留民料理

营业中

休息中

置樂雖然細 但係都隱藏咗唔少小店今日發現咗間食日式fusion菜嘅居酒屋店鋪唔大但都係卡位所以好好坐 環境都有氣氛Waiter都好nice 用餐嘅時候成日幫我地refill水泡椒雞腳 $42辣辣地幾惹味嘅前菜～ 不過42蚊黎講份量好似少咗啲🙈日式生炸BB乳鴿 $68唔好睇少呢隻乳鴿 佢攞過金獎架 所以都好期待外觀已經炸得好靚 佢係用日式調味料例如日式醬油、味醂去醃 所以食嘅時候都好有日本菜嘅感覺 而味道又真係好夾味道好入味好出 咸中帶少少甜 肉質嫩 帶少少油脂 炸得好香野菌黑松露燴飯 $108好香黑松露味 入口好香菇菌味 飯入面亦有切粒嘅菇燴飯黎講飯粒會諗身少少 唔會好似risotto咁煙韌串燒 (廚師發板)串燒燒得好靚仔 有豬腩肉有牛仔粒等等最正係燒茄子 好香蒜味🤤 好惹味

今次介紹食物係屯門 💫📜”留民料理 (屯門)📌 地址:屯門青山公路351號彩華花園地下1號舖🕐營業時間: 11:00-22:00🍽分店地區: 屯門 🌟🌟評價🌟🌟1.脆皮BB乳鴿雖然係BB乳鴿但係都好大隻😉好入味👍🏻👍🏻2.蟹子溫泉蛋簡簡單單嘅配菜 居酒屋必備😋流心好正🤩3.日式芥末八爪魚好開胃嘅前菜😆 好似生菜包咁樣食法🤣 份量夠食曬咁多生菜🥬4.麻辣牛筋個麻辣湯底真係超級正😋麻嘅程度好夠辣唔算太多😆😆👍🏻食完第一啖之後可以不停咁再食多幾啖😍😍😍大推👍🏻👍🏻5.慢煮滷水原隻大豬手超大隻🤩🤩經過慢煮肉質都比較軟😋滷水汁好入味 成舊豬手都好似浸過滷水😆環境方面真係好舒服😆好似去咗日本😋雖然係小店但係入面好闊落坐得舒舒服服🤩店員都服務態度好好🌟見到隔離枱食串燒都好吸引👅有機會可以試下👅🌟KS評分 🌟🏵環境指數:⭐️⭐️⭐️⭐️🏵味道指數:👅👅👅🏵抵食指數：💰💰💰🏵回購指數:❤️❤️❤️

我哋嗌咗一個留民串燒拼盤（$98）、椒鹽鮑魚（$88）、泡椒雞腳（$42）同埋日本生炸炸BB乳鴿（$68）咁首先講咗第一時間嚟嘅泡椒雞腳先啦我諗呢個辣度比我想像中高太多因為食落去真係幾辣🌶🌶而我真係食唔到太多嚿所以之後都係我朋友食嘅咁之後就係嗰個BB乳鴿第一個值得讚嘅地方就係佢真係新鮮滾熱辣炸起嘅💕💕而且佢嗰個皮真係超脆食落去會有crack crack聲🌟🌟之後就係嗰個椒鹽鮑魚我想講呢個真係整得好出色‼️‼️椒鹽嘅味道唔會搶咗鮑魚嘅鮮味呢種配搭食落去幾相得益彰🤩🤩同埋嗰個鮑魚食落去都爽口、彈牙最後就係嗰個串燒拼盤啦我覺得咁多款之中最吸引係嗰個厚切五花腩☺️☺️因為佢食落去好軟熟、好Juicy而且真係做到油而不膩嗰種感覺❤️❤️配埋佢提供嘅玫瑰鹽/七味粉就更加正

星期天睡得晏了點，而天氣也太熱喇🥵同另一半响太子食完早餐後決定遊巴士河，入屯門去試食呢間小店。午餐牌上有好多選擇，比較吸引嘅就有兩款，分別是鹿兒島A5和牛膏炒飯 招牌蝦湯麵 選了鹿兒島A5和牛膏炒飯和小食貴妃雞卷及沖繩海葡萄炒飯上枱時帶著牛嘅油脂香撲面而來，入口滿滿是牛牛牛嘅肉味貴妃雞卷就看似普通，入口時卻散發著雞皮那微微油香跟嫩滑雞肉在口內游走，妙妙妙💯再追加一份😋沖繩海葡萄只是一般貨色，談不上鮮卻引領著旅遊的回憶不斷閃出的話題和另一半閒話舊事。晚市，我會再來的🥂

