泰斗 (中達大廈)

我和朋友到尖沙咀的泰斗（泰国餐厅）享用了一顿满足的晚餐，每一道菜都让我们惊喜不已。而餐厅的环境很有feel，坐得舒适！炸软壳蟹柚子沙律的外观十分吸引！金黄色的软壳蟹外酥内嫩，轻咬一口，蟹肉鲜美，搭配沙律中的柚子粒，酸甜的滋味让人清新无比，是很好的开胃菜。接下来是串烧沙嗲猪和牛。香浓的沙嗲酱另上，可以按个人喜好添加。串烧外焦内嫩，沙嗲酱的辛香与猪牛肉的香嫩完美结合，让味蕾感受到绝妙的享受。盐烧牛舌芯是大力推介，必点！牛舌外表微微焦香，肉质弹牙，有牛香，调味恰到好处，让我们回味无穷。泰式胡椒炒青口是一道色香味俱全的海鲜泰菜。青口的鲜甜在炒香的胡椒与香料中更显突出，其他地方很少用胡椒这个炒法，值得一试。泰式香辣虾膏海鲜炒河镬气充足，河粉与虾膏的鲜香相得益彰，卖相也很精美。啖啖蟹肉蟹膏炒蛋配薄饼有惊喜，蟹肉超多呢！很大方！而味道很鲜甜，与蛋的嫩滑交融，搭配薄饼一起享用，无得顶！这顿晚餐让我们感受到泰国菜的独特魅力，无疑是一次美妙的用餐体验，下次要再和家人来！…Read More

