牛気 (希慎廣場)

。O小姐。✨食左當去左韓國 - 牛気✨。日常。 月頭去完韓國，食完佢哋嘅燒肉，返黎後念念不忘….上網見到有間打邊爐做緊韓風祭，既然生日就到，咁就對自己好啲，同媽媽去食，順便懷念一下韓國嘅氣味～間餐廳叫牛気，係希慎樓上，我哋住港島嘅好處就係一程巴士就到，仲要係希慎門口有落😀由於同媽媽食要食早啲， 我哋六點就到，估唔到去都有一大部人喎， 難得丫！呢排食咗甘多間餐廳，難得見到甘旺場💪🏻 我哋叫左 Lv4 嘅套餐（老人家仲有折）， 呢個餐係包澳洲穀飼黑安格斯牛+SRF 美國極黑牛+海鮮！ 門口嘅侍應生同我哋講而家做緊韓風祭，可以試吓，嘢飲方面都多咗好幾款韓國飲品添。另外，因為依家DSE考緊試，只需要喺佢哋嘅專頁度留低打氣嘅字句就有小禮品送，咁我哋都留返幾句支持一下順便攞咗個疫病退散～侍應哥哥好健談，特別同我哋講佢哋有水耕石斛菜？叫我哋試吓，起碼喺出面未見到。肉方面呢每一款牛都試過，我哋就比較鍾意SRF 美國極黑牛多d ，個肉比較嫩身啲，同埋有咬口，由於佢哋切得比較薄身，所以我哋叫咗好多碟🤣因為我哋係任食..當然我哋都有食晒啦，不要做浪費的孩子必須要提嘅係佢哋嘅海鮮！蝦係必須點的！好大隻，食落去啲肉係彈牙的！我自己一個起碼食咗六隻🤣🤣最尾就係甜品，佢哋啲甜品賣相係攞嚟打卡😆我哋每樣都叫咗share嚟食，有丸子，有豆腐花，仲有楊枝甘露…好飽..雖然係任食但都有限時嘅，所以記得唔好叫得太多，一定要食得晒先好叫嚟食㗎。食完出門口，見到都仲有人排隊喎，好戥佢哋開心，起碼平日都有客啊，如果唔係真係下次想喺香港食嘢都唔知食咩好….大家一齊支持吓香港餐飲啦。總結：餐廳夠大，冷氣夠凍，食完個身都有味但係唔太多，侍應幾有禮貌，嘢食方面中上，款式都多，佢仲有雪糕同棉花糖（可惜真係食唔落），飲品方面都有好多款，仲有熟食，又比較辣嘅韓雞，年糕、仲有一堆甜品🤭性價比嚟講其實都高，我覺得如果有一班人嚟嘅話可以一齊食，大家分擔下唔同嘅款式，咁就個肚可以裝多啲嘢食😆…查看更多

牛小排牛肉質素佳，環境衛生清潔，每位員工服務態度友善，唯獨是卡座太少，原本擔心沒位子坐，幸好經理反應超快，立刻幫我們調配到一張舒適的卡座，這種臨機應變的處理，讓整體體驗加分不少。自助區環境衛整潔，吃火鍋最怕的就是油膩髒亂，這裡完全避開了這些缺點 ，讓人吃得安心。服務態度更是讚，每位員工都超友善，微笑迎接，點菜時耐心推薦，湯底加水也主動幫忙！總結來說，這家火鍋店在牛肉質素、衛生環境和服務上都表現出色，唯一建議多添幾個卡座，CP值超高！一定會再次幫襯，同朋友一邊打邊爐一邊吹水嘅好地方！…查看更多

火鍋放題2小時，真係有D趕！價錢2人要$900多，下次唔會再考慮🤣環境係光猛衞生嘅，至於牛肉方面，賣相唔錯，但是鮮味一般。海鮮質素麻麻😅冇乜鮮味。出面有自助區域，叫做有D選擇！好食與否，見仁見智😂…查看更多

