泰排檔

营业中

休息中

我哋屋企姐姐係泰國人，雖然佢唔算識煮好多泰國菜俾我地，但加埋我地經常去泰國，响香港對泰菜要求會高。以前成日幫襯九龍城間昭拍椰，但自從佢易手左已經唔再好食，依家名都改埋。尋尋覓覓，俾我地知道左呢間，食左2次晏就決定亞女澳洲term break返黎一定要同佢去。今日6點前黎到已排左條小龍，好彩食到頭圍。豬頸肉個汁好出色，蟹肉炒飯好好味，個蠔餅驚為天人，反而蝦餅就略為遜色，甜品食左芒果糯米飯都好值得推介。佢上菜有部份稍為慢，枱去得慢，所以建議最好六點前到食頭圍。地方雖然淺窄但好乾淨，服務亦好殷勤

今日膳尚宮又話過嚟覓食一下，依間早前電視介紹過，泰國人主理，人氣食店，晚上應該很多人吃，倒不如嚟個中午飯，熱鬧一下⋯⋯由於門前外牆正直裝修有棚架，筆者都找了好一陣子⋯⋯中午繁忙時段，一間小店面積細細，大家都坐得很迫，幸好枱底有藤籃，方便放什物⋯⋯這樣細少空間的一間小店，仍有這細心位，一讚。酸梅茉莉梳打~聽個名以為是用酸梅打碎加茉莉及梳打，原來只是加了一粒話梅，和普通青檸梳打分別不大，所以和朋友的青檸梳打飲𨍭了，也不知道⋯⋯咸蛋木瓜沙律~將一隻咸蛋弄碎放入木瓜沙律，咸蛋未算太咸，所以未算突出。泰式肉碎炒飯$78~加了一對燶邊蛋，兩隻蛋感覺像一個幪面超人的肖臉，惹人喜愛，粟米蝦餅$58~熱騰騰，小心燙咀，夠爽彈，筆者喜歡。泰式豬頸肉$88~帶點乾身，未夠Juice 碎貓炒河$108~唔睇餐牌都唔知原來用上和牛及處蝦，蝦夠爽彈，豉油醬汁微甜很惹味，濃味者喜。飛天炒通菜$58~這個來吃泰菜好似例行公事必點項目沙嗲串燒雞~每款三串，可以選牛或雞，最後我們選了雞，沙嗲汁美味，雞嫩滑，筆者喜歡。泰式奶茶雪糕~奶茶雪糕甜度適中，有一個迷你雪櫃筒，還有片片的椰青果肉，加上花生粒，多種層次在這甜品上，相當

上次平日晚上經過大排長龍，今日星期六中午大約1點去到，等了15分鐘左右就有位喇！大家都可以試試weekend去啊門口有個開放式的廚房，仲想偷吓師，睇吓船麵嘅製作過程，點知廚師只係製作醬料中雖然叫做排檔，但絕對唔係大排檔嘅價錢但服務就非常好，泰藉店員點餐時用廣東話同我哋講復活節快樂，見我哋張枱比較細，仲叫我哋分開兩次落單，非常細心串燒可以雞肉和豬肉雙拼，豬肉雞肉嫩滑，配有三種醬汁，分別係沙嗲汁，辣汁，酸醋，三種汁我都非常喜歡呢碟係粟米炸蝦餅，非常有溫度，而蝦餅都好彈牙分別係和牛船麵和豬肉船麵，全面嘅湯底非常濃郁，除咗牛肉和豬肉外，會配豬肉肉丸或牛肉肉丸，另外配通菜、金不換和炸豬皮，口感非常豐富，不得不讚嘅係金邊粉嘅麵質，是通透的亦非常煙韌呢碟係醉貓和牛炒河，用上泰國嘅寬河粉，河粉質地同金邊粉一樣出色，配上洋蔥、粟米心、雞蛋、芥蘭苗等，而所有配料都非常入味，炒得很有鑊氣👍🏻飲品方面，就是椰奶沙冰、芒果熱情果沙冰、樽裝芬達，想讚吓雖然店舖空間較少，但有多款選擇嘅樽裝汽水，有梳打水、可樂、忌廉、芬達、雪碧。椰奶沙冰椰汁香濃，椰汁與奶的比例亦恰到好處👍🏻芒果熱情果沙冰芒果味濃厚，唔知用咗幾多個芒

