泰斗 (中達大廈)

🍲 原盅椰青冬蔭功湯一上枱就聞到椰青香氣，唔係普通冬蔭功咁酸辣咁簡單，係有層次、有溫度。啖啖湯都飲到椰青清甜，辣得啱啱好，唔會燒喉，反而係暖胃。🥩 泰式燒豬頸肉呢個係必食！燒得啱啱好，外脆內嫩，油脂香味勁出，配埋個酸辣醬，真係一件接一件，停唔到口。🍛 椰香紅咖哩配雞咖哩香濃但唔膩，椰香好突出，雞肉滑得嚟又夠味，撈飯一流。食到尾仲忍唔住用薄餅掃埋啲汁，真係冇得輸。🥙 烤薄餅薄餅微脆煙韌，唔會太厚，專登用嚟配紅咖哩。一撕一掃，咖哩汁黏住薄餅，食落口感豐富又滿足。🥬 生菜包清新解膩，啱晒中段轉口味。可以夾豬頸肉或者蝦，食落爽口又有層次。🦐 火焰新派老虎蝦上枱有火，視覺效果一流！蝦肉彈牙，醬汁係咖哩，同蝦幾夾。🥭 芒果沙冰甜度啱啱好，唔會假假地芒果味，係真材實料打出嚟，食完辣嘢飲返杯，爽！🍸 Sandalwood Sip呢杯真係有style，vodka唔會太搶，荔枝味清甜，仲滲出陣陣檀香味，飲落有層次，幾有禪意。🕕 重點推介：星期日至四（公眾假期前夕除外）1800–2300 $98 任飲2個鐘！有酒精又有非酒精泰式特飲，款式唔少，唔係得幾杯咁hea。鐘意cocktail可以試晒，唔飲酒都有啲特色飲品揀，真係幾抵！呢餐唔止食得開心，仲有得打卡、有得chill，啱晒同朋友聚會、拍拖、甚至一個人嚟都唔會悶。有啲fusion但唔失泰味，值得encore！…查看更多

泰國餐廳一向係我最愛，今次黎左呢間鬧市中嘅餐廳試一試啖啖蟹肉蟹膏炒蛋配薄餅生拆蟹肉，炒蛋嫩滑，將薄餅蘸上蟹肉+滑蛋一起吃尤其惹味～串燒沙嗲雞雞肉嫩滑，蘸上沙嗲醬汁一起吃，更有捉鮮作用鹽燒牛舌芯牛舌芯肉味香濃，基本上不用蘸任何醬汁，也可吃得出其鮮味！冬陰功大頭蝦湯（細）大頭蝦亦有啖啖鮮味的蝦肉及蝦膏好濃郁的椰汁香味及辣味，喝下去也很creamy非常開胃泰式生胡椒炒蜆（沙白）蜆肉新鮮彈牙，唔會有任何沙粒而且粒粒都好大隻，放上生胡椒一起炒，尤其惹味！飛天通菜通菜脆綠爽脆，放上蒜蓉一起炒，中和一下口腔的肥膩感椰汁西米糕椰汁味香濃，中間放上西米+馬蹄粒及粟米🌽粒甜度亦剛剛好, 適合一D食唔到太甜既朋友~Thai-beer mojito 好濃郁的酒味, 仲有微微苦瀝味的泰beer, 味道既新奇又特別~SANDALWOOD SIP喝下去有好濃烈的酒精, 旁邊再配上3粒清甜的荔枝可以中和一下濃烈的味道~…查看更多

