潮味莊

潮州打冷一向系宵夜好选择，油麻地呢间《潮味庄》就系其中一个热闹聚脚点，开到凌晨 2:30，近佐敦站都好方便。入面环境真系有d逼，几张枱拍埋一齐，但反而令到成间舖好有「街坊 feel」，坐低就听到隔离枱笑声，气氛好旺。店员态度好亲切，落单快手，价钱合理，啱晒同朋友食吓潮州风味啤一啤!😋 潮式冻鱼大眼鸡 ~ 鱼肉雪白，肉质结实，味道鲜甜冇腥味，冻鱼系打冷必食之选！😋 卤水鹅片 ~ 另一样潮州打冷必食嘅就系卤水，鹅片卤得入味，色泽深啡但唔会死咸。鹅肉带少少韧度，配埋卤水花生一齐食系几正。😋 韭菜猪红 ~ 猪红滑溜，入口即化，冇腥味。韭菜炒得香口，带少少爽脆。😋 鸭蛋蚝饼 ~ 蚝仔新鲜，唔算大粒但够鲜甜，煎到外脆内嫩，呢度系用鸭蛋煎出嚟个蛋香更浓。😋 椒盐九肚鱼 ~ 炸到外脆内软，椒盐味好突出，加上炸粉唔算厚，唔会太油腻。…查看更多

一家人一齐食饭，没注意，求其网上揾到呢一间， 中午打电话订枱，晚上七点钟都有枱。 准时去到， 见到里面星期六晚都冇乜人， 已经觉得唔系好对路， 睇下其他枱 嘅客枱上食嘅菜， 卖相麻麻地， 心里面已经觉唔妥， 所以落单唔敢叫咁多住。 果然冇错， 叫咗几样，起码有一半系失望嘅。 我系潮州人， 对于呢啲家乡𩠌 好熟悉， 最失败系个 潮州三宝， 好细碟 50蚊， 都算喇， 啲咸菜唔知摆咗几耐， 变晒色， 仲有防腐剂味。 𠮶啲蚬肉同咸鱼仔腥到不得了， 成碟冇食。 𠮶碟掌翼好干， 一睇就知道用比较细只嘅鹅 ，都算喇。 𠮶碟普宁豆腐完全唔正宗， 味道有啲怪，根本唔系咁样煮 。𠮶兜盐水， 得少少，畀多啲都唔得咩。 𠮶碟蚝饼， 又系失败， 第一 ，食唔到有蛋味， 第二， 啲粉都未搅匀， 食落仲有粉， 失败。 全晚最好食嘅 就系碗白粥， 总之冇下次。…查看更多

上星期六朋友推介这间在佐敦附近的潮州打冷菜馆, 我们大约7：30左右到, 基本上全场爆满,我们等了20分钟左右才可入座.因为我们只得4人不可以食太多菜式, 基本要食当然潮州卤水系列.同行朋友推介鹅肠, 我们点了双并鹅肠并豆腐（$108）.卤水豆腐有惊喜~外表脆脆,咬下充满卤水汁好juicy.鹅肠很爽脆😋霸王脱骨猪手($128)~果然超级软滑, 可惜未做到入口即溶的感觉. 不过也不算太差.煎蚝饼（大份$108, 细份$92）~ 没有鸭蛋香味,蚝仔肉也比较偏细粒. 真心麻麻地. 潮州鲜蟹粥（$173）~ 失望, 蟹肉少,除了蟹肉还有几只虾仔. 胡椒粉&姜味太浓又辣,完全盖过海鲜粥该有的鲜甜味道😔姜汁炒芥兰 （$70）~ 最正常的菜,可惜姜汁味偏淡. 总结：地点也算游客区（近油麻地庙街）, 4人食了$660 有4杯饮品 （人均$165）. 价格都不算太贵,而且有冷气,比起坐户外打冷餐厅都算合理吧. …查看更多

第一次食呢间打冷，好彩一早打电话去Book位，去到门口排晒队，我哋一行5人，叫咗9样嘢+饮品，人均都系195蚊，平均100蚊左右一样嘢食，都OK,食物都好有镬气，好好食，蚝仔粥完全唔腥，蚝饼脆口唔会一pat嘢，椒盐九肚鱼我觉得系最好食，所有食物都够热，唯一我系觉得墨鱼同鹅肠卤得唔够入味，可以更好。。。。样样都算系足份量。。。人流好多，车轮转，一枱走，一枱入，枱同枱之间都好近，环境空间方面略为失色，因为人流多，门口外面排晒队，所以都唔好意思坐耐d倾下偈，如果想畅谈一番嘅话就未必一个好选择。。。。BTW职员嘅服务都唔错，打仗咁嘅环境都仲keep到，算系咁啦！几位朋友一致认为，可以再Encore 。…查看更多

上星期去咗「潮味庄」食宵夜。一入去，就感受到餐厅有种老香港嘅味道，环境宽敞，坐得好舒服。我哋叫咗个鸭肉面同卤味拼盘。鸭肉面一上枱，浅尝一口汤，浓郁鲜美，应该系用鸭骨同其他香料精心熬制而成。鸭肉煮得好腍，咬落去唔会韧，而且充满肉香。面条爽滑弹牙，挂满咗汤汁，每一口都好满足。卤味拼盘就更加丰富啦，入面有唔同种类嘅食材。有切成薄片嘅红肠，咸香适中；仲有软硬适中嘅卤豆干，吸满咗卤汁嘅精华；各种菇类口感鲜嫩，味道独特。卤汁嘅味道好平衡，香料味唔会过浓，又能将食材嘅味道提升一个层次。总括嚟讲，今次喺「潮味庄」嘅宵夜体验唔错，食物味道好，环境又舒适。…查看更多