泰斗 (中達大廈)

营业中

休息中

在海防道中間位置，這餐廳有 open balcony, 如食晚飯，見到對面的幾顆大榕樹，環境唔錯。看看餐牌的食物，老實講了無新意，但安慰的就是食物味道都好， 鹽燒盲曹有香草味，亦相當肉滑。泰式燒雞都好入味。唯獨是不要叫炒什菜，好多油！

之前已一早預訂了一間樓上的泰國餐廳，位置方便，就在尖沙咀海防道，即是九龍公園和海港城中間那條大街。現今以香港的菜式來說，泰國菜實在不是主流，趨勢是大家都偏向吃受歡迎的泰國菜。一上到那座大廈的12/F，便是泰斗，餐廳原來有分兩個area，一個是室內，一個是室外，但室內和室外中間並沒有玻璃阻隔，即代表如果外面大風的話，涼風依然會吹進室內。但天氣如果清涼，坐外面確實很不錯，是綠悠悠的一片樹海。餐廳的食物款式什多，有海鮮、咖哩、串燒等種類，光是看餐牌也花了不少的時間。 生菜包 $128幾道菜中，我最喜歡的就是這道菜，肉碎的份量比我想像中還要多，不只有鹹味，還有酸味和辣味，泰國人向來喜歡酸辣的食物，清清的生菜加上酸辣的肉碎，可說是「平淡中的熾熱」。 小食拼盤(細) $128以一個小食拼盤來說，$128實在有點貴，看看質素如何吧。分別有蝦餅、魚餅、香葉雞中翼和素春卷，蝦餅和素春卷都脆卜卜，很香口，雞翼則比較細隻，不知為何會感受到甜甜的感覺？魚餅就有很濃的香葉味。 串燒沙嗲豬、牛、雞(各2串，2串$38)3款的味道都差不多，但是有個共通點就是一放涼了一會兒就會變得很硬，豬肉什至是咬不開的的⋯⋯牛肉和

同男友行過見到話係鬧市中嘅小曼谷，就一於去試下！上到去好多人以為等好耐，點知一陣就有位！———————-泰式冬陰功火鍋湯依款冬陰功湯唔係好辣，幾易入口！仲有陣好濃郁嘅椰奶香添！配料幾豐富，有好多菇同蔬菜！估唔到味道都幾夾！碗湯入面仲有隻蝦係到添喎！———————-生菜包（豬肉）佢啲豬肉碎係爆多咁上檯！每個生菜包都可以充滿肉肉咁放入口！出色嘅生菜包加左邪惡嘅肥豬肉！成個口腔充滿住濃厚嘅洋蔥味底下，都有一陣豬肉香！生菜唔駛多講，新鮮！———————-龍眼冰大大粒龍眼肉幾出色！不過真係甜左啲！總結：環境都幾舒服，大檯個邊仲可以望下海防道街景！我地兩個坐細檯都可以望到隔離九龍公園啲大樹，食下飯望下樹傾計幾寫意！

尖沙咀人山人海🙄有時也喜愛到某些大廈上覓食。今天我倆到這裡吃泰菜😋或許今晚這裡食客不多，食物亦很美味，服務亦不錯，感覺很自在。今晚最愛吃的是鹽燒盲曹$148不油膩，肉質很鮮嫩😋美味泰式燒雞（半隻）$168是我另一樣愛吃的菜式😋皮已燒到沒有油脂，很香口。配泰式醬汁吃，十分可口柚子沙律$78本來是大辣的我們要求小辣，酸酸甜甜，做出來的效果也不錯😋泰式炒雜菜$88感覺十分油膩😜下次再來，我會點泰式青木瓜沙律取代🧐

今晚有驚喜，朋友帶我去左一間氣氛很好嘅泰菜館， 餐廳有露台，正正對住九龍公園，感覺好開揚。我地點左手打蝦餅、青木瓜沙律配青口， 同青咖哩雞， 估唔到佢地啲份量都幾大碟喎， 我地幾驚食唔哂，因為個青咖哩仲配左客蒜蓉包添。潮流興手打， 連泰菜都要有， 不過個蝦餅又確係幾彈牙喎。青木瓜沙律好爽脆，青口好大隻而且仲好多添，我諗都應該有五六粒， 隻隻都好厚肉。最後輪到個青咖哩雞喇， 雞肉夠嫩滑，個咖哩好香椰漿味，但因為幾辣，所以唔會覺膩。最後朋友仲加左個芒果沙冰添， 話因為好耐冇去泰國，想懷念下喎。呢度環境唔錯，好啱一大班人飯聚。

