牛牛

营业中

休息中

難得入到西貢，有好幾間想試的餐廳。中午特地吃少一點，留肚食下午茶。平日下午三點多大約等了二十分鐘，少少誇張，及後才知道小店剛在沙嗲牛肉麵群組及新假期被追捧，難怪人龍絡繹不絕。鹽燒厚切牛脷芯 $48牛舌切成骰子狀，食落口感軟腍無筋，有少少油，應該是炸而非燒的，好味不過沒驚喜。沙嗲牛面頰撈麵 $50出面少見牛面頰和撈麵食法，一場來到當然要嚐新。沙嗲汁濃稠，有花生香，牛面頰有近七至八件，非常慷慨，中間有筋膜連著，好好食，不過食到最後有點膩。老闆和老闆娘工作雖然忙碌，但出菜前堅持抺碟，笑容滿臉，感受到他們的熱誠。

讚1 食物水準係好既，沙嗲牛肉撈公仔麵既沙嗲醬有花生香，牛肉都唔會死腍：黑椒牛脷飯都好香口；整體係值得排隊彈1 服務要小心啲，叫左湯但漏左都係小事，係排緊隊客人面前，表達對店內客人食完嘢既不滿，呢樣就真係唔好

專登山長水又遠入西貢覓食，見到好多評論係人情味，沙嗲牛味濃，雖然條隊好長要等好耐，都諗住試一下。但係等咁耐係唔值得，味道普通，店員仲要極度無禮貌，問多兩句仲要喝人，完全唔明白那裏係人情味，唔通呢間舖嘅人情味就係呼喝食客？ 山長水遠入黎輕鬆一下，點知俾店員呼喝，真係咩mood 都冇哂，貼錢買難受， 點解待客之道可以咁。 平時係openrice 都係齋睇唔評價，今次真係忍唔住要留返個言俾大家知道呢間舖只係問多兩下啲野食就會被人不禮貌對待。

受到沙爹牛關注組既影響💡💡令呢間係西貢小巷嘅隱世小店突然人氣急升，適逢週末12點幾鐘，舖頭已經坐滿人，我哋兩個人+狗仔🐶就企喺門口排隊，因為帶狗仔只可以坐門外，所以我哋等咗20分鐘左右先有位，但等室內既應該10分鐘就入得。🔸 沙嗲牛肉湯麵｜$45 ⭐⭐⭐⭐賣相幾好，就咁睇都知沙嗲湯頭濃稠，味道就非常濃郁，唔係死鹹味，而且掛汁力強，個人對佢嘅沙嗲湯汁好滿意😍😍如果再加多少少花生碎就更好😄😄但牛肉有點失望，牛味唔濃，肉又唔腍，扣分位。🔸 沙嗲面珠登撈麵｜$50 ⭐⭐⭐個沙嗲撈麵汁味道同沙嗲麵湯味道係唔同嘅，撈麵汁偏向似沙嗲牛飯嘅味道，明顯比沙嗲麵湯差🙃🙃面珠登肉不過不失，唔會好韌，而且份量多，好食過佢嘅牛肉。(唔記得影相😛😛）🔸鹽燒厚切牛脷芯 ❙ $48 ⭐⭐⭐⭐正正方方既牛脷芯夠晒口感，彈牙、唔靭、有肉汁。味道只是單純輕鹽，但自己可以加5種調味粉：海苔、孜然、蜜糖芥末、四川辣粉，BBQ🤣🤣我個人就推薦孜然同四川辣粉😋😋牛牛📍西貢福民路58號高富樓A座地下32號舖

登記左電話號碼，半小時後返去，過阿嬸兇神惡煞鬧我半小時問乜嘢，佢話四十五分鐘嗰啲都未出聲啦，態度極之趕客，感覺我似入去乞食，永遠不會幫襯, 希望大家光顧前想清楚。

