淥鼎記

营业中

休息中

呢日同朋友來到創興廣場嘅“淥鼎記”，呢度比一般茶樓寬敞好多，除咗港式飲茶仲可以食火鍋，食雞煲，食川菜。“黄金鮮蝦餃”和“麻婆豆腐餃”，點解嗌两款類似的餃，事關一個係傳統的蝦餃，另一個就係有川菜特色嘅"麻婆豆腐餃"，蝦餃好飽滿，內有2至3隻蝦，够彈牙，好抵食，而咬落係麻婆豆腐餡嘅感覺好特別，可以再辣啲我都接受到。“銀魚滑雞蒸日本珍珠飯”，銀魚多多，雞够嫩滑，重點係用日本珍珠米比較少見，都好揼本。"松露小梨子"就係鍾意佢嘅特別造型，餡料係雞肉和松露。“草莓黃金糕”，本身喜歡黃金糕QQ的口感，加埋草莓sauce ，一外表更吸引。之前朋友喺觀塘嗰間飲過“熊仔奶茶”，超級cutie，又點可以唔嗌呢，但真係飲嗰陣，又真係有啲唔捨得飲喎。