今晚難得心情好，就拉朋友去左一間氣氛很好嘅泰菜館， 餐廳半開放式嘅設計，坐係大大嘅露台，對住九龍公園嘅大大樹，景觀一洗。餐廳的裝修都好雅緻。menu選擇多，原本我地想點個拼盤，但佢份量好大，拼盤有四款小食，每款有四件， 所以我諗我地應該冇本事食。所以就點左手打蝦餅🦐，真係特別好味架😁，蝦餅彈牙有鮮味。青木瓜沙律配青口， 啲青口使唔使咁大粒呀😁，青木瓜絲好爽脆，又香辣，不過如果可以再酸啲更好。食泰菜又點可以唔食咖哩呢，我地就點左青咖哩雞， 青咖哩比紅咖哩同黃咖哩辣，不過椰香味好濃郁所以好好味，啲雞肉仲好嫩滑添😋。我另外點左杯芒果沙冰，芒果清甜，味道真係好似係泰國飲咁。但朋友就話佢怕肥，所以唔敢飲😏。注意佢啲食物份量都幾大，唔建議兩個人嚟撐枱腳囉😏(大食嘅除外🤭)，不過佢就好適合四位以上去gathering, 人多可以試多幾款吖嘛！

大家成日話尖沙咀無啲咩特別出色嘅泰國菜今晚就俾我試到一間好好feel嘅泰斗啦做完瑜珈同朋友係海防道搵野食見到呢度有間泰國菜就嘗試下啦因為本身個人唔係咁舒服所以無叫到火鍋我地兩個人叫左生蝦 小食拼盤 炒椰菜苗同埋炒金邊粉生蝦好快就上左 都好肥美架啲醬汁無平時泰國菜咁辣 好易入口小食拼盤就岩哂選擇困難症嘅人樣樣都想試下 有蝦餅有雞翼又有春卷個雞翼仲係單骨架好窩心個椰菜苗炒得好入味 又唔會太熱氣主菜係炒金邊粉 份量好足夠好好食啊餐廳環境都好優美 仲有窗台果邊見到隔離枱食魚好似都幾好食下次可以同屋企人黎再試下佢個咖哩先

在這樣舒適的環境，良好的服務下去亨用美食，確實令我們非常難忘泰斗這個好地方。再要多謝泰斗Strphen細心介紹菜式及送我們美味的椰汁糕，令這晚劃上完美的句號。我們會再來試非常新鮮的泰式火鍋

今晚行過海防道，見到係牆上有個咁特別既打燈,交俾你吸引住想入去啦。想到去， 發現餐廳同我預期好唔同。呢間只係高級嘅西餐廳setting.場內有室內位室位。坐喺室外位嘅露台就可以望住海旁到街上嘅人食飯，真係好好feel.這後邊有個大螢幕播電視，仲有個DJ位，我諗應該夜啲有人會mix歌。Anyway我哋揀咗室內位。就叫咗個小食拼盤，金邊粉，炒椰菜苗同生蝦刺身。小食拼盤有雞翼蝦餅魚餅是同春卷。每樣野都啱啱炸好，10分之熱。好好味❤️❤️❤️蝦餅好多時候整咗就會好易梅，但係呢間嘅蝦餅十分之彈牙?其他嘢都好香口，加埋個泰式酸辣醬就真係好好味。呢度嘅菜另外一樣正嘢，就係佢穫氣記好好。又想炒個簡單嘅椰菜苗，都好好味。至於個pad thai,我哋發現原來佢好受歡迎唔會着枱都會叫一碟。一開始以為佢會辣，驚個friend食唔到，但係嚟到嘅時候先發現其實一啲都唔辣，而且料好足!淨係蝦都有六隻。總之真係好好味👍🏻👍🏻👍🏻本身呢間餐廳亦都有好多唔同嘅新款咖喱。但係今次都冇試，諗住下次返嚟試過泰國火鍋。我亦都見到隔離嘅燒烏頭都好新鮮好值得試。最後作為一間高級嘅泰國餐廳，都會讚下佢嘅plating. 上菜嘅食物都精心佈置

