泰排檔

今日下昼同朋友嚟咗泰排档。餐厅系米芝莲推荐，成日大排长龙！墙上挂住好多泰国装饰，真系有浓厚嘅泰国味。餐厅概念同泰国thongsmith一样，供应各种地道泰国街头美食，而且价钱好平。餐厅九成食材同香料都从泰国直接入口。厨房同楼面嘅人全部都系泰国人，特别系大厨，佢系米芝莲出身，食物嘅质素一定有保证。和牛船面 $88呢碗和牛船面系招牌菜，金边粉滑溜，汤底又鲜又甜，带住浓浓嘅香料味，食到有香茅、柠檬叶等香料。和牛肉质好嫩，油花分布得好均匀，充满油香。金边粉口感更添弹性，吸收晒汤底嘅美味。其他配料仲有芽菜、通菜、牛丸，非常丰富。香辣金不换炒猪肉碎 $78呢度都系招牌菜，好出名！猪肉碎炒得香喷喷，热辣辣，非常惹味！内里有红椒、洋葱，口感都好丰富。辣味啱啱好，唔会太过刺激，真系一口接一口。最重点系面头有两只流心太阳蛋，配埋蛋黄汁一齐食真系特别好味。醉猫炒河 $118河粉炒得恰到好处，滑滑地，带点烟靭，好有镬气。酱汁好惹味，辣辣地，河粉吸埋酱汁嘅味道。和牛肉质嫩滑，芥兰同红椒爽脆，口感多元化。泰式奶茶 $8泰式奶茶好抵饮，甜而唔腻，茶香浓郁，好正宗。龙眼冰 $18龙眼冰清爽可口，龙眼嘅天然甜味，加上冰冷嘅感觉，好解渴。…查看更多

一直都好想试呢间泰国菜，啱啱开张𠮶阵就好多人排队，所以等到近排先去试到🥹平日晏昼去都要排吓队，不过大概10至15分钟就入得😬 餐厅概念同泰国thongsmith一样+各种地道泰国街头美食，厨房、楼面都系泰国人，而大厨更加系米芝莲泰菜出身！重点系价钱好贴地😍和牛船面（蛋面） $88可能因为餐厅9成食材由泰国直接入口，包括蒜头、香料，船面食落同喺泰国食一样😋汤底浓郁，配料仲好丰富，除咗和牛之外仲有丸同炸猪皮，和牛有返咁上下厚度，口感丰富Pad thai $88Pad thai上枱嘅时候热辣辣，炒得好惹味，味道酸酸甜甜几开胃，虾都大大只，口感弹牙😋烧猪颈肉 $88同朋友一致大赞呢个烧猪颈肉，份量多之余每块肉都好大块，上枱嘅时候同样热辣辣。猪颈肉肥瘦适中，外层烧得好香，有咬口得来又唔会难嚼。另外个个汁都超级好食😍芒果糯米饭 $78糯米饭篜得啱啱好，软糯烟韧，椰浆味浓郁，芒果都好新鲜，够晒香甜😋店员姐姐仲同我哋讲佢哋系用新鲜嘅椰青水自己整椰浆😮睇得出餐厅好比心机做好每一样野食🥹泰式奶茶 $8见到餐牌嘅时候俾呢个价钱震惊到😧质素好掂，入口顺滑，以泰式奶茶嚟讲唔会太甜，一定要嗌😍…查看更多

礼拜五lunch又系自己一个人食，于是决定行远少少，去试下 最近好hit 嘅 米芝莲餐厅 【泰排档】试过嘅 同事 同 朋友都话一定要嗌佢哋嘅船面。所以我就最简单纯粹的点了 他们的船面 同 一杯 泰式奶茶。因为一人食，所以一去到唔洗等位，直接安排你去吧台自己坐。船面有猪腩肉，猪肉丸，炸猪皮，九层塔，炸干蒜同少许通菜。先饮个汤，如所见，非常浓郁，而且唔咸，最特别系炸猪皮浸住嚟食，系真系好好味！个汤我系可以饮埋。泰式奶茶味道浓厚，而且不太甜。整体而言，值得推荐，如果中午来试，一个人会比较容易拎到位，另外餐厅有加一服务费。…查看更多

泰国菜真系好啱我口味～估唔到呢间舖头个主厨原来系Samsen嘅前任主理人！食物质素有保证。一入门口已经闻到阵阵泰国地道餐厅嘅香味。🤩🤩🤩叫咗黑豚肉船面、香辣金不换炒和牛饭同炸虾饼。碗黑豚肉船面呢，个汤底好浓郁，好鲜甜，配咗金边粉，索晒啲汁好正。个和牛炒饭又香又辣好开胃，不过食到最尾有啲咸。件虾饼都吓亲我，又大件又厚身，咬落去仲好弹牙。另外仲试咗斑兰雪糕，第一次食呢只味，都几好食㗎！🫶🫶🫶…查看更多

此店新开张时去过一次，那时大排长龙，不久便取得米芝连推荐，排队的食客更多。今午刚好经过见客人不多，便入内食晏。只叫了船河和饮品。陆续多了人客，由于地方狭窄，侍应不断叫我向前坐，饭真吃得不舒服。最重要的却是，那船河十分不好吃，而价钱却是偏贵的！…查看更多