潮味莊

潮州打冷一向係宵夜好選擇，油麻地呢間《潮味莊》就係其中一個熱鬧聚腳點，開到凌晨 2:30，近佐敦站都好方便。入面環境真係有d逼，幾張枱拍埋一齊，但反而令到成間舖好有「街坊 feel」，坐低就聽到隔離枱笑聲，氣氛好旺。店員態度好親切，落單快手，價錢合理，啱晒同朋友食吓潮州風味啤一啤!😋 潮式凍魚大眼雞 ~ 魚肉雪白，肉質結實，味道鮮甜冇腥味，凍魚係打冷必食之選！😋 滷水鵝片 ~ 另一樣潮州打冷必食嘅就係滷水，鵝片滷得入味，色澤深啡但唔會死鹹。鵝肉帶少少韌度，配埋滷水花生一齊食係幾正。😋 韭菜豬紅 ~ 豬紅滑溜，入口即化，冇腥味。韭菜炒得香口，帶少少爽脆。😋 鴨蛋蠔餅 ~ 蠔仔新鮮，唔算大粒但夠鮮甜，煎到外脆內嫩，呢度係用鴨蛋煎出嚟個蛋香更濃。😋 椒鹽九肚魚 ~ 炸到外脆內軟，椒鹽味好突出，加上炸粉唔算厚，唔會太油膩。…查看更多

一家人一齊食飯，沒注意，求其網上搵到呢一間， 中午打電話訂枱，晚上七點鐘都有枱。 準時去到， 見到裏面星期六晚都冇乜人， 已經覺得唔係好對路， 睇下其他枱 嘅客枱上食嘅菜， 賣相麻麻地， 心裏面已經覺唔妥， 所以落單唔敢叫咁多住。 果然冇錯， 叫咗幾樣，起碼有一半係失望嘅。 我係潮州人， 對於呢啲家鄉餸 好熟悉， 最失敗係個 潮州三寶， 好細碟 50蚊， 都算喇， 啲鹹菜唔知擺咗幾耐， 變曬色， 仲有防腐劑味。 嗰啲蜆肉同鹹魚仔腥到不得了， 成碟冇食。 嗰碟掌翼好乾， 一睇就知道用比較細隻嘅鵝 ，都算喇。 嗰碟普寧豆腐完全唔正宗， 味道有啲怪，根本唔係咁樣煮 。嗰兜鹽水， 得少少，畀多啲都唔得咩。 嗰碟蠔餅， 又係失敗， 第一 ，食唔到有蛋味， 第二， 啲粉都未攪勻， 食落仲有粉， 失敗。 全晚最好食嘅 就係碗白粥， 總之冇下次。…查看更多

上星期六朋友推介這間在佐敦附近的潮州打冷菜館, 我們大約7：30左右到, 基本上全場爆滿,我們等了20分鐘左右才可入座.因為我們只得4人不可以食太多菜式, 基本要食當然潮州鹵水系列.同行朋友推介鵝腸, 我們點了雙併鵝腸併豆腐（$108）.鹵水豆腐有驚喜~外表脆脆,咬下充滿鹵水汁好juicy.鵝腸很爽脆😋霸王脱骨豬手($128)~果然超級軟滑, 可惜未做到入口即溶的感覺. 不過也不算太差.煎蠔餅（大份$108, 細份$92）~ 沒有鴨蛋香味,蠔仔肉也比較偏細粒. 真心麻麻地. 潮州鮮蟹粥（$173）~ 失望, 蟹肉少,除了蟹肉還有幾隻蝦仔. 胡椒粉&薑味太濃又辣,完全蓋過海鮮粥該有的鮮甜味道😔薑汁炒芥蘭 （$70）~ 最正常的菜,可惜薑汁味偏淡. 總結：地點也算遊客區（近油麻地廟街）, 4人食了$660 有4杯飲品 （人均$165）. 價格都不算太貴,而且有冷氣,比起坐戶外打冷餐廳都算合理吧. …查看更多

