泰斗 (中達大廈)

我和朋友到尖沙咀的泰斗（泰國餐廳）享用了一頓滿足的晚餐，每一道菜都讓我們驚喜不已。而餐廳的環境很有feel，坐得舒適！炸軟殼蟹柚子沙律的外觀十分吸引！金黃色的軟殼蟹外酥內嫩，輕咬一口，蟹肉鮮美，搭配沙律中的柚子粒，酸甜的滋味讓人清新無比，是很好的開胃菜。接下來是串燒沙嗲豬和牛。香濃的沙嗲醬另上，可以按個人喜好添加。串燒外焦內嫩，沙嗲醬的辛香與豬牛肉的香嫩完美結合，讓味蕾感受到絕妙的享受。鹽燒牛舌芯是大力推介，必點！牛舌外表微微焦香，肉質彈牙，有牛香，調味恰到好處，讓我們回味無窮。泰式胡椒炒青口是一道色香味俱全的海鮮泰菜。青口的鮮甜在炒香的胡椒與香料中更顯突出，其他地方很少用胡椒這個炒法，值得一試。泰式香辣蝦膏海鮮炒河鑊氣充足，河粉與蝦膏的鮮香相得益彰，賣相也很精美。啖啖蟹肉蟹膏炒蛋配薄餅有驚喜，蟹肉超多呢！很大方！而味道很鮮甜，與蛋的嫩滑交融，搭配薄餅一起享用，無得頂！這頓晚餐讓我們感受到泰國菜的獨特魅力，無疑是一次美妙的用餐體驗，下次要再和家人來！…查看更多

晌香港有唔少泰國菜館，要突圍而出真喺唔容易，由在地老友推介，今晚我哋就嚟到位處尖沙咀嘅樓上泰菜店「泰斗」，佢話唔單止地方大，食物做得出色，更有不少新派嘅泰菜。加上小弟都好一段日子無食過泰菜，當然要回味吓啦！餐廳佔全層，一出電梯就喺餐廳，環境四四正正，有別傳統嘅泰國餐廳，無晒啲滿天神佛，裝修又幾骨子，尤其啲吊燈，最具東南亞風，而且，甚具氣氛。此外，另一賣點喺外出有一列露台位，望過對面就喺九龍公園，整片園林景，就算夜晚感覺都好唔錯，加上每枱都擺有一盞枱燈，氣氛十足:)；就算日頭嚟，相信幾有空中花園嘅感覺，予人一份休閒感。近排天氣涼番晒，坐出去就感覺一流，同埋我見店家有晌露台位加設冷氣設備，相信天熱嚟都一樣可以坐出去。平時食日本菜先會比較注意到啲餐具，但晌度所見，啲用餐碟都好靚。講番食，餐牌好大本，實在有啲難影，只喺影幾頁留個記錄。無論食物定飲品，選擇多多，而且，圖文並茂，相片亦影得吸引，真喺好多嘢都相試。順帶一提，星期日至四晚，晚市仲推出個兩小時任飲，$98就可以任飲紅白餐酒、手工氈酒、泰國啤酒、雞尾酒、泰式特飲……等等，飲兩杯都番本啦，所以，就算唔嚟食嘢，三幾個老死飲吓嘢，傾吓偈都好唔錯。芒果沙冰 $68不過，我哋就無揀晚市任飲，一來唔好酒，二來嗌一杯沙冰已經夠飲成晚到突。有相你睇，啲沙冰堅喺超大杯，以芒果肉嚟打，芒果味道濃郁，加上冰沙打得細滑，口感甚佳，甜度又啱啱好，正呀喂。奇異果沙冰 $68椰子沙冰、菠蘿沙冰都見得多，另外一位友人就試咗甚少見嘅奇異果沙冰，綠得嚟唔喺好誇張嘅綠色，但嗰份奇異果味叫人感覺清新，味道微微酸，但富奇異果香味，真喺有少少驚喜感。啖啖蟹肉蟹膏炒蛋配薄餅 $268小弟向來都幾鍾意食蟹，但就好怕拆蟹肉，麻煩嘛，但見到呢道新推廣菜式：「啖啖蟹肉」，合晒我心水啦。賣相確喺非常吸引，因為面頭放有一大堆生拆蟹肉，味道鮮甜到不得了，而下面就喺蟹膏炒蛋，炒得極之嫩滑，又富蛋香。至於晌薄餅之上，放上青瓜片，再加埋蟹肉、炒蛋，一次過入口，不單口感豐富，而且，味道有疊加效應，令食味更多元、更有層次感。燒牛肉沙律 $138為咗食得健康啲，點番一道沙律就最正路，燒牛肉用咗安格斯質素，自然唔差得去邊，咬落好軟腍，又有肉香，而沙律用上生菜、青瓜、紫洋蔥、甘筍絲、芹菜……等等，醬汁味道酸酸辣辣，而辣勁頗強，好泰式風味。清邁香酥酸辣魚 $248泰菜中有好多魚鮮嘅菜式，例如明爐烏頭，但睇見呢一道酸辣魚喺放晌餐牌中頭幾頁嘅新派泰菜中，就好有興趣一試。賣相比餐牌中嘅相片更靚、更立體，最窩心喺將原條魚鮮起成兩大片魚柳，食得更方便，而外皮炸得酥脆不膩，魚肉卻喺非常之嫩滑細緻，魚鮮味十足，唔喺雪藏貨可比，酸辣汁令人食落更加胃口大開。泰式蝦肉炒金邊粉 $128泰式嘅炒粉麵，以金邊粉最討歡心，亦食得比較多，就好似嗌乾牛河咁。碟金邊粉非常大碟，好似加底咁多，而且，金邊粉炒得濕潤，質感保持韌勁，味道酸酸甜甜，除有大大隻鮮蝦外，仲有啲豆腐乾、蛋花碎、怡保芽菜，旁邊佐以花生碎、青檸，令食味更豐富。芒果糯米飯 $68本來甜品中有兩款特色蛋糕，但已經無供應，老友話無甜品餐飯唔夠完整，所以，試埋個泰式經典，就喺芒果糯米飯。估唔到師傅咁有心，將糯米飯砌成心形，而椰漿以小兜放晌一旁，自行添多添少。暖呼呼嘅糯米飯好煙韌，椰漿味道濃郁，加上芒果十分清甜，為今餐劃有個完美終結。多謝老友推介，「泰斗」無論晌環境、招呼，定喺啲食物，都讓人好滿意，加上有露台位嘅加持，又提供多些新派泰菜，自然成為餐廳嘅賣點。…查看更多

