吓石鍋烏冬。咁啱天氣涼涼哋緊去食啲暖粒粒嘢啦。我哋兩個人，一個就叫咗吉列豬扒黑蒜油豚骨湯烏冬，同一杯蘋果茶。令一個就叫咗照燒汁雞扒蛋包飯加一杯俾涷奶茶。 首先講吓個烏冬先，一上枱啲煙標晒出嚟。真係熱辣辣如果想暖笠笠真係要試呢個湯烏冬啦。湯味濃郁，烏冬就好煙靭，吉列豬扒就好脆，加埋個沙律汁一絕啦。 吉列豬扒黑蒜油豚骨湯烏冬熱蘋果茶就不過不失啦，都幾好飲，又買啲蘋果碎喺度。照燒汁雞扒蛋包飯另一款要講嘅就係佢哋嘅照燒汁雞扒蛋包飯。雞扒皮都好脆，雞肉配埋啲照燒汁都冇得輸㗎啦。如果想中午食飽飽嘅話可以揀呢個因為真係滿滿嘅澱粉質。飲品：奶茶（不過不失）呢間食中午飯都幾滿意

黎到旺角，突然心血來潮想食石鍋堂。記得以前成日要等好耐先位，咁岩今次又有位喎，即刻沖左入去食。🍲安格斯牛肉石燒手打烏冬黎到石鍋堂當然要食石鍋烏冬啦。石鍋烏冬有5個湯底選擇，我就揀左我至愛嘅黑松露香菇湯底啦。石鍋烏冬上枱係熱辣辣嘅，而牛肉就係半生嘅，可以碌到你想要嘅熟度黎食。當然唔可以唔提烏冬！烏冬好滑、軟硬度適中。🥟關西風石燒流煎餃子以為只係普通嘅煎餃子，點知原來上面有一層章魚小丸子嘅醬汁同魷魚絲，味道又真係估唔到咁夾喎。

晚上天氣仲有啲涼涼地，食番碗滾熱辣嘅烏冬就最啱，同朋友走去旺角嘅石鍋堂，去到見到入面已經坐滿人，等咗一陣先有位坐上到枱仲滾緊嘅 [ 安格斯牛肉石燒手打烏冬 $88 ] 份量好多嘅安格斯牛肉鋪哂係面，新鮮嫩紅嘅顏色，滾熱辣嘅湯低，滾到啲牛肉熟後，入口即溶，口感嫩滑；手打烏冬吸哂啲湯汁，口感順滑；湯底就揀咗香味濃郁嘅黑松露香菇湯[ 照燒雞扒石燒手打烏冬 $80 ] 切得厚身嘅照燒雞扒分開上，每舊雞扒肉質嫩滑，燒汁味道正；手打烏冬吸哂啲湯汁，口感順滑；湯低係黑松露香菇湯，黑松露醬撈落香菇湯，鮮味十足，食完麵仲可以飲埋個湯，真係非常惹味。追加配料，原隻 [ 低溫慢煮流心蛋 +$12 ] 半熟流心蛋，加埋落個烏冬一齊食，真係超正另外叫咗份 [ 炸芝士年糕 (2件) $28 ] 外脆內軟，裡面熱辣辣，咬一口流咗啲流心芝士出嚟，口感煙煙韌韌，超邪惡；[ 黑松露帆立貝 (2件) $52 ] 一串有兩大粒帆立貝，配上黑松露醬特別惹味，帆立貝咬落爽口彈牙，鮮味甘甜石鍋堂旺角通菜街2A-2P號鴻光大廈地下D號舖

餐廳主打石鍋料理，基本上入面所有嘅菜式都係用石鍋裝著，冬天食好舒服熱辣辣，而且好耐都無會變凍左。叫左石鍋烏冬，湯底好濃但係食完會覺得好口渴，應該落左味精。烏冬口感唔錯，分量都ok。

肥瘦均稱嫩滑豚肉，成吋厚，4大塊，用力轟落去🤤！・・・・・・・・・・・・・・・・・・・・🍜厚切豚肉石燒手打烏冬 黑蒜油豚骨湯 HK76・味道：肥瘦均稱豚肉好嫩滑。豚骨味湯底出但唔係咸，黑蒜油可以再重啲～・口感：即使用石鍋熱住食到最尾，肉質都唔會變鞋。烏冬未係煙韌type但幾有咬口。朋友嘅吉豬就差咁啲，炸皮同肉一樣厚，但塊肉成張紙咁薄🥲，偏乾亦唔脆～・・・・・・・・・・・・・・・・・・・・🤰性價比：高～🤰9衝度：9衝～🤰結論：平價大份高質烏冬，完美B級美食！環境：小店size要搭枱，都真係幾逼。