成日喺海防道行過望上樓上都見到呢一間泰國嘢今日終於扚起心肝同朋友試吓佢上到去揀咗個望住九龍公園嘅位置坐都幾好feel♦️蟹肉蟹膏炒蛋配薄餅 蟹肉嘅份量多，三四個人share都好夠味道唔太濃，配薄餅已經好好食但係原來配青瓜仲清爽，好出色，一致好評♦️原盅椰青大頭蝦冬陰功食泰國嘢冬陰功係必點呢個係原盅椰青冬陰功應該係用咗椰青水煮所以比起平時嘅冬陰功湯清甜同埋冇咁辣幾清新，又足料，怕辣嘅朋友都可以試吓♦️炸軟殼蟹柚子沙律軟殼蟹大大件夠脆口，柚子沙律夠清新幾辣，夠晒刺激♦️醉貓炒河牛肉落咗酒炒嘅河粉，比起平時炒河更香口，更有鑊氣，辣到都有返咁上下，怕辣嘅朋友要留意，食得辣嘅朋友就唔好錯過♦️咖喱南瓜盅(雞肉)南瓜盅上枱大大盅 入邊有咖喱薯仔雞肉等配薄餅or 蒜蓉包都好match記得要食埋側邊嘅南瓜已經焗到腍晒好好味♦️Cocktail - Sandalwood Sip好有驚喜，有淡淡嘅檀香木味，感覺清新，之後再配返粒荔枝甜一甜，男女都啱飲♦️ 芒果沙冰店家推薦話係食signature飲品，果然係好東西，大大杯多芒夠冰，啱晒一路食濃味嘢，一路清下個味蕾再接再勵整體嚟講嘢食質素好估唔到鬧市上邊有個咁 chill 嘅環境又有酒飲 啱晒同啲friend聚會吹水…查看更多

位於尖沙咀嘅🌟泰斗🌟，係一家樓上🇹🇭泰式餐館，設露台位置，好似一個空中花園咁🌃，都幾好Feel！🔥新派火焰老虎蝦 $328巨型嘅虎蝦先炸後淋汁，上菜時再以火焰激發香氣！虎蝦大隻啖啖肉，個汁少少辣勁惹味，忍唔住要Order蒜蓉包去Dip埋！🌟小食拼盤 - 細 $148泰式雞卷、魚餅、蝦餅、粉絲皮春卷，即叫即炸，香脆美味！🐖泰式燒豬頸肉 $138豬頸肉燒至微焦，入面嘅肉仲係軟嫩嘅，Good！🦐泰式生蝦 $128泰國經典名菜之一，醬汁香辣，蝦肉夠Fresh！🥘椰香黃咖喱雞 $138辣度最輕微嘅黃咖喱，內含大量雞肉！🥖蒜蓉包 $36用嚟Dip返火焰蝦嘅醬汁，或者Dip咖喱都唔錯！🥃Sandalwood Sip $108Signature Cocktail之一，餐廳自浸檀香味嘅Vodka，聞落有浸清幽嘅木香味，入口酒味適中，帶荔枝嘅甜，都幾正！🍹Fairytale $88靚靚嘅Mocktail，以蝶豆花同埋蜜糖做出漸層，甜酸平衡！…查看更多

今日同老公去左尖沙咀樓上泰國餐廳食飯，餐廳好有氣氛，職員安排我哋坐半露天空中花園。餐牌選擇非常多，真係想食咩都有。餐廳剛剛有個晚市任飲優惠，逢星期六至四，只要$98就可以任飲紅白酒、手工氈酒、泰式啤酒、cocktail同泰式特飲，啱晒同朋友慢慢傾。蒜香軟殼蟹：份量多，軟殼蟹炸到好香，蒜香味濃，食落酥脆，幾好。飛天通菜 ：通菜炒得夠綠，爽口，好夠鑊氣，食到最尾好辣，幾惹味。泰式啖啖蟹肉蟹膏炒蛋配薄餅：菜式名無改錯，表層已見到啖啖蟹肉，蟹膏味濃帶鹹香，旁邊有薄餅同青瓜，配青瓜食味道較fresh，配薄餅食就較有層次感，無論邊個食法都係好好食。 泰式香燒雞 (半隻)：燒雞燒得香口，啖啖肉，調味幾好，醃得入味，唔錯。泰式炒河 (牛)：牛肉多，另外有芥蘭、紅蘿蔔同雞蛋，整體炒得夠燒焦，煙燻味濃，鹹味剛好，係正宗泰國味道。Sandalwood Sip：自家製cocktail，用左檀香伏特加同白橙皮酒調製，另加上檸檬汁，易入口，有檸檬香味，旁邊有三粒荔枝，味道甜甜地，幾啱女仔飲。Thai-Beer Mojito：賣相幾好，旁邊有倒立式泰國象啤，慢慢飲，啤酒就慢慢流落去。另外有冧酒、梳打同新鮮青檸汁的味道，加埋幾薄荷葉做裝飾，味道mix埋又幾好飲喎。…查看更多