呢間主打中日fusion 料理嘅餐廳 行過見到lunch set 大部分都係$100樓下幾抵食 就決定入去試下🤣▫️蟹子溫泉蛋流心嘅溫泉蛋 生熟程度剛剛好 亦都有好多蟹子係上面 食落幾夾☺️▪️ 芥末八爪魚八爪魚加上適量嘅wasabi 有小小攻鼻 不過味道剛剛好😍▫️招牌蝦湯拉麵($88)拉麵嘅餸好豐富 有三隻蝦 豆卜 溫泉蛋 紫菜同埋芽菜😋湯底嘅蝦味亦相當濃郁▪️ 燒鰻魚燴飯($68)鰻魚以串燒形式上碟 而燴飯入口則非常creamy 加入青椒紅椒食落感覺更加清新🤤

山長水遠入咗屯門朋友既屋企玩，夜晚出街食晚飯，朋友就帶我去呢間食。坐得又舒服嘅，嘢食又啱食，真係推介無錯。泡椒雞腳 （$42）呢個我覺得都幾辣，但衰在食落口個啖好過癮，D辣係慢慢散出黎，愈食愈辣。不過雞腳好爽口，真係好食，食得辣既人一定會愈食愈上癮！🤤麻辣牛筋 （$96）一開始以為個泡椒雞腳咁辣，呢碗麻辣牛筋紅卜卜咁應該會仲辣。🤣點知又唔係，佢無咁辣，但有小小甜，同埋都幾麻，係幾特別，而且好香。👍牛筋又夠淋，唔會難咬，份量又唔小，正！鹿兒島A5和牛片燴飯 （ $228）係A5和牛呀！入口甘香，個油香好正，肉質鬆化，質感好爽，而且牛味都濃！😋😋個燴飯都做得好好，飯夠軟熟，汁夠香，不錯！脆皮炸bb乳鴿 （$68）嘩，呢個真係正到不得了，真係唔怪得咁多人叫！🤩個皮超脆，一咬落去好爽口，而且佢調味做得好好，好香口！👍肉亦唔會乾，都幾juicy！真心超級推介！🤤

前幾日經開屯門，見到呢間餐廳好特別，所以就決定入去試吓啦，結果果然有驚喜炸豆腐魚餅呢款小食嘅口感超級特別，配上獨有嘅醬汁，味道超級有驚喜，必食推介🥰🥰🥰🥰🥰🥰鹿兒島和牛膏飯呢款嘅主菜有啲似意大利飯，味道濃郁嘅和牛膏，再配上唔同嘅瓜菜去煮成既飯，口感好豐富😍😍😍😍蟹子海葡萄第一次食海葡萄，所以上網搜尋左有關佢嘅資料，發現海葡萄嘅營養價值超級高，超級爽口，好似食緊大粒版既魚子一樣，配埋鮮甜嘅蟹子，味道一流❤️❤️❤️❤️

今日入左去屯門三聖附近探親戚，完左就係附近行下。見到呢間好似居酒屋既餐廳，寫住無國界料理，於是行埋去睇一睇個menu啦。呢間餐廳中式、日式、韓式、西式都有，仲要紅日都有set dinner，所以就去試下啦！我地８點入去，咁岩有張枱走，唔洗等位！waitress 好nice咁介紹有D咩食～除左set dinner，仲有串燒同雞煲，好多選擇～我地最後叫左個set dinner 既鹿兒島和牛燴飯，加左蟹子溫泉蛋，仲叫左隻滷水豬手同埋芝士泡菜炒飯。因為得主廚一個人煮，所以上菜係逐樣上，每碟都熱辣辣，正！🇯🇵 蟹子溫泉蛋脆卜卜蟹子配上溫泉蛋，口感好特別，而且蟹子既鮮甜味同溫泉蛋好夾！🇨🇳 滷水豬手個豬手好入味，滷水汁十分濃郁，個皮浸到入口即溶，好好食🇰🇷 芝士泡菜炒飯用鐵板熱辣辣送上既泡菜炒飯，醬汁香濃又夠辣，外邊仲包圍左拉絲芝士，撈埋一齊食超好食😋🇯🇵 鹿兒島和牛燴飯呢個燴飯用左白汁同和牛膏，好香濃，啖啖牛味，真係越邪惡越好味😈另外，啲侍應十分友善，大讚！