今次來到銅鑼灣牛氣！今次佢哋推出韓風祭！想食到日式涮涮鍋，又想食到韓國美食！牛気推出限定主題，加入好多唔同種類美食、例如自助區助手、韓式炒飯等等！ 🥘 湯底（牛骨髓湯底*麻辣湯底）牛骨湯底成碗都係乳白色嘅骨膠原！湯滾時仲見到骨髓油花浮面🌊 ；麻辣湯底麻香十足但唔會辣到噴火，適合香港人口味🥩肉類攻略🇦🇺澳洲黑安格斯牛 🇺🇸美國SRF極黑牛 - 入口真係有冰淇淋融化感，牛味濃郁仲會送一碟日本九州和牛肩，誠意推介和牛，脂肪豐富，滑溜至極🦞海鮮有🇯🇵日本帆立貝 🦐大海蝦 等等海鮮類都好新鮮，鮮甜彈牙，墨魚滑 ，都好高質🇳🇴挪威三文魚刺身 - 厚度切足1cm，油脂線條分明 等還有手機自助下單的各種食物包括壽司、甜品、鍋物、生蠔等等，自助區亦有各種蔬菜、甜品、雪糕、關東煮等！真係好豐富！好抵食…查看更多

牛気呢間日式火鍋店真係性價比爆燈，啲食材唔止種類多，仲要樣樣高質。海鮮部分：巨型元貝一上枱已經好吸睛，厚肉又鮮甜，落湯一煮就散發出濃濃海水味。水魷魚煙韌有嚼勁，咬落去啖啖肉又唔會韌到咬唔開。蝦滑同墨魚滑做得好滑溜，入口彈牙，咬開仲有啲鮮甜海鮮汁爆出嚟。虎蝦隻隻肥美飽滿，煮完唔會縮水，咬落去爽口鮮甜；青口都係即叫即開，好新鮮冇雪味。牛肉部分：澳洲穀飼黑安格斯牛脂肪分佈平均，油香唔會過頭，涮幾秒就啱啱好，食落柔嫩又有咬口。SRF美國極黑牛係另一個層次，肉味超濃郁，幾乎入口即溶，涮完之後一啖落肚真係滿嘴幸福感。其他特選美食：除咗火鍋料，佢哋仲有三文魚刺身，切得夠厚又夠冰冷，脂香味濃，入口冇筋啖啖肉。蒜蓉焗生蠔非常惹味，熱辣辣、蒜香撲鼻，蠔本身又夠肥美，絕對係小食之選。甜品部分：最後一定唔可以錯過雪糕，款式唔少，食完濃味火鍋嚟啲清新冰凍甜品，完美收尾！…查看更多

人氣「牛気」韓風祭主題+任食海鮮、黑安格斯牛最近好想食啲肉，就約埋朋友去食火鍋見到新出韓式雪濃牛尾湯，緊係要試吓好耐無去韓國了，真的有啲掛住韓國嘅雪濃牛尾湯未食之前飲啖湯先，清澈不油膩，濃郁牛味嘅湯底基本上所有食材都唔洗點醬，因為湯底已好濃郁我哋揀咗Lv4: 澳洲穀飼黑安格斯牛 + SRF 美國極黑牛放題 + 海鮮放題套餐勁多選擇，以下全部任食澳洲穀飼黑安格斯牛、SRF美國極黑牛、特選牛小排、PRIME美國肩胛肉眼、穀飼牛肩肉、牛舌、牛骨髓、精選雞腿肉、特選豚肉、特選海鮮、日本帆立貝、挪威三文魚刺身、花膠、青口、大海蝦、墨魚滑、脆鯛魚片、爽脆水魷澳洲穀飼黑安格斯牛肉油花分布均勻，入口嫩滑多汁，牛味濃郁而不膩，帶點牛油香，肉質細膩。SRF美國極黑牛油花極致豐富，入口即化，肉香層次分明，甜度高且多汁，吃完回味無窮。海鮮新鮮彈牙，鮮味突出，配合韓風祭主題，火鍋都非常適合，整體體驗滿分！仲有自助區真係超豐富，一行過去已經眼花撩亂！甜品有香滑軟雪糕、棉花糖同埋嫩滑豆腐花，飲品選擇又多又齊。熟食熱辣辣，杞子雪耳糖水清甜滋潤，蔬菜菇菌新鮮爽脆，火鍋配料多到揀唔晒，好想全部都試晒！牛気銅鑼灣希慎廣場 14 樓 1403及1404-1405 號舖…查看更多