明爐魚🐟烏頭都幾大條，夾落算好多肉，入面仲有粉絲、肉碎、菇、菜，頗為豐富，湯汁嘅味道平衡得幾好，可以就咁𢳂啲嚟飲，想食辣嘅可以揀冬蔭功或者酸辣青檸～泰式生胡椒炒沙白🥢 沙白嘅份量十足，隻隻都乾淨無沙，生胡椒嘅辛香唔會太過霸道👌啖啖蟹肉蟹膏炒蛋配薄餅🦀依款做緊優惠價$268，比原價平咗$100，蟹肉份量十分慷慨，面頭白雪雪嗰啲全部都係蟹肉，所以菜式名話啖啖蟹肉都係真嘅鹹肉炒雜菜🥬 雜菜有芥蘭、椰菜、芽菜仔、菇等等，炒得爽脆，鹹肉為個雜菜吊一吊味，食落多些少鹹香，應該會比馬拉盞、蝦醬等煮法清淡一啲～椰汁沙冰大大杯🥥sandalwood sip🍸…查看更多

位於尖沙咀 九龍公園對面⛲️主打新派泰菜 泰燒 小食🥢環境好有心思 除咗室內位置 仲有半戶外園林風座位 充滿濃厚泰國🇹🇭風情坐喺戶外可以望住街景 食住地道泰式小食 好Chill又放鬆😎·`♡· 泰式啖啖蟹肉蟹膏炒蛋配薄餅🦀蟹肉豐滿鮮甜 蟹膏濃郁滑潤炒蛋香滑入口即化 搭配薄餅🫓食用 既可品嚐蟹肉的鮮甜 又能享受脆口薄餅嘅口感😘·`♡·泰式生胡椒炒蜆蜆肉新鮮飽滿 配埋生胡椒帶來微辣香氣 份量唔算多 配合香菜同紅綠椒炒至入味 味道鮮辣開胃十分下飯🥢🍚·`♡·燒牛肉沙律燒牛肉沙律香料味濃 口感酸辣開胃牛肉有嚼勁 沙律配料新鮮爽脆🥗·`♡·原盅椰青大頭蝦冬陰功鮮蝦飽滿彈牙 酸辣湯底融合椰青清香酸辣開胃帶地道泰式風味 份量適合兩人分享 不過味道略鹹 建議配飯或飲品平衡椰青盅裝盛賣相吸睛 感覺度滿分🦐🥥·`♡·鹹魚炒芥蘭色澤鮮綠💚芥蘭爽脆帶自然甘甜鹹魚香味濃郁但唔搶味 炒得均勻入味 鹹香中帶點鮮甜🍴·`♡·泰式椰青糕一份四件 透明透亮 質感Q彈滑溜 入口清爽唔膩🌸🥥·`♡· Sandalwood Sip👅味道清新帶木質香氣 入口有微妙嘅花香同果香層次 配埋旁邊嘅荔枝小點心 好適合細味慢飲🍹·`♡· Cobalt Blossom色澤好靚 層次分明由🧡到💜 充滿花果香同微酸微甜 冰涼夠晒清新🍹✔️加一服務費✔️建議提前訂位…查看更多

