泰斗 (中達大廈)

营业中

休息中

尖沙咀呢間「泰斗」，位處於海防道，毗鄰係九龍公園，佢有一個半空平台花園，喺呢個環境食泰國菜，真係另有一番風味👍🏻可惜今次坐唔到Outdoor，不過都唔緊要，遠遠咁望到啲綠色大樹🌳，原來又有另一番滋味😬呢度除咗有出名嘅時令生蠔之外，仲有好多泰國出名嘅特色菜，梗有一款啱你心水！今晚同朋友嚟呢度傾吓計，發覺佢都幾旺場，店員仲介紹今晚有特價鹽燒魚，原來佢哋時不時都會有啲特價菜色供應👍🏻我哋叫咗個泰國🇹🇭小食拼盤（細）$128，有香葉雞中翼、魚餅、蝦餅、素春卷，兩個人份量啱啱好🤗我特別鍾意佢哋嘅魚餅，有魚味又啖啖肉，香脆得來好滋味，再點埋啲泰國醬，正😋傾吓講吓，飲番杯檸檬梳打，食埋我至愛芒果糯米飯，真係大大滿足😍服務員個個都好客氣，效率又快，也值得一讚👍🏻

係尖沙咀行完街驚朋友介紹就去左呢間叫泰斗，上到餐廳已經見到好靚既環境，望出去係見到有好靚嘅燈飾我地叫左酸辣明爐魚，一個細嘅小食拼盤，泰式蝦肉炒金邊粉同埋一杯芒果沙冰小食拼盤分量剛剛好，蝦餅同雞翼炸得好香口，金邊粉味道就酸酸地好開胃，同埋有大大粒嘅蝦肉，魚就好新鮮仲要有個火爐暖住仲有粉絲同肉碎做配菜，店員好好我哋叫芒果沙冰嘅時候店員叫我地等一等因為佢哋要問一問廚房啲芒果新唔新鮮先至再整俾我哋好細心，呢餐泰國菜真係冇得頂，最後提一提呢間餐廳坐得好舒服如果同朋友或者家人你食飯食完飯吹下水好舒服

公司食飯，book左尖沙咀上樓呢間叫泰斗既泰國餐廳，因為人多四十人到，所以包左場環境裝潢都好泰國風味，最正係佢係半露天，環境唔會咁侷促👍🏻 雖然係低層，但都唔會太吵今次食物以自助餐形式，開頭食既小食 春卷、蝦餅已經好食到停唔到，之後個蒜蓉軟殼蟹，好鬆香，及咖哩點蒜蓉包，正😋。晚飯選擇好地方👍🏻

呢間餐廳淨係食環境都已經贏晒，試問幾難得喺尖沙咀竟然有空中露台花園吖，仲要位置又方便，距離尖沙咀地鐵站只係2分鐘🤗就係呢個露天平台，隔離係九龍公園，所以人氣極旺，簡直係鬧市嘅綠洲，仲有一個corner位，啱晒一大夥人嘅朋友喺度聚會😍睇咗一輪餐牌，首先叫咗個泰國🇹🇭小食拼盤，已經有齊四款不同口味嘅小食，慢慢食下傾下講下，一樂也😋我特別鍾意食佢嘅蝦餅，香脆彈牙，好有蝦味，另外仲有素春卷，香葉雞翼和炸魚餅，全部熱辣辣，好味👍🏻另外叫咗個燃燒盲曹，多肉有冇骨，入口嫰滑無比，咸度適中，啖啖肉😋真係好鮮甜入味多汁兼嫰滑，今晚仲特價$148，燒得啱啱好，冇得頂😍食泰國嘢就梗係要嘆埋正宗嘅芒果糯米飯，同埋椰青啦，呢兩樣嘢缺一不可，椰青清甜可口，又多肉，芒果糯米飯，芒果好甜好多肉，糯米飯煙煙韌韌，加啲椰汁落去，好味到不得了，喺尖沙咀有間咁正嘅泰國餐廳，記得要book位啊，好多時候都會爆棚無位，尤其是Outdoor嘅位置🤗

今日同男朋友喺尖沙咀唔知食咩佢話想食泰國菜 就上網搵搵左呢間一入到去 見到窗口位 勁有feel 但可惜我哋冇訂到位 同埋人數唔夠多所以冇得坐 所以下次如果多人 一定會訂窗口位之後首先我哋叫咗做細嘅小食拼盤話就話細 但其實都有好多 兩個人食 其實都算多 每樣都有得試下 真係過足口癮之後叫咗個金邊粉 佢比平時食嘅濕反而咁樣好似仲好食之後叫咗個酸辣明爐魚最正嘅係啲魚好滑 而且仲有粉絲索晒啲酸酸辣辣嘅汁好似食緊麵咁 好惹味之後仲叫咗個芒果沙冰 勁大杯兩個人都夠飲