晌香港有唔少泰国菜馆，要突围而出真喺唔容易，由在地老友推介，今晚我哋就嚟到位处尖沙咀嘅楼上泰菜店「泰斗」，佢话唔单止地方大，食物做得出色，更有不少新派嘅泰菜。加上小弟都好一段日子无食过泰菜，当然要回味吓啦！餐厅占全层，一出电梯就喺餐厅，环境四四正正，有别传统嘅泰国餐厅，无晒啲满天神佛，装修又几骨子，尤其啲吊灯，最具东南亚风，而且，甚具气氛。此外，另一卖点喺外出有一列露台位，望过对面就喺九龙公园，整片园林景，就算夜晚感觉都好唔错，加上每枱都摆有一盏枱灯，气氛十足:)；就算日头嚟，相信几有空中花园嘅感觉，予人一份休闲感。近排天气凉番晒，坐出去就感觉一流，同埋我见店家有晌露台位加设冷气设备，相信天热嚟都一样可以坐出去。平时食日本菜先会比较注意到啲餐具，但晌度所见，啲用餐碟都好靓。讲番食，餐牌好大本，实在有啲难影，只喺影几页留个记录。无论食物定饮品，选择多多，而且，图文并茂，相片亦影得吸引，真喺好多嘢都相试。顺带一提，星期日至四晚，晚市仲推出个两小时任饮，$98就可以任饮红白餐酒、手工毡酒、泰国啤酒、鸡尾酒、泰式特饮……等等，饮两杯都番本啦，所以，就算唔嚟食嘢，三几个老死饮吓嘢，倾吓偈都好唔错。芒果沙冰 $68不过，我哋就无拣晚市任饮，一来唔好酒，二来嗌一杯沙冰已经够饮成晚到突。有相你睇，啲沙冰坚喺超大杯，以芒果肉嚟打，芒果味道浓郁，加上冰沙打得细滑，口感甚佳，甜度又啱啱好，正呀喂。奇异果沙冰 $68椰子沙冰、菠萝沙冰都见得多，另外一位友人就试咗甚少见嘅奇异果沙冰，绿得嚟唔喺好夸张嘅绿色，但𠮶份奇异果味叫人感觉清新，味道微微酸，但富奇异果香味，真喺有少少惊喜感。啖啖蟹肉蟹膏炒蛋配薄饼 $268小弟向来都几钟意食蟹，但就好怕拆蟹肉，麻烦嘛，但见到呢道新推广菜式：「啖啖蟹肉」，合晒我心水啦。卖相确喺非常吸引，因为面头放有一大堆生拆蟹肉，味道鲜甜到不得了，而下面就喺蟹膏炒蛋，炒得极之嫩滑，又富蛋香。至于晌薄饼之上，放上青瓜片，再加埋蟹肉、炒蛋，一次过入口，不单口感丰富，而且，味道有叠加效应，令食味更多元、更有层次感。烧牛肉沙律 $138为咗食得健康啲，点番一道沙律就最正路，烧牛肉用咗安格斯质素，自然唔差得去边，咬落好软腍，又有肉香，而沙律用上生菜、青瓜、紫洋葱、甘笋丝、芹菜……等等，酱汁味道酸酸辣辣，而辣劲颇强，好泰式风味。清迈香酥酸辣鱼 $248泰菜中有好多鱼鲜嘅菜式，例如明炉乌头，但睇见呢一道酸辣鱼喺放晌餐牌中头几页嘅新派泰菜中，就好有兴趣一试。卖相比餐牌中嘅相片更靓、更立体，最窝心喺将原条鱼鲜起成两大片鱼柳，食得更方便，而外皮炸得酥脆不腻，鱼肉却喺非常之嫩滑细致，鱼鲜味十足，唔喺雪藏货可比，酸辣汁令人食落更加胃口大开。泰式虾肉炒金边粉 $128泰式嘅炒粉面，以金边粉最讨欢心，亦食得比较多，就好似嗌干牛河咁。碟金边粉非常大碟，好似加底咁多，而且，金边粉炒得湿润，质感保持韧劲，味道酸酸甜甜，除有大大只鲜虾外，仲有啲豆腐干、蛋花碎、怡保芽菜，旁边佐以花生碎、青柠，令食味更丰富。芒果糯米饭 $68本来甜品中有两款特色蛋糕，但已经无供应，老友话无甜品餐饭唔够完整，所以，试埋个泰式经典，就喺芒果糯米饭。估唔到师傅咁有心，将糯米饭砌成心形，而椰浆以小兜放晌一旁，自行添多添少。暖呼呼嘅糯米饭好烟韧，椰浆味道浓郁，加上芒果十分清甜，为今餐划有个完美终结。多谢老友推介，「泰斗」无论晌环境、招呼，定喺啲食物，都让人好满意，加上有露台位嘅加持，又提供多些新派泰菜，自然成为餐厅嘅卖点。…Read More

热到溶嘅天气，专登走入「泰斗」呢间泰菜馆凉冷气。间舖头几有心思，装修带啲现代泰式风格，灯光暗暗哋几有情调，坐得几舒服。啲侍应哥哥姐姐几好笑容，落单快手，服务贴心，抵赞！一坐低即刻嗌杯薄荷沙冰同椰汁沙冰降降温。薄荷沙冰真系冇得顶，饮落个种冰凉感由条喉咙直落个心口，爽到震！甜度适中，薄荷味好出，唔会似漱口水。椰汁沙冰就香滑啲，椰香味好浓，好似饮紧溶咗嘅椰汁雪糕，两杯都咁正。前菜个柚子沙律好开胃，柚子肉爆汁清甜，同埋啲辣辣哋嘅酱汁、花生碎、同埋啲虾干好夹，口感丰富。跟住个猪肉生菜包一上枱就闻到好香，炒香咗嘅猪肉碎带啲香茅同金不换味，用块新鲜生菜包住食，一啖放入口，菜嘅爽脆同肉好惹味主菜方面，个咖哩鸡南爪盅卖相已经赢咗，用成个南瓜上，好盏鬼。个咖哩系温和嘅黄咖哩，椰香味重，鸡肉几嫩滑，最正系啲南瓜肉，炆到淋晒，索尽咖哩汁，甜中带咸，捞埋蒜蓉包食真系无得弹！啲蒜蓉包烘到脆卜卜，点咖哩汁系绝配。全晚高潮系个火焰新派老虎虾，即场点火，成串火燄咁，视觉效果满分！啲虾大大只，肉质爽口弹牙，好惹味。泰式烧牛肉配秘制酱汁够晒粉嫩，加埋秘制酱汁就真系唔错，酸酸地几开胃。总括来讲，「泰斗」无论环境、服务同食物质素都交足功课，尤其个火焰虾同两杯沙冰，印象深刻！一定会再嚟帮衬！…Read More

