澳洲牛奶公司

营业中

休息中

🔹早上8点15 去吃的早饭，虽然没有排队，但是店里人依旧很多。开关+疫情好转过后，大概要回复以前排长龙的状态，但现在的服务态度到是好到惊呆我。🔸选了38块的早饭套餐加了一份蛋白炖鲜奶，早饭里面的煎蛋换成了炒蛋多士，两个分这些刚刚好。🔸炒蛋多士，蛋足够滑嫩，多士上摸了黄油其实是有点腻的；火腿通粉到时比较清淡，通粉煮的通透超嫩；蛋白炖鲜奶选的凉的，鲜奶的味道被掩盖，整体口味没有腻到不能下口，但肯定是比较甜的，嫩滑，还是可以点的；至于饮品选奶茶吧，咖啡里感觉放了半杯糖，只喝了一口没有勇气再喝第二口💰：HKD 50，口味8/10，环境8/10，服务8/10

見疫情無咁嚴重,就同同事落街行去佐敦附近睇下有咩食, 行到經過澳洲牛奶公司無咩人排隊就入去, 好難得唔洗點等位,位都未坐定待應就走過黎叫我落單,但MENU 都未睇就叫去等陣先,因為疫情關係,餐廳有提供洗手液, 值得一讃。我地都叫了茶餐, 火腿多士,炒蛋,牛肉通粉,叉燒意粉,凍奶茶。牛肉通粉配上雞湯底, 夠哂入味, 夠哂熱。牛油多士外脆口,內夠熱,牛油唔會太凍,融哂。火腿唔會太凍炒蛋非常大份, 黎到澳牛一定食炒蛋, 蛋香味濃, 夠滑,有奶味。叉燒湯意粉, 意粉軟硬適中, 叉燒唔會太肥。凍奶茶方面夠滑,不過茶味加了冰之後唔夠味, 再濃D就好。牛油超級多

今晚朋友話想食西多士，印象中澳牛都有西多食嘅，所以帶左佢來食。半年無來竟然唔駛等位，疫情下少了許多遊客來幫襯。少左食客以為今次會食得唔趕，但由於《預防及控制疾病條例》有效期間，食店枱與枱間距需多於1.5米，見在場餐枱疏落坐位相當有限，見侍應更加勤快。埋位唔到5秒就問食咩快到呢，落單至上餐都勁快，食完不過半小時。法蘭西多 $26荼餐無得方飽轉成西多，所以只好另外叫啦，西多賣相金黃靚仔四正，可惜方飽得一片不厚身，蛋漿也不厚，奶油不多唔夠邪惡，無特別驚喜。荼餐 $46包了牛油方飽、火腿炒蛋、叉燒通粉、熱阿華田。炒蛋好滑調味唔錯，方飽夾住蛋食和就咁食都咁好味。叉燒通粉叉燒有D 肥大致OK。杏汁燉雞蛋 $30杏汁味好出好濃味，啖啖蛋香。香滑蛋白燉鮮奶 $30不錯的甜品，滑滑的口感，燉奶味比較燉蛋清，好好味。

生活在香港很久了因為疫情原因少了遊客，不用排隊，於是就去食我人生中的第一次澳牛依然人數是不少的，但是沒有滿座，所以沒有遇上趕客走的情況，不過當然說不上是好服務吃了蛋白燉牛奶，真的超級香濃牛奶味，是我喜歡的味道，$30一碗也不可以話貴，畢竟街知巷聞服務不好你都要來吃就要接受現實不過老老實實，如果要我排好長的隊，之後匆匆忙忙吃一個燉蛋，未食完已經見到服務員眼丁丁趕你走，我情願回家吃蒸水蛋

