牛牛

营业中

休息中

早前入西貢做嘢，一早已 bookmark 定要幫襯巷仔嘅牛牛，因為見唔少沙牛麵關注組嘅人都推介。本來想叫最 basic 嘅沙牛公仔麵，但見到 menu 竟然有炸麵，即刻二話不說，轉軚要咗個沙嗲牛肉酥脆炸麵。呢個麵真心好食，牛肉份量超多，有牛味之餘，肉質亦非常軟腍，但又唔覺落咗好多鬆肉粉，勁👍。沙嗲汁超濃，由於夾雜咗大量洋蔥，我覺得有少少偏甜，絕對係我鍾意嘅味道。至於炸麵又係一絕，啖啖脆卜卜，但係就一啲都唔油膩，好似食緊媽咪麵咁，好正🤤。食食下，聽到其他食客話個沙嗲汁點薯條食超好味😲，老闆娘話遲下睇下會唔會出呢個配搭，嘩，齋聽已經好想食😍。

今日下午專登入西貢，幫襯西貢牛牛嘅沙爹牛我向店主表示係睇到沙爹牛群的推介而專登來幫襯的，請店主推介一下。由於是下午4點，店主有時間用心地向我解釋各款牛的特色，讓第一次嚟幫襯的我，能決定選擇咩係最想食嘅😜 最終我選咗雙併撈面 ：牛 ＋ 牛頰肉（＋5元）- 麵底：軟硬度煮得剛剛好，索咗D汁都唔會好淋。- 牛肉：手砌牛，淋得嚟仍保留牛肉的質感，唔係用鬆肉粉令肉質變淋果D。- 牛頰肉：真的有驚喜！粒狀的牛頰肉食落唔單止鬆軟，依附在肉粒上果D啫喱，令肉粒更滑，加5元絕對是值得嘅。- 汁 ： 花生味香濃。 由於是撈麵，汁的份量雖然睇落唔多，但撈勻後卻是剛剛好， D汁掛滿每一條麵上，店主這方面的功夫拿捏得恰到好處。- 味道 ： 撈麵個汁，無論是濃厚度或是咸度，店主都控制得剛剛好，無話死咸或者要洗腎果D感覺。然而個汁的確較其他快餐店甜少少， 老闆表示是用了大量的洋蔥才有此效果，唔知嘅以為是加咗糖的效果添。 原來如此，難怪食完整碗麵，全無要大量灌水的情況出現。食完好舒服好滿足。我自己就很喜歡啊。店主知道我食得7788，便給我一碗沙爹湯試下。 齋飲湯都唔覺咸，而且仲想叫店主比多碗我添😜。整體來說 ：

牛味：呢間店出品的沙嗲牛肉麵，喺某關注組講過好多次。今次反而要讚吓佢個黑椒汁牛脷飯，牛脷唔係個個人都好（喜歡），亦唔係間間做得好（出色）。但呢個小店，可以將一條大過我拳頭的牛脷，
原條切片，做到好juicy，味道亦好香濃，最重要係夠稔！配埋個黑椒汁，盛惠$55而已。而加罐汔水都係5蚊雞，平過七仔。呢間真係又平又好食又用心嘅本地小店！！人情味；店鋪由一男一女合營，他們都好Nice。每次都很好傾。例如傾吓事前點準備牛脷之類，平時佢哋開住商台903，一路食一路聽都OK～～環境以小店嚟講，算很好，冷氣亦適中。其實西貢食店愈來愈貴，佢一個牛脷飯只是滿記一碗甜品的價錢⋯⋯所以我和朋友每次去玩完水，都必吃！建議提供凍檸茶/凍奶茶港式飲品～～