熱到溶嘅天氣，專登走入「泰斗」呢間泰菜館涼冷氣。間舖頭幾有心思，裝修帶啲現代泰式風格，燈光暗暗哋幾有情調，坐得幾舒服。啲侍應哥哥姐姐幾好笑容，落單快手，服務貼心，抵讚！一坐低即刻嗌杯薄荷沙冰同椰汁沙冰降降溫。薄荷沙冰真係冇得頂，飲落個種冰涼感由條喉嚨直落個心口，爽到震！甜度適中，薄荷味好出，唔會似漱口水。椰汁沙冰就香滑啲，椰香味好濃，好似飲緊溶咗嘅椰汁雪糕，兩杯都咁正。前菜個柚子沙律好開胃，柚子肉爆汁清甜，同埋啲辣辣哋嘅醬汁、花生碎、同埋啲蝦乾好夾，口感豐富。跟住個豬肉生菜包一上枱就聞到好香，炒香咗嘅豬肉碎帶啲香茅同金不換味，用塊新鮮生菜包住食，一啖放入口，菜嘅爽脆同肉好惹味主菜方面，個咖哩雞南爪盅賣相已經贏咗，用成個南瓜上，好盞鬼。個咖哩係溫和嘅黃咖哩，椰香味重，雞肉幾嫩滑，最正係啲南瓜肉，炆到淋晒，索盡咖哩汁，甜中帶鹹，撈埋蒜蓉包食真係無得彈！啲蒜蓉包烘到脆卜卜，點咖哩汁係絕配。全晚高潮係個火焰新派老虎蝦，即場點火，成串火燄咁，視覺效果滿分！啲蝦大大隻，肉質爽口彈牙，好惹味。泰式燒牛肉配秘製醬汁夠晒粉嫩，加埋秘製醬汁就真係唔錯，酸酸地幾開胃。總括來講，「泰斗」無論環境、服務同食物質素都交足功課，尤其個火焰蝦同兩杯沙冰，印象深刻！一定會再嚟幫襯！…查看更多