屯門真係有好多隱世餐廳✨尤其係置樂花園一帶，留民料理店外唔太起眼，但入到去別有洞天，2部大電視分別播緊唔同國家嘅節目/新聞，而且仲會播流行曲🤟🏻 身為音樂達人嘅我，忍唔住跟著音樂搖擺起來🤟🏻🤟🏻前菜分別點左 芥末八爪魚🐙同蟹子溫泉蛋🥚前菜一啲都唔馬虎，一咋蟹子放係溫泉蛋上面，而溫泉蛋生熟程度啱啱好。加上有幾可前菜係有芥末八爪魚💓我勁中意芥末嘅攻鼻感覺😆🙈所以忍唔住一啖接一啖咁食，而且八爪魚味鮮甜👍🏻 🍽招牌蝦湯拉麵🍜呢個拉麵非常之驚喜，湯底既濃稠又香，有好濃郁嘅龍蝦味🦞而且用料亦非常豐富，有3隻大大隻又新鮮嘅蝦🦐豆卜、溫泉蛋、芽菜同紫菜等。拉麵麵質彈牙而且掛湯力十足！啖啖都有龍蝦味🤤🍽A5和牛膏燴飯燴飯口感creamy帶奶香，和牛肉粒、翠玉瓜、羊蔥等等材料煮成，出奇地翠玉瓜同creamy嘅燴飯好夾✨，而肉粒就稍為煮得乾身。🍽串燒拼盤🍖拼盤上餐之後”哇”左聲😆因為好豐富而且擺盤擺得好靚✨盤邊有七味粉同玫瑰鹽點綴，亦可自行調味。拼盤有七里香、雞腎、牛粒、厚切五花腩、柴魚片茄子。其中有幾樣特別出色😆七里香: 非常之驚喜，完全冇臭味，雖然油脂感重但皮燒到脆卜卜，一啲都唔膩😆👍🏻厚切五花腩:脂肪

由細到大都住開屯門，見證近來越嚟越多大型舖頭進駐，小店就當然要捐窿捐罅先搵到💨黎到置樂，個度都有唔同既特式餐廳，其中一間是食fusion菜既居酒屋💕🍴食物🍴午餐由$52-$128（包前菜蟹子溫泉蛋或芥末八爪魚和汽水）1️⃣燒五花腩燴飯$56: 飯好creamy，有啲似食卡邦尼嘅感覺，飯裏加入了翠玉瓜及香蔥，口感好豐富而且五花腩外皮燒得好香，食落唔會覺得好肥👍🏻2️⃣招牌蝦湯麵$88: 湯底有好濃郁既蝦味，豆卜都吸哂蝦湯，另外蝦有3隻～蝦殼是脆脆的應該是有油泡過😋可惜我哋掛住影相，啲面浸淋左，建議要盡快食😂3️⃣貴妃雞卷$28: 估唔到外表平平無奇，但係食落外皮好香脆，而且🐓肉好Juicy，有驚喜❣️💥環境💥座位唔算好多，不過望上天花掛咗好多日式裝飾，燈籠，國旗，日本酒等....比顧客感覺去咗日本居酒屋嘅風格。💥服務💥店員都幾好禮貌而且都有問我地啲嘢啱唔啱食。

本身住銅鑼灣，好日都唔會去大西北，聽講屯門留民料理好正，就揸車入去一試。師傅仲好好，可以泊門口幫你睇埋有無抄牌🤣兩個人車食啦，叫左一個沖繩海葡萄沙律，味道偏咸，配翻蟹子木魚碎同生菜，會易入口啲。之後再照一個脆皮炸BB乳鴿，外脆内軟，juicy。有少少日式風味，配上七味粉。別有一翻風味，差啲連啲骨都食埋🤣再上翻兩個主食，一個A5和牛膏risoto，一個香蔥五花腩risoto。超正！和牛膏燴飯入哂味！我本身減緊肥都食左大半份，仲加左翠玉瓜，增加口感。五花腩果邊就比較重奶味，燒五花腩希望下次有多舊，太好食了🤣