上年已經見好多人講依間餐廳好有泰國feel又好味💦 但每次食都要排個幾鐘。所以事隔一年先同朋友過嚟，點知⋯⋯都係要排隊，大概排咗大半個鐘🥸 食物屬中上水平，但每碟份量較少，而且環境有點擠逼。我地點左以下食物+飲品：✨$108 醉貓炒河 （和牛）：炒河份量偏少，但香氣撲鼻，有和牛、蛋、菜芯、小粟米作配料，味道咸香惹味👍🏽大家都很滿意！$118 生蝦刺身：味道新鮮、彈牙，配合蒜片和辣椒一齊食👍🏽$88 燒豬頸肉：豬頸肉脆口、焦香，而且肉質肥瘦適中，有咬口，推薦👍🏽$48 沙嗲雞和豬雙拼：沙嗲可雙拼各3串，同樣價錢。串燒燒得脆口、焦香，不錯。$58 飛天通菜：通菜味道普通，不算太惹味。——味道：👍🏽👍🏽👍🏽.5環境：👍🏽👍🏽價錢：💡💡 .5服務：⭐️ ⭐️ ⭐️

鹹到真係冇辦法食完… 等嘅時間都耐。朋友嘅船麵好快就有最後都叫佢唔好等埋我。炒粉到咗食咗一啖已經覺得鹹。飲埋龍眼冰都仲係好鹹。最後只食咗半碟多D就覺得要腎虧了…朋友碗船麵幾好食。

鍾意食泰國嘢嘅朋友，一定要嚟試下呢間超有人氣嘅大排檔！成個環境充滿泰國夜市氣氛，由泰國主廚親自炮製，每道菜都充滿地道風味。呢度唔單止吸引香港人排長龍，連泰國人都鐘意嚟報到，夠哂實力！🌶️ 泰式炒金邊粉辣辣地幾夠味，雖然冇太大驚喜，但整體嚟講都算唔錯，食得開心。🦀 啖啖蟹肉奄列呢個真係不得了，幾乎每枱必點！雖然價錢稍貴，但蟹肉超足料，加上香滑蛋皮，值回票價，強烈推薦！🍦 泰式奶茶雪糕店員推薦嘅甜品，香甜濃郁，加上豐富配料，解辣一流！🥭 芒果糯米飯最後當然唔少得食埋呢個，芒果鮮甜，糯米煙韌，一餐畫上完美句號！(此為自費）

可能晚飯當日是星期三，去到等一陣就好快入坐，餐廳比想像中細和迫。但我們的坐位已經好好，坐最入的4人枱，平排坐要和對面搭枱。店員好快已問叫什麼餐點，但我們剛剛坐好，話要看看，店員就話咁你要等我一陣先叫…. 食物好快便送到，不過因為位置不太舒服，且店員迅速為客人收拾餐碟，感覺好趕。食物價錢看落不太貴，但份量不多，晚餐消費560元，最想不到既竟要收小費….好似又唔係感覺倒有好多服務…哈哈… 其後食到中段時，已經有客人走了有枱。但店員仍感覺在催促地問: 食物係咪到齊啦?....便收晒所有餐具… 啖啖蟹肉奄列 最想食這道菜，可惜有些失望，蟹肉不多，而且略覺奄列 OVERCOOK左少許。 芒果糯米飯 店員落單時已問要否預留，但為免食唔晒，所以沒有預留。其後見食物份量不多，所以再點芒果糯米飯。最有趣是店員迅速送上甜點。味道椰香甜，糯米飯軟伴脆綠豆，可能喜歡食甜品，個人認為所點的菜單中是最好味的。 和牛醉貓炒河 本想叫湯麵，但因為坐位置太窄，為方便分食物，所以叫醉貓炒河。份量不多，和牛不多之餘連河粉都好少…..炒得好夠鑊氣，本身帶有少少辣味，味道香口，一放底便聞到香味，連搭枱食客都忍唔住叫 ”好香呀”

✿和牛船面 湯底呈深褐色,入口極濃郁💨和牛片生熟度剛好,質感軟腍有肉香🐂另配有約4粒彈牙黑椒牛丸及軟中帶脆嘅炸豬皮而麵底可選金邊粉或蛋面這次選了金邊粉🥢金邊粉口感偏腍身,冇平時一般金邊粉咁爽口,相對較似粉絲質感😝麵條非常掛湯🍜是整體覺得不錯的船面😝✿蟹肉炒飯 蟹肉大嚿份量算多🦀炒飯炒得頗乾身🍚雖然配有蛋花和蔥粒但感覺還是欠缺鑊氣,唔夠惹味😂食到一半開始有種悶膩感出現🥸🧐✿泰式奶茶只售$8也實在太吸引🤩茶味奶香都夠～但也真的太太太甜🥶———Lunch Menu 和牛船面 Wagyu Beef Boat Noodles$88蟹肉炒飯 Crab Meat Fried Rice$98泰式奶茶 Thai Milk Tea$8

