泰斗 (中達大廈)

营业中

休息中

今晚有驚喜，朋友帶我去左一間氣氛很好嘅泰菜館， 餐廳有露台，正正對住九龍公園，感覺好開揚。我地點左手打蝦餅、青木瓜沙律配青口， 同青咖哩雞， 估唔到佢地啲份量都幾大碟喎， 我地幾驚食唔哂，因為個青咖哩仲配左客蒜蓉包添。潮流興手打， 連泰菜都要有， 不過個蝦餅又確係幾彈牙喎。青木瓜沙律好爽脆，青口好大隻而且仲好多添，我諗都應該有五六粒， 隻隻都好厚肉。最後輪到個青咖哩雞喇， 雞肉夠嫩滑，個咖哩好香椰漿味，但因為幾辣，所以唔會覺膩。最後朋友仲加左個芒果沙冰添， 話因為好耐冇去泰國，想懷念下喎。呢度環境唔錯，好啱一大班人飯聚。