冬天食碗熱辣辣嘅烏冬真係好正，每碗石鍋烏冬都係滾住咁上枱，完全唔洗擔心唔夠熱。手打烏冬好煙韌，好好食。有自家泡製靚湯底絕對係一大加分位。可惜配料普通同鋪面空間十分有限，餐廳用盡每寸地方，總有其他食客會同自己擦身而過，扣少少分。-1️⃣安格斯牛配魚介豚骨濃湯石燒手打烏冬黎到個時湯還在滾下滾下。魚介豚骨湯底十分鮮濃、creamy，都幾不錯，飲落唔會覺得膩。更比一般豚骨湯底更多左一重鮮味，可以一試。牛肉黎既時候還是生的，牛肉大大片，睇住佢慢慢變熱都幾開心，肉味普通。-2️⃣吉列豬扒黑松露香菇湯石燒手打烏冬😋香菇湯評分：8/10,😋豬扒評分：5/10Topping放了一些青豆苗還有一大匙黑松露醬，湯底味道用大種雜菇去整成，食落好濃郁。食到底都有好多菇菇粒! 烏冬質感煙韌彈，素晒湯汁更入味。大讚!但吉列豬扒炸得太乾，肉質全瘦，食落較為粗糙，建議選另一款配料。

今晚同老公係旺角有D事處理，所以要快食晚餐💡我地行經通菜街，見到有烏冬便決定一試🍜這家係叫石鍋堂📍主要以石鍋為主!-我點了安格斯牛肉石燒手打烏冬🔥有唔同湯底揀我就揀左山地獄辛辣湯🌶上桌時牛肉都未熟晒🥩真係熱辣辣的石鍋上牛肉份量十足✔️而且唔會太硬湯底好有驚喜，唔算好辣，但好惹味同開胃😋-老公點了汁燒帆立貝雞扒石鍋飯🍚店員有提可以再額下加醬汁食🧂帆立貝同雞扒份量好多，同埋好大隻🤩雞肉都唔錯，唔會太厚實! 這價錢算唔錯!記住加醬汁一齊食，會無禁乾身!🧡飲品就點了簡單的罐裝飲品!🧃-食物方面不錯的，幾抵食!可是環境的確偏細同窄⚠️坐得的確唔算舒適‼️以快食為主❗️所以這點要留意呢!

帶女朋友去旺角逛街，順道吃晚餐。這家小店的內部有特色佈置，牆上有大量漫畫圖案，天花掛有一些燈籠。石鍋堂海鮮石燒手打烏冬84元，以高溫石頭鍋盛載，石頭鍋內熱湯沸騰，香氣撲鼻，海鮮份量多，蝦肉彈牙，生蠔漲卜卜，蜆肉味道鮮甜，帆立貝美味，蟹柳味道甜。配菜還有香菇、櫻花蝦及兩款蔬菜。櫻花蝦香脆，有助提升味道層次。手打烏冬煙韌。湯底為魚介豚骨濃湯，很惹味。汁燒帆立貝雞扒石鍋飯92元，以高溫石頭鍋盛載，客人自行注入少許芝麻醬油。帆立貝肉厚彈牙。照燒雞扒的雞皮甘香，雞肉嫩滑。白飯軟硬適中。石頭鍋的周邊和底部均有飯焦，很香口。

蒲燒饅魚雞扒石鍋飯🍚 $84饅魚肥瘦適中 鎖緊肉汁 配上饅魚汁 送飯一流😋照燒雞扒燒得啱啱好 色澤均勻 皮香肉嫩美中不足係枱邊可以落既醬汁帶酸 同個飯唔太夾吉列豬扒石燒手打烏冬黑松露香菇湯🍜 $75一上枱已經聞到黑松露香味撲鼻！石鍋仲好滾好滾！攤左好耐先可以烏冬同湯一齊sip入口 試到整體嘅味道湯烏冬嚟講 黑松露唔會太濃 但烏冬唔太入味🥺吉列豬扒略嫌偏瘦偏薄 唔夠口感炸芝士年糕 $25/2炸物就有驚喜！炸芝士年糕夠晒Q彈 外脆內軟如果芝士餡再飽滿啲就更出色👍🏻吉列蠔$35/3size合格 唔會有異味 火候控制得啱啱好 食完都唔會有好熱氣嘅感覺👅

