影片
更多
2020-05-02
830 浏览
聞名不如見面，由細聽到大的澳牛，今日終於第一次光顧。素來以速度（極快）及態度（極差）聞名於世，又以炒蛋超滑見稱，唔體驗過真係唔會明。先講食物，2人叫左2個茶餐（茶餐賣到夜晚11點）,有多士、火腿炒蛋、叉燒通粉，檸茶。炒蛋真係超滑，無容置疑。蛋份量比出面食常餐明顯更大份。炒蛋香滑，食晒成份會覺得稍為鹹，整體係幾好食。多士塗滿牛油好香。叉燒通份味道唔錯，通粉質感太淋，而叉燒肉質好好。檸茶則普通不過不失。整體食物都唔錯，每份只賣$46（熱飲加$2）,夫復可求。成餐最神奇的，並唔係食物，而係由坐低開始感受到嘅節奏。睇餐牌一陣未決定到點咩餐，侍應阿叔就過黎問食咩，直接建議食茶餐。然後一波選擇題，鍾意煎蛋定炒蛋，意粉定通粉，多士好唔好，叫我繼續講（點其他）。瞬間寫完。驚魂未定，1分半鐘內兩份餐到晒，侍應阿哥極速幫我地擺好唔同碗碟方便食用，快到睇唔切。仲講多句「食物黎晒, 慢慢食」，邊講邊露出自豪嘅笑容。大佬，完全係睇表演，你贏!因為節奏太快，覺得有d壓力，自然食快d好似驚阻住人。一食完一碟侍應就即收走碗碟，又係快到唔信。但佢又唔會趕你走。覺得侍應嘅效率及敏捷度極高，卻又顧及細節，唔係是旦做，服務態
先講食物，2人叫左2個茶餐（茶餐賣到夜晚11點）,有多士、火腿炒蛋、叉燒通粉，檸茶。
炒蛋真係超滑，無容置疑。蛋份量比出面食常餐明顯更大份。炒蛋香滑，食晒成份會覺得稍為鹹，整體係幾好食。多士塗滿牛油好香。叉燒通份味道唔錯，通粉質感太淋，而叉燒肉質好好。檸茶則普通不過不失。整體食物都唔錯，每份只賣$46（熱飲加$2）,夫復可求。
茶餐
$46
23 浏览
0 赞好
0 留言
成餐最神奇的，並唔係食物，而係由坐低開始感受到嘅節奏。睇餐牌一陣未決定到點咩餐，侍應阿叔就過黎問食咩，直接建議食茶餐。然後一波選擇題，鍾意煎蛋定炒蛋，意粉定通粉，多士好唔好，叫我繼續講（點其他）。瞬間寫完。驚魂未定，1分半鐘內兩份餐到晒，侍應阿哥極速幫我地擺好唔同碗碟方便食用，快到睇唔切。仲講多句「食物黎晒, 慢慢食」，邊講邊露出自豪嘅笑容。大佬，完全係睇表演，你贏!
因為節奏太快，覺得有d壓力，自然食快d好似驚阻住人。一食完一碟侍應就即收走碗碟，又係快到唔信。但佢又唔會趕你走。
覺得侍應嘅效率及敏捷度極高，卻又顧及細節，唔係是旦做，服務態度其實幾好，快人快語少說話多做事，亦有求必應。終於明白點解成晚坐爆晒且不斷有人入黎食，這就是香港奇蹟吧！
餐牌：
张贴