Hotpot & ingredients 火鍋、配料 🥘呢款極上和牛海鮮放題set 真係相當豪華豐盛，包括有雪花紋好靚嘅澳洲極上和牛🇦🇺、入口即溶嘅日本和牛❄️🥩、爽口彈牙嘅牛舌👅、大概八款清甜嘅時令海鮮🦐🦪、矜貴嘅牛骨髓🦴、滋補養顏花膠、肥美嘅挪威三文魚刺身🐠、多款菜類、丸類、自家製彈牙烏冬拉麵🍜等，所有配料嘅質素都好高😍，另外湯底就揀咗韓風製嘅特色雪濃牛尾🐮湯同埋完熟蕃茄濃湯嘅鴛鴦鍋，真係好正Cooked food & dishes 🍲 熟食、煮食類 熟食類別嘅選擇好多，自助吧有是日養生蟲草花湯🥣、六至七款關東煮🍢、素食者都啱嘅沙律🥗、四至五款熟壽司🍣、川式麻辣爽脆魚皮🌶️🐠、幾款熱辣辣香脆可口嘅炸物🍤等，款式多，真心唔錯！Beverages & desserts 🍨 飲品、甜品Level 5 嘅晚市套餐除咗有茶類🍵、果汁🍹、汽水🥤、咖啡機飲品之外，仲可以有啤酒🍻、日式清酒🍶暢飲，而甜品方面好似有homemade 雪糕機、自己落手落腳整又好玩嘅棉花糖、港式滑捋捋豆腐花、口感煙靭嘅麻糬🍡、濃郁芝士蛋糕🧀、舖頭限定嘅十勝紅豆豆花🫘、高質素MOVENPICK雪糕🍦，好多樣化…查看更多

要食火鍋放題，一定要揀一間坐得舒服，環境衛生，食物有水準的。「牛氣」正正是我想要的。今日選擇了LV4 澳洲黑安格斯牛+美國極黑牛+海鮮放題*凡惠顧 LV4 或以上級別套餐，可獲贈「日本特選和牛肩胛肉眼」一份。湯底蕃茄濃湯和韓式雪濃牛尾湯一邊是艷紅濃稠且鮮甜，另一邊是乳白色且帶有溫和、鮮甜的牛肉味。肉類有各款牛肉，豬肉，雞肉…. 控牛嘅我，當然牛是首選，牛肩胛肉軟熟入口溶化，安格斯肉質軟腍，極黑牛肉質比較實且肉味濃厚。海鮮也不遜色，蝦隻爽口，帶子鮮嫰，青口又大又甜，好味。各種丸類，菇類，蔬菜類擺放整齊，款式多。還有熟食，如関東煮，都另人目不暇給。甜品有芝士蛋糕，布甸，棉花糖，連雪糕都係低糖，真係食得開心。…查看更多

～銅鑼灣高質素任食火鍋👍🏻～近排冇錢😂焗住食LV4☺️估唔到都幾正喎👍🏻～Lv4 黑安格斯牛😍油花幾靚☺️脂肪分布平均🤪👍🏻好味之選😙～Lv4 SRF極黑牛❤️大塊有咬感❤️牛味好重👍🏻 encore咗幾碟☺️～韓式雪濃牛尾湯🤪非常出色嘅湯底😘勁香濃😍建議大家一定要試👍🏻～海鮮拼盤😘各種海鮮都非常新鮮好味❤️～自助吧勁多高質選擇😍飲品，甜品，蔬菜，炸麥包羅萬有🥰食到停唔到口❤️～順帶一提😛餐廳環境靚😍食物質素高🥳店員服務態度好👍下次一定再嚟食😎…查看更多