🍲 原盅椰青冬蔭功湯一上枱就聞到椰青香氣，唔係普通冬蔭功咁酸辣咁簡單，係有層次、有溫度。啖啖湯都飲到椰青清甜，辣得啱啱好，唔會燒喉，反而係暖胃。🥩 泰式燒豬頸肉呢個係必食！燒得啱啱好，外脆內嫩，油脂香味勁出，配埋個酸辣醬，真係一件接一件，停唔到口。🍛 椰香紅咖哩配雞咖哩香濃但唔膩，椰香好突出，雞肉滑得嚟又夠味，撈飯一流。食到尾仲忍唔住用薄餅掃埋啲汁，真係冇得輸。🥙 烤薄餅薄餅微脆煙韌，唔會太厚，專登用嚟配紅咖哩。一撕一掃，咖哩汁黏住薄餅，食落口感豐富又滿足。🥬 生菜包清新解膩，啱晒中段轉口味。可以夾豬頸肉或者蝦，食落爽口又有層次。🦐 火焰新派老虎蝦上枱有火，視覺效果一流！蝦肉彈牙，醬汁係咖哩，同蝦幾夾。🥭 芒果沙冰甜度啱啱好，唔會假假地芒果味，係真材實料打出嚟，食完辣嘢飲返杯，爽！🍸 Sandalwood Sip呢杯真係有style，vodka唔會太搶，荔枝味清甜，仲滲出陣陣檀香味，飲落有層次，幾有禪意。🕕 重點推介：星期日至四（公眾假期前夕除外）1800–2300 $98 任飲2個鐘！有酒精又有非酒精泰式特飲，款式唔少，唔係得幾杯咁hea。鐘意cocktail可以試晒，唔飲酒都有啲特色飲品揀，真係幾抵！呢餐唔止食得開心，仲有得打卡、有得chill，啱晒同朋友聚會、拍拖、甚至一個人嚟都唔會悶。有啲fusion但唔失泰味，值得encore！…查看更多

泰國餐廳一向係我最愛，今次黎左呢間鬧市中嘅餐廳試一試啖啖蟹肉蟹膏炒蛋配薄餅生拆蟹肉，炒蛋嫩滑，將薄餅蘸上蟹肉+滑蛋一起吃尤其惹味～串燒沙嗲雞雞肉嫩滑，蘸上沙嗲醬汁一起吃，更有捉鮮作用鹽燒牛舌芯牛舌芯肉味香濃，基本上不用蘸任何醬汁，也可吃得出其鮮味！冬陰功大頭蝦湯（細）大頭蝦亦有啖啖鮮味的蝦肉及蝦膏好濃郁的椰汁香味及辣味，喝下去也很creamy非常開胃泰式生胡椒炒蜆（沙白）蜆肉新鮮彈牙，唔會有任何沙粒而且粒粒都好大隻，放上生胡椒一起炒，尤其惹味！飛天通菜通菜脆綠爽脆，放上蒜蓉一起炒，中和一下口腔的肥膩感椰汁西米糕椰汁味香濃，中間放上西米+馬蹄粒及粟米🌽粒甜度亦剛剛好, 適合一D食唔到太甜既朋友~Thai-beer mojito 好濃郁的酒味, 仲有微微苦瀝味的泰beer, 味道既新奇又特別~SANDALWOOD SIP喝下去有好濃烈的酒精, 旁邊再配上3粒清甜的荔枝可以中和一下濃烈的味道~…查看更多

呢排同朋友去咗「泰斗」食晚飯，餐廳幾闊落，裝修走泰式摩登風，橙黃色燈光配上木製傢俬，好有異國氣息。近街嘅露台仔位望住九龍公園，視野系綠油油嘅榕樹景，配合泰式裝潢，牆身有啲泰國風情嘅掛畫同裝飾，感覺好似去咗泰國咁。佢哋依家仲有個98蚊晚市任飲优惠！粉絲蝦煲，一上枱就熱氣騰騰，粉絲吸盡咗蝦汁精華，每一啖都濃郁又入味，蝦肉啖啖肉，爽口彈牙。再加上少少蒜香同胡椒味，味道層次好豐富。生菜包，餡料香口惹味，用爽脆嘅生菜包住食好清新，咬落去有層次感，唔覺油膩。小食拼盤都有驚喜，炸春卷、雞翼同魚餅各有特色。春卷薄脆、咬落香氣四溢；雞翼外脆內嫩、好Juicy；魚餅煙靱彈牙。泰式啖啖蟹肉蟹膏炒蛋配薄餅，蟹膏同炒蛋好夾，嫩滑香濃，蟹肉鮮甜啖啖肉，用薄餅夾住食真係好滿足。龍眼冰甜中帶清香，好解膩；芒果沙冰打卡一流！濃郁香甜，凍冰冰飲落去好爽口。…查看更多

