泰排檔

今日下昼同朋友嚟咗泰排档。餐厅系米芝莲推荐，成日大排长龙！墙上挂住好多泰国装饰，真系有浓厚嘅泰国味。餐厅概念同泰国thongsmith一样，供应各种地道泰国街头美食，而且价钱好平。餐厅九成食材同香料都从泰国直接入口。厨房同楼面嘅人全部都系泰国人，特别系大厨，佢系米芝莲出身，食物嘅质素一定有保证。和牛船面 $88呢碗和牛船面系招牌菜，金边粉滑溜，汤底又鲜又甜，带住浓浓嘅香料味，食到有香茅、柠檬叶等香料。和牛肉质好嫩，油花分布得好均匀，充满油香。金边粉口感更添弹性，吸收晒汤底嘅美味。其他配料仲有芽菜、通菜、牛丸，非常丰富。香辣金不换炒猪肉碎 $78呢度都系招牌菜，好出名！猪肉碎炒得香喷喷，热辣辣，非常惹味！内里有红椒、洋葱，口感都好丰富。辣味啱啱好，唔会太过刺激，真系一口接一口。最重点系面头有两只流心太阳蛋，配埋蛋黄汁一齐食真系特别好味。醉猫炒河 $118河粉炒得恰到好处，滑滑地，带点烟靭，好有镬气。酱汁好惹味，辣辣地，河粉吸埋酱汁嘅味道。和牛肉质嫩滑，芥兰同红椒爽脆，口感多元化。泰式奶茶 $8泰式奶茶好抵饮，甜而唔腻，茶香浓郁，好正宗。龙眼冰 $18龙眼冰清爽可口，龙眼嘅天然甜味，加上冰冷嘅感觉，好解渴。…查看更多

放工去油麻地拎嘢，等待期间扫社交平台见朋友去咗一间食店食泰菜话，仲话会再去；望下店名搜索下资料，在文苑街果带⋯难得过海，又闲著就行去睇下乜状况。大约晚上6点45分全店满座，门外有一对情侣排队等候，未见长人龙就试下。大约等了20分钟就入内啦，虽然已经日落时分，但天气开始热，有成廿几卅度，等位期间其实都热；如果夏天嘅话唔会排队⋯但入座时有有十多人嘅人龙了。煮汤粉面/沙律区只有一位厨师主理。另外，店内环境都好逼夹，用餐期间可能要有被轻微碰撞嘅心理准备。咸蛋木瓜沙律$88在湾仔的泰面吃过咸蛋木瓜沙律后念念不忘，见这家menu也有这一道沙律，二话不说就先点一份，我拣嘅系半只辣椒辣度。 有点寄望⋯可惜略嫌唔够咸蛋黄，味道上不过不失嘅，讲真无比较无伤害⋯今次来第一大目标系试个和牛船面 $98价钱比起湾仔蓝屋果间平了几十蚊，所以要求都预先调节一下，整体是不错的。汤底浓郁，但唔似得蓝屋果间令我想饮晒啲汤；牛肉当然一定系唔同级数同肉嘅厚道和份量都有明显差别。另有加一服务费。用餐完毕离去，𠮶时继有长长人龙等位。…查看更多

香辣金不换炒和牛饭每次食泰国嘢都一定会叫嘅香叶肉碎煎蛋饭，今次有和牛咁新奇就试一试！一上枱就闻到超级香既金不换香气，同辣椒嘅热力夹得好正。和牛油脂分布均匀，份量好多！炒得啱啱好，肉质软嫩但唔会腻、好香肉味！入口层次丰富，既有香草嘅清爽，又有牛肉嘅浓郁，辣度适中非常送饭！ 最钟意系个两只泰式㶶边蛋，一下还原系泰国食既风味😙醉猫炒河和牛 面条超级烟韧～好有惊喜，有啲似薯粉不过无咁粗，炒到带焦香，咸辣中透著微甜，鸡蛋金不换既香气扑鼻，层次丰富。河粉炒得干身，镬气十足，仲隐约食到蟹既鲜味，加入和牛片增添油香，整体味道浓郁，必点！！飞天通菜 通菜炒得爽脆，用蒜蓉同辣椒爆炒，咸香带辣，欣赏呢个唔会煮得好咸同太油，非常惹味😍😍😍斑斓香茅茶斑斓香茅茶清新可口，食左咁多油腻野，有健胃、改善消化功能等既功效。香茅带柠檬清香，斑斓叶增添独特香气，食完浓味小饮一杯，解腻又舒畅。 泰式青柠茶青柠茶酸甜平衡得准确，夏天饮真系一流。用新鲜青柠制作，泰茶底清香，第一次见泰茶唔加奶冲饮品！唔会过甜，冰凉解辣，完美搭配浓味泰菜。 …查看更多

- 光顾日期：5/10晚上- 同行人数：2人- 点菜：炒金边粉、泰式炒通菜、蟹肉奄列服务与经历- 事件经过：我哋二人用餐至尾段，约有十人一大班客进店。其间我哋把书包暂放在隔离空凳（无人占座）。老板前来询问「个书包系咪你？」语气与情境令我哋理解为要即时收走书包以便利安排座位。我们收起书包后，老板将相邻的枱凳并位，并把那班客人的书包与羽毛球拍放在我们原本的空凳与空枱上。- 感受：如果店方政策是「空位只供坐人，不放私人物品」，理应一视同仁；但佢既操作呈现为「两位客不许放书包，一大班客可放装备」，比人观感系重大班、轻散客。…查看更多

和家人前来庆祝生日，一开始知道是要限时90分钟的时候都有些犹豫，不过还是订了，儿子推介，为佢庆祝生日，急啲就急啲，尽管一试。泰国男（唔知系咪老板，不过都相信系），一开始好friendly 咁，又泰文，又过黎倾计，坐低5分钟，佢就埋黎推介菜式，蟹肉奄列，又话串烧要炭火烧，比较耐，不如落左order先，佢所推介嘅，我全都要，支持一下吧！结果，佢所谓嘅炭火比较耐，5分钟已陆续上枱，我后才醒觉，目的就是唔比你哋慢慢倾计，慢慢睇，或逐样菜慢慢叫。野食好唔好食见仁见智，我唔个人评论，只系觉得冇话一样菜系特别好食，令我记得佢独特嘅味道。但系一定要特别一提系佢嘅啲手调饮品，系极度难饮！入正题，说好的90分钟点分配呢，头15分钟觉得好忙，只记得一路食，一路有人过黎收碟，收得咁上下，食到中段（30分钟）就上埋个芒果糯米饭，40分钟过黎讲，不如上埋个蛋糕。(切饼费收$88)上蛋糕嘅同时，佢就攞埋张单过嚟叫埋咗先。最嬲就系，我哋倾紧个蛋糕个由来，行咗埋嚟三次叫快啲，出边有好多人等紧枱，喂，咩事呀⋯⋯都只不过系过咗90分钟嘅一半时间，已经去到切蛋糕环节。餐生日饭完全冇晒Mood，到60分钟的时候，我地食食下蛋糕玩送礼物，就再次行埋黎同你讲，可唔可以快啲，出边有好多客等紧枱，待应每过一分钟就叫你走，话好多人排队。因为佢太烦最后都顶唔顺，同埋此时此刻，各人已冇晒心情，继续倾偈，用餐时间70分钟离开，$2500埋单，人均300！以后都唔会再帮衬。呢间真系唔得，一餐生日饭搅湾晒！完！…查看更多