潮味莊

营业中

休息中

We planned to have lunch first before going to Yau Ma Tei library to borrow books. We decided to have lunch at 潮味莊as we have sudden craving for Chiu Chow food. It was located at Woosung Street, in between of Yau Ma Tei and Jordan MTR.Sauce, seasoning and utensils were provided at every table for us to use. They served a wide range of authentic Chiu Chow dishes such as marinated dishes, stir fried, main courses, seafood, appetizers, rice or noodles and drinks etc. We ordered iced coffee and iced

上網見到有KOL介紹在油麻地同佐敦交界新開的一間潮洲打冷舖，今日中午時間，剛剛行經上址，見到門面都幾新凈。店内近窗口位置是4人卡位，坐得舒服，環境乾乾淨淨，伙計全是年輕人，招呼較為積極。一個人坐張4人卡位，硬係適服，清清地唔想食咁多嘢，order 咗粥同焯菜。✨肉碎蠔仔粥$55用上一隻比較大的碗盛載，蠔仔鮮美沒有蠔壳碎片，粥底尚算甜美，蠔仔份量略嫌少咗D，有少許方魚加入，增加鮮味。✨油芥蘭$20青青綠綠，淥得唔錯。Overall 粥和菜都和其他潮洲食店差不多，下次來要試下打冷了。

之前在土瓜灣的潮味莊在佐敦重新開業，當然要在來懷念一下他們的滷水。環境比以前光猛企理。價錢一定比舊舖貴，但是合理價的。餐牌選擇頗多，有打冷，滷水，客飯，粉麵，湯飯等。他們的滷水鵝肉飯，$50 還會配上一碗的紫菜湯。滷水鵝夠入味，肉質鬆軟嫩滑。滷水味沒有很重的藥材味，但咸味適中。滷水鵝下的芽菜被滷水汁浸過一樣好味。九菜豬紅（$55),大大碗，熱度十足，豬紅脆口，九菜仍然青綠，醬汁濃而惹味。潮洲蠔仔肉碎粥，$55 一大碗，足夠兩個人享用。選用珍珠蠔，配上芫茜，肉碎，方魚，十分足料，味道鮮甜，沒有腥味。

同朋友喺油麻地永安買完野🛍，喺後邊街覓食，見到呢間以彩藍色做招牌嘅潮州菜館，都幾搶眼，而且乾淨企理，入去試吓先。我哋坐卡位，坐得都幾舒服。我哋點咗：🍲潮州蠔仔肉碎粥$55蠔仔粒粒飽滿，大地魚湯底加入肉碎、芫荽、芹菜等，味道好鮮甜，份量亦足，可以分到4小碗，而且食完都冇口乾。🦢潮州滷水鵝片$118皮薄肉嫩嘅獅頭鵝，應該滷咗長時間，非常入味，鵝片下，仲有我鍾意食嘅滷水豆腐。再飲番啖冰凍嘅「可口可樂🥤$8」好正。🥬時菜$18我哋選咗芥蘭，顏色翠綠，簡單好食。我哋兩個女仔，每人約$100 ，幾抵食。

佐敦轉角地舖有間幾吸引嘅潮州打冷 果然不出我所料 性價比真係比我想像中高 大碟又抵食 仲食到地道嘅潮州美食添環境幾寬敞 服務員態度重親切 主動介紹我哋要食佢既主打😝首先係炸鮮蝦雲吞呢碟大讚👍🏻 個皮炸到超鬆脆 食落卡卡聲 隻蝦都好新鮮 我同朋友食到停唔到口🤣 好邪惡!再嚟係咸鴨蛋蠔餅蠔餅份量超大 蠔仔嘅份量都好多 4個人share都重得🤣 但略嫌啲粉多左小小 令蠔餅偏厚 之後叫咗個金不換炒蜆份量又係超多 唔會好似其他餐廳咁得啲空殼😂而且金不換超入味 如果配埋啤酒食簡直一流 好惹味好夠鑊氣主菜叫咗蠔仔碎肉粥想講呢間餐廳啲蠔仔好似唔駛錢咁 份量真係好多 鍾意食蠔仔嘅我好滿足好飽肚🤣另外點小得牛筋牛腩撈粗😊想講呢間餐廳最推介炸雲吞之外 牛筋牛腩都一定唔少得 超級入味同香口 又夠淋! 贏晒飲品方面叫咗凍奶茶 👍🏻總結 CP值好高嘅地道潮州菜 推介去食 大件夾抵食🤪

