泰排檔

营业中

休息中

佐敦渡船街的泰排檔，吸引了超多人排隊，要齊人才可以內進，幸好朋友已經一早去排隊了。虎蝦醉貓炒河味道：⭐️⭐️⭐️⭐️⭐️價錢：⭐️⭐️⭐️口感獨特，而調味亦非常好。鹹蛋木瓜沙律味道：⭐️⭐️⭐️⭐️價錢：⭐️⭐️⭐️⭐️鹹蛋配木瓜組合非常特別。泰式椰子雪糕味道：⭐️⭐️⭐️⭐️⭐️價錢：⭐️⭐️⭐️⭐️⭐️脆脆的雪糕筒加上香濃椰子雪糕及椰子肉。整體味道：⭐️⭐️⭐️⭐️環境：⭐️⭐️⭐️價錢：⭐️⭐️⭐️⭐️

真實評論：睇社交平台既post而特登惠顧此店。發現食物水準十分普通，出餐慢，份量又偏小，食到最後仲話出面好多人等催人還枱，十分趕客，不愉快的一餐，不值得一去我相信坊間仲有好多好食嘅泰國菜

永遠離不開泰菜嘅我😂😂😂但係今次估唔到我竟然order🍜 船麵😌今日見到隔籬枱叫咗賣相真係超吸引我忍唔住都叫咗碗🐷黑豚肉試吓， 真係超級好食個味道勁啱我， 成碗湯嘅湯底🍲我都飲埋🤪🤪🤪而且佢哋金邊粉🥢係透明我好鍾意嗰種， 索晒啲湯汁， 而且仲有泰式🐽豬肉丸添，一碗兩個人食都夠😉另外我哋再叫咗🔥🐷燒豬頸肉/🌱🌱飛天通菜/泰式炸雲吞🤪同埋蟹肉🦀炒飯， 甜品就斑斕雪糕🍦，樣樣都好好食我哋都好鍾意尤其是個炸雲吞下次再要encore，午市加多$8仲有幾款唔同飲品🧋🧋🧋可以選擇， 真係泰國嘅味道，裏面裝修都好正好似新派嘅又話嘞😝😝😝店員又超級Nice勁好人❤️❤️❤️

上網聲稱6點開門 5:50pm去到已經入左一輪🥲等咗45分鐘先有得食🥹和牛船麵🐮$98一碗船麵係有啲貴 但真係和牛食落口就知船麵湯底比較濃少少油膩🍜有啲炸豬皮 同牛丸係爆汁!!!!!對於唔食得辣嘅人嚟講都小辣🌶️啖啖蟹肉奄列🍳奄列係似炸出嚟 類似蠔餅出面嗰種脆嘅質感真係每一啖都有一絲絲蟹肉🦀燒豬頸肉🥓豬頸肉嘅豬味勁出 我好似未食過豬頸肉係唔柴而且有豬汁彈牙🐷反而佢配嘅醬汁就唔太夾 題外話 啲職員好niceee 好多都真係泰國人🇹🇭所以有時職員唔係幾聽得明我哋講咩 同埋會用英文👍🏻👍🏻

平日5:30黎到已經開始排隊，6:00入座後職員同我地講最遲7:30要交枱我地叫左3個椰青，一杯茉莉酸梅梳打個茉莉酸梅黎到我地o哂咀，佢只係梳打水做底再放粒酸梅，啲茉莉就只係一啲茉莉花花冧放係面，成杯野無茉莉味個串燒啲肉偏鞋，生菜包份量少，得5塊菜飛天通菜竟然係甜味蟹肉煎蛋好細條，收$168和牛金邊粉普通食到7點職員已經過黎執枱催我地，因今次飯局係慶祝朋友生日，想傾多陣都唔得無奈埋單走人。總結覺得呢間唔值得要排隊入去，應該都只係網紅效應，價錢唔平亦都唔係話好好食，其間梳打及通菜漏單要問先追到，唔洗排隊都唔會再幫襯，完

下午5：45去到，尚未開門，已要排隊。店内空间不大，有點擠逼。 空氣流通不好。一坐下，還在看菜單，服務員已經追問了兩次是否下單。和牛船面$98味道不錯，但份量極少，性價比太低。泰式炒芥蘭$68和雞肉串燒$88就正常，但份量也是不多。 青檸囌打$38好細杯，有1/3都是冰。 剛吃完，還沒來的及喝水，服務員已經提醒買單了。用餐體驗不好。不值得專程去

