淥鼎記

营业中

休息中

上次同朋友黎食左次點心，質素唔錯而且價錢相宜，仲發現原來晚市係專做邊爐，今次就試吓火鍋啦😋小寶套餐7:30前離場$228，應該係最多人揀嘅一款。有六款免費湯底比你揀，心大心細都係揀左美人花膠鍋，貪佢有好多花膠😍，仲有淡淡藥材味好清甜。一坐低就有碟好精緻嘅錦繡前菜，牛肚超入味，花生脆口甜甜地幾得意。之就進入戲肉，開始用QR Code落單。安格斯精修肥牛係首選，入口軟滑無渣；安格斯封門柳牛味濃濃郁；伊比利黑毛豬點麻醬一流。自助區仲有好多自取食材，特別啲有鴨血、淮山。超級中意自家製雞肉冬菇餃，香口又清爽。食到我哋捧住肚走。

今日放工去食火鍋放題，一掃工作壓力。我哋去了旺角淥鼎記，餐廳環境寬敞又坐得舒適。我哋叫了一個小寶套餐$228加一，湯底有好多選擇，最後揀了海皇海鮮鍋，味道清甜。每枱都會送上前菜:滷水拼盤、花生同串串蝦,可以食住等湯底黎。呢個套餐有三款安格斯可以點，仲有黑毛豬／羊肉片／鮮雞件／鯇魚片／手打丸等，我鍾意薄切安格斯封門柳，味道香濃，另外，手打墨魚丸都好好味，特別鮮同彈牙!自助配料同醬料吧有好多款同攞位整齊衛生，配料主要有丸／腸／魚片／水魷／鵝腸／鴨血/餃子/蔬菜......一定有鍾意嘅野食，而且配料新鮮。飲品櫃除了紙包/罐裝/汽水外，餐廳亦提供自家製飲品:竹蔗茅根同冷泡茶，我推薦自家製竹蔗茅根，清甜解膩。總括而言，價錢相宜，食物高質同多款，可以再黎食。

話說月頭有朋友生日黎左淥鼎記食...之後我就念念不忘...今次經openrice book位帶hubby同佢個朋友黎食~星期6得爵爺套餐~!套餐係無限時放題~!首先黎個滷水拼盤先~按人頭分配size...上次可能8個人黎...拼盤相對較大同多幾款食物~!不過都好好入味~!之後就黎個刺身拼盤~!都係果句...睇人頭分配份量同種類~唔理喇~都好新鮮既!主菜6選1...今次揀左椰子雞~都幾接近北上食既味道~上一次黎食已經試左酸菜魚同重慶雞煲~2款都好野味!!!湯底今次揀左海鮮鍋...一黎到就聞到好香蝦味...飲落就似龍蝦湯~黎得個湯底梗係會上埋個海鮮盤同安格斯頂級牛小排~!海鮮盤一如以往都係震撼既~海鮮好新鮮!!!安格斯頂級牛小排肉味好濃~!其他火鍋配料都唔錯~!飲品款式又多~!值得一提有款黃椒醬...睇顏色以為伯冇乜料到~原來有後續~!!!正!

餓左一日，今日收工不如去旺角淥鼎記打個邊爐先返歸。黎到發現裝修唔同咗，而家較暗同有情調，唔似一般打邊爐餐廳。揀左最經濟既小寶套餐，7:30前離座價錢$228加一。川味滷水拼盤個餐包限量前菜。先黎一份川味滷水拼盤，係暖架！等你食住等湯底。滷水拼盤有鵝翼尖6隻，好腍嘅豬腩肉3件，紅腸3片，豆腐3件，同花生。係唔辣既。前菜都有鹹蛋黃炸魚皮，鹹蛋黃味道真係好香，魚皮好脆，味道稍鹹。落單用QR code，每次落單只可以叫三份，我地一行2人，每次大部份肉類都上兩份比我地。包以下食物：花膠美人鍋湯底6選1，今次湯底多咗兩個選擇。我地揀左呢個花膠美人鍋，其他係鴨血麻辣，皮蛋芫茜豆腐，澳門豬骨，老壇酸菜鍋同海皇海鮮鍋。花膠美人鍋有8件魚肚，仲有紅棗同杞子。個湯雞味濃，鹹度足夠不過好清，個湯底好健康，而淥野食都夠味。安格斯極佳級精修肥牛呢度d肉唔會太薄切，食落有質感。安格斯極佳級精修肥牛牛味濃，只係脂肪稍為多。美國安格斯牛肩胛牛味都係濃，非常嫩口，今晚我地主攻呢款牛肉。安格斯封門柳牛味都好濃，較瘦，所以無咁嫩口，但係牛味都好濃。伊比利亞黑毛豬脂肪平均，食落質感同豬味都唔錯，我地都有主攻呢款肉。黑毛豬捲腩黑

