牛牛

营业中

休息中

沙嗲牛肉撈麵 $50沙嗲汁香濃，有沙嗲香花生香，唔會死鹹；牛肉軟腍，但唔算重牛肉味；略嫌個麵太重膠質，食落會漿住，過吓冷河會好啲。匈牙利面珠登飯 $65匈牙利汁酸酸甜甜，幾開胃；面珠登肉軟腍；加埋隻燶邊蛋，煎得香脆，就咁用蛋汁加匈牙利汁撈飯都好食😜老母羅宋湯 +$20個味一言難盡，微辣，飲落同平時嘅羅宋湯好唔同，未至於吞唔落，但唔係好啱我哋口味😢〰️〰️〰️〰️〰餐廳主打沙嗲牛肉，無疑佢係一碗好食嘅沙嗲牛，但未至於話好驚艷；我反而就覺得匈牙利面珠登比較深刻👍🏻今次係星期六12:00嚟到，餐廳唔洗等位，唔知係咪落雨天嘅關係，冇乜人，食完都唔見有人排隊😌 網上見到好多人話餐廳服務差，我覺得普普通通啦，冇話特別好定差，可能嗰日始終唔太忙🤔食物質素唔差嘅，不過如果要排15分鐘以上，我就未必會等，始終同區都有好多好嘢食，唔一定要食佢🫢〰️〰️〰️〰️〰️食物: 4/5性價比: 4/5 環境: 3/5服務: 3.5/5Revisit: Maybe

We visited it on a Sunday afternoon, it was a rainy day so it wasn’t busy. The food was delicious and well-prepared, but unfortunately, the service left much to be desired. They have two shops side by side so we figured we will bring our paper order over to the main shop as no staff was on our side, the staff rudely told my friend to go back to her seat and don’t come to the other side to order, she will come to us. And when she came over to take the order, she said my friend’s chair was stickin

去到西頁, 專登去試下高人氣沙嗲麵, 去到約一點, 大約有10人在排隊, 約30分鐘可以入座。 食物 : 味道不錯, 沙嗲香濃, 牛肉正常, 牛舌軟淋, 黃金鷄翼好味 環境 : 小店, 裝修有心思, 座位舒服乾淨 服務 : 員工有禮貌及主動 價錢 : $200 (3人)

沙爹牛控出沒喇‼️fafafoodie 平日下午茶時間黎西貢牛牛唔洗排隊😁試下佢既沙爹牛😊平日冇低消#沙爹牛肉湯麵 🍜❣️有得揀湯麵/撈麵或炸麵，叫左湯麵～望落好濃郁🤩湯汁夠稠杰掛到麵，飲落口沙爹味唔係話好重口味好濃個隻，係淡淡既沙爹，唔辣偏甜唔過鹹，食落舒服既😌牛肉軟淋冇筯亦冇鬆肉粉味，不過就唔重牛味既🙊麵質都可以，如果鐘意硬麵就可能會覺得淋左啲啲😛仲有啲洋蔥絲增加甜度同口感👍🏻重點食完唔口渴‼️😲真係好少可食完沙爹牛會唔口渴🤫感覺冇咁guilty🤣如果鐘意重口味既呢碗沙爹牛就可能未必岩你lu.. 但想試下食落舒服唔死鹹既沙爹牛，就去試下喇😉HKD50免加一服務費，星期六日假期設低消牛牛西貢#fafafoodie_西貢

星期日下午3點，門外仍有人排隊等候去一試『牛牛』特色。我們一行六人，等了大約25分鐘才可入座。首先食物味道確實不錯，沙嗲湯底真的味濃，最滿意是流沙鹹蛋黃雞翼＆魚皮。魚皮薄和脆，非常邪惡。牛脷厚切，牛面豬登肉好淋口。整體味道確實不錯。唯美中不足是上菜速度太慢，職員態度亦不太好。所以試過一次便足夠

牛牛價錢💲: $50/ $50好味程度😋: 3.7/5服務🍴: 3.7/5環境🗾: 3/5性價比🥢: 3.7/5回頭率😚: 4/5 (想食牛舌芯)-西貢好多野食小店係人都知，之前有朋友竟然同我講話次次去西貢都要食的係沙嗲牛😳所以要試試佢。係多餐廳的小巷入面，店鋪大約只得唔得10個座位，多人起上來係超級逼夾… 小店主打牛肉的料理，特別沙嗲牛肉，做成唔同款式。-✅沙嗲牛脷撈麵。牛脷厚切軟腍，入口容易化開的個種☺️ 但略嫌牛味有啲欠奉。中意佢地會有大量洋葱🧅令整體味道帶甜。公仔麵煮得啱啱好，一鬆開就撈起，所以仲有啲硬硬地，係我中意的麵質😍 沙嗲汁人手炒製，用左沙茶醬、花生醬、芝麻醬等做膽，味道比想像中淡，只有小小花生味，完全唔辣🤫同埋主要甜味為主，唔夠香。不過好彩撈麵令到件事濃郁左😂-🆗沙嗲牛肉湯麵。當呢個膽擺落去湯到就出事了…好淡，係淡到有D唔知食緊咩🫠 好似日本咖哩的蔬菜甜，但欠缺沙嗲的香濃😶 花生香都唔夠🥜不過呢碗的牛肉就好食過牛脷，用左後腰的部份，幾重牛味又軟腍。腍得來帶啲嚼勁，出色過坊間的牛肉好多！麵質一樣值得讚賞😬-試完覺得無想像咁好食，無荔枝角的沙嗲牛咁濃，不過又唔係叫好差，sh