勁難食泰國菜,又漏單,一大堆假食評,之前要排成粒鐘🤮🤮1️⃣和牛船面,湯望落個色似濃.食落淡而無味,份量少,連個湯都勁小.個蛋麵一舊咁,唔知煮左幾短時間,要自己攪開,唔係熱辣辣💰HKD$882️⃣沙嗲雞,豬串燒唔熱,肉係完全冇調過味,要係咁點沙嗲醬💰HKD$883️⃣飛天通菜勁濕,鹹. 漏單,催左3次.隔離枱遲過我入座嘅都齊哂D野.泰國人舖頭，做野勁拿西.同佢講菜未到,佢就話整緊,冇入去廚房跟單.再催第2次,同個老闆講,佢又係聽完就算.跟住我話唔等啦,埋單啦,佢就即刻沖入廚房. 另一張枱又係漏單,佢地等得仲耐,由我地入座開始催到我食哂2碟野都未到. 💰HKD$684️⃣泰式奶茶太甜,奶太多,冇咩茶味.超多冰💰HKD$48完全唔值,比網上班人水左大家去排隊食.我好彩只等左2枱,真係食到好嬲,又難食又唔好坐,又唔平🤢🤬

今晚到訪，未開門已經有長長的人龍。蟹肉奄列超正！奄列大大份，味道甘香鮮甜，又有鑊氣，仲有好多真蟹肉，再沾上泰式甜辣醬，真可口！馬拉𦾟炒菜正！通菜軟嫩，熱乎乎，炒得香口惹味，輕輕的辣，不錯。芒果糯米飯正呀！芒果新鮮甜香，糯米飯軟滑黏糯，加上馬豆的甜，椰汁的香滑，再加上微微的咸吊起甜味，超正！

泰式雞肉炒河一上枱就聞到「邪惡三寶」——油香、蛋香、辣椒香！河粉條條分明帶焦邊，雞肉嫩過BB肌，甜辣豉油掛滿每條粉，食到lam lam脷。😋和牛船麵和牛片薄到透光，浸3秒就半生熟。最驚喜係啲牛丸，咬落超彈牙而且會爆汁，加埋炸蒜同通菜，成碗麵泰有層次。泰式奶茶加8蚊就有得飲，超抵之選。呢杯泰奶唔會太甜，甜度恰到好處，泰好飲！

由地道泰國人開設嘅正宗泰國菜廚房、樓面都係泰國人聽聞廚房大廚是米芝蓮泰菜samsen出身怪唔得平日lunch條隊都好長～ 平民化價錢食到咁嘅質素睇黎真心受歡迎排隊嘅時候有個窗口可以望住廚師烹飪用黎煮船麵嘅湯底十分濃郁 流曬口水決心要試下😋.✨和牛船麵 $88湯底濃郁 可以選擇麵種類和牛用湯滾熟相當新鮮 好有泰國街邊小店feel.✨金邊粉 $98材料豐富鑊氣十足！水準在線💯.✨飛天通菜 $58✨雞肉串 $48以上兩樣正常發揮 雞肉串好大粒啖啖肉 不錯👍🏻.✨泰式奶茶 $8✨椰青 $38 奶茶不會太甜 椰青好多肉食！

呢間餐廳嘅外觀好有泰式風情，一走進店裡，就感覺自己好似去咗泰國旅行咁。裝修好有心思，吊住彩色嘅氣球，仲有蝴蝶裝飾，牆上嘅海報同舊物都充滿泰式元素，令人感覺好有氛圍。1. 醉貓炒河先講講嗰碟泰式炒粉啦，份量都算可以。粉條炒得乾身，每條粉都均勻咁沾上咗甜甜嘅醬汁。裡面有蝦、雞蛋、豆芽、青豆同埋紅蘿蔔，配料都好豐富。蝦嘅鮮味融入咗炒粉裡面，雞蛋炒得香噴噴。豆芽同青豆增加咗口感嘅爽脆。味道方面，甜酸嘅醬汁好出眾，帶住少少嘅辣味，好開胃。呢碟炒粉嘅價錢算合理，大概$98，性價比唔錯。2. 炒通菜炒通菜炒得好有鑊氣，蒜香味好濃。通菜嘅莖同葉都好嫩，咬落去好有口感。裡面仲有辣椒碎同蒜粒，令到成道菜嘅味道更加豐富。價錢大約$68唔算貴。總體嚟講，呢間餐廳嘅泰式美食都好正宗，味道令人回味。餐廳嘅氛圍又好，好適合同朋友或者家人一齊嚟食飯。下次我仲會再嚟試下其他菜色！