今日去咗試一間幾出名嘅泰國嘢~我係一點半去食既，餐廳唔算好多人，亦都唔會話需要排隊。個人覺得餐廳嘅裝修幾有特色，露天座位旁邊種哂樹，喺嗰度食嘅俾人一種好大自然嘅感覺。食物方面，我是試左個燒豬頸肉，海南雞飯，泰式拼盤同甜品。泰式燒豬頸肉（$118）份量頗多，而且切嘅厚度適中，唔會話太厚或者太薄，食落去有焦脆嘅感覺，攞嚟送飯一流😋海南雞飯（$65）都幾好食，比較驚喜係個油飯，食落去好香椰由味，但又唔太油膩，抵讚！雞肉都算幾嫩滑，但係就唔算特別有驚喜，而且份量唔算多。小食拼盤（大）（$168）就有單骨雞翼、春卷、泰式魚餅等，份量都算幾多下，但係味道一般，唔算太有特色，個人認為唔太對得住嗰價。甜品方面，試咗椰汁西米糕（+$12）同埋千層糕。個人就比較喜歡椰汁西米糕

喺海防道有棵大樹見到好大個 "泰"字嘅投射燈，好搶眼😎😎😎 即刻勾起我同朋友條泰國癮好想食泰菜， 二話不說就上咗嚟呢間<泰斗> 😂😂😂weekday夜晚七點鐘唔需要等位即刻有得入👏👏 實在太好喇😆😆😆先黎必點泰式生蝦 $118 🦐🦐🦐 OMG 新鮮之餘勁大隻!!! 配埋個汁非常惹味😋😋😋 仲要用保鮮紙包住啲冰，唔會整濕啲蝦😍😍😍 超細心!!!!! 抵讚 👍鴨肉生菜包 $128 🦆🦆🦆肉碎分量10足!! 可以包到滿瀉好滿足😂😂😂棷香青咖哩雞 $108 🐔🐔🐔 烤薄餅 $28 一上枱就聞到陣陣棷香😍😍😍 雞肉嫩滑，加上茄子同無限多嘅豆角😋 送飯一流👍👍 不過我地得2個女仔驚太飽就叫左烤薄餅代替 🙈🙈🙈 初初覺得得幾片份量有啲小，點知眼闊肚窄最後爭啲食唔曬😝😝😝泰式炒雜菜🌿🌿🌿 $88炒得幾入味唔算油， 有幾款菜又有菇🍄就算得兩個人食都唔覺得寡😋最後仲有全晚重點 -- 芒果糯米飯 $68 😆😆😆芒果勁甜😍😍😍糯米飯 (❤型嘅!!) 同椰漿係新鮮出爐熱辣辣!!!!! 10分!!!👍同埋要讚下啲員工，全晚不停加水(完全唔需要開口🙊🙊🙊) 見我地食完飯又幫我哋執晒枱，換新餐具先再

話說心引起想食泰國野！出開尖沙咀行街😳就search 下就近！比我搵到lee 間鬧市中既尖沙咀泰菜😊本身想試下佢出既$318 打邊爐👀店員話要預早預約🥺所以今次無緣分了終是叫左泰式小菜☝🏻🤔泰式生蝦 （$118）7隻又肥美又厚肉嘅生蝦！ 非常爽口🤤新鮮肉質彈牙😌配埋蒜頭同埋辣椒好開胃🤗😊鴨肉🦆生菜包 （$128）見到餐牌上面有鴨肉生菜包🤤🤔就梗係要試吓啦平時都係食開豬肉生菜包嘅☝🏻☝🏻☝🏻鴨肉既肉質比豬肉結實🥰 辣辣地🤤份量足配埋洋蔥蔥辣椒簡直係一流😊夾住又新鮮又大塊嘅生菜超正😘椰香青咖喱雞配薄餅$108+$28一上菜已經聞到震震嘅椰奶味😳陣陣飄香配埋滑雞肉🤘不油膩嘅薄餅，厚薄適中非常煙un 🤗😏 咖喱入面仲有勁多蔬菜🌱咖喱入邊仲有肥茄子🤤🤤索晒啲青咖喱汁超正🥰泰式炒雜菜🌱 $88唔會好油膩健康炒菜🌱👀芒果糯米飯🍚$68係心心型嘅芒果糯米飯😍😍😍又睇得又食得又可以打卡影相呃like🥰 由於成件事都係新鮮製作所以等候需時☝🏻係熱辣辣香噴噴嘅糯米飯配埋離遠就聞得到嘅椰汁🥰🤗甜甜嘅芒果真係一個一流嘅甜品呀😊💌熱檸茶$26平均消費$324.5