1️⃣黑椒牛脷撈麵黑椒味超重,都幾辣下,不過好香好味👍🏻個牛脷勁淋😍😍汁係好夠撈麵,確實好食,又抵💰HKD$502️⃣匈牙利面珠登撈麵個汁酸甜好開胃,面珠登肉都幾有咬口,都幾淋😍😍💰HKD$50係會想再返轉頭試佢唔同野嘅餐廳,不過店舖位置較小,又好多人等位,同埋人手都唔太夠，大家要留意啦

專程選擇平日入來食牛牛，因為希望唔使點等位，黎到當然要試下被稱為全港最好味既沙嗲牛肉麵，D湯汁係會掛汁架，完全唔係平時茶記食到既湯麵上淋上一羹沙嗲牛咁普通。黑椒牛脷潛艇，大家記得要食潛艇，唔係包，因為潛艇係配厚切牛脷，而包係配薄切，識食牛脷既，當然食厚切啦！椒鹽一口牛面珠登，呢個係必食呀！好淋，但又保留到Collagen，想再野味D，可以自行灑上餐桌上提供幾款不同口味既調味粉，老闆娘推介配麻辣粉會較合適。呢個好味到我地之後再encore多一客😋見到相片有流沙鹹蛋黃魚皮，只係$50，當然要order啦，平時買某品牌既鹹蛋黃魚皮都幾十蚊，仲要唔係熱辣辣，呢個勁香脆，好快俾我們這一家清晒🤣阿仔一黎到已經話要食薯條和雞翼，order了一客色色薯條，是一客原味薯條，可自行配搭餐桌上的調味粉，我自己較為喜歡配蜜糖芥末，阿仔就鍾意配紫菜粉，5、6款不同口味，更有一種啱你。另外阿仔選擇了色色爆汁雞翼，老公和阿仔就喜歡加入孜然粉和麻辣粉，咬落真係爆汁，勁juice!!而我當然order了流沙鹹蛋爆汁雞翼，呢個勁野味，又有鹹蛋黃既香，又爆汁，好想再encore，但已經食唔落。因為食完黑椒牛舌潛艇覺得好好味

Sorry，真心覺得唔好食！沙嗲醬太甜，完全唔香，無花生味，普通茶記都好食過佢…非常 失敗之作！勁失望，仲好唔開心，山長水遠去到西貢食呢碗野，真係浪費Quota…唔會再幫襯！

前排入西貢爬爬走 行經牛牛點開咗我嘅沙嗲牛肉雷達身為一名熱愛沙嗲牛肉嘅專員 必然要入去試下佢嘅菜色🥢沙嗲牛肉撈麵🥢沙嗲牛脷撈麵👉🏻沙嗲醬蓋滿成碗表面 食到花生香同花生粒 好香好好食👉🏻有撈麵/湯麵/炸麵選擇 選擇咗三種入面 中間邪惡嘅撈麵 公仔麵無煮到好淋 有啲咬口 沙嗲醬掛哂係公仔麵 👉🏻可以選碗牛肉/牛脷/牛面頰肉 食咗牛肉同牛脷 兩款都各自好食 牛肉入味又唔會好韌 食得出無落任何鬆肉粉 牛脷厚切又大片 下次再去想試埋牛面頰肉呢👉🏻本身唔食洋蔥 但佢煮到好淋又吸哂沙嗲味 甜甜地都幾好食🥢流沙鹹蛋黃魚皮👉🏻魚皮炸到好香脆👉🏻本身睇樣唔覺得佢好黃 但食入口有鹹蛋黃香味同埋個種沙沙口感 個人覺得佢整體唔會好鹹或好濃 都幾唔錯 *･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*係開舖時間去 唔洗半個鐘就坐滿咗人

