澳洲牛奶公司

朋友带过来食呢间嘢，早餐排左几分钟入座，嘢食唔系很多选择，卫生都麻麻地，餐厅服务员递茶水卑你洗餐具，只手指都放入个杯里面，见到都冇乜食欲。服务都差到冇得顶，仲未食完就一直过来睇住你，食完既嘢即刻收走餐具，坐系度饮嘢就一直望住你，整个食早餐过程20分钟，D嘢食都唔系特别出彩，呢D舖唔会再来了！总之一个字，差！！！！！！！！！！！！！！！！！！！！！！！！！！！！！！…查看更多

第一次嚟澳牛一去到见到条长人龙真系吓亲闲日早上都咁多人足足排到转角位不过澳牛嘅光速真系唔系讲笑虽然有几十人排队但唔驶10分钟就已经可以安排入座因为拎住个大袋侍应哥哥好好人咁专登安排我坐墙边有櫈放嘢澳牛嘅环境系比较逼但要坐得舒服嘅就唔会嚟澳牛啦一坐低侍应姐姐就放低杯茶同落单由于一早听闻过澳牛嘅极速传说所以我都一早谂定食咩蛋就跟咗隔离位先生叫太阳蛋落完单转头就即刻嚟碗通粉一食落口有惊喜汤底比一般浓厚通粉食落软硬适中转头就嚟太阳蛋多士烘底略嫌偏生咗少少不过我都明有啲茶餐厅嘅太阳蛋系偏生用嚟夹多士还好块多士比一般厚索埋啲蛋黄同牛油好好味食食吓见到附近有人食炒蛋个样好吸引（之后search返先知原来佢炒蛋好出名）食完蛋同多士侍应就即刻帮我收碟同落嘢饮有啲人可能觉得咁做系赶客但其实呢种效率正正系澳牛嘅特色而且收走啲碟唔会阻住饮品到都系一种贴心表现好难得仲有茶餐厅有热唂咕饮真系够晒热惊阻住佢哋所以我都尽量吹冻饮快啲侍应哥哥见到反而叫我慢慢唔驶急好多人话澳牛服务态度差但我见几位侍应都好体贴现场不断有BB喊佢哋一啲唔耐烦都无面对外国游客又会耐心解释佢哋讲嘢可能大声啲做嘢又快又急但佢哋做嘅嘢充满住人性化喺呢度我深深体会到香港人外冷内热嘅写照食完埋单走人前后20分钟都无名不虚传嘅光速澳牛嘅快完全切合香港呢个咁讲求效率嘅地方佢自有一套嘅规矩有人可能觉得无服务质素但理解过后反而觉得呢个就系佢嘅魅力下次要试吓佢嘅炒蛋～…查看更多

今日带两个旅客去试澳洲牛奶公司， 食完之后其中一个朋友去了洗手间， 要等佢出嚟先走，结果个伙计话唔得要埋单走人出去等， 真不愧为垃圾餐厅，如果不是带游客嚟， 香港人绝对不会帮衬，…查看更多

每次嚟呢度食嘢，都要醒醒定定，打醒十二分精神先至敢入去。唔使排队，即刻安排咗卡位，当然只可以坐埋一边。食咗$58大元的茶餐，一开口想叫嘢饮，已经比伙计叫停，话之后会帮我哋落，食咗嘢先，因为张枱冇位摆，搞到我朋友一向要一路饮嘢一路食嘢嘅都冇得选择😂茶餐每一样食物都好到位，多士烘底好香，同埋唔系细细件，煎蛋都整得好靓，蛋黄冇穿。好怀念嘅叉烧汤意粉，好钟意佢哋个汤底，一定要加胡椒粉食，好好味。嘢饮我就叫咗茶走，佢哋嘅茶底一向都系好味嘅，好滑溜，肥都冇办法，忍唔住都要饮。其实一向以来我都唔系觉得佢哋冇礼貌，只不过系好有速度，可能令到有啲人觉得唔舒服，埋单走人，𠮶个伙计都会同我哋讲拜拜。…查看更多

两个女仔入嚟食茶餐, 已经极速叫埋嘢食 （冇扭拎)。其中可能伙记听错, 双方有啲误会叫咗嘅嘢食, 野食嚟到, 我哋话唔系我哋叫,伙记以为我地唔识听广东话 (我朋友半个鬼妹样), 佢当住半个餐厅向住水吧劲大声话, “条女话啲野唔系佢叫㖞xyzzzzz”, 🤯🤯🤯当然落单𠮶个伙记9秒9走嚟屈你系叫咁嘅野, 冇得唔系 (简单讲即系伙记自己唔会错!?)我哋都冇所谓, 其实嚟嚟去去, 唔系煎蛋就炒蛋, 多士/面包。你估我哋唔惊下一份……特别制造? 间舖容许咁多伙记悪形悪相去对客, 日日都有人喺平台写佢哋态度有几差劣, 老板真心想咁样? 😣 …查看更多