呢間早排有人上網介紹個個都推佢地個泰式蟹餅同男朋友bookmark左好耐要試個蟹餅有日放工同男朋友各自衝過嚟好彩男朋友6.30pm到可以坐窗枱位我地避過排隊因為遲多10mins出面已經大排隊。叫左個炸豬皮$38好脆口，當小食吹住水幾過癮但味道普通左少少事關曾經係尖咀韓國街斜路上面食過一間係本地人開既泰國野竟然有鹹蛋黃炸豬皮果間好食到好似發現新大陸咁🤣有對比就有傷害了😜。試左個黑豚肉船面$88因為有叫炒牛河，所以試多個豬肉呢個豚肉有d鞋口不過佢個湯幾岩本地人口味雖然我冇食過正宗船面但我覺得佢個湯幾好味仲送左幾粒炸豬皮係湯入面。之後試佢地重頭戲蟹肉奄列$168面層塊蛋皮有d鞋口，但入面d蟹肉超級多同埋唔係罐頭蟹肉，似係新鮮蟹肉嚟仲要啖啖肉，冇咬到殼碎但味道係啖左少少男朋友都話呢件蟹餅係賣緊手工貨因為要拆蟹肉都幾浪費時間。然後試左個醉貓炒河（揀和牛）$118個河粉正正常常，牛肉幾冧幾好味唔算好辣，但諗唔明同醉貓有咩關係🤣。整體味道OK正常，但價錢偏少少貴如果未試過，嚟試一次OK但要排隊就唔考慮再幫襯了呢到用饍好似冇提過有時限

朋友成日講呢間泰排檔有幾咁好食，話成日大排長龍，一於就搵左日黎一試究竟好彩今日平日都唔洗排長龍，但我唔係高峰時段黎食lunch都要等一陣先有位坐，睇黎真係幾熱門野食都算平民價，唔會好貴吊高黎賣和牛蛋麵，好濃郁湯底睇見都流晒口水牛肉好軟身，肉味唔會比湯底cover左好好味。不過最緊要都係個麵，索晒啲汁，麵質彈牙唔會浸到淋晒馬拉盞炒通菜，份量都唔少，翠綠一啲都唔老，非常之爽口虎蝦醉貓炒河，睇色水都知好入味，虎蝦勁大隻，河粉比平時食開個啲更闊身，有啲似腸粉咁大，吸收晒啲精華，仲有啲鑊氣添燒豬頸肉外皮少少脆，中間肉質十分之軟稔，燒烤味係個口到爆出黎美中不足係有少少黑邊泰奶唔洗多講，傳統味道飲得出泰茶味，唔會太甜班蘭香茅茶比較特別，無論聞落定飲落都好清新香甜

前samsen主廚主理😎佢啱啱開嗰陣時見到，無論係晏晝定係夜晚都要排個幾鐘起跳🥶🥶超誇張！雖然地點真係好唔方便🫠🥲🥲但都係走咗去試，平日夜晚都要起碼排半個鐘起跳……🐮🍜 和牛船麵 $98衝住船麵而來🫡因為見到啲review都唔錯！一上枱見到個湯底都幾濃郁，飲落都冇失望，真係好濃味，但會太鹹。和牛食落都好腍👍🏻特別幾鍾意佢嗰啲炸豬皮，好脆口，浸埋落啲湯度汁都好好食😋🥚🦀 啖啖蟹肉奄列 $168有啲失望🥲🥲份量幾大嘅，蟹肉都幾大舊，但係整體都幾油膩🥲一咬落去都感覺到幾油，同埋見到個碟底都幾多油🫠🥬🐷 生菜包香葉豬肉碎 $88好香，香料味都幾重，食落有少少偏辣🌶️🌶️但整體食落啲豬肉碎都入味，加埋有啲生洋蔥同埋香料都幾惹味🥸🥥🍨 泰式椰子雪糕 $58食咗咁多鹹嘢一定要食返個甜品🤣🤣椰子雪糕味道幾濃郁同埋清新，椰子味都夠👍🏻同埋有啲椰子肉🤩🥛🫖 泰式奶茶 $38味道同我喺泰國飲嘅差唔多👍🏻👍🏻同埋唔係太甜🤣