💡受到沙爹牛關注組既影響令牛牛突然人氣急升 變咗紅牌阿姑 星期六下午一點幾到😅等左半個鐘到我地座位唔多 坐得幾親密一人煮一人招呼 所以 #你要靜候再靜候不過老闆娘好nice要食好野 等都合理既食完拿拿臨走 因為後面有千幾對眼𥄫住👀😂✐ ✎ ✐ ✎ ✐ ✎ ✐ ✎⍥ 沙嗲牛湯麵 ❙ $45😌我諗無十年都至少八年，冇食過公仔麵呢家野，但我明白到⋯沙爹牛跟公仔麵永遠都係最岩key🫂為左沙牛我願意🤟🏻賣相得得地，成碗沙嗲海咁🤣唔係hea用一pat汁撻上去，湯頭濃稠，掛汁無難度！但食落就些少失望🥲沙嗲唔夠濃真係唔夠濃郁！！花生香都好薄弱，辣味又唔出🫡牛肉稔多丁丁我地會更buy！唔知揀面豬登+撈麵會唔會就解決到🤧🤧🤧⍥ 卵蛋秘製麻辣叉燒飯 ❙ $62等左四五個字有飯食啦🤩急不及待要開動，um…係普通半肥瘦叉燒，街買貨色似的，秘製麻辣汁相當重口味，少少麻辣應該係人都接受到，一定要撈飯食！😳燶邊太陽蛋係加分位，仲有少少蛋汁濕潤啲米飯又搶到分，但總體唔係必叫idem 🤔⍥ 鹽燒厚切牛脷芯 ❙ $48🤭正正方方既牛脷芯夠晒有口感，油脂都有，香係幾香，不過無咩味道，鹽味建議可以加強，食落

遠道而來試試這間良心小店的出品。😋流沙鹹蛋爆汁雞翼 🌕🌕🌕🌕🌑 53hkd雞翼果然爆汁，而且香脆熱辣，吃的時候要小心雞汁盪嘴。鹹蛋黃稍嫌不夠。😞 椒鹽一口牛面珠登 🌕🌕🌕🌑🌑 48hkd😞 鹽燒厚切牛脷芯 🌕🌕🌕🌑🌑 48hkd友人很喜歡，只是「椒鹽一口牛面珠登」沒有椒鹽味。個人認為牛臊味極重，難以入口。老闆娘提議用孜然粉或者麻辣粉掩蓋牛味，的確可行，但需要用大量麻辣粉方能完全掩蓋臭味，不知不覺吃太辣，導致肚子痛。😞流沙鹹蛋黃薯條 🌑🌑🌑🌑🌑 38hkd完全不脆，而且味道淡、有油溢味。 😋5款調味粉的味道都很不錯，而且可免費任加。🌕🌕🌕🌕🌕😞可樂不夠凍 🌕🌕🌗🌑🌑 10hkd味道 🌕🌕🌑🌑🌑服務 🌕🌕🌕🌕🌑環境 🌕🌕🌕🌕🌕性價比 🌕🌕🌕🌕🌕回頭率 🌕🌕🌕🌑🌑二人享用，💰人均98.5hkd

八月某星期六晚上，窩夫與蝦子餅即興入西貢吃晚飯，雞或牛二選一，結果選了「牛牛」。窩夫不想吃飯，又怕炸麵太熱氣，所以跟上次一樣點了沙嗲撈麵，只是將牛面珠登換上牛脷。沙嗲牛脷撈麵($50)的沙嗲汁依然出色，牛脷也很好吃。蝦子餅安歌厚切牛脷扒飯($98)，上次試過黑椒汁，今次改要匈牙利汁，匈牙利汁充滿蔬菜的甜味，跟黑椒汁同樣高水準。厚切牛脷扒厚度近一吋，有三大塊之多，難怪店主建議窩夫與蝦子餅下次才試小食。蝦子餅的飯加了一隻煎蛋($5)，燶邊蛋煎得太美了。落單後才看到餐牌上的「老母羅宋湯(心情好先煲)」。店主說有客人將湯改名做「忘不了」，便知羅宋湯的味道有多好，便加了一碗試試，果然令人一試難忘。

