牛気 (希慎廣場)

营业中

休息中

𝗹𝗼𝗼𝗸 𝗮𝘁 @nabeurawa '𝘀 𝗷𝘂𝗶𝗰𝘆 𝗸𝘆𝘂𝘀𝗵𝘂 𝘄𝗮𝗴𝘆𝘂 𝗯𝗲𝗲𝗳🤤 𝘁𝗵𝗲 𝗷𝗮𝗽𝗮𝗻𝗲𝘀𝗲 𝗯𝗲𝗲𝗳 𝗯𝗼𝗻𝗲 𝘀𝗼𝘂𝗽 𝗶𝘀 𝗵𝗶𝗴𝗵𝗹𝘆 𝗿𝗲𝗰𝗼𝗺𝗺𝗲𝗻𝗱𝗲𝗱! 𝗶𝘁 𝗵𝗶𝗴𝗵𝗹𝗶𝗴𝗵𝘁𝗲𝗱 𝘁𝗵𝗲 𝗳𝗹𝗮𝘃𝗼𝘂𝗿𝘀 𝗼𝗳 𝘁𝗵𝗲 𝗯𝗲𝗲𝗳 𝗮𝗻𝗱 𝘁𝗵𝗲 𝗺𝗲𝗮𝘁𝗯𝗮𝗹𝗹𝘀. 𝘄𝗵𝗶𝗹𝗲 𝘁𝗵𝗲𝗶𝗿 𝘀𝘇𝗲𝗰𝗵𝘂𝗮𝗻 𝘀𝗽𝗶𝗰𝘆 𝘀𝗼𝘂𝗽 𝗶𝘀 𝗮𝗹𝘀𝗼 𝘄𝗼𝗿𝘁𝗵 𝘁𝗿𝘆𝗶𝗻𝗴 𝗳𝗼𝗿 𝘁𝗵𝗼𝘀𝗲 𝘄𝗵𝗼 𝗰𝗮𝗻 𝗵𝗮𝗻𝗱𝗹𝗲 𝘁𝗵𝗲 𝗵𝗲𝗮𝘁! 𝘄𝗼𝘂𝗹𝗱 𝗱𝗲𝗳𝗶𝗻𝗶𝘁𝗲𝗹𝘆 𝗰𝗼𝗺𝗲 𝗯𝗮𝗰𝗸 𝗮𝗴𝗮𝗶𝗻😋.早排心血來潮想食火鍋放題，近近哋就入咗牛氣，熟食區同自助區都寬敞多選擇，仲要環境乾淨企理同一般放題店好唔同～ 湯底超推介帶微辣嘅日式牛骨濃湯，夠哂重口味用嚟拾肉類同蔬菜一流，另外主角牛肉都無欺場，極上和牛片油花靚肉質嫩，輕鬆食咗三碟😛 套餐仲包咗花膠鮑魚等嘅海鮮同刺身，整體質素新鮮又坐得舒服，經過可以一試✨

我點咗$298個餐加$10轉左壽喜燒湯底, 冇海鮮，但就任叫牛雞豬首先一開場店員會放低兩碟牛, 豬肉,雞肉,魷魚!然後我哋就會點自己想食嘅雞牛豬！明明呢我冇點好多牛，但個店員係咁放落嚟喎🙈於是我哋決定係咁食😂😂😂好彩最後都食得哂，無浪費!的確牛小排係最好食嘅，有牛味，肉唔會鞋身, 但因為我哋冇點嘅牛店員都放埋落黎，總要有啲牛係唔好食嘅🤣唔知呢個係咪佢哋嘅策略？除此之外，一般嘅丸類蔬菜飲品都係喺出邊自取, 呢啲同一般火鍋店其實就大同小異啦😀

今天難得不用開會, 諗下可以準時放工, 就想著去吃好野. 前幾天看到介紹牛氣, 諗住去試下. 我很久很久之前去吃過一般, 所以很久都沒有去, 見到介紹好像有點改變禾, 有日式野吃禾...好啦就去試試. 因我不吃牛的, 所以沒看清楚便選了個最平的餐.  想點個三文魚來吃下,  點知, 打開個apps. 真係未見過吃火鍋的 apps. 裡面只有幾項野可以選的, 也可能係我這個 cheap 餐冇得選, 肉只有 牛/猪/雞各1款, 壽司有 旦/蟹柳/八爪魚/加州卷 (但當你在BAR 抬上看到這些壽司料, 乾爭爭的, 你都不想吃). 最後沒有其他野好叫, 就叫了個 加州卷 試試, 果然, 雪都實晒. 出面其他菜/丸, 都好一般, 品種都少, 真是十年如一日, 跟幾年前吃的沒有改變.  都係嘅, 唔怪得人, 鬼叫我吃最平的餐咩...但別家牛乜牛乜的, 就算最平的餐也好他幾幾幾倍.

