淥鼎記

营业中

休息中

今日同朋友去咗旺角淥鼎記打任食邊爐，果然大滿足！$300左右就可以任食高質海鮮同手切牛，真心抵食！🔥🌟必點推薦🌟🦐【海鮮拼盤】放題都可以點海鮮拼盤，超級驚喜！拼盤有大蝦、鮑魚、蟶子、蜆，全部都好新鮮！鮑魚爽口彈牙，大蝦鮮甜肉厚，蟶子同蜆都冇沙，淥完個湯底更加鮮甜！海鮮控一定唔可以錯過！🥩【新鮮手切牛肉】牛肉係呢度嘅重點！手切牛肉油脂花紋好靚，淖幾秒就食得，牛味濃得嚟入口即化，口感超正！我同朋友encore咗四五轉，完全唔似放題嘅質素，絕對係高級火鍋店水準！🥬【多款配菜】除咗主打，配菜選擇都好多！響鈴即炸超脆，蔬菜新鮮爽脆，仲有各式手打丸類、餃子、雲吞，全部都可以任點，樣樣都試啲都已經好滿足！🍹【飲品區多選擇】飲品區都係亮點！除咗一般汽水，仲有自家製竹蔗茅根、冷泡茶，打邊爐飲呢啲真係特別解膩！仲有唔少特色罐裝飲品揀～環境方面，座位闊落，抽風系統做得唔錯，食完成身都唔會好大油煙味。服務員收碟同加湯都好勤快，態度友善。總括來講，淥鼎記任食火鍋性價比極高！$300左右可以任食高質海鮮同手切牛，真心難得！下次再約朋友打邊爐，一定會再encore！

試咗佢哋嘅堂主套餐打邊爐放題，真係豪華到爆！餐廳位於創興廣場5樓，環境寬敞又時尚，卡位設計舒適，充滿IG-able嘅燈飾，超適合朋友聚餐或家庭飯局！120分鐘任食，包含海鮮、牛肉同特色湯底，性價比超高！餐廳仲有40多款火鍋配料同醬料選擇，蒜油、麻醬、沙茶醬樣樣齊全，調味隨心！湯底用花膠同雞湯熬成，入口清甜濃郁，帶點膠質嘅黏滑口感，飲落好似幫肌膚同關節充電！花膠厚實Q彈，涮肥牛或者海鮮仲能吸滿湯底精華，食落養顏又滿足！牛朴肉油脂分佈均勻，涮幾秒入口即化，牛肉香氣爆棚；匙仁（牛肩胛）爽脆有嚼勁，肉味濃郁；牛胸爽薄切嫩滑，油花豐富，涮熟後好似入口即溶！每款牛肉都新鮮高質。扇貝肥美鮮甜，花甲同沙白入口彈牙，鮑魚嫩滑帶海味，生蠔新鮮多汁，滿口海洋嘅鮮香！雞肉嫩滑多汁，保留清遠雞嘅鮮甜！仲有Häagen-Dazs 雪糕食

【淥鼎記食評】 絕對係高性價比之選！價格合理得來，食物質素卻保持高水準，每次到訪都穩定地符合甚至超越期待，實在難得。任食火鍋款式之多令人驚嘆，由頂級手切牛肉、生猛海鮮如鮮甜大頭蝦及爽脆鱔片，到琳瑯滿目的特色手打丸類及餃類，樣樣齊全，選擇困難症肯定發作！必試首選手切牛肉，牛頸脊、牛板腱等部位應有盡有，每片都切得厚薄適中，色澤鮮紅，大理石般的油花分布完美，輕輕一淥，入口即化，牛味濃郁且肉質軟嫩無比。湯底亦是靈魂所在，今次試咗佢哋嘅招牌麻辣鍋，香而不燥，麻味同辣味層次分明，仲有淡淡藥材香，唔會死鹹，愈滾愈滋味。最加分係完全唔限時，可以同三五知己慢慢傾、慢慢食，零壓力享受打邊爐嘅樂趣，絕對係一大賣點！服務態度殷勤，收碟換碟速度快，環境寬敞舒適。整體體驗極之滿意，已經約定朋友下個月再encore！

今晚來到旺角創興廣場《淥鼎記》，試試新推出的「堂主套餐」！🔥120分鐘任食手切牛肉＋海鮮火鍋放題，食到捧住個肚走🤣湯底六款可選，最有睇頭當然是「龍蝦頭海皇海鮮鍋」🦞，湯底滾起時香氣四溢，還能看到大大隻龍蝦頭，打卡一流！📸搭配「海鮮拼盤」，鮑魚、蟶子、生蠔和大蝦樣樣新鮮，擺盤精緻。🦪🦐手切牛拼盤包含匙仁、匙柄、牛朴肉和胸口油等多個部位。🥩首盤還附贈雪花牛肉，油花漂亮得像藝術品。🎨特別推薦必食雞子同魚泡，口感滿分。💯最後以Häagen-Dazs雪糕作結尾，多款口味任君選擇，🍦加上啤酒無限暢飲🍺，這個價位來說實在超值！👍