最近迷上泰國菜，今日放工同朋友去咗📍 尖沙咀 泰斗，依家泰國餐廳有個半露天嘅位置，望出去係綠油油嘅樹，環境寬敞有格調，晚市氣氛好好，啱晒傾計同聚會❗️🥢 酥貓炒河 鑊氣香氣十足，雖然有少少辣椒，但係食落唔係太辣，好香好香，係可以encore 的菜式 👍👍🐟 冬蔭功明爐魚 大大條泰式炭爐魚上枱好有氣勢❗️魚肉滑溜鮮味足，冬蔭功湯底夠晒惹味，酸辣度balance得好，食到尾都唔會過咸，朋友仲飲埋啲冬陰功湯 😋🥭 芒果沙冰 芒果味香濃，雖然味道唔太自然，不過沙冰質地幼滑，食完熱菜飲返一口超解暑 🧉 Sandalwood Sip Cocktail 附送埋幾粒荔枝，夠東南亞feeling🌶 泰式辣椒膏炒沙白 調味幾好，餐廳唔孤寒，都好多粒沙白 🥥 茶式椰青凍 質感有啲似大菜糕，椰青爽滑，入口涼快，小清新解膩，食完辣嘢飲一啖都舒服既🦀 泰式啖啖蟹肉蟹膏炒蛋配薄餅 蟹肉足料，蛋炒得滑溜嫩香，蟹籽爆汁感覺正，加埋泰式薄餅，外脆內軟，食法夠哂創意 😋尖沙咀好少咁特別有半露天的位置，環境舒服，啱晒friend gathering或者小型慶祝🎉。…查看更多

喺露天位，望住成個尖沙咀嘅夜景開餐，未食已經加分！睇得又打得嘅火焰蝦嗌咗個「火焰新派老虎蝦」，一上枱就嚟個火焰表演！店員淋酒點火，嘩一聲藍色火燄包住四隻手掌咁大嘅老虎蝦，勁有氣勢！蝦肉爽口彈牙，仲有陣陣焦香咖哩撈薄餅個「馬莎文咖哩牛坑腩」先係邪惡之最，啲牛腩煮到淋淋哋，啖啖都掛滿香濃咖哩，仲有花生香添。跟手用塊薄餅舀滿咖哩汁，食到連汁都撈埋！小食同炒河都咁出色小食拼盤有齊春卷、蝦餅、魚餅，樣樣都脆卜卜。最驚喜係個「泰式濕炒河」，海鮮多到滿瀉，仲有大量蔬菜，河粉索晒啲鮮味汁，夠鑊氣！飲品都有驚喜杯Sandalwood Sip好特別，有檀香味嘅伏特加，混埋荔枝同檸檬，好清新。傳統嘅椰汁紅豆冰就永遠唔會出錯喺呢度食飯，風涼水冷，食物有心思…查看更多

今日黎到尖沙咀樓上泰式餐廳「泰斗」，估唔到有驚喜環境，露天位望住九龍公園，座位又夠闊落，超適合同班友hea下傾偈😛🍛 椰香青咖哩雞 青咖哩綠油油香辣過癮，椰汁湯底香濃不膩，雞肉大塊軟腍吸汁，辣度剛好開胃💥🍢 沙嗲串燒肉串炭燒入味，肉質彈牙唔柴，沙嗲醬濃郁花生香混椰漿甜辣，大啖肉食得好過癮大滿足🥬 鹹肉炒芥蘭 芥蘭爽脆保持青綠，鹹肉肥瘦適中炒到香口帶煙韌，蒜蓉爆香惹味，蔬菜肉類平衡得剛好，解膩之選！🦀 蟹肉蟹膏炒蛋配薄餅 MVP！擺盤勁靚超級打卡able，炒蛋嫩滑金黃鬆軟，面頭大量蟹肉新鮮彈牙海鮮香撲鼻，配薄餅捲起食，層次豐富泰式fusion創意滿分😚🍸 Signature cocktails不得不提整得好靚，似足high class cocktail bar咁，而且價錢唔貴超值，星期日至四仲有$98 free flow cocktail，酒鬼一定唔可以錯過！…查看更多