泰國菜食泰式魚是常識吧😌不過估唔到條魚既份量都幾慷慨，我諗3-4人一齊食都冇咩問題。魚經鹽燒過，除左魚香，仲有淡淡既咸味，配埋泰式醬真係十分唔錯。不過個醬對於唔食辣既我黎講，就覺得辣左啲。但蘸左又好惹味，所以對呢款醬真係又愛又恨。冬蔭公湯又係十分香辣，入面有唔同海鮮，不過如果酸啲就更好啦～生菜包好好食！肉碎好香口，冇得輸呀～不過我覺得味道可以再重手啲，濃味啲。另外仲有甜品，不過今次趕時間，唯有留番下次啦_

2月20日試用開飯book位，朋友想食泰國菜，就選擇了泰斗試試！一行6人晚餐最好食係鳳爪囉及正常嘅椰青菠蘿沙冰都可以！生蝦正常的！煎豪蛋餅夠鮮味，不過似乎冇乜落鹽。4拼拼盤最好食係蝦餅，魚餅太淋麻麻地！海南雞唔得沒有雞味...no菠蘿炒飯一般，菠蘿有根及有些好酸夠？冬陰公啲蝦係霉烏頭一般啦⋯⋯金邊粉好過茶餐廳少少囉！值得一讚環境非常舒服如果有八位嘅話咁咪可以book露台位，如果沒有八人坐一邊就比較迫啦！色飲識食識煮敬上

同3月壽星女飯聚，佢話想食泰菜兼飲杯嘢，就响公司附近搵咗呢間泰斗，食完嘢先至再去飲嘢。我哋坐室內，對住九龍公園嘅大榕樹，綠意盎然，又幾正喎。2個女子都想遠離澱粉質，同埋仲有下一場飲嘢，於是決定清清哋食輕量就算。柚子沙律啖啖柚子肉，汁液充盈，清甜可口，夾雜埋紫洋蔥嘅微微辛辣、仲有炸蔥蒜片又香又惹味，好味又健康酸辣青檸明爐魚呢個魚鍋用嘅係烏頭，烏頭夠肥美，油脂甘香，魚肉質地又滑又無泥味配菜豐富，加埋粉絲份量都幾多架，滾起嚟檸檬嘅清香，聞到都零舍醒神，粉絲吸收咗湯汁精華，酸酸辣辣，又香又滑，夾雜香菜洋蔥一齊食，好味泰式炒椰菜苗講起食泰國嘢揀嘅蔬菜，個人比較鍾情椰菜苗多於通菜，因為咬落爽爽有質感，同埋佢更有代表性顏色青綠又爽口，泰式炒比較清淡，唔及馬拉盞惹味，想健康啲係唔錯嘅選擇。

這個位於尖沙咀海防道的某商厦4樓，餐廳半露天可以望向出面九龍公園，看到街上馬路旁邊熙來攘往的路人，而自己卻坐得舒適有了強烈的對比，餐廳不算太大，卻坐得滿滿的客人十分熱鬧，餐廳燈光稍為昏暗有氣氛情調，適合情侶或三五知己。食物價錢不便宜亦不是太貴，我和友人叫了兩份串燒，一份是豬而另一份是牛舌，每份有兩串，各有指定的醬汁，串燒豬有咬口，醬汁酸酸地幾醒神，反而牛舌較韌，要費勁嘴嚼良久才吞到。馬莎文咖哩牛坑腩配薄餅，咖哩較深色且有濃度高，較適合配薄餅食可中和咖哩的咸度，如果食多碗白飯就更好。雖然餐廳位於尖沙咀旺區，這卻有不錯環境，整體不錯。

泰國菜🌿在香港很受歡迎✔，所以在香港有很多泰國餐廳😋，今天便和朋友到這間餐廳晚飯🍚，餐廳位於商業大廈的四樓，一打開，已見到整個餐廳都坐滿了人🚶‍♂️🚶‍♀️🚶‍♂️🚶‍♀️，原來餐廳有一部分是露天☁️可以看到街景的位置頗有氣氛，食物方面🥢，大部分都是泰國特色的美食好似串燒、咖哩、冬陰功湯等。小食拼盤🦐🐟🍞有蝦餅、魚餅、素春卷、香草雞中翼，整個小食拼盤很香口😊，我個人就較喜歡雞中翼🐔有咬口還有淡淡的香草味🍀 ，另外蝦餅也不錯，點些甜酸醬提升了口感👅。菠蘿炒飯 🍍原隻菠蘿盛載著滿滿的飯粒，有蝦🦐、帶子🐚及其他配料十分之豐富，飯粒粒粒炒得香，視覺上很有質感，配上的肉鬆和腰果一齊食很滿足很滿足，炒飲用上了整個菠蘿十分少見，因為出面餐廳一般沒有用整個菠蘿，或只用一片菠蘿來代替，所以很欣賞這個菜式。餐廳的食物🎵質素不錯，吃得賞心悅目，和朋友吹水食飯學亦沒有被催促，所以吃得更開懷。🎶👨‍🍳💨👨‍🍳💨👨‍🍳💨👨‍🍳💨👨‍🍳💨