聞名不如見面，由細聽到大的澳牛，今日終於第一次光顧。素來以速度（極快）及態度（極差）聞名於世，又以炒蛋超滑見稱，唔體驗過真係唔會明。先講食物，2人叫左2個茶餐（茶餐賣到夜晚11點）,有多士、火腿炒蛋、叉燒通粉，檸茶。炒蛋真係超滑，無容置疑。蛋份量比出面食常餐明顯更大份。炒蛋香滑，食晒成份會覺得稍為鹹，整體係幾好食。多士塗滿牛油好香。叉燒通份味道唔錯，通粉質感太淋，而叉燒肉質好好。檸茶則普通不過不失。整體食物都唔錯，每份只賣$46（熱飲加$2）,夫復可求。成餐最神奇的，並唔係食物，而係由坐低開始感受到嘅節奏。睇餐牌一陣未決定到點咩餐，侍應阿叔就過黎問食咩，直接建議食茶餐。然後一波選擇題，鍾意煎蛋定炒蛋，意粉定通粉，多士好唔好，叫我繼續講（點其他）。瞬間寫完。驚魂未定，1分半鐘內兩份餐到晒，侍應阿哥極速幫我地擺好唔同碗碟方便食用，快到睇唔切。仲講多句「食物黎晒, 慢慢食」，邊講邊露出自豪嘅笑容。大佬，完全係睇表演，你贏!因為節奏太快，覺得有d壓力，自然食快d好似驚阻住人。一食完一碟侍應就即收走碗碟，又係快到唔信。但佢又唔會趕你走。覺得侍應嘅效率及敏捷度極高，卻又顧及細節，唔係是旦做，服務態

今次去咗澳洲牛奶公司食下午茶，真係非常之熱鬧，非常之多人非常之擠迫。👍👍果然名副其實嘅熱門茶餐廳之一。(o^^o)👍👍今次叫咗兩份常餐(o^^o)，火腿滑蛋配三文治，同埋一份通心粉加意粉，兩杯凍奶茶。👍先講奶茶先，同其他餐廳都唔同，嗰杯凍奶茶非常之香滑，有奶香味🤟🏻(o^^o)，值得推介！👍個三文治亦都切得非常之厚，口感亦都同出面嘅茶餐廳唔一樣，鬆軟厚底👍👍(o^^o)！最後份滑蛋火腿，火腿唔喊，滑蛋亦都非常之多，非常好食。通心粉同意粉亦都同出面嘅餐廳唔一樣，滑同埋料多！👍可以值得推介

聽說，「澳洲牛奶公司」是一間良心店舖，店內的夥計，雖然貌似凶惡和沒有禮貌，其實，都有一顆善良的心。在香港面對逆境的時候，都願意與香港人併肩作戰。早前就因為肺炎疫情關係，主動響應正苦呼籲，關門營業多天。讓我不禁喚起前次到來「澳牛」吃東西的記憶。去「澳牛」，要不是吃「燉鮮奶」或「燉蛋」的話，吃的還不是「茶餐」、「快餐」或「早餐」。最飽肚的「茶餐」，「叉燒湯意」湯味濃，意粉滑，叉燒當然不是佳品，可也不用苛求，都算是過得去，「火腿煎雙蛋」慣常地改為「火腿炒滑蛋」，薄片火腿雖然一般，招牌滑蛋仍然保持水準，軟滑而有蛋味。「牛油方包」經烘過後化身為「牛油多士」，熱、香、脆，與「凍奶茶」一起成為最佳拍檔。聽說，「澳牛」今日重開了。因為肺炎疫情關係，響應正苦呼籲而主動關門營業多天的「澳牛」終於重開了，找一天吧！我會去探探它的。

第一次食澳牛大約07年左右 , 茶餐只係26-28蚊...依家已升到$46...過多兩年實見5字頭咯陰公 , 果然係香港 , 同樓價一樣咁死癲 , 十足十某d廢鐵有加無減機制回正題 , 以往澳牛被冠以食 光速餐 及 伙計 超光速落單法 ,表演5秒執好台 等等神技今次1行4人一樣叫茶餐 , 其招牌菜「忌廉炒蛋」及「蛋白燉鮮奶」雖出色, 但遠不及店員喝罵食客的服務態度及「光速餐」聞名今次依舊我神速落單後 , 伙計都神速20秒左右回敬我上叉燒湯意 , 50秒左右上炒蛋火腿多士 , 叉燒湯意 , 叉燒勉勉強強很乾身肉瘦 , 沒有半肥瘦 , 湯粉適中沒特別 , 朋友的火腿通也是一般茶記水準炒蛋一貫水準,用3.6北海道牛奶炒,味道和幼滑 毋庸置疑 , 惟份量不足 , 生火腿屬正常 , 多士有烘底牛油朋友想順勢落埋野飲我馬上喝止 "懂不懂規矩" , 正常接近食完才能叫野飲 , 最後叫了奶茶,比例剛好全程用餐約12min左右 , 離標準10min內食完走人仲差d , 另沒有叫到蛋白燉奶 , 期望下次再試今次沒有被澳牛伙計問候及喝 , 總好似少了點甚麽 , 若有所失咁 , 雖知此先為幫襯澳牛核心價值希望