朋友即將移民英國, 我特意book咗銅鑼灣希慎廣場「牛気」同佢大吃一番, 滿足味蕾同胃口。到店後先知適逢「韓風祭」, 選擇LV4套餐, 即可免費升級享用韓式雪濃牛尾湯, 同時免費追加限定醬油熟蝦。最後我地選擇了LV4套餐: 澳洲極上和牛+海鮮放題 (成人$438  小童/長者$348)  +$10鴛鴦湯底韓式雪濃牛尾湯: 奶白色湯底, 牛味濃郁, 非常配合主打食牛嘅火鍋。黑蒜豚骨湯: 大大舊豚骨熬製, 清香濃郁。店內光猛華麗, 設大量卡位坐得舒服, 肉類、海鮮等大部份火鍋配料均以scan QR code落單, 而自助區則擺放了丸類、蔬菜類、少量熟食、多款飲品、甜品小糕點、軟雪糕、自制棉花糖等…我地所選嘅套餐主打澳洲極上和牛, 色澤鮮紅, 油脂分怖均匀幼細得如大理石花紋, 肉質超嫩。日本特選和牛肩胛肉眼(期間限定): 油脂分佈較為集中, 肉味同脂香味較有層次。PRIME美國肩胛肉眼:  油脂分佈不平均, 不過薄切盡量提升肉質嫩口度。套餐同時亦包含了多款牛, 更有豚肉同雞肉, 滿足食肉獸。海鮮方面有爽彈鮑魚、肥美海蝦、超嫩滑無骨脆鯛魚片、爽脆水魷同埋青口等。挪威三文魚刺身: 雖然刺身只有一款, 但有魚香, 總算滿足過下口癮。至於期間限定主題「韓風祭」, 特意加咗韓風美食, 例如韓國手工餃子、韓國泡菜餃子、韓國年糕、辛辣麵、韓國芝麻拉麵等….醬油熟蝦: 醃得入味, 鹹甜惹味, 爽口彈牙。韓式上湯小籠包(晚市供應): 一咬有湯汁流出, 鮮肉味香甜。韓國年糕條: 可以自制部隊鍋, 質感煙韌。韓式炒飯: 辣辣地, 幾開胃。甜品方面, 十勝紅豆豆乳冰豆花: 嫩滑得入口即化, 豆味突出, 有少少紅豆增加甜度。奶蓋白肉丸子: 煙煙韌韌, 奶蓋濃郁香滑。軟雪糕: 竟然有雞蛋仔咁港式口味, 大愛!!自制棉花糖, 增添樂趣。用餐時間只有120分鐘, 胃口有限未能試盡所有美食, 不過質素高質, 回本率高, 會再encore!…查看更多

鍾意去呢類新式火鍋店，可以自選返唔同level嘅set，當中包含嘅第一盤牛係最高質，而食海鮮就要揀埋高級別套餐喇！牛気每一期仲有限定食物，今次嚟到有韓式雪濃牛尾湯，呢期會員食lv 4 放題套餐仲送日本九州和牛肩胛肉眼😍LV4 黑安格斯牛＋SRF極黑牛海鮮放題今日最like係九州和牛肩胛肉眼同美國極黑牛！無試過一定要try try! 兩款高質靚牛各有千秋，食不停。建議點鴛鴦鍋，揀咗韓式雪濃牛尾湯同蕃茄濃湯，食材喺唔同湯底，都有唔同感覺。除咗牛之外，爽脆水魷、鮮蝦、蝦滑、小刺參、手打牛滑⋯都有驚喜，可以用QR code揀選返。另外飲品櫃亦有韓國、台灣飲品，非常之多選擇。…查看更多

基本上每個星期都會去打邊爐，今次揀咗牛気，銅鑼灣希慎廣場都有分店，全新主題「韓風祭」韓式元素完美融入日式涮涮鍋！限定鍋底「韓式雪濃牛尾湯」，牛骨湯呈乳白色，牛尾肉味濃厚，鴛鴦鍋另一邊揀埋麻辣湯幾過癮。我們吃的LV4 套餐包含$298/ppl幾款牛肉的水準也很高，最推薦「澳洲穀飼黑安格斯牛」、「Prime美國肩胛肉眼」、「SRF美國極黑牛」，牛肉厚薄適中，而且肥瘦適中，好久沒有吃過水準穩定的火鍋放題，海鮮之中我們encore好幾次的就是帆立貝和大蝦、鮑魚都係好彈牙今次可以沉浸式韓風滋味，除咗靚牛仲有勁多款小食，「韓式上湯小籠包」、「韓式爆辣雞鎚」、「韓式豬手」、「韓式蘿蔔燜牛肋條」，真係幾豐富！如果想食好少少，印象最深刻係「日本特選和牛肩胛肉眼」，係希慎店限定，這部位是肉味最濃的和牛，油香足肉質更juicy，唔駛猶豫如果想一步到位，一定揀更高Lv食和牛!甜品：比較楊枝甘露 和雪燕紫米露…查看更多