尖沙咀泰斗裝潢以泰式吊燈和藤椅為主，營造出悠閒又具異國情調的氛圍，餐廳設有室內及室外座位，無論是想感受舒適冷氣，或享受露天風景，都能配合不同客人既須要。小食拼盤包括春卷、炸蝦餅、蝦棗、魚餅，酥脆可口，是開胃首選。粉絲雜菜煲則以香料提味，粉絲吸收湯汁後特別入味，蔬菜爽口不過熟，帶來清新口感。主食方面，餐廳新推出「泰式啖啖蟹肉蟹膏炒蛋薄餅」，蟹味濃郁，炒蛋滑嫩，層次感豐富；菠蘿海鮮炒飯炒得粒粒分明，香甜既菠蘿與海鮮既鮮味互相融合，令人一試難忘。甜品方面，芒果糯米飯芒果香甜，糯米煙韌，椰漿濃郁，為這餐劃上完美句號。飲品方面，Fruit Punch清新解渴；芒果沙冰則香滑冰涼，非常適合炎熱天氣。總結，餐廳不但食物出色，而且份量十足，環境亦令人放鬆，是一間值得再訪的泰式餐廳。…查看更多

尖沙咀有新開無耐嘅泰菜酒吧，嚟到附近又點會唔試火焰新派老虎蝦 - 儀式感滿滿，上枱後點火，打卡一流，老虎蝦爽口彈牙，配合甜甜地有陣冬蔭功味嘅汁，食落好惹味泰式生蝦 - 厚實爽口，配蒜、辣椒同辣辣地嘅魚露，味道好有層次，擺盤又靚冬蔭功明爐魚 - 大大條明爐魚，肉質鮮嫩，粉絲吸晒冬蔭功湯入晒味，仲有滿滿嘅蔬菜鹹魚炒芥蘭 - 芥蘭新鮮嫩綠，調味夠晒香濃，啖啖都食到香口鹹魚海鮮醉貓炒河 - 好有鑊氣，份量十足，啖啖都食到唔同海鮮，食落勁滋味White Temple - 味道好豐富好有層次，熊仔冰勁得意，啱晒打卡芒果沙冰 - 芒果香味好突出，甜度啱啱好，口感又綿延，最重要係大大杯飲極都唔完，清甜解渴環境同氣氛都好chill，服務好殷勤，餐牌選擇極多，款款賣相都好吸引，啱晒同朋友聚會傾偈，值得一試…查看更多

主打精緻道地的泰國料理，店內設有半開放式露台，裝修設計帶點泰式酒吧風格，讓人置身泰國街頭般的感覺。蟹肉蟹膏配薄餅非常足料，蟹肉由肉蟹人手拆出，吃落啖啖肉，肉質頗厚實，味道鮮香。牛舌帶有濃郁的牛肉香氣，Q彈軟嫩，牛肉及豬肉肉質嫩滑，口感juicy。蠔仔蛋香噴噴、熱辣辣，蠔仔肥美飽滿，鮮味十足，炒蛋好酥脆，蛋香濃郁，沾一沾泰式辣醬，夠晒惹味。燒雞即叫即燒，金黃香脆，咬落鮮嫩多汁，帶有香料和檸檬清香，搭配特製的泰式醬料，風味獨特。泰式炒牛肉河有鑊氣，色香味俱全，牛肉薄切炒得香口，河粉闊身煙韌夠乾身，滿滿泰式風味。…查看更多