係疫情下，就要盡量減少外出。難得出開街，最想食嘅竟然係常餐！ 而身處佐敦，當然就係去澳牛啦。好彩有趁呢個機會去食，因為澳牛之後就話因為疫情而停業，要4月16號先開返。地點：佐敦本身就係一個好方便嘅地方。坐地鐵就可以選擇佐敦寶靈街出口，另外基本途經佐敦道同彌敦道嘅巴士，落車行數分鐘就可以。環境：一睇招牌同門面就感受到佢嘅歷史味道，餐廳入面就燈光白淨，光猛整潔。枱與枱都排得幾密，但疫情下食客減少，感覺都無以前咁緊迫，起碼唔使瘋狂搭枱。餐廳都仲好細心，每張枱都有洒精搓手液食物質素：尼得澳牛梗係要食佢招牌嘅茶餐啦，我地仲叫多左個法蘭西多士。 茶餐-牛油多士外脆口，內軟熟。個人習慣加砂糖，少少融埋牛油，一流。 另外火腿炒蛋，蛋香味濃，夠滑，調味啱啱好，已經唔需要自己再落盬或者胡椒粉，滿足。 最後叉燒湯意粉，如果唔鐘意叉燒係可以轉火腿，意粉亦都可以通粉。 不過我就覺得佢嘅叉燒都幾好食，有時好彩仲會有啲角切位，有埋少少叉燒焦香味法蘭西多士-味道正常，但無咩驚喜。服務：澳牛嘅服務都相當出名，特別係佢地嘅光速送餐同埋配位方式。而家旅客減少左，餐廳感覺上無之前咁緊迫，睇得出侍應心情都輕鬆左，笑容多左，仲有

澳牛係一間點嘅餐廳，相信我都唔使點多解釋啦。喺最近呢個非常時期，我都去過一次食，結果令我見到啲非常驚訝嘅嘢：澳牛嘅服務態度一直俾人垢病多年，但係今日我哋食竟然見到佢地有支搓手液放咗喺枱面。呢樣係一件非常之貼心嘅行為！ 睇嚟連澳牛都真係變咗啦之後都係例牌叫常餐啦，我揀左牛肉通粉同炒蛋。炒蛋真係一絕就算去過其他炒蛋出名嘅冰室，我始終覺得呢度嘅炒蛋係最好食嘅首先佢係炒得啱啱好，唔會有過生嘅蛋汁流出。另外亦都係非常之嫩滑同香，真係好好食。

參與過幾次罷工行動，雖然店舖門口沒有文宣，連儂牆，不過行動證明咗一切。傳聞中，澳牛嘅待應態度臭串，服務差，但不論係咪社會運動、黃店嘅關係，次次去食都一定下排長期，等一頭半個鐘，唔止遊客，連本土香港人都一定會去食，一定有佢原因！好多人都會認為，好食嘅食物一定係貴嘅，作為吃貨嘅一定要食最特別，但其實最平平無奇嘅食物要煮得好食，點樣可以令人食完覺得一點都不普通，一定係最難。一碟炒蛋，相信普通人都會識煮，但澳牛嘅炒蛋竟然可以做到排隊排到轉曬彎，真係好令我好奇，竟然呢碟炒蛋有咩魔力令人去排隊一個鐘呢？原本打算和友人去佐敦食壽司朗，由於當時係剛開業嘅時候，下午二時多、三時，仲係排四百幾張枱，真係見到都目定口呆，我哋當時太肚餓嘅關係，立刻決定轉場，去咗同樣位於佐敦嘅澳洲牛奶公司。我哋大概三點半，行到相隔三個街嘅澳牛，幸好，只係等左四張枱就能入座。餐廳環境比較狹窄，座位密密麻麻，以圓椅為主，也有數多張四人卡位座，我哋都被安排坐圓枱，與其他食客搭枱，待應並沒有傳說中嘅催人落單，或唔耐煩，我哋慢慢睇完餐牌後，決定一定要試佢最岀名嘅炒蛋多士，以及公司文治。炒蛋多士 $24 (8/10)炒蛋口感非常幼滑，食到