第一次食呢間打冷，好彩一早打電話去Book位，去到門口排晒隊，我哋一行5人，叫咗9樣嘢+飲品，人均都係195蚊，平均100蚊左右一樣嘢食，都OK,食物都好有鑊氣，好好食，蠔仔粥完全唔腥，蠔餅脆口唔會一pat嘢，椒鹽九肚魚我覺得係最好食，所有食物都夠熱，唯一我係覺得墨魚同鵝腸鹵得唔夠入味，可以更好。。。。樣樣都算係足份量。。。人流好多，車輪轉，一枱走，一枱入，枱同枱之間都好近，環境空間方面略為失色，因為人流多，門口外面排晒隊，所以都唔好意思坐耐d傾下偈，如果想暢談一番嘅話就未必一個好選擇。。。。BTW職員嘅服務都唔錯，打仗咁嘅環境都仲keep到，算係咁啦！幾位朋友一致認為，可以再Encore 。…查看更多

上星期去咗「潮味莊」食宵夜。一入去，就感受到餐廳有種老香港嘅味道，環境寬敞，坐得好舒服。我哋叫咗個鴨肉麵同滷味拼盤。鴨肉麵一上枱，淺嚐一口湯，濃郁鮮美，應該係用鴨骨同其他香料精心熬製而成。鴨肉煮得好腍，咬落去唔會韌，而且充滿肉香。麵條爽滑彈牙，掛滿咗湯汁，每一口都好滿足。滷味拼盤就更加豐富啦，入面有唔同種類嘅食材。有切成薄片嘅紅腸，咸香適中；仲有軟硬適中嘅滷豆乾，吸滿咗滷汁嘅精華；各種菇類口感鮮嫩，味道獨特。滷汁嘅味道好平衡，香料味唔會過濃，又能將食材嘅味道提升一個層次。總括嚟講，今次喺「潮味莊」嘅宵夜體驗唔錯，食物味道好，環境又舒適。…查看更多

尋味潮汕風情今次去咗潮味莊，聽個名就知係主打潮汕菜嘅地方。餐廳裝修簡約，有啲潮汕特色元素點綴，坐得都算舒服，不過人多時有啲逼。先講呢碗鴨肉麵，個湯底真係靈魂所在。用鴨骨等材料慢火熬製，屬於潮汕菜典型嘅吊湯技法，湯色濃郁，充滿鴨肉嘅鮮味，而且唔油膩。鴨肉煮得好入味，軟嫩唔鞋口，肉質細膩。麵條爽滑，吸收咗湯汁精華，每一口都好滋味。再配上個炸蒜粒同蔥花，香氣層次更豐富。另外呢碟滷味拼盤，有五花肉、香菇同其他食材。五花肉滷得好入味，肥膏部分入口即化，瘦肉部分軟嫩。香菇吸收咗滷汁味道，口感軟糯。滷汁味道濃郁，香料配比恰當，甜鹹平衡得好，有潮汕滷味獨特嘅風味。同我之前喺一間主打閩南菜嘅餐廳相比，閩南菜嘅滷味偏甜，而潮莊呢度嘅滷味，味道更平衡，鹹香突出。鴨肉麵嘅話，閩南風味可能會加入更多海鮮提鮮，呢度就更專注鴨肉本身嘅鮮味。價錢方面，鴨肉麵$42，滷味拼盤$100左右，都算合理。但有個小問題，餐廳人多時服務有啲跟不上，加水唔及時。潮汕菜對我嚟講，就好似一本充滿故事嘅書。每次食潮汕菜，都好似翻開一頁頁嘅回憶。細個時去潮汕旅行，被當地美食深深吸引。潮莊嘅食物，雖然有小瑕疵，但都還原咗潮汕菜嘅精髓，希望可以一直保持水準，服務再提升下就更好啦！…查看更多

朋友飯聚，一定要搵間好食嘅餐廳😋我哋叫咗紅腸墨魚、韭菜豬紅、煎蠔餅、原條烏頭、鵝片唔少得，第一眼見到餸菜已經感覺到廚師用心製作食物，樣樣都色香味俱全👍🏻👍🏻👍🏻鵝片切得靚擺得靚又好味，必食推介🥇烏頭肉質鮮嫩，正！只係$138 低食👍🏻蠔餅啲蠔煮得啱啱好，唔會太熟，蠔餅脆口👍🏻估唔到豬紅都切得整整齊齊，個汁仲好好味，紅腸墨魚薄片，細味品嘗，好多大餐廳都未必做到咁嘅水準，一定會再幫襯😋😋…查看更多