銅鑼灣任飲任食日式火鍋放題 平日晚市去到希慎14樓高層 幾多人排隊 今次呢間最平$208/位 90分鐘任飲任食 如果食豪華啲海鮮和牛餐openrice book位會變120分鐘 同埋有優惠$500減$60 會抵d （價錢餐牌睇圖）.呢次試試佢地 ⭐️和牛海鮮套餐入座時 佢地會先上海鮮拼盤 雞豬 刺身黎得食和牛任食火鍋 目標梗係狂食和牛用QR code落單 叫咗兩碟試試先‼️點知直接出左2大盤和牛 出餐份量超級足（‼️平時鐘意先點10份既朋友要小心啦）👍🏻牛肉油花 肉質都高分 新鮮.海鮮有 青口 👍🏻花膠 👍🏻日本帆立貝👍🏻大海蝦 🔥鮑魚 墨魚滑 水魷魚.外面有自助區 熱盤 火鍋料 飲品 甜品熱盤區有 XO醬和牛炒飯 （😅會飽肚 冇試）👌🏻柚子蜜汁豬肋骨 雪耳糖水 味增湯👍🏻汁燒牛肉 👍🏻日式豬軟骨 👍🏻葡撻 燒三文魚.火鍋料區 都係基本 蔬菜 丸類 麵類當中必食⭐️麻吉燒花生湯圓 跟指示煮4分鐘🔥咬開流感滿分 超好食嘅湯圓.飲品區有基本嘅 汽水 紙包飲品 茶啡甜品佢哋有雪糕機 like fb 送movepick.湯底方面 佢地主要湯底都比較日式呢次試咗兩個湯 2個都比較重口味⭐️日式牛骨濃湯

📍 銅鑼灣 牛氣上個假日，心血來潮想打個邊爐就去左位於希慎嘅牛氣食午餐 🐂基本上環境相當舒服 - 當日係假期但都唔使排隊，我地三個人坐嘅卡位亦尚算闊落。食物選擇方面，除左鐵膽肉類之外，仲有好多款蔬菜同丸類 – 例如係自家製嘅麻糬燒。飲品亦無馬虎，有可口可樂同埋另外十幾款嘢飲 🧃最後仲包埋可以自己唧嘅雪糕🍦埋單連加一每人唔使$200，仲要係希慎廣場呢啲咁方便嘅位置，性價比都值得一讚。如果下次想約朋友打邊爐又無咩 idea 嘅話都可以考慮一下 🤔 #性價比唔錯嘅邊爐午餐放題 #銅鑼灣 #牛氣 #øhhejfoodie #20221004 

最近開始feel到秋天既氣息，當然要去打邊爐啦🫕成日都周圍見到牛気既分店，今次去銅鑼灣果間試下，質素又唔錯喎晚市價錢(午市價錢減$40💡)嚴選和牛+海鮮放題(90分鐘) $358/位有嚴選和牛、特選牛小排、大海蝦🦐、三文魚刺身🐟等等湯底要左壽喜燒+川椒麻辣湯底🌶️我地一向必叫壽喜燒湯底，和牛雪花好靚❄️，唔會切到好薄，亦唔會愈叫質素愈差，淥一淥，點埋生雞🥚，好甘甜🤤🌶️麻辣湯底亦唔錯，食得多壽喜燒偏甜既味，又可以食下麻辣刺激下味蕾🤘🏻亦唔會話太辣👍🏻至於其他食物都好有質素，牛小排🥩都好味、海蝦🦐(推介！)、八爪魚🐙新鮮大隻彈牙👍🏻仲有三文魚刺身任食😘自助區:有熟食(葡撻、日式豬軟骨、豚肉生薑燒🐷、汁燒牛肉等)、糖水、飲品區、火鍋配料、蔬菜🥬、雪糕機🍦我哋迷失咗同和牛玩遊戲，都唔係話試咗好多，不過選擇都幾多，味道ok👌🏻Overall講真食嘢貴精不貴多，和牛、三文魚🐮🐟任食確係好吸引👻但如果想食平啲，最平個餐$208有牛肩肉/豚肉/雞肉食，但無海鮮同三文魚，都係唔錯的，豐儉由人，可以一試啊

7:22pm入座8:20pm咁早就話冇晒雪糕送，又冇註明送完即止，分店經理及員工態度差！唔叫佢收野就扮睇唔到！平時係將軍澳食都好滿意，就係呢間特別差！唔推介大家黎。