👧🏻👧🏻👧🏻👧🏻從小就極中意食沙嗲牛肉麵嘅👧🏻發現人愈大，周圍啲茶餐廳做嘅沙牛就愈來愈差，而有一班同👧🏻一樣咁中意沙牛嘅人就開咗個沙嗲牛肉群組方便大家分享香港各區嘅正沙牛。依間位於西貢嘅牛牛，開店短短數月就已經得到多位組員嘅推薦，👧🏻唔去西貢試試佢又點得呢！😋 鋪頭嘅店面唔大，坐位亦都唔太多，最多容納到八位客人左右。👧🏻去到嗰陣基本上都已經full曬咁濟，假日去嘅話洗唔洗等位就真係好睇彩數，平日去嘅話👧🏻諗應該會比較易有位坐。 ✧✧✧✧✧✧✧✧✧✧✧✧✧✧✧✧✧✧✧✧ 1) 沙嗲牛肉湯麵 HK$38 🎶食到沙牛真的好興奮~唔係講笑！食到好食嘅沙牛真係好興奮‼依個沙牛嘅湯底沙嗲味濃得黎又唔會杰撻撻咁，👧🏻未食麵已經瘋狂咁喺度飲個湯，個湯仲要飲極都唔會口渴。👍🏻牛肉🐮煮得好入味，唔會食到筋位，份量都好足夠用黎送麵食。洋蔥唔會過淋，麵都煮得好爽，仲可以掛到少少汁添😍。係👧🏻心目中，依個沙嗲牛肉湯麵真係👧🏻近幾年食過比較高質嘅一個沙牛麵😋。同行嘅朋友都話一飲佢地個湯就已經覺得佢地同其他鋪頭好唔同，終於明點解👧🏻堅持要黎依度食麵。😍賣相：🌕🌕🌕🌕🌑😋味道：🌕🌕🌕🌕🌗 其實沙牛組最推嘅係牛牛嘅酥脆

真係超級好食既沙嗲牛肉麵，超級推介～🍜沙嗲牛肉炸麵+太陽蛋 $50汁醬 肉款 麵底 全部自由配搭先講面底先啦 因為成個主食價錢都base麵底麵底：湯麵$38 /撈麵$38 / 炸麵$45汁醬：沙嗲汁 / 香濃黑椒 / 匈牙利汁肉款：牛肉 / 牛脷+$5 / 牛頰肉+$5加蛋+$5而我選擇既係炸麵 因為一黎覺得比較特別 二黎炸麵感覺上無咁溜(膩)果然 真係超級好食 對於平時細食既我 竟然成碗食哂 仲食埋隻太陽蛋呀🍳 真係好正呀炸麵入口好脆 配上佢嫩滑既牛肉 加埋濃濃既沙嗲汁 直頭係100分 不過依個麵有少少唔好既位係 唔可以食得太慢 因為當你差唔多食淨底碗最底既麵 你就會發覺 炸麵浸到太淋 入哂味會有少少鹹同膩 但又未至於難食 只係我個人偏好脆身啲如果佢可以分開麵底上 好似沾麵咁 唔知會唔會好啲呢🙈😙另外既係 炸麵既分量比較起湯麵同撈麵 感覺麵好似少啲 女士食都係岩岩好 男士食應該未夠滿足啦炸麵分量再多少少 唔知會唔會更好呢🙈(我啲男士朋友提出既)🤔🍟流沙鹹蛋黃薯條 $35薯條方面 就不過不失 普通正常質素 不過我哋將薯條點麵食淨既沙嗲汁 就有另一番風味 依個自創食法 大家可以參考下🤪店

今晚到西貢食嘢，試食沙牛包，第一次食好有驚喜。牛肉好好嫩，完全無根，新鮮好味。沙嘜汁好香，不太濃，好適合做夾包。另外個包都內軟，外皮有焗，但嫌不脆皮。整體非常滿意，以28蚊計，絕對物超所值！食完再叫左個牛脷包, 等左十分鐘，有得食。D牛脷溥溥的，易咬好tender，做得很好。D汁淡淡的，不會搶走牛脷的味道，恰到好處！如果沙牛包100分，牛脷包會係90分。下次會再來光顧，會叫沙牛面來試試。我有好大期望。還有老闆娘好好傾，very nice.

