泰排檔

营业中

休息中

渡船街呢邊一向都有好多出名食店，今次就嚟文苑街轉角位呢間泰國嘢😋門口有透明嘅櫥窗可以觀賞泰國廚師製作船麵同埋甜品等，另外門面嘅店員都係識講廣東話嘅泰國人，好熱情，同埋會主動介紹👀原來餐廳有大廚係米芝蓮泰菜Samsen出身，聽店員講餐廳原來只係啱啱開業幾個月，平日午市好旺場✨醉貓虎蝦炒河 $108見到好似好多人食，個名吸引到🤩炒河濕度適中，味道方面就真係如餐牌所見嘅偏辣，建議大家衡量吓自己係咪食得辣先嗌👀🧐非常入味、濕潤嘅河粉配有少量蔬菜同埋幾粒大大隻彈牙虎蝦💯自認係食得辣嘅話，推薦一試！✨炸粟米蝦餅 $58熱辣辣新鮮炸起✨😋蝦餅炸得外脆內鮮嫩，加埋Juicy嘅粟米🌽口感更加多層次同埋得到昇華✨燒豬頸肉 $88非常驚艷！燒頸肉外皮燒得非常脆，而豬肉就保持到鮮嫩同埋好多汁，值得一題嘅係個醬汁絕對係畫龍點睛🤩微微帶有辣勁之餘仲帶少少酸味，將豬頸肉沾滿醬汁食實在係一個舌尖嘅享受✨飛天通菜 $58惹味之選，通菜好鮮嫩，唔會老，有少量炸蒜增加口感，另外炒得幾有鑊氣同時唔會太油，真心覺得有泰國街頭風味👍🏻🤩✨泰式奶茶雪糕 $48✨超級推薦👍🏻賣相超級吸引📸味道更加出色💯極香泰奶味，仲有雪糕筒連上✨泰

本身收藏咗呢間舖頭諗住放工試試，點知完全係伏😡等候時間唔算耐，大概等咗20分鐘，就有得入去。但係坐到入去先係惡夢嘅開始😖坐到入去嗌埋嘢食等齊所有嘢上菜起碼用咗兩個鐘頭唔講以為食緊fine dine😶‍🌫😶‍🌫😶‍🌫坐到入去已經即時聽到店員送上芒果糯米飯去隔籬枱賠罪，原本以為係隔籬枱對於食物質素有意見，但原來係因為等得太耐。我哋order完嘢食之後已經聽到每一台都催緊店家上嘢食，表示已經等咗好耐🤣嗌完嘢食之後就開始我哋漫長嘅等待時間，嗌咗一個船麵，先等咗30分鐘，好彩我同我男朋友食可以一齊share咗嗰麵先，味道算濃郁。然後再等咗20分鐘，仲未有炒河同奄列，於是叫店員幫手問問幾時會有。佢哋都好忙，問咗好多次，有時叫店員都唔理我地。終於再等多30分鐘，醉貓炒河都到啦，食物算係正常。最後蟹肉奄列係催咗四次，等咗大概1小時30分鐘先上到，而每一枱客都係催緊個蟹肉奄列，基本上大家都係覺得等咗好耐好嬲。而店員都只係可以叫我哋等多陣，最後我都差啲想叫佢cancel個奄列，但係都等咗好耐，唯有等埋落去。個老闆就話唔好意思要你等咁耐，因為近排有網紅介紹店舖，所以人手安排不足，平日係星期六日先會有咁多人，