晚市揀咗SRF餐任食90分鐘放題，我覺得好抵食呀，每一份牛嘅質素都keep到，我個人鍾意SRF牛，我朋友就係鍾意另一款平啲嗰隻啦，所以其實下次可以揀最平嗰餐都好滿足㗎啦，平嗰個餐都係198一位，我呢個餐兩個人加埋都係54X埋單，性價比高啊，菜都幾多款揀，有油麥菜，生菜，羽衣甘藍等，嘢飲任飲都唔錯，有罐裝茶，汽水，紙包飲品，有自己唧嘅軟雪糕，仲有幾款壽司，太多選擇啦，一定會再嚟啦都未試晒🤤仲有啊，呢個餐有水魷。滿足！

午市90分鐘放題！由於平日嘅關係人流並不算多，食物種類都有很多選擇，但今次選擇最平的一款穀飼牛肩肉，肉味一般，但其餘食物都很新鮮不錯，還有自肋棉花糖機可供小朋友食用之餘更可玩樂，👍🏻午市還減$40/每位

一行7人8:00pm入坐，9:10不停催促你最後order，當時9:10個場有一半冇人，其實食唔切，9:30叫你馬上離開，但未食晒，9:45明顯係經理？好惡咁話，你哋要離開啦⋯⋯明白嘅，以後都唔會再去，平均每人都要$400，火鍋1.5小時，7個人！貴、好趕、侍應 經理態度差！食物一般！

又係我最愛嘅打邊爐，他中午2百零蚊食2个中，可以任食牛，和自助蔬菜吧。自助區幾多嘢食的，有萵筍，不同的菇，還有咖喱飯，甜品有雪糕和棉花糖，還有小朋友最愛的軟糖。牛肉質素不錯，不會很鞋很乾。

二、三百蚊，半自助，算OK啦環境可以，衛生可以，味道一般啦起碼坐得舒服又唔吵耳傾下計，食下嘢，又一餐，又一日其實好多地方要睇身處何方銅鑼灣希慎廣場14樓人均二、三百接受到喔

可能因為打風緣故，今日只提供$298或以上的餐，而呢個餐入面仲有兩款牛都未能供應，基本上只有4樣嘢食：牛小排、豚、雞，水魷。熟食麻麻，甜品難食，咬左啖真係唔想再食😣肉類正常，其他配菜都正路，壽司啲飯硬到呢，仲要無三文魚壽司，只有再貴啲嘅餐先有三文魚刺身，不過都唔會再試了。落單可以更加電子化，全部落嘢都要叫店員，連壽司都係，加上人手又唔多，變相有啲麻煩。11pm關門，10:15pm收機，唔知道算唔算早，不過就食唔切雪糕🥲🥲

话說前幾日係銅鑼灣行街，臨近飯點於是係附近既希慎廣場搵野食，無意中發現係十四樓既这間牛氣放題，覺得幾抵食。我叫左個SRF美國極黑牛套餐，入面有SRF牛，牛肩，豬肉，雞肉同墨魚滑可以任叫，另外加錢叫咗個壽喜燒湯底，人均大約二百五十蚊左右。我主要食距地 D牛肉，SRF牛肉賣相唔錯，肥瘦相間，頗為平均，吃落唔會太難咬，牛肉味都幾濃，個人認為唔錯。至於牛肩，各方面都稍遜一些，賣相較差同埋有D難咬，不過都算係不過不失，都係推薦番 SRF。而壽喜燒湯底個人認為不錯，味道比其他舖頭濃郁，比較入味。雞，豬等等就屬於正常水平，無嘢特別。自取區方面，款式數目適中，該有既都有，但勝在夠乾淨衛生，令人放心。甜品方面，種類頗多，最令我驚喜既係有綿花糖機俾人 DIY綿花糖(可能我大鄉里，未見識過)。大致上認為做得唔错，二百幾蚊有gum多嘢真係幾抵食。下次食多兩碟牛，應該回到本。

琴晚臨時無訂位直接去左食，安排坐2人枱。當時6點有頗多空位，見其他2個人嘅都坐緊4人枱，所以有問有冇其他位，但話其他都俾人訂哂。兩個人，朋友鍾意壽喜燒湯所以就揀左，要加$10。一開始食牛同食左舊響鈴，個湯濃（甜）到係食咩都幾乎食唔到食材嘅味，淨係食到壽喜燒嘅味，仲要食完即刻飲野沖番啖個口。朋友有用生蛋汁配黎食，所以佢尚接受到。個湯一黎係好滿下嘅，唯有諗住等佢滾下少啲水再叫人加湯個陣加熱水算。我叫加湯個陣，個侍應都自動問確認係咪加水唔係加湯，話會太濃，姐係其實根本佢哋都知食客一般都覺得壽喜燒個湯太濃，咁點解佢哋唔同廚房溝通下呢？唔通想食客一坐低一食就叫你拎番入去倒走部分湯然後加水拎番出黎？以前間唔中都有去食，可能幾個月一次，都係叫壽喜燒湯，之前一路都正正常常。除開食成400蚊一個人，但因為個湯根本無食到啲乜，好sad。