潮味莊 (油麻地)油麻地吳松街1-3號創遠樓地舖今日就黎到食潮州菜，有種久違嘅感覺，無疫情既話，我會同幾個朋友一齊去食打冷，之後挽下酒game甘。今次食既呢間，唔洗怕熱了，係一個室內既食打冷地方🤓【滷水雙拼】滷水雙拼可以自己揀食咩！ 今次就揀左鵝腸、豬頭肉，第一次食鵝腸原來係咁脆嘅、爽口。豬頭肉都係第一次食，我覺得一定要試，個口感好特別。同埋呢碟野份量都好多，以CP值黎講，佢係高既。【韮菜猪紅】豬紅份量超多！同埋食落既質感超好，唔會散哂！好有口感！必嗌！【普寧炸豆腐】炸豆腐份量超足，簡直係四人份量！好抵食！同埋佢唔係普通豆腐，佢係用豆腐乾去炸，超特別！【咸鴨蛋蠔餅】蠔餅！係本人既至愛，嗌左個例牌俾我一個人食哂🤓🤓好多蠔！炸又炸得好鬆脆😈😈好邪惡！佢仲加入左咸鴨蛋！真係卡路里爆登招牌 Runmouo Dishss•燒焗牛筋牛筋超好食，好淋、亦都好有口感，啲膠質岀哂黎！正😝😝😝

油尖旺打冷店好多，呢間吳松街嘅 #潮味莊 價錢合理，而且好多街坊幫襯～店員哥哥仔又會同食客傾下計問下好無食咁，人情味濃～～可樂 $8 識飲一定要飲玻璃樽鮮蝦炸雲吞 $50/8隻平時食開雲吞麵嘅雲吞成粒拎去炸又幾好食蠔仔肉碎粥 $55 例足以兩人食，勁多蠔仔！食滷味配粥就最match~滷水雙拼 $88 墨魚拼豬大腸好惹味，同埋佢地單點要成$98/$110神奇嘅係雙拼竟然更抵，仲有芽菜墊底，必點推介！另一特色係熱食滷水另有新鮮豬雜湯飯食/自選泡飯/潮式粉麵選擇，下次再過黎試下先

非常有誠意的家庭式潮州菜，裝修簡約舒適。蠔仔粥蠔仔新鮮鮮甜, 米粥軟硬度適中，配上香菜、鹹菜，份外惹味煎蠔餅（細）細份量的size，足夠四人食用，炸得鬆脆可口，吃下去每一啖都吃到鴨蛋和蠔仔的香味，配上醬汁 中和了油膩的感覺炒蜆一上枱就聞到陣陣鑊氣既香味，蜆雖然細細粒但鮮味特出。大眼雞魚肉夠魚鮮味同樣啖啖肉，配上蘸豆醬最夾味。滷味雙拼(墨魚,豬大腸)原本想試鵝肉，但啱啱賣晒，所以就叫左墨魚,豬大腸，墨魚爽滑彈口、豬大腸厚厚脂肪，肉質肥美，滷水膽都有自家風味，醇香美味。