朋友未食過潮州野,今次同佢黎食平靚正既潮州菜,我地叫左好多野share,埋單只係三百頭,價錢相宜。叫左碟無骨既鵝肉片飯,中意鵝肉同滷豆腐既比例,味道互相平衡,五十幾蚊黎講都算多肉食。朋友想食菜,叫左個西洋菜都好唔錯,好清爽,同埋我地叫左麵然後加菜,25蚊就有咁大碟菜,正!我地分別叫左蝦雲吞河同埋水餃麵,2樣都豐富多料,加左d醋食已經好好食。仲叫左碟生炒蜆,有風味同埋豆豉味好出。仲有d野想試,鴨蛋蠔餅好少見又地道,但朋友唔想食所以我冇叫,下次一定要試!…查看更多

爸爸愛到潮味莊打冷，這天我就陪他來這裏開餐。說實，每次看到餐廳的玻璃窗廚，掛著又肥又大的墨魚，都會令我口水直流。而個人認為餐廳的食物質素挺高，加上免加一，既超值又抵食。滷水鵝片飯鵝片口感軟嫩，肥瘦適中，帶有點點脂香，配合滷水香味，鮮而不鹹；而下層墊有滷水豆腐，嫩嫩的，非常好吃。滷水生腸生腸口感Q彈得來又爽脆，一點都不靭，有滷水鮮香，份量非常多，下層有芽菜墊底，口感豐富。滷水自選雙拼飯滷水墨魚挺厚身，口感彈牙爽身；滷水豬耳爽脆有嚼勁，佐飯一流。蜆芥鯪魚球送上來時鯪魚球是剛炸起，金黃色的，外層香脆，內層爽彈不腥，蘸上蜆芥醬即時有提鮮作用。…查看更多

依間餐廳真係幾好，先講滷水紅腸墨魚同鵝片。紅腸同墨魚滷得好入味，口感彈牙，鵝片亦非常嫩滑，每一啖都充滿滷水香味，令人回味無窮。再講咸蛋炸蠔餅，外脆內軟，咸蛋黃同蠔肉完美結合，味道濃郁但又唔會太膩，食落去真係滿足。搭配白飯，將滷水汁淋上飯面，簡單又美味，令人食指大動。飲品方面，凍檸檬利賓納係一個清新選擇，酸酸甜甜，飲完好醒神。而王老吉就正好平衡咗滷水同炸物嘅熱氣，清熱解毒。整體而言，呢餐有傳統風味，味道出眾，性價比高。無論係朋友聚餐定係家庭聚會，都係一個好選擇。下次一定會再嚟試其他菜式！…查看更多

香港地道風味必食打冷《潮味莊》天氣開始轉涼，想食粥暖下個胃，就諗起潮味莊，一入門就已經見到所有潮州菜式，滷水款式掛在當眼處，餐廳装修環境開陽舒適，好適合一大班人一齊食。潮州打冷，必食滷水拼盤，份量不少，有豬耳、腩肉、墨魚、生腸、鵝腸、珊瑚蚌，正！新鮮爽口，另外再叫咗蠔仔肉碎粥，每粒蠔肥美飽滿，令到成個粥底更鮮甜，熱辣辣暖入心，蠔仔粥配鴨蛋煎蠔餅，用鴨蛋蛋味更香，脆炸香口，配上粥可以中和油膩，食完成餐暖笠笠。…查看更多