話說呢間位於佐敦谷嘅泰國菜，每晚都會大排長龍，超級火爆！今日我同朋友就一月嚟試吓，究竟佢哋裏面有乜嘢乾坤！和牛船麵呢個係佢哋嘅招牌，佢哋個湯底好濃郁，一上枱就聞到超重九層塔嘅味道！配料上面除咗有炸豬皮之外，仲有好香嘅豬肉丸，面底就係煙靭嘅金邊粉！我覺得佢哋個湯底條配得好好，同我喺泰國當地食到嘅味道幾乎一樣！後來先發現原來佢哋嘅大廚係泰國米芝蓮餐廳samsen出身嘅！怪唔之得咁正啦！虎蝦醉貓炒河呢個虎蝦醉貓炒河都係佢哋嘅招牌菜之一，個炒河真係超有鑊氣！佢哋個炒河好滑，咬落去係煙煙韌韌，好味道我哋9秒9就食晒！燒豬頸肉燒豬雞肉都係好高質！個豬頸肉外面燒到有少少脆身，但係裏面仍然好軟腍！咬落去好有肉汁，而且佢個醬都調配得好好，酸酸辣辣，同個豬頸肉超配！芒果糯米飯泰國菜梗係唔少得飯後嚟過芒果糯米飯做甜品啦！呢個芒果糯米飯芒果係好新鮮同埋好甜嘅，咬落去一啲渣都冇！下邊嘅糯米飯好甜，而且係好Sticky嘅，軟軟糯糯真係超正！佢哋呢度除咗大廚之外，其他服務人員都係泰國人，會好熱情咁用泰文去打招呼，而且個裝修亦都好有泰國嘅風貌！真係好似返去咗轉泰國咁！終於知道點解咁多人慕名而來大排長龍都要嚟食！

這家店新張不久已在區內有名氣了平日不太敢去怕要排隊所以選了在星期三晚上8點後過來過了晚飯時間但店舖內依然人頭湧湧好彩等了一張即時有得入座呢店員有些是泰國人令到整個體驗更加地道餐廳是主打在‘香港可以吃到正宗地道泰國菜’我們坐在廚房出面更加感受到一份鑊氣！先來一杯泰檸茶味道清爽好解渴又不會太甜好推薦食物方面我大力推薦醉貓炒河呢！河粉Q彈彈的好像糯米皮😍😍蔬菜全部炒到脆卜卜整體不油膩而且同樣是鑊氣十足可簡大蝦/和牛我們就試了大蝦🍤份量少少的好快便吃光光喇小食燒牛柳也相當之出色肉質好牛味重不會難以咬開對這個餐廳的評分是很不錯地方乾淨又不失街頭風味唯一缺點是食物份量比較細🫣如果是男士的話應該要吃好多碟才會飽聲明：本人所有食評均是自費，並無收取過任何餐廳之款待。

近期佐敦人氣泰式排檔，平日夜晚都要排成個鐘先有位，而餐廳已經坐得好迫，店員都算友善，有人生日仲會捧住蛋糕唱生日歌，為壽星送上祝福。① 黑豚肉船面 $88② 和牛船面 $98同朋友一人一碗船面打底，湯底個味幾好，不過豚肉肉質幾韌下，豬肉丸亦無乜特別。③ 炸雲呑 $88夠脆夠香口，都食到有啲餡料。④ 泰式炒芥蘭 $68夠鑊氣，芥蘭爽脆，好食。⑤ 生菜包香葉豬肉碎 $88幾重香葉味，微辣幾惹味，肉碎唔算太碎，都幾有咬口，好食⑥ 醉貓炒河 $118好食！有兩隻大虎蝦，加埋菜心，小粟米等炒，可惜河粉太少，四個人分一人得兩啖。⑦ 芒果糯米飯 $78糯米飯口感粘糯就，味道唔會太甜，同朋友簡直秒殺。⑧ 泰式奶茶 $38⑨ 斑蘭香茅茶 $38全店唯一熱飲就是斑蘭香茅茶，朋友說不錯；泰式奶茶正常好飲。單看呢間泰排檔店名及位置以為走平民路線，但其實價錢都唔平，食物份量偏細份，整體味道唔錯但不算驚艷，平均每人消費$260+但大家都只有七成飽，加上要排成個鐘先有位入座，成件事性價比唔算高。