十幾人約埋相聚唔容易，為顧及各人口味，打邊爐是最好不過👍朋友介紹這間淥鼎記，一心以為都係一般打邊爐，對於邊爐控的我。早已沒太大感覺。但食完之後，原來甚有水準。我地叫左個爵爺套餐，沒有時限，可以慢慢食，慢慢傾。先上四個餐前小食，食下花生，傾下計等食酸菜魚。日本刺身拼盤，有四款刺身，有飽魚、牡丹蝦、三文魚、魚子，算係交到貨啦。酸菜魚魚肉滑口，味道不太濃，適合大人細路。已經食到半飽，再入直路打邊爐，見到盤牛肉，立即重燃戰火，還有內容豐富的海鮮拼盤，真是不得了。邊爐的配料雖然選擇不多，但出品精緻。值得一讚的是自家製的竹蔗茅根水，微甜清潤，不錯、不錯👍整晚較差感覺是服務員的態度，他們會指導你食咩先、要食呢個、要食果個先。好似亞媽催促你食飯咁，感覺好差😖因爲我地係無時限的，所以你根本唔需要好似趕收工咁迫我地食野，食野都係想享受一下遮，希望佢地可以改善一下。

淥鼎記打邊爐出名就係人都知, 估唔到而家午市做埋手工點心, 一樣咁出色👍🏻 今日兩個人去左飲茶, 抵讚係好多點心都係一盅兩件, 兩個人都可以試多幾款😍 以下係今餐推介: 🍴高橋蘿蔔糕 - 蘿蔔炸得好香脆, 入面保持到水份, 超香口超好食！🍴 黑椒蒸雙肚 - 除左牛肚仲有魚肚😍個汁好香濃, 魚肚索哂啲汁, 正👍🏻👍🏻🍴春風得意腸 - 大大份, 性價比之選! 腸粉皮夠薄, 春卷夠足料又熱辣辣, 抵食👍🏻🍴特色奶黃流沙包 - 可以話係今餐mvp! 首先個造型已經得意到爆🤣 打卡一流! 狠心地搣開個包, 入面啲奶黃既爆哂出黎, 視覺享受😎 味道非常好, 食得出蛋黃嘅味道, 而且唔會過甜, 我忍唔住食左兩個😂其他點心都非常高質抵食, 兩個人食到捧住個肚走都係$200多啲, 一定番食👍🏻👍🏻👍🏻私心評分食物質素 ⭐️⭐️⭐️⭐️性價比 ⭐️⭐️⭐️⭐️⭐️

呢日同朋友來到創興廣場嘅“淥鼎記”，呢度比一般茶樓寬敞好多，除咗港式飲茶仲可以食火鍋，食雞煲，食川菜。“黄金鮮蝦餃”和“麻婆豆腐餃”，點解嗌两款類似的餃，事關一個係傳統的蝦餃，另一個就係有川菜特色嘅"麻婆豆腐餃"，蝦餃好飽滿，內有2至3隻蝦，够彈牙，好抵食，而咬落係麻婆豆腐餡嘅感覺好特別，可以再辣啲我都接受到。“銀魚滑雞蒸日本珍珠飯”，銀魚多多，雞够嫩滑，重點係用日本珍珠米比較少見，都好揼本。"松露小梨子"就係鍾意佢嘅特別造型，餡料係雞肉和松露。“草莓黃金糕”，本身喜歡黃金糕QQ的口感，加埋草莓sauce ，一外表更吸引。之前朋友喺觀塘嗰間飲過“熊仔奶茶”，超級cutie，又點可以唔嗌呢，但真係飲嗰陣，又真係有啲唔捨得飲喎。