今次嚟西貢終於有機會食到呢個沙嗲牛啦！❤️❤️❤️沙嗲牛肉湯麵呢個沙嗲牛麵實有太好食啦‼️牛肉好腍好香，個沙嗲湯好香濃，但唔會太咸令你食到好膩。啲面質仲夠硬身掛湯添🤭匈牙利面珠登飯匈牙利汁帶少少酸酸甜甜好開胃！再溝埋蛋黃汁食😋面珠登同紅蘿蔔都煮到好甜好腍，食到停唔到口鹽燒厚切牛脷芯好香口仲好足料真厚切！肉質好腍好好食！鹽燒令啲牛味更加出🤤牛肉全部都好高質！仲要價錢唔係貴，cp值超高啊❤️一定會回頭‼️食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️(五⭐️為最高分數)

牛牛一直都俾沙嗲牛肉麵關注組追棒，主打掛汁既沙嗲牛肉。由於小弟對肉絲炒麵情有獨鍾，所以今次就叫左沙嗲牛肉炸脆麵。麵真係好酥脆，但為左掛汁，可能叫普通即食麵效果會好好多。試左老婆🐽個沙嗲牛脷撈麵，牛脷超厚，但無乜味道⋯芡汁略嫌稍鹹，同埋多左D，牛脷同牛肉對比之下，牛肉係出色d。小食方面，叫左流沙鹹蛋黃魚皮同椒鹽一口牛面珠登，牛面珠入口有濃濃牛味，依個價錢有啲驚為天人😂，因為只係吊左少少鹽，老闆娘教可以用舖頭枱上面既Shake Shake粉調味，分別有日式海苔、四川麻辣、蜜糖芥末、Cajun燒烤調味粉。我用左海苔味去試，覺得係最配合又唔會遮蓋牛味。同埋佢因為油脂比較豐富，食到尾有啲膩。炸魚皮超級出色，其實只要個炸魚皮正正常常，加埋咸蛋黃依個組合，係保證停唔到口😁。小店的確要多多支持多啲，鍾意牛肉料理既朋友更加要去試下。下次等我試下老闆娘力推既黑椒汁同埋匈牙利汁先～

人氣沙嗲牛肉麵專門店🍜一開張已受到「沙嗲牛肉麵關注組亅力推更有網友留言是其食過，頭三位最好食的沙嗲牛肉麵，極度讚賞😃招牌沙嗲醬是用人手炒製🔥先把香茅炒香、洋葱炒至焦糖化，配上汕頭引進的沙茶醬，邊炒邊加芝麻醬、花生醬，製成沙嗲膽，相當用心🥰牛肉更用上優質牛後腰肉，每片至少厚三毫米，牛味濃郁，口感鬆軟😋

Weekend入西貢chill下，聽講呢間係沙嗲牛關注組力推香港頭3位最好食嘅沙牛麵🫣，咁梗係要try喇！的確去到好多人已經排緊隊👫👫，老闆話外賣至少都要等半個鐘⏰，依然勸退唔到大家🤣，所以我地等咗足足45分鐘沙嗲牛麵先上枱😂 umm唔知係咪舖頭太忙，我地覺得頗失水準……推薦指數：🐷🐷（5分滿分）（原因：同我想像中爆濃郁既沙嗲牛差太遠，期望越大失望越大）🐮沙嗲牛肉湯麵 𝐇𝐊𝐃 45大家力推嘅沙嗲牛麵，出名濃郁掛湯，但當日一上枱，見到咁多湯我都有d心知不妙😐，果然一飲，「咁淡嘅🙈？」係有帶點花生味，但只係一點點，唔濃郁唔辣🫠，公仔麵掛到湯，但重點都係個湯太淡了…同我想像濃到變沙嗲醬咁差咗九丈遠🫣🫣。牛肉亦稍微有d韌，45蚊冇嘢飲，差不多價錢我係樓下茶記仲可以配埋多士炒蛋凍檸茶，真心失望😵‍💫🍛匈牙利面珠登飯 𝐇𝐊𝐃 62沙嗲牛失望，好彩俾呢個面珠登飯救返少少🤏 醬汁酸酸甜甜，牛面珠登軟林入味，份量亦唔少，撈飯食正👍🏻環境：兩間舖位，但都較細，週末高峰時間預咗要排耐小小～