🍲堂主套餐有120分鐘任食手切牛肉同海鮮，閒日晚市最抵價只需$298一位，性價比極高😍火鍋湯底選擇多，有花膠美人鍋、皮蛋芫荽鍋等，推介龍蝦頭海皇海鮮鍋，味道鮮甜得來又唔會蓋過牛肉嘅鮮味😋手切牛肉拼盤，有超過五款唔同牛嘅部位，包括匙仁、匙柄、牛朴肉、吊龍件同花趾肉等🐮每款都入口嫩滑，肉味香而不膻🍖 而新鮮海鮮盤有鮑魚、帶子、鮮蝦、廣島蠔同沙白等，全部都好新鮮！🦪除此之外，仲有超過60款火鍋配料可以選擇，例如黑松露豬肉丸、手蛋墨魚滑、脆肉鯇等🐟另外，自助區仲有自家製涼茶、啤酒同大量不同款式嘅飲品🥤最後奉上每人一杯Häagen-Dazs雪糕做完美結尾🍦 #淥鼎記#火鍋#任食火鍋#旺角#旺角美食#香港美食#hkfoodie#hkig

餐廳裝潢用左紙燈籠點綴，燈光柔和，環境乾淨企理，營造出舒適又有品味的用餐環境。這次選擇了「堂主套餐」，120分鐘盡情享受高質食材。湯底揀左美人花膠鍋，金黃湯頭濃郁清甜，花膠份量足料，滋潤養顏，打邊爐前先喝一碗湯，暖心又開胃。🥩手切牛拼盤匙仁肉質細嫩、牛朴肉肉味濃郁、雪花牛油花均勻入口即化，最驚喜是爽脆甘香的胸口油，牛脂超香，每款部位都各具特色，質素遠超一般任食火鍋店。🦐豪華海鮮拼盤巨型廣島蠔肥美飽滿、鮑魚鮮甜彈牙、海蝦與帶子新鮮爽口、大蜆乾淨無砂。所有海鮮鮮味十足，口感彈牙。🥬自助區選擇豐富，除了多款新鮮蔬菜、丸類,還有啤酒及各式飲品無限暢飲。額外點選的肉類如雞肉、羊肉、豬肉質素穩定，特別推薦脆肉鯇，魚片爽脆鮮甜，以及坊間少見的 魚卜，口感獨特值得一試。手工餃類和雲吞亦屬用心之作，皮薄餡靚。🌟最後每人獲贈一杯Häagen-Dazs 雪糕杯，完美作結。🌟堂主套餐性價比高，120分鐘足夠細味各款美食，由湯底、主菜到甜品都令人滿意。

今次我約左朋友諗住去打邊爐吹下水，佢地就話去旺角創興呢度間淥鼎記食，可以無限時任食，無限時任食既火鍋唔多，地點又就腳，我梗係冇問題啦😆全新現切牛肉火鍋放題（$298）（120分鐘，follow ig即升級成為無限時）呢個套餐係餐廳最近推出，佢唔同平時d放題店咁，有分級別，但就有其他套餐，會食唔同既野，而呢個$298係最抵既餐，我地志在聚下可以無限時食，就揀呢個😄湯底六選一我地揀左牛骨湯，諗住食牛配牛湯就最夾，其實另外既都吸引，可惜冇得要鴛鴦湯🫕新鮮海鮮盤（只有一份）首先一開始就送一份海鮮盤，有鮑魚，蠔，扇貝，蝦同沙白，d海鮮大隻得黎都新鮮，而沙白，蝦同蠔都可以任食，都幾正🦪🦐潮汕牛拼盤匙仁，匙柄，牛朴肉，吊龍，五花趾，雪花牛（雪花只送一份）呢個餐主打就係潮汕牛肉，以前香港唔流行就要上大陸先食到，依家香港都食到，仲要任食，質素都好好，肉質要嫩口既有嫩口，要牛味既有牛味，仲有教埋淥幾耐就食得，確保客人食到牛既最佳食用品質🐮清遠脆皮雞（只送一份）呢個雞同平時雞件品同，佢細細條淥一陣好快熟，個質感比較嫩🐥除左潮汕牛，仲有平時既肥牛選擇，不過我就覺得潮汕牛好食d，肥牛就比較普通，另外仲有超過60