由細到大一直覺得澳牛係比遊客食近排盛傳澳牛態度好轉 於是的起心肝去試下星期六下午茶時段門口條人龍大概十幾人但5分鐘多啲就安排到入座好有效率.澳牛彷佛係另一個次元嘅空間🧐清一色大叔陣容(除左收銀姨姨)2.0倍速動作炒蛋送餐😂都幾有趣兩個人嗌咗⬇️ ⬇️🔻火腿蛋三文治 $22炒蛋真係好好味夠味夠滑就算火腿冇煎過炒蛋依然carry到🔻茶餐(叉燒通 / 火腿炒蛋 / 多士 / 奶茶) $46將腿蛋治分拆出售再綑綁銷售叉燒通😂有咁多個item都算抵嘅通粉幾滑幾彈 叉燒如圖普通呢個價錢唔會拎佢同酒樓叉燒比較🔻蛋白燉鮮奶 $30好足料入口個質感好厚養生滋補的感覺同澳門差不多水準小結➿有哂心理準備去食 覺得態度可以接受叔叔雖然冇咩笑容又唔接話但帶位點餐送餐埋單都十分順利有效率👍🏻.靠牛奶同蛋起家果然唔簡單滑蛋真係好食到飛天但中肯講句除左蛋同奶其他都好普通堂食動作要快有小小壓力以後想食蛋治會去外賣😉

近日疫情肆虐,聽到新聞話要停業三星期,返工前見唔洗排隊就去食過早餐先牛油方包烘底加牛油炒蛋本身餐牌係西煎雙蛋,不過炒蛋較出色,好有蛋香好滑好好食。火腿通粉通粉煮得剛好,唔會太淋。熱奶茶茶香奶滑好味。

今天，澳牛，宣布休業。嚇死我，以為蛇王二開口中，就到澳牛。2020年3月23日看完自己13年前寫下的東西，打了個冷顫⋯⋯多謝大家的耐性。這兩個月一直碎碎唸，怎樣也要回澳牛吃一趟。結果，連澳牛都要休業三星期。說起澳牛，總想起一位倒楣的朋友。我記得那次三個人去，兩人不吃火腿，結果他一個人吞了六塊火腿。如果說炒滑蛋厚多士你今天已經吃厭，澳牛算不上什麼吧。我想說澳洲牛奶公司的炒蛋厚多士應該是元祖吧。香港人這兩年的經歷，相信可以抵得上十多年。澳牛哥哥們從來都是真漢子，他們對老弱婦孺是特別客氣的。所以我從來都說，你要吃酒店式服務，請到酒店。到澳牛，除了味道，我就是喜歡澳牛哥哥們的速度與態度。祈願，集體回憶不會變成集體傷痕。圖：香港人食澳牛，打卡把鬼咩？

澳洲牛奶公司既光速餐好耐無食過啦。自從小左外地人黎香港，聽講黎哩度食野唔洗再排隊啦😙心諗唔洗排隊都可以再去食下☺️🎈每次都必嗌既三文治🥪蛋治🥞🥪🥪炒蛋口感非常非常滑嫩，有牛油香氣 🎈 真心哩度既蛋係好食既🥳🥳🎈第一次散叫火腿奄列🥰，心諗同嘉樂冰廳既有咩唔同呢？火腿奄列上枱吸睛，蛋包相當厚實飽滿，目測應該有4-5隻蛋😚😚裡面包著火腿，份量好多😋份量比我想像中大😍好興奮，食落蛋味的確好香脆💓💓不過就比較老身，唔同蛋治既嫩滑😌🎈熱奶茶夠哂茶味，好香濃☕️水準比以前既好，唔通因爲人少左，質素提升左？