佐敦文苑街既「泰排檔」開左一段時間都係大排長龍，餐廳請來係灣仔人氣餐廳「Samsen」出身的泰藉主廚主理，唔怪之得咁多人排隊啦新鮮椰青椰青好青甜，正龍眼冰龍眼冰對我黎講就甜左少少🫢和牛船麵呢度既船麵同Samsen最出名既船麵都真係有8成相似，湯底濃郁微辣，香料味都幾重，配金邊粉真係好夾，可惜我碗既和牛過熟，熟到我以為係豬肉啖啖蟹肉奄列泰國曼谷米芝蓮推介Jay Fai蟹肉奄列就未食到，但呢度都有得叫蟹肉奄列，一切開真係勁多蟹肉，奄列好香，同Fai姐既都有9成相似，但價錢係平Fai姐一半，我覺得係要必叫的泰式九層塔炒蜆蜆既份量都幾好，真係隻隻都有蜆肉唔係得個殼，除左九層塔既香，個醬仲有甜辣味，好惹味飛天通菜泰式炒通菜，好有鑊氣芒果糯米飯芒果好清甜，糯米飯煙韌好食，加埋椰漿，脆綠豆，正宗又好食我知道餐廳未開門已經有人係門口排隊，所以叫朋友一放工就去攞位先，我一到就岩岩好😛，食物都幾好食，店員都好親切，其實仲有好多野食想試，但真係食唔落，唯有下次再黎試埋佢😋

先不論價錢，整體體驗簡直垃圾，見平時排長龍，咁就同D同事去試。個和牛船面淡而無味 份量少 凍嘅冷麵咁 一舊麵餅上要自己攪開，杯凍檸茶有奶味和牛炒飯叫好少少起碼有味 不過完全見唔到牛 整體太濕 ，泰奶叫正常蟹肉炒飯，一嚟到以為係蛋白炒飯，冇蟹都算亦冇蟹味，一吾講以為蟹跟飯分開上添，跟椰青厚肉但係完全挖吾開，要好用力刨先出肉講到服務啦，雖然係泰國人店員舖頭，但係都唔至於叫三四次都冇人應掛樣本一次過試埋個串燒，點知飯都食完再等成4個字最後話未做漏單，明明落單嘅時候問咗我哋3次餐點總括而言真係唔掂，價錢偏貴，份量少3成飽，仲要加一服務費完全唔知點解會排長龍

這是一篇遲來的分享, 萬聖節當日來光顧, 店外店內均有少量萬聖節的裝飾, 最特別的是店外那具骷髏, 入座時好像還沒出現, 坐下不久感覺是從上而下掉下來的, 幸好我不是坐在當前, 可能會被嚇到吧。餐牌上的食物選擇不算多, 但有一定的吸引力, 是次點了船麵, 一試便知有沒有。1) 和牛船麵 $882) 泰式奶茶 $83) all + 10%和牛船麵賣相不俗, 呷一口湯便知道是我喜歡的味道, 湯極濃郁, 入口微辣, 沒加其他醬料已很好喝。和牛有4片, 肉質略韌, 不知黑豚肉是否較佳的選擇。牛丸有4粒, 小巧彈牙。炸豬皮脆口, 索了湯汁, 軟中帶脆。麵可選金邊粉或蛋面, 我選了金邊粉。金邊粉雖偏腍, 但沒發脹, 索滿湯汁, 可口美味。泰式奶茶只售$8實在吸引, 茶味和甜度適中, 味道不俗。唯和牛船麵的湯實在吸引, 最後忍不住回頭把湯喝到一滴不剩。

這家泰式餐廳特別受歡迎，門口排了長龍，廚房、樓面都是泰國人，廚房大廚是米芝蓮泰菜samsen出身，餐廳概念和泰國thongsmith一樣，主打各種地道泰國街頭美食，餐廳9成食材都是從泰國直接入口，連蒜頭和香料都是，而且平民價錢，怪不得大受歡迎！### 虎蝦醉貓炒河大大隻虎蝦快炒後，外層微脆，咬下好有弹牙口感又保持著鮮美，炒河粉略帶焦香一看就知道很美味，搭配小玉米苗、青菜、木耳和炒蛋，清新又誘人，提升整體的風味！跟餐加8$還可以有一杯泰式青檸茶或者奶茶！### 和牛船面船面上台後，見到碗中幾片生和牛在熱湯中逐漸由紅色熟成粉色，放入口，真是極為鮮嫩，帶來極致的肉香！再加上肉丸非常彈牙好味，湯汁有香草香茅等香味好濃郁，是泰國船面的正宗味道！### 炸雲吞外皮酥脆，內餡是鮮美的肉菜，咬下去的瞬間，外皮的酥脆感讓人心情愉悅，隨著內餡的香氣在口中交織，令人忍不住一口接一口！### 泰式斑蘭雪糕很有特色的一個甜品，不但有斑斕味的雪糕，還有椰子肉片、椰子果凍和花生，色彩繽紛，斑蘭的清香悠然入鼻，雪糕的質地滑順，帶來無限的驚喜！### 沙爹豬肉串好厚身的豬肉串，焦香又嫩滑，搭配香濃的沙爹醬，讓每一口都充