泰排檔價錢: $88/ $68/ $118/ $118好味程度: 4.3/5服務🍴: 3.7/5環境🗾: 3/5性價比🥢: 3.7/5回頭率😚: 4/5-泰排檔新入選米芝蓮必比登推介！之前一路咁紅，終於都去左試試😛平日6點尾大概排15分鐘~ 店内位置唔多，空間狹窄，都係坐凳仔。不過加埋食物同埋泰國厨師，成件事都幾thai。碟頭唔大碟，所以2個人來都輕鬆叫到幾樣野😝-✅✅生菜包香葉豬肉碎。生菜大片新鮮。豬肉碎加 埋洋葱、葱、芫荽、香葉等香料炒，落得好足的味道😋肥豬肉感覺唔太多，唔會好膩。最緊要有炸豬皮！口感更脆！-✅飛天通菜。用上泰國幼的青通菜，口感爽脆，d葉索到醬汁🤓炒得好香之餘，面頭有炸蒜，令到味道更惹味！-✅✅泰式生蝦。呢個價錢有成8隻，很可以！有生蝦黏黏又爽彈的口感，完全唔腥🥳中意佢個調味好開胃，夠酸，而個青醬可以鋪滿係蝦上面一啖過，帶d薄荷清新加蒜片同🌶️，好食！-✅醉貓和牛炒河。呢個都係招牌之一！用上泰國好local的扁+煙韌透透的河粉👍🏻又係夠晒鑊氣。仲有好多和牛同配菜！和牛係瘦的肉感和牛，食落口感比較淋，唔似港式茶記有用鬆肉粉處理過的牛肉🥰配菜都有洋蔥、芥蘭等，啱啱好可以同

話說今日去開佐敦個頭，諗唔到有咩好食，之前有個朋友之前提起過呢間新晉米之蓮餐廳，呢一間平時好多人等位嘅，咁啱因為係平日晏晝可能啲人都已經食完lunch 。 我去到即刻可以入座。 我叫咗個和牛船面金邊粉，湯底好濃好重牛肉味，裡面有肉丸芽菜通菜炸豬皮， 個和牛片厚得嚟唔會韌，金邊粉索埋啲和牛濃湯一齊食好好味叫咗杯凍嘅泰式奶茶，好正宗好滑唔會好甜埋單都係100蚊左右，以米芝蓮嚟講咁嘅質素加上咁嘅價錢個性價比真係好高

平時有很多人排隊, 今天經過沒有人排, 所以試下.地方小, 坐膠椅, 不舒適, 背景歌嘈雜, 只想快啲食完走和牛麵是我食過的最難食的一次, 湯底是很平常的味精濃味, 牛肉只有4件, 兩件韌到食不到, 有4,5粒牛丸, 炸豬皮最多, 但只食了一口, 因為不想食炸物.還要收加一總結: 貼錢買難受 

見到社交平台Reels推介位於佐敦/柯士甸嘅泰國菜 試完之後真係好有驚喜 雖然地方比較迫 地理位置又唔太方便 但啲嘢食真係好好食 已經準備要encore 下次要試多啲呢度嘅泰國嘢食🇹🇭🤭💕🐖🍜👑呢個黑豚肉船麵係必吃！！呢個麵一到 我就即刻試咗佢嘅湯 湯底超濃郁 飲落口第一啖係甜甜地 之後會少少辣味嘅後勁🌶️ 配料方面都好足料 有豚肉/豬肉丸/炸豬皮🐖 豚肉唔柴 豬肉丸彈牙 炸豬皮配呢個湯底係無敵 咬落去索索聲🤣 我揀左蛋麵底 怕金邊粉會變腍同唔夾濃味嘅湯底 但蛋麵係冇變腍！呢個船麵超越咗我喺泰國食嘅船麵 嗰間餐廳仲要係好出名🤣 以後唔使飛泰國都食到啦 下次再去一定會試埋和牛個款嘅船麵🤭🦀🍳蟹肉奄列就同佢個名一樣係啖啖肉😍一入口係煎得好香嘅蛋香味 之後就食到啖啖肉嘅蟹肉 配埋泰式辣醬 真係好好食 唔好睇價錢 係真係有啲貴 但佢咁多蟹肉係值🤭 嗰時一心諗住未喺泰國試過正宗嘅蟹肉奄列 所以喺香港試吓 點知又唔係好好食😝🫶🏻 未試過蟹肉奄列嘅朋友真係值得一試👍相反比較普通嘅就係生菜包肉碎 本身係諗住叫燒豬頸肉 但係已經一早冇晒 所以先叫呢個🤣肉碎調味係偏鹹同辣 唔算食得太辣嘅我 都要食完飲番水🥹