琴晚同閨密食生日飯好開心 今晚搵左間唔限時可以比我地吹水吹到成11點幾😂OpenRice book左位第二日就WhatsApp 你比定餐牌你選定心水套餐👍🏻前一日又再WhatsApp你confirm booking👍🏻我地點左爵爺套餐$378 加一 唔限時先選一個主菜 我地點左藤椒烤魚魚係好食嘅 調味都剛剛好可惜就係湯汁太少完全浸唔到條魚 呢度可以改進下嘅跟手每人份嘅刺身有牡丹蝦 帶子 三文魚 北寄貝 同唔知咩蚌每件都大大件同夠新鮮其實食完呢度都飽左6成仲有個泡椒雞中翼都幾辣下再黎個自選湯底打邊爐 我地當然點麻辣鍋啦跟著就上每人份嘅海鮮拼盤有桶蠔 扇貝 沙白 蝦 同大隻嘅鮑魚我依家8成飽了已經😂再附有一碟靚牛再有啲自助區嘅火鍋料可以任食手機點餐有啲小食同火鍋料有啲免費有啲要加錢自助區有飲品 中意佢有一壺壺嘅冷泡菜同涼茶唔洗嘥咁多膠樽嘛最後就食埋杯雪糕直頭係天靈蓋了😂要傾計慢慢食 好推薦呢間👍🏻

我同朋友去旺角淥鼎記打邊爐，呢度主打無限時任食火鍋放題，我揀左人氣湯底有豬骨湯等，肉類有安格斯肥牛、手切牛、伊比利亞豬、羊肉片，海鮮拼盤有鮑魚、帶子、海蝦等，丸類同蔬菜自助任拎澳門豬骨湯底奶白濃郁，飲落骨香十足又帶微微甘甜，暖笠笠超級滋味。豪華海鮮拼盤賣相吸引，鮑魚爽滑彈牙，蝦肉鮮甜，手切牛拼盤每片牛肉厚薄適中，油花分布靚，一落湯即熟，肉味香濃又嫩滑。雪花牛油脂豐富，入口即溶，牛香四溢。清遠脆皮雞外皮香脆，雞肉嫩滑! 手切牛任食真係牛迷天堂！有匙仁嫩滑多汁、吊龍伴肉味濃郁、匙柄爽口彈牙、牛朴肉脂香豐富、花趾筋位帶嚼勁，每款口感同風味都唔同

今次我地就嗌左「堂主套餐」$298 120分鐘任飲任食仲要質素唔差👍🏻湯底揀咗八寶冬瓜鍋清甜得嚟夠晒足料 冬瓜吸晒啲精華手切牛拼盤同雪花牛都係必點牛肉鮮嫩 油脂分佈靚淥兩淥就食得 牛魔王一定滿足清遠脆皮雞皮脆肉滑 唔會鞋烚烚打邊爐食雞都係第一次 意外地夾豪華海鮮拼盤最驚喜鮑魚、扇貝、大蝦、生蠔、沙白樣樣都新鮮 尤其係生蠔 肥嘟嘟又冇腥味 飲品方面 除左啤酒汽水竟然有原枝自家製水果茶同竹蓆茅根水好解渴 甜度適中 打邊爐飲岩晒食到最後每人仲有一杯Häagen-Dazs食加埋甜品清甜綠豆沙 成餐夠晒滿足❤️$298有咁嘅質素同份量真係冇得彈一定會再encore ‼️

是日星期日晚，一行4人選擇了無限時嘅套餐：爵爺套餐。呢個套餐包括了：前菜小食、主菜六選一、火鍋湯底八選一及爵爺專享美食（頂級手切牛拼盤，豪華海鮮拼盤，豪華時令刺身）。🪭前菜小食涼拌青瓜及炸雞，炸雞只有每人一件。🪭主菜六選一揀左重慶雞煲(小辣)，幾惹味，雞肉嫩，配料新鮮，味道好好。🪭豪華時令刺身厚切三文魚，原粒大帶子都好正！🪭火鍋湯底八選一花膠美人鍋，不過不失。🪭豪華海鮮拼盤有大大隻扇貝，蠔🦪。🪭頂級手切牛拼盤原本有唔同部份嘅牛肉。肉質嫩，唔韌。無限時的確吸引，可以一路慢慢食，一路暢談。