通菜街人氣石鍋烏冬🔥 餐廳主打日式石鍋烏冬、石鍋飯、日式料理串燒等等 石鍋烏冬一共有五款濃厚湯底選擇 餐廳環境較為狹窄 黃金時段亦經常要排隊🫣 ᪥照燒雞扒石燒手打烏冬(黑蒜油豚骨湯) $74 用成個石鍋上所以烏冬非常熱 黑蒜味幾香 湯底濃郁可口 烏冬煙韌᪥岩鹽燒牛舌 $48/2串 (4/5)部位用咗牛舌芯～ 以岩鹽輕輕調味 帶出牛舌鮮美 牛舌芯口感爽口 肉汁豐富 $48有4大塊幾抵食᪥汁燒牛仔骨冷手打烏冬 $60 (3.5/5)可以選擇冷麵汁或者胡麻沙律醬 冷麵汁配上蔥花、蘿蔔蓉、wasabi 味道好似日本～ 冷烏冬比起熱烏冬更加煙韌彈牙

每次到「石鍋堂」總是人氣旺旺，熱騰騰的石鍋湯烏冬，沸騰聲響不絶於耳。小店鋪有貼心之處，在檯底下都放有膠籃，讓客人可以放下物品，輕鬆享受美食。照燒雞扒蛋包飯，雞扒切得大大塊，肉很厚也軟滑，照燒汁的味道；醬油的香又帶略甜的味道，吃得胃口大開！薄片的蛋皮包裹軟綿綿的珍珠米飯，飯量真不少！選用特製石鍋，可達攝氏300度讓湯底保持熱度的厚切豚肉和風咖哩濃湯烏冬上檯了！咖哩濃湯的香氣隨沸騰的熱蒸氣撲面而至，厚切豚肉和烏冬吸收冶味濃湯，讓我們大快朶頤！我的至愛燒牛仔骨牛舌石鍋飯，燒牛仔骨肉質軟滑配可口燒汁，下飯一流！薄切牛舌的口感同樣軟滑美味，飯焦香脆好吃，不要錯過！

在旺角想找一間經濟好吃的晚餐, 想到之前朋友說過一間專門吃石鍋烏冬和石鍋飯的，有興趣去試試！🔸安格斯牛肉石燒手打烏冬（$88）：聽說很多人都會點烏冬的，賣相吸引而且味道的確好味👍🏻，以生滾安格斯牛肉作賣點，新鮮嫩滑！來的時間滾滾的，火喉十足！烏冬很滑也十分彈牙！🔸燒牛仔骨牛舌石鍋飯（$80）：有點韓式港式混合版，鍋底有做出飯焦，好香好味！牛仔骨肉質嫩，牛舌有咬勁，配上這裡自家的蒜味燒汁，整個飯的味道提升了很多，好味！🔸岩鹽燒鯖魚（$32）：好平但又好味喎！燒得剛剛好，味道不淡也不咸！🔸加了低溫慢煮流心蛋（$10）：做到溏心效果，不太流心，但我是喜歡溏心的，因為我怕太生🤭

小店坐位不多，鋪面空間有限，但勁多人排隊，好彩朋友早咗到食晚餐。見到每枱都會叫石鍋手打烏冬。order 咗好多人食既安格斯牛肉石燒手打烏冬HK$84，有五個湯底選擇，我揀咗黑蒜油豚骨湯，上檯時湯底還是熱到滾下滾下，起晒泡，差啲辣親條脷。烏冬比較冧身帶少少口感，未冧到話一夾就斷開果種，新鮮嫩紅嘅安格斯牛肉，自己滾到自己想食嘅熟度，口感嫩滑。燒鰻魚石燒手打烏冬，都係同樣要黑蒜油豚骨湯底，鰻魚肉質鮮嫩肥美，滿滿膠質，好有口感。

三人行係旺角搵食，去到通菜街呢間石鍋堂試完值得一讚👍🏻飲品冇乜特別所以冇叫，但叫左三款唔同石鍋烏冬，覺得價錢合理而且食物味道好好。首先呢個安格斯牛肉石燒手打烏冬，牛肉唔會太韌，烏冬口感一流。值得推介。照燒雞扒手打烏冬，石鍋燒照燒雞扒別具風味，黑松露醬配合烏冬感覺特別，冇違和感。吉列豬扒手打烏冬，吉列豬扒屬正常發揮，加上黑松露醬配烏冬，味道唔錯。服務態度唔錯，環境乾淨企理，但店舖位置比較難搵。整體評分7/10。