位於中達大廈4樓的「泰斗」，絕對是尖沙咀泰菜愛好者的新聖地！這家空中餐廳不僅環境開揚，更將傳統泰菜注入創意靈魂，每道料理都是視覺與味覺的雙重享受。首推必點「火焰新派老虎蝦」——侍者桌邊點燃藍色火焰，儀式感滿分！虎蝦肉質飽滿彈牙，帶著淡淡酒香。馬莎文咖哩牛坑腩燉得軟嫩入味，濃郁香料與椰香交織，用薄餅蘸取醬汁一滴不留。鮮蝦木瓜沙律酸甜開胃，串燒沙嗲雞肉嫩多汁，泰式辣椒膏炒蜆鑊氣十足。最驚喜是$98晚市任飲優惠，搭配招牌Thaibeer Mojito，清爽解膩。最後以椰汁西米糕作結，完美平衡味蕾。無論是閨蜜打卡還是朋友暢聚，這裡的摩登氛圍與創意泰菜都讓人流連忘返！…查看更多

位於尖沙咀的泰斗，是一家泰式餐廳。早前訂位，順利入座，侍應服務有禮，整體節奏流暢。餐廳環境明亮寬敞，氣氛輕鬆，讓人放鬆準備迎接一頓滿載香氣的泰式晚餐。頭盤炸軟殼蟹柚子沙律酸香開胃，柚子的清甜恰好中和炸物的油香；椰子雞湯香濃柔滑，椰香與雞肉鮮味交融。主角毫無疑問是啖啖蟹肉蟹膏炒蛋配薄餅——金黃色炒蛋滑而不膩，蟹膏濃郁、蟹肉新鮮。以薄餅包裹著蟹香與蛋香，每一口都滿是鮮甜與層次感。沙嗲串燒火候剛好，肉質多汁；鹹肉炒雜菜與泰式炒河則呈現出地道的鑊氣與調味平衡。飲品方面，芒果沙冰冰涼香甜，配搭雞尾酒的微醺，為整頓泰式盛宴加上一筆清新餘韻。泰斗以平實中見用心，菜式雖熟悉，卻能吃出細膩與誠意。…查看更多

而家天氣開始涼涼地，所以坐戶外睇住個景都幾靚幾有格調，最緊要係唔會俾蚊咬。睇住個Menu其實都幾眼花撩亂，好多嘢可以揀，令我最印象深刻就一定係火焰新派老虎蝦。‣ 火焰新派老虎蝦 $328‼️超級推薦‼️ 一上枱就點火，即刻ready定個相機。老虎蝦大隻鮮甜，連殼都燒到脆卜卜，真係殼都可以一齊食。而醬汁亦都相當配合，連蝦頭入面嘅膏我都忍唔住食埋，絕對值得一試。‣ 泰式燒豬頸肉 $138豬頸肉燒得相當嫩滑，又有淡淡嘅焦香，而泰式醬汁酸辣甜香，我覺得以呢個份量嚟講都冇得輸，食嗰陣又唔會覺得好肥膩。‣ 串燒沙嗲雞 & 串燒沙嗲牛 $38雞肉都燒得勁嫩滑，我覺得沙嗲醬真係幾提到味，微微辣、花生香氣撲鼻。而沙嗲牛都幾多汁，口感幾彈牙，燒到有少少焦香嘅味道，同雞一樣都係加埋沙嗲醬超好食。‣ 泰式炒椰菜苗 $128椰菜苗炒得爽脆清甜，加埋蒜蓉同辣椒嘅微辣，食落清新又開胃，又啱啱好平衡到一餐嘅油膩感。‣ 椰香青咖哩雞 $138青咖哩濃郁得嚟唔會太辣，椰奶香滑，雞肉軟腍入味，覺得都唔錯。雖然對我嚟講都真係辣咗少少，但係加埋白飯一齊食就唔會覺得太辣。‣ 芒果糯米飯 $68糯米飯煮得軟糯香甜，而糯米飯都俾得好爽手。芒果新鮮多汁，配上椰奶汁一齊食，甜酸得嚟又唔膩。‣ 芒果沙冰 $68芒果味濃郁得嚟有啲酸甜，飲落解渴又 refreshing，最重要係真係勁大杯，望落真係好澎湃。‣ Sandalwood Sip $108檀香嘅淡淡木香同果味融合，酒味順滑唔衝，感覺上都幾清新。而我幾鍾意餐廳俾埋荔枝，上面有少少嘅玫瑰花瓣，放埋落去杯酒入面又有唔一樣嘅味道，果然係餐廳推薦嘅cocktail。‣ 白飯 $25配青咖喱食，其實應該要叫多幾碗。…查看更多