堂食有返八人一檯之後一行五人約出去食飯，咁岩有朋友推介話食過好正既打冷鋪就去左試叫左- 蠔仔粥：其實一直對蠔仔粥印象都麻麻，因為以前食過既都係少少咸味既水加少量腥味蠔仔加好鞋既肉碎咁，但店員推薦所以就嗌左。想講呢度既蠔仔粥完全唔同！睇相都見到多料多蠔，有鮮味一啲都唔腥！我地係清晒見底- 蠔餅：食親潮州菜都會叫，呢度既蠔餅都係勁足料，啖啖都有蠔仔，炸得夠脆唔多油- 滷水野有鵝片&墨魚拼生腸：唔知係咪老闆得罪左廚房，份量超多，件件厚切佢攝係底既豆腐都好好咪！個人最推薦鵝片- 炸雲吞：叫炸物最怕佢油同炸得太硬，呢度完全無呢個問題，又係秒速清碟- 炸醬麵：想講佢地真係好足料，撈完之後又係可以啖啖都有料食到本身我地見啲野食價錢咁平，以為會細碟，打算食到咁上下再嗌，點知飽到唔洗加單唔怪得全晚都旺場，keep住有人入變相想食既炸韭菜餃呀豬水果啲全部要留返下次encore先再試lu

見朋友IGstory出現咗呢間舖頭，盛讚好好食，happy Friday想同朋友飲杯啤酒食吓嘢吹吓水，諗唔到去邊就嚟咗呢度，結果真係充滿意外嘅驚喜😍4個女仔 叫咗招牌蠔仔粥，老細話呢個係二人份量，上到嚟嚇親，咁大碟！！超級足料又鮮甜😍減緊肥都忍唔住食咗兩碗炸雲吞，滷水拼盤飲住啤酒總係忍唔住要叫啲香口野，老細推介炸雲吞，果然冇介紹錯，好味！炸蠔餅呢個炸蠔餅應該係我食過嘅號餅入邊數一數二地好食😍 炸粉同蠔仔嘅比例啱啱好！啖啖都食到蠔仔，足料又好味。金不換炒蜆呢個稍微鹹咗少少，老闆行過嚟問我哋意見，叫我哋有咩問題直接提出，願意接受意見，抵讚👍🏼👍🏼睇到其他人嘅食評知道原來呢間唔係新開，以前喺土瓜灣都已經好出名，第二代肯接手，仲要好積極地想改善食物質素，（雖然我已經覺得好唔錯🤣🤣）要好好支持下香港小店🤤🤤🤤🤤重點係買單嘅時候人頭只係$100，表示震驚😳😳晚市wo! 四條友喎! 好多餸喎！真心推介！

今日由佐敦行去圖書館時，經過這間新開的潮州滷味店，反正都要食午餐，見價錢合理，所以同老公入去一試。潮州蠔仔肉碎粥蠔仔肉飽滿，每粒都脹卜卜，而且份量十足，用了大地魚湯底，味道鮮甜，完全唔腥。咸鴨蛋蠔餅蠔餅炸至金黃香脆，蠔仔肉份量足，每一啖都充滿粒粒蠔肉，而且粉漿不厚，反而有蛋香。潮式凍烏頭絕對是必食之一，$118一條正宗楊氏烏頭，平時打冷都閒閒地賣$150-160，烏頭帶點黃油，肉質雪白嫩滑，味道鮮甜。滷水拼盤拼盤款式甚多，適合我這些樣樣都想食的人，鵝腸、豬耳爽脆，豬腩肉滷得入味，墨魚很鮮爽。酥炸魚皮魚皮用來點蠔仔湯，炸得鬆脆。

今日行開去佐敦，行到攰攰地近油麻地嗰陣又想找間餐廳坐得舒服d醫下個肚。點知係正路口就有間食潮州野嘅餐廳。你知喇通常嗰頭都比較地道，好少又乾淨又涼爽又闊落嘅。。😌😌心諗仲要價錢唔貴快快脆脆食埋就又忙過喇。。叫左個蠔仔粥，同韮菜豬紅，諗住頂住下肚先喇。晚上食好野。。點知。。。。。碗粥呢係大到人地平時茶餐廳叫4人餐用嚟分嗰碗大白飯個size !我唔食得芫荽，以為會令個粥失色喇，點知真係無，仲要好多蠔仔。再嚟個韮茶豬紅，睇相都見到。。d豬紅多到幾層咁。。個汁仲要好濃令豬紅入哂味，仲有少少辣。。掂。食到我本身想留肚都忘記左。。。性價比咁高，地點又方便，仲有打冷同啤酒，仲要咁鬼大碗。。。我真係為老闆擔心會唔會蝕本嫁。🫢😂😂😂