✨食店內裝修融合典雅與型格嘅混合體, 最欣賞係卡位式嘅座位設計, 寬敞舒適又夠空間感！📝餐牌標榜住“傳承經典手藝“用心製作, 真材實料🥰除咗巧手蒸炸點心, 仲有多款招牌主菜, 川粵小食及飲品....💫點心款式新穎,賣相精緻,頓時感到胃口大開😆🦐黃金鮮蝦餃 $19外皮塗上金箔點綴, 賣相非常矜貴, 足料蝦肉鮮嫩有咬口感🌟蟹籽龍皇燒賣 $19蟹籽粒有彈牙感, 蝦肉及豬肉餡料均勻, 肉味豐厚🥟泡菜鮮肉餃（4件）$24皮薄,微辣肉香,餡料豐富💜流心紫薯（3件）$28口感似係紫薯味嘅鹹水角😋🥚蛋煎糯米夾（3件）$32我會形容係珍珠雞嘅創新版, 外層煎得脆脆地嘅煎蛋面, 包著糯米夾住中間嘅豬肉餡料, 口感層次豐富😋🥢蟲草花叉燒腸粉 $32腸粉皮薄,义燒調味恰當, 創新又好食🍮鮮奶綠茶糕（3件）$22椰汁配綠茶, 好柔和嘅味道, 唔會太甜😋呢個餐後甜點, 實在感覺大滿足💕🥰整體感覺超有喜感見到點心上枱後, 已經諗住下次再嚟時, 想要試嘅款式了😋🔖bookmark咗, 我是會100%回頭率😍

今日約咗朋友到「淥鼎記」早鳥，食番個120分鐘小寶套餐每位$228（19:30前離座/21:00後入座）六選一的養生鍋底，皮蛋芫荽豆腐鍋，花膠美人鍋，澳門猪骨鍋，老壇酸菜鍋，鴨血麻辣鍋及海皇海鮮鍋，另外每枱更送上錦繡前菜（一次性）入味滷水鵝掌拼盤👍🔸牛豬羊安格斯極佳級精修肥牛，安格斯牛肩胛，安格斯封門柳。伊比利黑毛豬，黑毛豬腩片及紐西蘭羊肉片，肉質正常。🔸手打滑/丸～要是乎當日酒樓供應爽彈的手打蝦丸、手打墨魚丸及手打鯪魚丸😋40 多款火鍋配料：嫩脆脆肉鯇魚腩及魚片，各式各樣丸，水餃魚，魚皮餃，雲吞，炸魚皮、響鈴、各類的蔬菜等…….勁多野食，每樣食一次已經飽到上心口。我最鍾意自家製飲品：竹蔗茅根水，洛神花茶，綠姸茉莉茶，健康又唔甜，汽水啤酒任飲。

某日同朋友黎左創興廣場5樓飲茶，呢間酒樓座位好舒服，全部都係卡位同梳化位，我地叫左一碟流沙包，個流沙包賣相好靚，三個包都唔同顏色，仲有熊貓圖案，流沙涵好多唔會好咸，呢度仲有d特式點心，包括川式牛肉腸粉加入左特式辣醬腸粉好滑加埋牛肉啖啖肉，辣得過癮，燒賣$19好大粒，薑汁千層糕層次分明熱辣辣，口感好彈牙有層次，熊仔奶茶真係好吸睛，打卡最岩，冰極熊仔好可愛，加入奶茶睇住佢溶住飲好治癒，花膠鮮竹卷加入蟲草好養顏，鳳爪好入味，入面既芋頭好粉。

💕 旺角創興火鍋放題-餐廳位於旺角創興，環境不論自助區定座位都夠大，坐得舒服，幾適合4-6人聚會，燈光偏昏暗，裝潢好有格調☺️。餐廳晚市係火鍋放題，午市點心，見佢點心都唔貴😳，下次試埋午市先🤣。-💵 小寶套餐 $228120分鐘放題 安格斯精修牛 X 黑毛豬 ✨另設加一-🧡湯底: 鴨血麻辣鍋/皮蛋莞茜豆腐鍋/澳門豬骨鍋/海皇海鮮鍋/老壇酸菜鍋/美人花膠鍋💛鴛鴦湯底+$68💕 湯底-美人花膠鍋花膠大概有6-7塊，建議快食，會有彈牙口感，湯底清甜濃郁，飲左幾淡先打邊爐🤣都冇口渴。- 💕 火鍋配料套餐包左：安格斯極佳级精修肥牛,美國安格斯牛肩胛,安格斯封門柳,伊比利亞黑毛豬,黑毛豬卷腩,紐西蘭羊肉片安格斯極佳级精修肥牛：肉質超軟腍又滑🥰索哂花膠湯味，不斷encore 依個😍另外仲有手打潮汕蝦丸 墨魚丸 魷魚丸，食落真係特別彈牙，味精好鮮同突出👍🏻-💕 自助配料區丸類,蔬菜類,餃類,麵類,響鈴魚皮個啲都應有盡有，餃類都有5款，特別啲既有鵝腸,咖喱包心丸,芥末貢丸 ,麻辣牛丸,黑松露豬肉丸🤤。- 💕 飲品多款汽水、茶類、紙包飲品，仲有最受歡迎既自家製飲品:竹蔗茅根水,洛神花樣,綠妍茉莉茶。綠妍茉