✨早前同朋友喺屯門捐窿捐罅搵食，搵到呢間留民料理，佢哋主打創意新派手法炮製美食😋👍🏻👍🏻日西合璧，質素唔錯👍🏻😋🌟值得一讚，餐廳座位唔多，不過勝在每張枱都好寬敞，坐得好舒適！🌈🌈◾ 前菜📌芥辣八爪魚🐙好新鮮爽脆🐙，一道很稱職的前菜😋📌蟹籽溫泉蛋🥚溫泉蛋流心，下方有生菜🥗，調味出色，超多蟹籽🦀◾ 主食📌鹿兒島A5和牛膏燴飯🐮🐮🐮（$85）他們主打的鹿兒島A5和牛膏燴飯，啖啖牛味香濃，燴飯軟滑creamy，沾滿和牛膏的脂香油香，配合上面的炸蒜，感覺滿足。飯內有蔬菜粒、香蔥粒等，口感多層次😋👍🏻📌燒鰻魚燴飯🐟（$68）燴飯同樣軟滑creamy，呢個飯裏面有更加多蔬菜，例如翠玉瓜和燈籠椒等🥒🫑。上面有兩條鰻魚串燒，鰻魚香氣四溢🐟🐟，配埋上面紫菜，味道多層次🌈

呢間喺屯門置樂嘅隱世居酒屋，鋪面細細但原來廚師一啲都唔嘢小喎！店入面展示咗好多廚師喺唔同煮食比賽嘅獎狀同獎牌，認真厲害！午市套餐都幾抵食，有我最想食個款招牌蝦湯麵，前菜有蟹子溫泉蛋或者芥末八爪魚，八爪魚剌身新鮮，配埋芥末辣辣地幾開胃。【招牌蝦湯麵】蝦湯超級香濃，但又唔會油膩喎，好正！麵條軟硬度適中，好掛湯！蝦亦新鮮彈牙，豆卜索晒啲湯汁超好食，整碗麵嘅配搭都非常之好！【燒鰻魚燴飯】飯上面有兩條鰻魚串燒，係即燒嘅鰻魚，唔係現成貨式，肉厚肥美好好食！燴飯入面有四季豆同菇，飯嘅軟硬度同顯度都適中，好Creamy好好食！【日式生炸BB鴿】加咗60蚊試下呢款得獎嘅BB鴿，皮脆肉嫩，啲肉好入味，配埋大量炸蒜好惹味！呢間居酒屋嘅水準好高，每度菜都睇得出廚師嘅心思，下次有機會再嚟食晚餐試多啲嘢！

一間好偏遠嘅料理韓式中式西式都有！泡椒雞腳 $48真心第一次食雞腳🤣🤣因為我男友超愛食🤣🤣每次到他家 他媽煲的湯一定有雞腳！然後我望着說不了不了 哈哈但今次還是試了一啖🤭🤭男友說：好好味 又吾辣 又夠爽🤭豆腐魚餅 $48終於我有野食了 呢個好味啊 熱辣辣即炸😝😝😝 超特別 大家經過試吓！！！野菌黑松露意大利飯 $108我係飯桶🤣🤣又要食飯❤️❤️佢呢間米係細細粒啲 仲加左脆脆留民料理 (屯門)屯門青山公路351號彩華花園地下1號舖

今日同男朋友撐枱腳，放工後6:00左右已經去到，如果遲一步都已經冇位了。我哋冇訂位只係Walk in，所以都係啱啱好可以試到，真係好開心呀我哋兩個人叫咗最出名嘅乳鴿，乳鴿真係嚟到嘅時候熱辣辣而且外皮好脆，食落仲好juicy 係咁啲肉汁一滴一滴流，真係好令人回味之後我哋都有嗌咗少少嘅全串燒類，叫咗雞皮串，生煎包同埋雞肉丸仲有好出名既雞卷，每樣食物都好好味，小編只係對生煎包有少少失望我哋都有嗌到前菜，海葡萄好新鮮而且鮮味十足另外主菜方面呢我哋都嗌咗鰻魚燴飯，我同男朋友都非常鍾意呢個飯，我哋覺得好好味而且唔會好似其他會飯咁偏濕或偏乾佢呢個濕度岩岩好最後我同男朋友都決定細佬生日要帶一家人你嘗試