尖沙咀泰國餐廳都唔算少，不過幾鐘意泰斗呢度嘅環境，因為有個半露天咁樣嘅環境，食物質素嚟講都真係唔錯，同個價錢都叫合理！如果一班friend去食飯，喺香港去親泰國餐廳，十次有九次都會叫呢啲小食拼盤！如果講好食我一定會話係炸蝦餅先，跟住係香葉包雞，不過呢度換咗做單骨雞翼！春卷都脆卜卜算唔錯！蒜香軟殼蟹 - 啱啱炸起嘅軟殼蟹，又酥又脆，入口熱辣辣，加埋蒜嘅香味又真係幾好食！不過愈食愈覺得有啲鹹...不過加杯珍多冰就平衡好多😂叫咗個椰子雞湯，份量都唔細，唔係好濃果隻，但係椰子都幾清香，菇菌類都幾多，所以帶出多一份清甜！最後一定要有啲米飯落肚，呢個菠蘿炒飯我就幾推介，海鮮料又足，飯粒又有一份菠蘿嘅清甜！可以再幫襯！

同係泰國食既泰國菜一樣😚啱啱由泰國回來但朋友依然懷念泰國菜, 決定試吓依間泰斗.一入門口已感覺環境舒適, 有室內有室外.首先試個牛肉船河, 牛肉入味, 湯底濃郁,魚蛋彈牙, 最特別嘅係佢加咗炸豬皮, 口感一流, 一定要試. 冬陰公海鮮湯麵, 海鮮足料, 湯底同泰國食嘅冇分別. 之後要咗個小食拼盤, 沙嗲(鷄豬羊牛)同鹽燒牛舌, 拼盤一般但沙嗲同牛舌味道一流, 配埋佢哋嘅自製醬汁. 到主菜黃咖喱牛坑腩同冬陰公明爐魚, 牛坑腩入口即溶, 明爐魚鮮甜嫩滑. 兩個餸都係送飯一流. 特別推介金龍蛋, 其實即係蝦餅包皮蛋, 蛋黃流心, 外脆內軟. 最後飲埋一杯清新特飲, 美好的晚餐. 依個地方不論係同屋企人同朋友或者兩個人撐枱腳都適合.

之前去泰國旅行，每一餐都會到當地餐廳揀佢哋signature dish，雖然我本人唔係好食得辣，但對辣係欲擺不能。今日同一班朋友到泰斗，想尋回泰國味道。餐廳環境都啱gathering，一班朋友6-8人都可以放心有說有笑。Meun 選擇很多，傳統泰dish 都可以搵到。當然，牛船河同tong yum kong 湯河一定要試，湯汁濃郁，麵條彈牙，有唔同香料層次，一碗咁多人share真係唔夠喉，下次要自己食一碗。頭盤叫左小食拼盤、金龍蛋同串燒。要講下個串燒，我哋每樣都叫左兩串，印象最深刻是牛舌，有咬口，一啲都唔腥，最怕食到牛酥味。主食叫左tong yum kong盧魚、通天通菜同黃咖哩牛坑腩，全部都係白飯的好朋友。我最鐘意通天通菜，辣度係食完之後滲出來，你需要不斷進食來止住對辣的需求，試過就知我所講的辣是多麼令人回味。最後本想以一杯檸檬清新特飲來一個總結，可惜欠缺清新檸檬味，扣少少分。當下次想尋回泰國味道，又多一個選擇。