今日係遊客mode🤓遊到西貢係咁食食食🐷首先黎到呢間數一數二嘅小店💁🏻‍♀️有包、小食、主食 店舖主打沙嗲牛個個食完讚不絕口 等我會一會佢先😎✨ 牛面珠登沙嗲麵必食沙嗲牛‼️‼️ 一上枱已經好香 第一啖緊係試個湯啦 真心濃郁😍仲有粒粒花生 香香的~而且冇乜味精 忍唔住飲多幾啖牛肉真係好~~腍 好香牛味🤤普通公仔麵 麵質偏軟 ✨流沙鹹蛋黃魚皮小食控嘅我點會唔叫小食呢~眼見普普通通 但食落除咗香脆外鹹蛋黃味好足 又唔會好感太濃👍🏻夾咗舊浸個湯麵食 都好OK🤤溫馨提示💁🏻‍♀️好野係要排隊等下好彩我係佢12點一開舖就去食店舖細細好快坐滿 外面等候嘅人都開始多而且服務態度有禮 整體好滿意😊#港女為食記

特登揸車入黎西貢搵下好西食，第一間係小編最期待最期代，畀某某介紹餐廳頻道話佢係西貢名物之一，而事後知道張肯定係tune晒色既圖燒到我去食既牛牛。去到時無咩人，企係入面既女店員沒有出聲只係指著離佢較遠既位置手指指示意你坐下。中間有聽到對答其他客人同對答熟客時口吻有大差別⋯😅【沙嗲面珠登湯麵 】$50同某某頻道介紹既果張圖完全兩回事，果張圖係淨買深色類似港色茶餐廳既沙嗲色，而實物其實係日式甜咖哩既色（原圖直出），味道都係日式咖哩味而非沙嗲味🥲⋯小編認為個名應該叫咖哩面珠登湯麵會令人有個合理既期望。值得讚既係個面珠登肉係煮得好淋。整體上味道唔係差，只係非期待緊既沙嗲味而變左咖哩味而有所失望。追求以禮待人既小編，服務一項從未試過全程體驗完後畀咁低分數。小編都有睇下其他食評原來係一個一直都存在既問題。所以小編係為愉快地享受美食呢一點已知道會否有下次。

難得入到西貢，一定要search下有咩好食🤩一次過食曬佢😋😋見到沙爹牛關注組推薦黎牛牛食牛🐮午餐時間就黎食下啦～午餐時間相當多人，全場Full曬😆沙爹牛肉湯麵 $45 有幾款醬汁可以簡（沙爹/黑椒/匈牙利），但係黎到呢到一定要試個沙嗲牛肉麵🤭牛肉有7-8件，件件都係好厚身，食落唔韌好有牛味，湯底有花生味，好掛汁👍不過如果選撈麵的話，沙嗲味應該會更加濃郁🤩如果可以加埋少少花生碎係面，一定會更好食🤭🤭匈牙利面豬登飯 $62 一個叫左牛肉，另一個就試下食牛面豬登睇下有咩分別😆牛面豬登就比較肉質鬆軟，更腍身，牛味重但不會有牛騷味，而且配埋匈牙利汁甜甜地好好味，送飯真係好開胃👍🐮牛牛重有好多食物未食得曬，見到色色雞翼、鹽燒厚切牛脷芯都好多人食，下次會再黎食🤩

港島人一場入到西貢☺️梗係要試下沙嗲牛關注組推介嘅牛牛🤗小店位置不多，我同朋友下午茶時段去到，啱啱好唔使排隊有位！沙嗲牛肉包一開二牛肉包，一上枱就聞到沙嗲醬嘅味道！麵包烘到脆身，入邊啲牛肉炆到好腍！沙嗲醬仲食到淡淡嘅花生醬味，仲有好多洋蔥絲架✨呢度嘅沙嗲牛係屬於味道偏甜唔辣嘅，好啱我食🤩鹽燒厚切牛脷芯呢個牛脷芯令我更加想成日入西貢😂好食到黐線！口感腍得黎帶啲彈牙🤤油脂感十足😈邪惡但會越食越想食🥰牛牛 (西貢)西貢福民路58號高富樓A座地下32號舖

開12點🫶🏻 12點10分已經全院滿座🫶🏻 (小編係平日去架啦，weekend難以想像人多嘅情況😅)沙嗲牛脆脆麵 $53🐮🍝脆脆麵咬落去卜卜脆，就算撈埋啲沙嗲汁麵底依然硬身爽脆，麵身並唔會遇上醬汁就淋哂😋有咬口至於牛方面，肉質勁厚又嫩滑👍🏻👍🏻👍🏻配菜係洋蔥🧅索哂味，又爽脆，加分！！鹽燒厚切牛脷芯 $48 ✨有驚喜！真厚切🥩超重牛味又彈牙🐮新鮮熱辣食，口感真係無得頂👍🏻👍🏻鹽燒烹調方法提升左牛的味道🤪真材實料小店💯