牛気 (希慎廣場)

营业中

休息中

今日我去咗銅鑼灣牛気，食咗佢哋的放題套餐Lv5：澳洲極上和牛加海鮮放題，仲有十周年主題，肉類極之高質！湯底我揀咗黑蒜豬骨湯底，湯汁鮮味濃郁，多款海鮮都係任食。其實呢個價格真係算抵食。肉類有日本宮崎縣的黑毛和牛、澳洲極尚和牛同埋澳洲穀飼黑安格斯牛。SRF極黑牛和澳洲黑安格斯牛切得薄而均勻，牛味香濃，入口即化！今次我就主攻日本宮崎縣的黑毛和牛同澳洲極尚和牛。憑我多年食肉同去超市買肉嘅經驗。單憑肉眼睇肉類嘅花紋已經可以判斷出呢兩款一定最貴！優質嘅肉類食落唔會嚡。另外仲有多款刺身、帆立貝、花膠、蝦、鮑魚、丸類。幾乎每一款我都點咗啲。全部都唔錯，夠新鮮。另外值得一提嘅係佢哋嘅甜品做得好出色！例如楊枝甘露、奶蓋草餅、同雞蛋仔味嘅軟雪糕。仲有關東煮。