今次嘅美食體驗令人印象深刻，首先係鳳瓜排骨蒸日本珍珠飯，肉質鮮嫩，排骨嘅香氣同鳳瓜嘅清甜相得益彰，米飯吸收咗肉汁同香料，口感滑順。接下來嘅抹茶凍皮紅豆包尤其驚喜，外皮柔軟，抹茶嘅香氣濃郁，紅豆餡甜而唔膩，三件嘅份量啱啱好，令人一口接一口。北菇滑雞蒸飯則係一道經典，滑雞嘅鮮美搭配香菇嘅濃郁，飯粒彈牙，十分滿足。黑糖年糕嘅口感 Q 彈，黑糖嘅香甜令人懷念細個嘅味道。千層薑汁糕層次分明，薑味濃厚，適合鍾意生薑嘅人享用。最後，胡椒餅外脆內嫩，香氣四溢，係完美嘅點心選擇。整體嚟講，今次嘅餐點唔單止色香味俱全，更帶嚟咗唔同嘅文化風味，令人回味無窮。#Hannahbaby2021 #Haileybaby2022 #親子 #親子好去處 #親子活動 #好物分享 #香港bb #MK #淥鼎記

旺角淥鼎記嘅午市點心每一款都充滿心思，味道獨特，造型精緻，令人一試難忘🤩蟹籽龍皇燒賣每一粒燒賣都包住豐富嘅餡料，蟹籽嘅鮮味同肉質嘅鮮嫩完美結合，口感層次分明又彈牙👍鮑汁鮮竹卷鮮竹卷外皮薄滑，內裡包住鮮嫩嘅餡料，淋上濃郁嘅鮑汁，味道鮮美，令人感受到鮮甜，真係一絕😚鳳爪排骨蒸日本珍珠米鳳爪蒸得軟嫩入味，配上香滑嘅珍珠米，米粒吸收咗排骨嘅肉汁，口感豐富，係我每次必點嘅食物🤤蟲草花叉燒腸一個創新之作，叉燒腸外皮Q彈，內裡嘅蟲草花增添咗獨特嘅風味，食落去真係好滿足😍海苔芋絲糕亦都係一個創意嘅選擇，芋絲糕口感滑嫩又有咬口，加埋海苔嘅鹹香同甜味相互交融，令人感受到唔同嘅味覺享受😚柚子蜜桂花椰汁糕清新嘅柚子味同桂花香氣交織，椰汁嘅香滑更係為呢個甜品加分，食完之後令人心情愉快🤩📍 淥鼎記 (旺角)旺角彌敦道601號創興廣場5樓

旺角淥鼎記真係一個性價比超高嘅任食火鍋好去處！同埋坐得好舒服，大部份都係卡位😎一開始店員會送上一個海鮮拼盤，啲海鮮新鮮到爆，鮑魚仲郁緊，拼盤裏便仲有帶子、蜆、廣島蠔，而且佢仲會送你椒鹽蝦，啖啖都係鮮味，食到停唔到口🍤最吸引嘅係，手切肥牛都係任食！我最鍾意食嘅吊龍部位都可以隨便食，真係太開心啦！火鍋湯底方面選擇多到你眼花撩亂，我今次揀咗花膠雞湯，味道清甜，仲有啲膠質，啱晒女仔🍲自助區有新鮮嘅生果，啲菠蘿超甜！其他火鍋配料應有盡有，仲有各式各樣嘅飲品，汽水全部都有，隨你自己搭配🍹整體嚟講，淥鼎記真係一個適合朋友聚餐或者家庭出遊嘅好地方，食得開心又唔會破產，真係值得一試！下次再約多啲朋友一齊嚟🎉

約咗朋友係旺角食晚飯, 搵到呢間「淥鼎記」好抵食💰🤗，每位🤴🏻$298 有40多款火鍋配料任食，套餐包一盤海鮮拼盤🦪, 一碟潮汕牛拼盤🥩有匙仁、匙柄、匙肉、牛朴肉, 然後其他全部任點。。。🍲湯底六選一： 我哋揀咗花膠美人鍋，入邊有大大塊嘅花膠加上紅棗、杞子，好清甜自助區配料都極為多🦪豪華海鮮盤：海蝦、鮑魚、扇貝、生蠔、沙白， 全部都大大粒🐮肉類任點😍：安格斯極佳级精選雪花肥牛、安格斯牛板翼、精選【盲牛】、伊比利亞黑毛豬、伊比利亞梅豬、丹麥網豬、紐西蘭羊肉片、鲜雞件🥟丸餃類都幾特別: 黑松露豬肉丸、麻辣牛丸、手打蝦丸、手打墨魚丸、芹菜香茜餃、韮菜豬肉胶🦐海鮮：廣島蠔海蝦、沙白水鱿、脆骨腩、脆肉脘、魚標🥬蔬菜盤自家製涼茶：🎋竹蔗茅根、🍉水果茶(大大壺可以慢慢飲)🍧甜品係一人一份嘅Häagen-Dazs雪糕…不過我哋已經唔係好擺得落, 呢餐實在太豐富😆