今次轉成入到西貢品嚐呢間沙嗲牛肉麵🤍店舖空間唔算大，不過晏就黎到已經爆滿老闆娘同店員，得兩位招呼大家，所以敬請大家體諒落單同埋製作都需時沙嗲牛肉湯麵，沙嗲味道都算係濃郁而且唔會死鹹，所以食起上嚟都算舒服，而且掛汁力非常強湯麵軟硬度適中牛肉有咬口，肉片份量適中再加啲花生碎，成件事就會更加圓滿😄另外仲有多款小食，今次就試咗色色爆汁雞翼，普通嘅炸雞翼，不過旁邊有唔同口味嘅調味粉，任君選擇包括BBQ，紫菜，孜然，蜂蜜芥末等等😀雞翼炸得幾好，肉質嫩亦都仲可以保留到啲肉汁大家經過西貢嘅話都可以一試😃

🔆牛牛🔆西貢🔆地道小食店🔆一試難忘，變成左本小編的愛店！超強超香嘅鹽燒牛脷芯，超juicy超香超好咬口，係近期覺得必試嘅餐廳！西貢小店不少，有冇試過呢間係小巷嘅隱世小店～係另一黃店Hush Hush旁邊，都要排隊架～ 店面唔大，但乾淨同冷氣夠😂 好重要～講番食物～ 佢嘅招牌係牛肉！我地叫左一客鹽燒牛脷芯，每一粒大大粒，牛味超出超香可以加上5種調味粉：海苔、孜然、蜜糖芥末、四川辣粉，BBQ！我同男友超中意孜然同海苔一齊撈～似 shake shake 薯條💕店鋪亦有 shake shake /色色薯條，好多枱都有叫，食得津津有味💕另一有驚喜嘅order係沙爹一口牛面朱登配炸麵～ 麵條脆卜卜，但唔油！牛爹醬超正，好濃，但略嫌花生味唔夠香～佢嘅撚手牛面朱亦炆得好惗好味道，牛味好濃寫寫下已經好想再encore! 牛牛 網址: https://s.openrice.com/QrbS0VD0A00~uZ5MGAA地址: 西貢福民路58號高富樓A座地下32號舖電話: 46116216=====================#西貢美食 #西貢好去處 #西貢黃店 #西貢黃店💛 #黃色經濟圈 #黃店

專登揸車入嚟食牛牛，適逢週末點幾鐘，舖頭已經坐滿人，我哋兩個人企喺門口等， 34度天氣真係好熱，雖然舖頭好忙，但老闆娘都不忘打開門禮貌地問候我哋同埋後面排隊嘅人等咗15分鐘到就有位，當然要同其他人搭枱啦，但都唔緊要，因為好肚餓。分別叫咗兩碗麵，一碗係沙嗲牛肉湯麵，另外就係沙嗲牛肉脆炸麵，湯係屬於好傑好濃郁嘅，但係個人口味來講，本人鍾意燶少少嘅花生味，同埋鍾意稀薄啲可以即刻入口嘅湯水😛，所以濃厚湯汁唔係我本人最喜愛嘅，但牛肉就好厚身同埋好淋，完全冇筋位，牛肉咁厚身都唔會韌脆炸麵一撩開就碎晒，牛肉+汁同麵嘅比例係1:1，真係每啖面都索住口口好濃郁嘅沙嗲汁，個麵餅都好脆，比起湯麵，我覺得呢個更加值得食另外叫咗個炸雞翼，呢個雞翼好好食，未加調味粉之前專登咬一啖，裏面好多肉汁，外面炸醬亦都好脆身，有啲似食緊越式牛油雞翼嘅感覺，但當然味道就係靠自己用調味粉去調教啦，重口味嘅我哋就落咗好多麻辣粉同孜然粉，四隻雞翼好快清咗牛脷心要等耐少少，因為真係老闆逐條切出嚟，但係都好值得等待，睇落本身好似唔係幾吸引，但咬落就知道唔可以以貌取物好柔軟，亦都好夠鹽味，仲有肉汁響咬嘅期間響牙罅度滲出黎秒殺雖然要花啲時間