串燒沙嗲牛（2串）牛肉超嫩好Juicy，沙嗲醬惹味有花生嘅香味！串燒沙嗲雞（2串）雞肉燒到啱啱好，非常嫩滑。串燒沙嗲猪（2串）豬肉微焦香口，鹹香帶甜，一啲都唔會韌，咬落超有層次。蒜香軟殼蟹軟殼蟹炸得香脆唔膩，蒜香味好突出，食落啖啖都係驚喜。粉絲蝦煲非常大鍋，大約有八至十隻蝦，粉絲吸滿咗蝦汁精華，蝦肉新鮮彈牙，成個組合超正。必食!芒果糯米飯芒果香甜多汁，糯米飯係心形，煙韌又唔會太黏，配埋椰漿好加分。泰式啖啖蟹肉蟹膏炒蛋配薄餅炒蛋超滑，蟹肉蟹膏超足料，夾埋薄餅一齊食，滿口鮮香。每啖都好有層次感，食得超有驚喜。芒果沙冰芒果味超濃郁，沙冰幼滑唔會太甜，成杯飲落清新透心涼。夏天必點！椰汁沙冰椰香味突出，沙冰好幼細，飲落清爽又解渴。飲完唔會覺得膩，仲有熱帶感覺，好啱打卡！…查看更多

距離尖沙咀地鐵站只係2分鐘路程，非常方便。裝潢簡樸卻有著泰國氛圍。坐半露天位置，有feel得嚟又唔覺得熱～金龍蛋，即皮蛋蝦餅。外層蝦餅面層炸至酥脆，蝦膠彈牙。包裹住Q彈、味道溫和嘅皮蛋，蘸上泰式醬汁，有驚喜！火焰新派老虎蝦，打卡必備菜式。六大隻老虎蝦，啖啖肉，配上咖哩醬汁，上菜時再以火焰燒一下～儀式感滿滿，而且多添一份焦香。泰式燒雞（半隻），份量超足。雞皮燒得香脆，雞肉肉嫩多汁。原盅椰青冬蔭功湯（2人份量），特別喜歡係冬蔭功湯內食到椰子肉，贈添一份清甜。Sandalwood Sip檀香味濃，結合伏特加、白橙皮酒、檸檬、荔枝嘅味道，層次豐富。酒精味道唔算好濃，都幾啱女仔飲㗎～椰汁沙冰，大大杯超清新，啱晒夏天飲～…查看更多

放工當然要chill一chill，同事話想食泰菜，就揀左黎依度。放工時間上去真係爆棚，氣氛非常好。 串燒叫左佢推介既雞牛豬各兩串，肉質都好嫩滑，味道都夠，有碳燒既香味，唔錯。值得一提係佢有沙嗲醬及泰式酸辣汁沾黎食，好惹味。 火焰新派老虎蝦，上菜時好吸睛！侍應會淋上酒再點火，火光好靚仲好香。一碟有4隻大頭蝦，而且炸過，令到肉質keep到彈牙。隻醬應該係用左蝦膏炒，香味十足，真係汁都吃埋椰香黃咖哩雞配蒜容包及烤薄餅，咖哩係必點既，依度既咖哩汁香濃，加左椰奶好滑。而雞件大大件，食落完全唔鞋，唔錯。配埋烤薄餅就最正，煙煙韌韌又掛汁，正呀。 菠蘿海鮮炒飯 有大量海鮮及肉鬆腰果，口感好豐富。飛天通菜少辣，但炒到有鍋氣，好惹味！ Thaibeer Mojito 成枝泰啤倒轉上，好癲。味道同比普通既Mojito 多左一陣麥味，味道更易入口。 整體黎講好滿意，無論氣氛，地點，食物都係聚會既好選揀，下次約啲朋友試下先。…查看更多