今日我去咗銅鑼灣牛気，食咗佢哋的放題套餐Lv5：澳洲極上和牛加海鮮放題，仲有十周年主題，肉類極之高質！湯底我揀咗黑蒜豬骨湯底，湯汁鮮味濃郁，多款海鮮都係任食。其實呢個價格真係算抵食。肉類有日本宮崎縣的黑毛和牛、澳洲極尚和牛同埋澳洲穀飼黑安格斯牛。SRF極黑牛和澳洲黑安格斯牛切得薄而均勻，牛味香濃，入口即化！今次我就主攻日本宮崎縣的黑毛和牛同澳洲極尚和牛。憑我多年食肉同去超市買肉嘅經驗。單憑肉眼睇肉類嘅花紋已經可以判斷出呢兩款一定最貴！優質嘅肉類食落唔會嚡。另外仲有多款刺身、帆立貝、花膠、蝦、鮑魚、丸類。幾乎每一款我都點咗啲。全部都唔錯，夠新鮮。另外值得一提嘅係佢哋嘅甜品做得好出色！例如楊枝甘露、奶蓋草餅、同雞蛋仔味嘅軟雪糕。仲有關東煮。…查看更多

又去任食火鍋啦🍲因為而家「牛気十周年」🥳凡惠顧LV5或以上級別火鍋放題套餐，即可免費升級至無限任食「日本縣產和牛盲盒🐮🎁」！此外，第三階段「牛気沖天✈️🇯🇵」活動火熱進行中🔥只要成為TGG會員，於任何牛気分店消費並累積金額，即有機會贏取價值$5,000的日本旅遊禮券(四名）見到個推廣咁豐富梗係要去試下～🔸LV4 澳洲穀飼黑安格斯牛+SRF美國極黑牛放題＋海鮮放題 $338(+10%)我點咗鴛鴦湯底，是味噌海老鹽湯、月見壽喜燒我比較喜歡壽喜燒嘅湯底，味道濃啲甜甜地好開胃配料其實都幾多款式，每樣叫一碟都夠飽，仲有海鮮任食，海鮮都好新鮮👍🏻▪️牛類澳洲穀飼黑安格斯牛SRF美國極黑牛PRIME美國肩胛肉眼特選牛小排穀飼牛肩肉▪️海鮮類青口日本帆立貝水魷魚大海蝦脆鯇魚墨魚滑三文魚▪️肉類雞腿肉豚肉▪️甜品楊枝甘露奶蓋丸子十勝紅豆豆乳冰豆花自助乳酪雪糕🍦▪️自助區有熱食、甜品、丸類、蔬菜、飲品，最surprise嘅係熱食都幾好食，前菜可以食少少熱食再打邊爐*「牛気十年．烚出香港情🇭🇰🥘🔥」推廣期: 2025年2月1日至4月23日*食品或會因食材供應情況而調整或停售。…查看更多

在銅鑼灣希慎廣場14樓的牛気以高品質肉類海鮮日式涮涮鍋放題聞名選擇了期間限定的味噌海老鹽湯味噌海老鹽湯以濃郁蝦鮮為基底味道醇厚清爽入口甘甜層次分明是日選擇了$348的第四級別套餐前菜有咖哩牛腩關東煮糯米飯等SRF美國極黑牛油脂分佈如霜降涮煮後入口即化脂香與肉味平衡得恰到好處PRIME美國肩胛肉眼肌肉纖維分明肉質厚實卻不失柔嫩咀嚼間溢出豐盈肉汁穀飼牛肩肉口感紮實卻不柴適合偏好原汁原味的食客 牛舌薄切後輕涮數秒彈牙口感令人回味日本帆立貝肥厚鮮甜吸飽湯汁後更顯飽滿海蝦尺寸驚人肉質緊實彈牙搭配蝦湯底更突顯其鮮味  黃金蒜香生蠔外層酥脆內裡多汁蒜香提鮮而不搶戲無限追加的邪惡美味特色小食有丼飯的驚喜點綴迷你吉列蠔丼酥脆蠔肉配酸甜醬汁迷你明太子三文魚丼鹹鮮油脂交融層次豐富 迷你蔥吞拿魚腩丼綿密與蔥香搭配清爽開胃 最後更有不少甜品和雪糕作結…查看更多