🍲 原盅椰青冬荫功汤一上枱就闻到椰青香气，唔系普通冬荫功咁酸辣咁简单，系有层次、有温度。啖啖汤都饮到椰青清甜，辣得啱啱好，唔会烧喉，反而系暖胃。🥩 泰式烧猪颈肉呢个系必食！烧得啱啱好，外脆内嫩，油脂香味劲出，配埋个酸辣酱，真系一件接一件，停唔到口。🍛 椰香红咖哩配鸡咖哩香浓但唔腻，椰香好突出，鸡肉滑得嚟又够味，捞饭一流。食到尾仲忍唔住用薄饼扫埋啲汁，真系冇得输。🥙 烤薄饼薄饼微脆烟韧，唔会太厚，专登用嚟配红咖哩。一撕一扫，咖哩汁黏住薄饼，食落口感丰富又满足。🥬 生菜包清新解腻，啱晒中段转口味。可以夹猪颈肉或者虾，食落爽口又有层次。🦐 火焰新派老虎虾上枱有火，视觉效果一流！虾肉弹牙，酱汁系咖哩，同虾几夹。🥭 芒果沙冰甜度啱啱好，唔会假假地芒果味，系真材实料打出嚟，食完辣嘢饮返杯，爽！🍸 Sandalwood Sip呢杯真系有style，vodka唔会太抢，荔枝味清甜，仲渗出阵阵檀香味，饮落有层次，几有禅意。🕕 重点推介：星期日至四（公众假期前夕除外）1800–2300 $98 任饮2个钟！有酒精又有非酒精泰式特饮，款式唔少，唔系得几杯咁hea。钟意cocktail可以试晒，唔饮酒都有啲特色饮品拣，真系几抵！呢餐唔止食得开心，仲有得打卡、有得chill，啱晒同朋友聚会、拍拖、甚至一个人嚟都唔会闷。有啲fusion但唔失泰味，值得encore！…Read More

泰国餐厅一向系我最爱，今次黎左呢间闹市中嘅餐厅试一试啖啖蟹肉蟹膏炒蛋配薄饼生拆蟹肉，炒蛋嫩滑，将薄饼蘸上蟹肉+滑蛋一起吃尤其惹味～串烧沙嗲鸡鸡肉嫩滑，蘸上沙嗲酱汁一起吃，更有捉鲜作用盐烧牛舌芯牛舌芯肉味香浓，基本上不用蘸任何酱汁，也可吃得出其鲜味！冬阴功大头虾汤（细）大头虾亦有啖啖鲜味的虾肉及虾膏好浓郁的椰汁香味及辣味，喝下去也很creamy非常开胃泰式生胡椒炒蚬（沙白）蚬肉新鲜弹牙，唔会有任何沙粒而且粒粒都好大只，放上生胡椒一起炒，尤其惹味！飞天通菜通菜脆绿爽脆，放上蒜蓉一起炒，中和一下口腔的肥腻感椰汁西米糕椰汁味香浓，中间放上西米+马蹄粒及粟米🌽粒甜度亦刚刚好, 适合一D食唔到太甜既朋友~Thai-beer mojito 好浓郁的酒味, 仲有微微苦沥味的泰beer, 味道既新奇又特别~SANDALWOOD SIP喝下去有好浓烈的酒精, 旁边再配上3粒清甜的荔枝可以中和一下浓烈的味道~…Read More