中午時份想飲啖茶食個包。朋友建議去*淥鼎記*。心諗唔係食火鍋嘅咩？原來午市有茶飲。一於go go go 💨。黃金鮮蝦餃皮薄喊靚。皮上面掃了層金箔。非常奢華。一咬發現大大粒蝦肉。必食🤪。蟹籽龍皇燒賣豬肉蝦肉比例均勻。份量十足。蛋煎糯米夾平時食開糯米雞都係打開塊荷葉夾黎食。用蛋煎香形成一層層。味道昇華不少。用心之作👏👏。特色奶皇流沙包So cute😍。有d唔捨得食。爆餡奶皇我鍾意❤️。酥皮菠蘿叉燒包一咬裡面有粒粒菠蘿。有驚喜❣️。

熊仔奶茶🐻好靚呀⋯⋯隻熊仔都係奶茶冰出嚟，奶茶味好香濃好飲。特色奶皇流沙包：好得意有公仔樣🐻‍❄️，搣開d奶皇流晒出黎😍超正。蟹籽龍皇燒賣：啖啖豬肉仲有隻蝦，蟹籽都唔小，大大粒好足料。黃金鮮蝦餃：大大隻蝦🦐，仲有金泊係面🤩高橋蘿蔔糕：炸到外脆內軟好好味，細細件方便食。老乾媽燒賣：燒賣上面放左少少豆豉少少辣，感覺很創新，川味點心🌶春風得意腸粉：裏面其實係春卷，咬落好脆口呀….腸粉皮又滑。

約左舊同事去食人氣火鍋放題- 淥鼎記，位置喺旺角創興廣場5樓全層，仿如走進皇宮嘅裝潢別具心思！menu主打任食火鍋，仲可配搭酸菜魚、雞煲、水煮牛肉等小菜！小寶套餐限時120分鐘，19:30前離座價錢係＄228/位，即係安格斯精修牛 X 黑毛豬嘅餐，包括安格斯極佳級精修肥牛、安格斯牛肩胛、安格斯封門柳、黑毛豬腩片、紐西蘭羊肉片、招牌手打丸等，自助區仲有自家製餃類、丸類同蔬菜等可以拎！點左set 之後就可以 掃QR Code 落單！上菜速度快，讚👍🥩🍲 “小寶套餐” $228/位 🥣湯底一共有六款養生湯底可揀，我就揀左花膠美人鍋！湯頭清香又夠鮮味，配料有花膠同香料，花膠軟嫩滑口，膠質濃厚，湯頭味道清甜！ 🥩安格斯極佳級精修肥牛、安格斯牛肩胛、安格斯封門柳🥩牛肩胛油脂均勻，色澤亮麗，肉質紥實香口，薄切嘅封門柳肉味香濃、軟身易人口！精修肥牛脂香軟嫩，唔同部位都唔同口感，可以每樣都食勻最happy! 🍖黑毛豬腩片🍖薄薄一片，豬肉味香，好快熟又夠淋！完全唔韌！ 🌟個人推介🌟每枱都跟嘅滷水小食拼盤，有鵝掌、鵝翼、紅腸同豆腐等，滷水汁食落唔太油膩！鵝肉淋得黎有點咬口，滷豆腐滑嘟嘟好好食！🥟其他嘅水餃、

平時係呢間飲茶飲得多，原來佢地都有出火鍋放題，而且性價比都非常高，下次你地去旺角想食高質大餐又唔知食咩好，就平平地$228去淥鼎記淥一淥先啦～～火鍋放題 $228首先呢度既手打丸類真係丸類既天花板，足料得黎、食蝦丸墨魚丸得黎都可以食到佢陣鮮味，真係要比個叻佢👍🏻👍🏻打邊爐點可以無雞煲？呢度啲雞煲類型多到可以比你簡雞煲、水煮牛、酸菜魚等等，我地都係簡左經典雞煲，雞煲濃而不膩，配左特製醬汁，非常惹口🤤🤤如果唔係留肚食放題，會encore此等邪惡之物😈😈肉類選擇都非常多，出面仲有得拎飲品、蔬菜同麵類，環境衛生都唔錯嫁～～好食指數：😍😍😍😍打卡指數：😍😍😍😍大份指數：😍😍😍😍性價比指數：😍😍😍😍