作為一個香港人一定會食過香港嘅打冷舖。細個住西環嘅，我更加係食住潮州菜大，呢間係油麻地吳松街後嘅潮味莊絕對食到潮州打冷嘅精髓。潮州鮮蟹粥係呢間舖頭嘅必點菜式，先係煮落啲速度，無論係粥底定係鮮蟹都非常美味，而粥的粘稠度恰到好處，米粒與蟹肉的鮮味相互交融，口感滑順。韭菜豬紅我細細個最鍾意挑晒啲豬紅，因為我唔係太食韭菜，呢碟韭菜豬紅嘅豬紅比例非常多，好啱我呢啲揀飲擇食嘅人😂其實主要係韭菜比較平，一般啲打冷舖唔會落咁多，可見呢一間嘅潮州打冷都幾有良心，份量亦都夠，豬紅咬落香濃爽軟，配合味道美味地嘅辣，更加食到傳統嘅感覺。每次食親中菜，我都好鍾意叫多一碟炒菜，呢碟腐乳炒通菜炒到有啲熟，份量算幾大碟，通菜比較幼身，我比較鍾意粗身啲，不過味道炒得唔錯，腐乳味道好濃郁，又係食本身潮州嘅感覺。…查看更多

其實早排我已經同屋企人一齊食過一次潮味莊，但今次實在太想食啦！😂😂 一聽到有豬雜西洋菜湯，我啲口水已經忍唔住流出來！🐡🐡環境：餐廳入面嘅裝潢好有潮州風味，傳統同現代嘅元素融合得恰到好處。燈光柔和，氛圍輕鬆，無論係同朋友聚會定係家庭出來食飯，都好合適。餐廳雖然唔算好大，但令人感受到香港飲食文化的熱鬧。服務：服務方面，員工都好友善，唔會過於打擾。我哋一入到去就有服務員主動招呼，對菜單嘅介紹都好詳細，佢哋對食物的熱情讓我哋感到好受歡迎。就算有問題，佢哋都會耐心解答，服務態度一流！👍食物：食物方面真係無得輸！我哋首先叫咗豬雜西洋菜湯，湯底清甜，豬雜又軟滑，真係好暖心😍。接著試咗滷水拼盤，一大碟滷味，超多選擇，特別係嗰啲肉香味，簡直係一口接一口停唔落！配可樂一流🤣然後我哋點咗蠔仔肉碎粥，粥質滑順，仲有咁多蠔仔，食起來唔會太膩，真係好合我胃口！😋 最後，韭菜豬紅真係一絕，味道鮮香，豬紅煮得啱啱好，搭配韭菜，真係完美組合，食完心情都好好！結論：總之，潮味莊真係一個唔錯嘅地方，無論係食物、服務定氣氛，都令人滿意。下次一定要再來！我已經好想再試佢哋其他嘅美食啦！如果你鍾意潮州菜或者想搵個地方食好嘅海鮮，記得來試試！✨…查看更多

**滷水鵝片**。這道菜色澤誘人，鵝肉經過精心滷製，肉質鮮嫩，味道濃郁。每一片鵝肉都帶有香料的獨特風味，搭配上特製的醬油，讓人一口接一口，欲罷不能。店家還特別提供了幾種醬料，讓顧客可以根據自己的口味調整，增添了用餐的樂趣。**皮蛋瘦肉粥**。這碗粥的米粒煮得恰到好處，滑順而不粘稠，搭配上切好的皮蛋和瘦肉，讓整碗粥更加豐富。皮蛋的鹹香與瘦肉的鮮美相得益彰，讓人感受到家的味道。這道粥不僅適合早餐，也非常適合在寒冷的天氣裡享用，溫暖又滋補。…查看更多

舖頭主打潮州菜 有蠔仔粥 滷水 凍蟹 海鮮類蠔餅今日就想試吓豪華啲 食咗一碟薑蔥炒蟹成隻蟹蟹淋漓盡致地呈現眼前嗌咗薑蔥，所以就有好多汁同埋好多炒香左嘅蒜片同埋蔥隻蟹都好多膏 係橙色嘅鉗同埋腳嗰部份呢就最多肉啲肉都爽口一路食就可以將埋啲肉同埋薑蔥擺埋喺碗潮州白粥度 咁就變咗蟹粥啦另外上菜嘅時候隻蟹都已經分咗一節節所以食嘅時候都好方便 而且有蟹鉗 可以慢慢將啲肉分離另外嗌咗一碗白粥潮州白粥啲米特別大粒軟綿綿滋潤滋潤下次再來嗌多啲餸…查看更多