尖沙咀樓上鋪, 有唔少美食, 今日就嚟到海防道, 搵到呢間叢林裏的泰國菜 - 泰斗。走進餐廳就被露台外茂密嘅林木景觀吸引, 估唔到從4樓望出去, 海防道嘅大樹景色竟讓人有如置身叢林嘅感覺。泰式椰青海鮮焗飯$148 米飯粒粒乾爽分明, 椰香洋溢, 海鮮有青口、蝦仁、魷魚等。椰殼容量不少, 飯量充足, 兩個人都未必食得晒。另附一碟肉鬆 & 腰果, 即加即食, 滋味程度大大提升！芒果糯米飯$68 香軟糯米飯單配椰漿已經好正, 加上肉嫩多汁嘅芒果, 不枉我特登留肚食佢。店內見唔少食客都點咗泰式火鍋, 下次都試下先！

好一段時間冇食過泰式咖哩, 忽然很回味那香濃韻味, 今日嚟到泰斗就只為咖喱！紅、青、黃三款咖喱, 點揀好? 原來紅咖喱色澤來自紅辣椒乾, 青咖喱則加入新鮮青辣椒, 而黃咖喱並無加入辣椒, 色水來自黃薑粉, 當然辣度不會太高。我同朋友都唔太食得辣, 就試試黃咖喱吧。椰香黃咖哩 (羊肉) $108 + 烤薄餅 $28黃咖哩薑黃味突出, 椰香味亦濃, 辣度溫和, 仲帶點甜味, 拌酥脆可口嘅烤薄餅一流。 羊肉肉質柔軟, 羊騷味不重, 薯仔夠入味。千層糕$48 千層糕質感軟糯, 煙煙靭靭, 甜度適中。 椰青$48

尖沙咀的樓上泰式新派餐館，大約可以坐60人，4樓向外是開放式的露台餐廳，大約可以坐20人，外邊可以望到好多樹木，好有特色的一間餐廳。煮食我們選了集材炒飯，菜粒加上粟米，粒粒炒到分離的泰國尖米，加上香味十足的咖哩，炒至金黃食，10分美味可口。另外我們選了兩款菜式，分別是泰式三味汁素鴨，廚房將不同的蔬菜，加上特製的酸酸辣辣的汁料，腐皮卷炸致金黃酥脆，加上酸辣醬汁，鬆脆香口。另外一款是泰式炒數雜菌，分別三種不同的菇菌類製作而成，味道比較清淡，如果素食者，對於上述的三款素材是值得推介的。我們選了兩個特飲，分別是椰青和青檸可樂。大大個的椰青，裡面啲椰肉都可以用來食。青檸檬加上可樂再加小小冰粒。

習慣同朋友食飯都會book定枱，免得walkin要等好耐。 想近近地係尖沙咁食泰國菜，有啲雖然出名但預約電話完全打唔通，見呢間泰菜都多人推介，又有得online booking，一於試試。預約左7點鐘，早左成半個鐘到，好在有得早啲入坐。因為朋友大肚，忘了預先要求坐沙發，但店員都好好咁即時幫我安排返，仲好好笑容會講下笑，令客人好舒服。坐低一路等朋友，一路睇餐牌，真係花多眼亂（太多所以都懶得影相）廚師推介、沙律、小食、湯、海鮮、咖哩、海鮮每個類別都起碼5到10款你揀，連炒時菜都有好多款，仲有河粉、甜品，同埋冇諗過素菜都有，真係總有樣你岩食。我地三人行，先點左泰式金邊粉、黃咖哩雞肉配薄餅同豬頸肉沙律。飲品點左芒果沙冰、椰汁冰。泰式炒金粉：炒得好香，濃味，份量多，唔會好油膩，唔會覺得濟。推薦！黃咖哩雞配薄餅：黃咖喱得一粒辣椒嘅辣度（青咖哩3粒，紅咖哩2粒），冇咩辣味，但朋友覺得好辣，靠個人喜好判斷。雞肉係冇骨雞柳，都滑身，但比較碎同細件，入面仲有薯仔、洋蔥。薄餅就咁食覺得少少油同乾身，不過加左咖哩都幾match。豬頸肉沙律： 呢個驚喜，原本以為沙律會好少豬頸用同好多生菜，點知相反。豬頸肉份量多

今日同幾個朋友過來尖東行街，大家忽然想食泰國菜，睇到哩間餐牌吸引上左來，一上來就肯定我地我來錯，大大個露台，望出去常個樹林一樣，勁靓⋯食泰國菜一定唔少得芒果糯米飯個糯米飯乾身而且不硬，勁香椰子味還甜甜的，芒果方面甜度可以份量都幾大下。牛舌+羊肉串燒牛舌燒出來雖然厚身但完全唔硬，好脆爽口，配上沙爹醬，好野味，羊肉無蘇味，配上獎汁好味（口味偏甜）小食拼盤入面有魚餅，蝦餅，雞翅，春卷個人最喜歡還是蝦餅，外脆內軟，而且入面唔乾，配上泰式辣醬勁好食，魚餅方面就好重泰國香料味。春卷都好好食。紅咖哩牛肉+配薄餅加薄餅是必需的，薄餅點上清清咖哩好好食，而且距牛肉唔係滑牛肉，係好有好感而且好有牛味牛肉，辣度個人覺得可以接受。想拍住拖食泰國菜哩度絕對適合，而且每樣野份量好足，大大碟。