泰式燒牛肉配秘製醬汁賣相好吸引，牛肉片燒得外焦內嫩，顏色焦黃帶少少炭燒痕，秘製醬汁淋得均勻，帶陣甜辣味。入口牛肉juicy，肉質軟滑唔柴，醬汁嘅魚露同香茅味滲入，咸甜平衡，配埋少少青瓜絲解膩，份量啱晒，食落去有泰國街頭feel。🥩汁燒魷魚筒燒得彈牙，表面烤痕幾靚，汁水鎖住唔會乾。入口先係魷魚嘅鮮甜，之後燒烤嘅煙燻味浮上，配秘製醬汁微微辣，質地脆嫩，唔會韌口，賣相簡單但食落去層次分明。🦑椰香咖哩豬蒜容包咖哩濃郁，豬肉煮得軟爛入味，椰奶香氣撲鼻，顏色金黃誘人。蒜容包烤得鬆脆，包住咖哩豬肉，入口包皮香脆，豬肉嫩滑帶少少辣，椰香同咖哩粉調和得好。🥥芒果糯米飯芒果新鮮，切得厚片金黃，糯米蒸得黏軟有彈性，椰汁淋得適中。入口芒果嘅酸甜同糯米嘅香糯好夾，椰汁微微咸香解膩，質地濕潤唔乾。🍚火焰新派老虎蝦蝦身燒得紅亮，火焰效果幾有氣氛，蝦肉彈牙juicy，殼脆易剝。入口蝦鮮甜爆出，配泰式香料微微辣，質地嫩滑，燒功均勻唔過火，新派做法加咗少少西式元素。🦐Sandalwood Sip 呢杯飲料清新，檀香味淡淡滲入，配埋檸檬同薄荷，顏色淺黃透明。入口先係檸檬嘅酸爽，之後檀香嘅木香跟住，氣泡細密解渴，唔會太甜，冰塊融化慢，飲落去醒神。🌿Cucu-limnelight黃瓜同RUM配搭得好，黃瓜汁清甜，萊姆酸味平衡，賣相綠油油幾靚。入口爽脆，黃瓜嘅鮮味同萊姆嘅清香層次分明，微微氣泡增添趣味，質地順喉，熱天飲尤其啱。🥒…查看更多

呢間係喺尖沙咀做嘢嘅同事介紹嘅，自己真係唔會無啦啦搵到呢啲捐窿捐罅嘅舖頭。店員話可以揀坐入邊或者出邊，自己就揀咗出邊，原來係望住尖沙咀海防道嘅大街㗎，夜晚都幾有feel嘅。而且係有冷氣嘅，所以唔怕熱。火焰新派老虎蝦($328): 呢個係見到隔籬枱叫，所以我地都嗌咗嘅，真係好適合打卡，適逢星期五，就叫好啲啦。老虎蝦好新鮮好蝦牙，而且每隻都係大過隻手板。連埋咖喱汁都幾正，我哋自己再嗌蒜蓉包($36)黎點。蒜蓉包烤得好脆，但係自己會想食一啲外脆內軟嘅包，咁樣好似會索多啲咖喱汁。燒牛肉沙律($128): 燒牛肉烤得剛好，而且有炭燒嘅味道，不過沙律就真係比較地道，意思係真係會比較辣嘅。我自己就食左幾啖就頂唔順啦。串燒沙嗲雞+豬($38@兩串): 即叫即燒，所以上菜嘅時候都好熱，配上沙嗲醬，係去泰國舖頭必叫嘅。香葉炒豆腐($108):本身諗住叫香葉炒飯，但係見到佢有呢一個炒豆腐，我見平時嘅泰菜舖頭冇，所以就叫咗啦。佢係用上我哋平時熟悉嘅玉子豆腐，不過同樣佢嘅香葉肉碎都係偏辣，所以配上豆腐就啱啱好可以解辣。芒果糯米飯($68): 糯米好香，上菜嘅時候都係熱辣辣嘅，芒果好甜，而且連埋椰汁咁樣食就真係天衣無縫啦，每次叫泰菜都會食。White temple ($108): yakult，荔枝，橙汁同白酒。望落去都知道係啱晒女仔嘅選擇，容易入口，而且酒味唔算好出。Pomelo master ($98): Gin 底，配elderflower同peach，飲落去香甜，而且杯邊有鹽，帶返gin嘅少少酒香。總結：呢度嘅嘢食同埋酒水選擇都好多，仲多過平時泰菜嘅小店，好適合一大班人一邊食嘢一邊嗌酒飲。同笑話俾我聽，原來佢哋平時都會有$98 free flow！真係啱晒同啲朋友一齊過一個星期五晚。…查看更多