更多
2018-03-03
39 浏览
平日路過太子都經常會見到呢間餐廳,望落質素都唔錯今次決定上去試下,餐廳位於二樓,要行一層樓梯上去,樓梯周圍嘅裝橫格局非常吸引,以日系嘅裝修為主,牆壁上面擺放咗非常精緻嘅擺設,睇落非堂雅緻,上樓之後卡位都非常多,如果人多仲有包間大圓枱,用餐私隱度非常高。一坐低侍應出茶嘅速度都非常快,不得不說作為一間火鍋晚巿,茶水方面嘅質素都做得非常唔錯, 今日飲嘅係壽眉,茶湯清澈,濃而不俗,質素非常高。醬料方面都係可以自己調配,除咗大蒜辣椒,指天椒方面,仲有分紅同綠兩種, 唯一美中不足嘅係指天椒辣度不足,反而蒜味夠鮮香搭救。我叫咗麻辣湯底,花椒味非常重,湯底裏面就送咗豬皮同豬紅,非常進補,個人就認為麻香味非常夠,但辣味就略嫌不足, 不過冇太大影響,因為佢個麻真係非常好食,好似有螞蟻喺你條脷上面爬咁,但佢個麻味又唔會停留太耐,食一啖麻一下,非常過癮,個人認為如果加入茴香提鮮就更加好。九點半之後有海鮮套餐298蚊一位,睇番餐牌如果單點嘅話肯定唔只呢個價,性價比嚟講可謂非常高。直到上海鮮嗰下真係驚喜,真係物超所值,隻龍蝦好似我隻手臂咁大,仲有生蠔,扇貝,鮑魚,298一位真係超值,龍蝦口感鮮甜彈牙,肉質紮實,最
平日路過太子都經常會見到呢間餐廳,望落質素都唔錯今次決定上去試下,餐廳位於二樓,要行一層樓梯上去,樓梯周圍嘅裝橫格局非常吸引,以日系嘅裝修為主,牆壁上面擺放咗非常精緻嘅擺設,睇落非堂雅緻,上樓之後卡位都非常多,如果人多仲有包間大圓枱,用餐私隱度非常高。
一坐低侍應出茶嘅速度都非常快,不得不說作為一間火鍋晚巿,茶水方面嘅質素都做得非常唔錯, 今日飲嘅係壽眉,茶湯清澈,濃而不俗,質素非常高。
醬料方面都係可以自己調配,除咗大蒜辣椒,指天椒方面,仲有分紅同綠兩種, 唯一美中不足嘅係指天椒辣度不足,反而蒜味夠鮮香搭救。
我叫咗麻辣湯底,花椒味非常重,湯底裏面就送咗豬皮同豬紅,非常進補,個人就認為麻香味非常夠,但辣味就略嫌不足, 不過冇太大影響,因為佢個麻真係非常好食,好似有螞蟻喺你條脷上面爬咁,但佢個麻味又唔會停留太耐,食一啖麻一下,非常過癮,個人認為如果加入茴香提鮮就更加好。
九點半之後有海鮮套餐298蚊一位,睇番餐牌如果單點嘅話肯定唔只呢個價,性價比嚟講可謂非常高。
直到上海鮮嗰下真係驚喜,真係物超所值,隻龍蝦好似我隻手臂咁大,仲有生蠔,扇貝,鮑魚,298一位真係超值,龍蝦口感鮮甜彈牙,肉質紮實,最驚喜嘅係,生蠔肥美新鮮,一咬開海水嘅鮮味直情好似喺後鍛鍊爆開咁,反而鮑魚就不過不失,熟咗之後就縮到好細,食落都係正正常常,冇咩特別。
套餐附送嘅三色丸同牛肉片質素都非常好,牛肉厚身,牛味濃郁脂肪比例非常好,擺入口牛肉嘅油花已經開始溶化,但你仍然可以咬到肉質嘅口感,質素非常高。
埋單兩位710,晚餐嚟講略貴,但依個水準同質素絕對物超所值,偶爾對自己好少少都係應該嘅
张贴