✨Free Flow Night $98限定優惠！$98就可以任飲兩個鐘，選擇仲好多～紅酒、白酒、泰式啤酒、Cocktail、泰式特飲樣樣齊🫶🏻 吹住晚風歎住酒，真心抵到爛！✨汁燒魷魚筒 $158炭火香氣超突出！魷魚燒得剛剛好，外皮微脆內裡彈牙，秘製醬汁帶少少甜，送酒一流～✨酸辣青檸明爐魚 $248傳統泰式風味！鱸魚鮮嫩滑溜，酸辣湯底勁開胃，仲有大量香茅、檸檬葉提升香氣，越煮越入味。精華絕對係粉絲，吸進湯底嘅酸同埋辣🫶🏻😋✨泰式淡淡蟹肉蟹膏炒蛋配薄餅 $268邪惡之選！蟹膏香濃澎湃，搭配滑嫩炒蛋同香脆薄餅，三重口感爆發。蟹肉份量足，淡淡鮮味唔會太搶。✨飛天通菜 $98鑊氣十足！鹹香惹味，通菜翠綠爽脆，叫咗小辣辣度啱啱好，保持到傳統泰式風味。✨Cobalt Blossom 🌸 $108打卡必點！呢杯特調cocktail顏色好夢幻，女士們一定會鍾意～✨芒果沙冰 $68真材實料！芒果味天然清香，冰沙打得綿密，甜度控制得剛剛好，解辣一流。✨芒果糯米飯 $68完美收結！芒果香甜多汁，糯米飯軟糯帶椰香。作為泰菜結尾，絕對係我嘅首選！餐廳位於尖沙咀樓上，露天雅座空間感足，晚市坐室外涼風習習好舒服。$98任飲 promotion 性價比超高，食物水準對得住價錢，特別推薦明爐魚同蟹膏炒蛋。服務態度友善，係會想再encore嘅泰菜！…查看更多

餐廳喺海防道一個核心嘅尖沙咀位置。第一次食餐廳係半露天花園形式，仲要係泰國菜，天氣冇咁熱同埋夜晚食都幾浪漫。不過雨天同埋熱天，餐廳都可以將帳篷調校，變成室內。泰國菜都口味都幾正宗，份量都好大，抵食。其中，芒果冰沙非常大杯，火焰蝦其他餐廳冇試過，幾特別。青咖喱雞、豬頸肉同炒椰菜苗都幾好食，係有少少辣。最後，芒果糯米飯都幾大份，芒果好甜，如果加埋啲脆脆喺上面就好啦。店員嘅服務質素都唔錯，確實係一個朋友聚會嘅好地方😬…查看更多

上星期試咗呢間「泰斗」，位於空中花園嘅環境真係冇得輸！室內裝修有格調，半室外座位仲有開揚夜景，氣氛一流～ 服務周到得嚟唔會太拘謹，另外晚市$98任飲優惠真心抵🥹🦀蒜香軟殼蟹 ($128)一上桌就聞到濃郁蒜香！外層炸到金黃酥脆，內裡保持軟嫩多汁，大大件啖啖肉超滿足😌🐟【主菜】🐟清邁香酥酸辣魚 ($228)原條起肉起得乾淨俐落，食落超方便！酸辣醬汁清新開胃，魚肉外脆內嫩，味道層次豐富，輕鬆食晒成條🤣🦐火焰新派老虎蝦 ($328)視覺效果滿分！上枱時點燃火焰，炭燒香氣撲鼻。蝦膏飽滿，肉質彈牙唔會霉，連蝦殼都脆到可以食😆🐮【必點菜式】🥩醉貓炒河(牛)($68)鑊氣十足！河粉炒得乾身又唔油膩，牛肉大大塊份量足，同河粉比例1:1超良心🥹🥗燒牛肉沙律 ($128)牛肉燒到五成熟剛剛好，肉質軟嫩唔韌，配埋新鮮沙律菜同特製醬汁，清新又開胃🥙🍹芒果沙冰招牌之作！冰打得細緻，芒果味濃郁自然🥭🍸Sandalwood Sip ($108)自家浸泡Infusion cocktail，花香同荔枝味完美融合，順喉易入口🍻環境同食物質素都超出預期，難怪咁旺場！…查看更多