「西貢」食街裡面的港式家常菜食店「嫦餐」，最近宣告關門結業。幸好我趕及在「嫦餐」結業之前光顧過一次，但是「嫦餐」沒有製作「牛腩」食品，所以「嫦餐」結業於我而言，沒有留下太大的遺憾。恰巧我又沒有考慮在晚上，於其他地方享用晚餐，只需要晚上在「西貢」乘坐專綫小巴，前往「新蒲崗」享用「牛腩飯」，還有「雞肉」晚餐。所以我下午在食街尋找食店，享用下午茶。結果我發現食街裡面，發現「嫦餐」關門結業之後，舖位很快已經換上另外一間食店，食店名稱叫做「牛牛」，顧名思義「牛牛」主打「牛肉」食品。不過很遺憾地，我看完「牛牛」餐牌之後，發現「牛牛」餐牌裡面，偏偏沒有製作提供包括「牛腩」食材在內的食品，「牛肉」食材裡面就只有「牛脷」跟「牛頰肉」而已。所以我選擇享用「牛牛」裡面的小食食品，包括「Shake Shake 雞翼」還有「金沙鹹蛋黃薯條」。由於「牛牛」沒有製作飲品，只有紙包「檸檬茶」跟罐裝「汽水」供食客選擇，所以我放棄享用飲品。我最初以為「牛牛」製作「金沙鹹蛋黃薯條」裡面的「鹹蛋黃」醬汁，會是被煮成半稠半稀的流質，味道會是鹹中帶甜，結果「金沙鹹蛋黃薯條」表面的「鹹蛋黃」醬汁味道全部不似我的預期。「鹹蛋黃」醬汁

有💛小店，西貢人有福了呢個位置以前係我哋嘅飯堂，之前嘅小店結業，教我呢個上班一族嘅媽媽情何以堪呢，正頭痛緊以後嘅嘅晚餐點算，就出現呢呢人眼前一亮嘅新小店。小店裝修別緻整潔，已讓人十分討好。外賣點了：麻辣叉燒飯、黑椒牛脷飯、牛頰肉飯、薯條、炸雞翼。先講講外賣盒，係！連外賣盒都好靚，單從呢一點看出小店嘅一絲不苟、盡善盡美、用心製作嘅精神，已經好值得Support。不可不提嘅係牛脷，好味情度及我上高級西餐，呢個價錢，呢個味道，結論係西貢人有福了。

在網上留意到有人推介這西貢新開小店～牛魔王的我們今天終於入去食下，一家人本身晚餐打算吃海鮮，所以我們一早已定下午餐去這條食街食下野再漫遊西貢。😉我們點了：沙爹牛麵～吃得出他們用洋蔥花生炒過的鮮牛，再用特製沙爹汁煮到入味，味道真係好正，牛肉肉質好又入味，麵有點像半湯撈麵，麵好爽～吃到尾自然飲曬所有湯，但一點也不囗乾，正！！！👍👍👍沙爹牛包～長長的包，外軟內脆，同沙爹牛好夾，因為他們的沙牛的汁是煮到入左肉而汁又包住所有牛肉，所以全程不會弄濕個包，層次分明：外軟＞內脆＞牛肉新鮮入味～完全完美佩合～👍👍👍牛利包～牛利鬆軟易咬，味道有三種味選～重點是個質地像吃優質牛肉甘，牛利控必須GOGOGO!!! 咸蛋黄炸魚皮～一班人分享之選！！！香囗又野味，邪惡之選🤣🤣🤣PS果日去如在店打卡有羅宋湯送，好驚喜，絕對係我飲過最好飲的羅宋湯，推介～

早幾日喺沙嗲牛肉群組見到呢間新開小店，入西貢玩，就試一試佢咩料子🧐門面細細，入邊都好乾淨。去到即刻試吓佢個沙嗲牛肉包，係正嘅，不過驚喜嘅係，我朋友叫咗個沙嗲牛脷包，我本身唔食牛脷，但係試一啖就返唔到轉頭😍又軟熟又好味，仲要有成3塊牛脷，落足本錢，加埋佢個沙嗲醬同好多洋蔥，真係每次入嚟都要食🤩試埋個沙嗲牛肉麵，唔似出邊茶餐廳嗰啲水加醬，水汪汪咁，佢嘅湯底湯底好濃，又有洋蔥調製，唔會好似出邊咁要飲水，好明顯熬製咗好耐，唔係味精湯底。值得讚係個靚女老闆，問佢有咩啱小朋友食，佢又好詳細咁講，聽得出對食物好了解，又好有心。仲有西貢個地鐵字可以打卡🤩值得支持嘅小店💛