朋友屋企附近新開左一間潮州餐廳～ 所以我哋一齊去食潮州菜～～ 我地叫左蠔仔泡飯，牛腩撈麵，蚵仔煎同生菜～ 蠔仔泡飯好好味～ 真材實料～ 識落健康又美味～ 蠔仔仲好多Tim!真係好好味呀！牛腩撈麵都好好味～ 牛腩好香好夠淋～ 牛腩汁好好味～ 個麵爽口彈牙，配埋牛腩汁一齊食口感層次豐富～ 生菜健康又大啲碟～ $20非常之抵食！我地叫左個細既蚵仔煎餅，原來細既蚵仔煎餅都咁大份～份量好足料～ 潮式既炸蚵仔煎餅配埋泡飯一齊食平衡油膩感！餐廳係新式裝修～ 坐得好舒服～ 職員仲非常友善～

#wetdodo_油麻地 #wetdodo_佐敦呢間打冷係朋友介紹既小店😛舊址係土瓜灣🤞🏻而加係新鋪位～位置係正油麻地同佐敦中間都裝修得幾闊落同坐得幾舒服其實平時我都好少食打冷味道整體黎講都唔錯🤓同埋平時食打冷既鋪頭都唔太平呢到都性價比幾高🤟🏻———————————————————————🥢潮州蠔仔肉碎粥 $55😋：8/10原來我係第一次食蠔仔粥👀潮州粥啲米仍然係一粒粒並唔會好似廣東粥咁煲到咁綿感覺上同湯飯類近蠔仔好飽滿 肉碎同蠔既份量都多粥底既湯味道好清甜～成碗份量都幾多下如果會叫其他餸食 同朋友share就啱晒🙆‍♀️🥢咸鴨蛋蠔餅(細) $68😋：7.5/10蠔餅好似潮式pizza咁😂見過openrice既外賣圖真係用pizza盒裝🤣好香口 同埋外層好脆入面蠔粒都比得慷慨🤓本身調味唔重 店家係比左個醬汁可以點我估類似係魚露黎🤔咸咸地咁整體食落唔會覺得油膩不過咸鴨蛋既味唔太覺🤣Btw叫細size都好大了 大約6-7吋真係有啲似普通批size唔知大既話係有幾大呢🤣大就貴$20🥢滷水鵝片 $118😋：8.3/10滷水鵝對我黎講都算打冷必食😛鵝片啖啖肉 不過通常都係胸位 所以食落係唔嫩的～如

今日去完果欄掃貨買榴連🤣行返去佐敦搭車係近廟街見到呢間潮汁野好似幾唔錯，都幾抵食咁。.坐佐叫左個「五香牛腩粗面 $38」同「四寶河$45）」，麵食份量都真係唔少野，五香牛腩不腥不柴鮮嫩多汁，$38蚊勁大碗，粗麵底都有驚喜，爽得黎又粗身。四寶河唔止得四寶，有魚蛋，豬肉丸，魚片頭，魚皮餃，扎肉，墨魚丸，幾十蚊真係幾足料。.好多人叫鵝飯，$50其實都抵食，但食完兩碗粉食唔落個飯，所以散叫左個例牌「滷水鵝 $98」，有豆腐墊底，份量唔惹少，鵝肉掛汁，夠入味，不過鹹，性價比極高。.叫粉麵加凍飲$+8，估唔到油麻地一間小店既潮州野都幾正宗🙈仲好抵食。