無論平日定周末，住喺附近嘅朋友話，lunch都要排十幾分鐘，但食物質素對得住價錢，完全值得呢次終於試到上次miss咗嘅船麵湯底濃郁中帶少少香辣，啱啱好唔會搶味，內裡和牛片嫩滑入味，金邊粉吸收晒湯汁，每一啖都充滿層次感。醉貓炒河係念念不忘，粉炒得乾身夠鑊氣，配上香濃泰式醬料，食到停唔到口。新試嘅粟米蝦餅外層炸得金黃香脆，中間蝦肉同粟米咬落鮮甜多汁 。沙嗲雞串燒就更加唔使講，香料層次豐富，沙嗲醬惹味濃郁，最後再加上一份椰子雪糕作結 。飲品方面，原來lunch $8一杯嘅泰茶真係超抵主打正宗泰式街頭料理，所有食材，包括香料、蒜頭，都係直接從泰國入口，務求保留最原汁原味嘅地道風味。主廚更曾喺米芝蓮級泰菜餐廳Samsen掌勺，技術一流，彷彿置身曼谷嘅街頭巷尾。 平民化價錢配上高水準出品，無怪乎泰排檔每到飯市都吸引咁多人慕名而來。下次黎一定再叫炒河同船麵！

佐敦有間人氣高企嘅泰國菜，今次就聞名不如見面，來到餐廳朝聖！聽講餐廳嘅概念係想同泰國嘅thongsmith一樣，除咗提供船面之外，仲會提供各種地道嘅泰國街頭美食！而且廚房同樓面嘅職員都係泰國人，廚房嘅大廚更加係米芝蓮泰菜samsen出身添！真係整個環境都充滿住泰式大排檔嘅氛圍啊，非常地道～虎蝦醉貓炒河💰HK$108虎蝦夠新鮮，爽口鮮甜！闊身嘅泰式河粉又滑溜軟糯，仲有唔同嘅蔬菜增添口感！加入咗泰式嘅調味料去炒，令到成件事更加入味同醒胃，色香味俱全👍🏻～燒豬頸肉💰HK$88豬頸肉外層略帶焦脆，肉質爽口彈牙，配搭秘製嘅泰式醬汁，令人特別開胃～沙爹雞💰HK$48雞肉有輕輕醃製過，燒完之後依然保持嫩滑多汁，配搭沙嗲醬，惹味無比～飛天通菜💰HK$58通菜口感脆嫩，非常入味～芒果糯米飯💰HK$78芒果新鮮香甜，食得出係用咗上等嘅芒果！糯米飯口感軟糯有嚼勁，配搭埋椰漿、芒果同埋脆脆，整體口感非常豐富～青檸梳打💰HK$8價錢超抵！味道酸中帶甜，係一款非常清爽嘅飲品～原來餐廳有90%嘅食材都係直接由泰國入口，連蒜頭、香料嗰啲都唔例外！用咁平民化嘅價錢，就可以嘆到正宗嘅泰式大排檔風味，真係超值啊👍🏻～

網上搵到呢間人氣大熱排長龍的泰國菜，7點排到8點左右，可入座，天氣涼左，排隊無咁辛苦。店仔細細都算多座位，但服務熱情，餐廳又有氣氛，都幾吸引。價錢唔算貴，細細份好似食多幾款。和牛船麵 $98和牛好嫩滑，牛味濃郁，但湯頭仲正，有豬骨同豬血煮，仲有好重香料味，係辣左少少，牛丸都好爽彈，個粉吸哂湯汁，超好味。啖啖蟹肉奄列 $168超大份超多蟹肉，蟹肉扎實一梳梳，包著滑蛋同蛋汁特別嫩滑，唔使醬汁，食出蟹味同蛋香。沙嗲雞，豬 $98每樣3串，雞肉嫩彈，豬肉爽口唔乾，可配3款醬汁食，沙嗲帶花生香，魚露汁咸咸甜甜帶鮮味，仲有款甜甜地青瓜洋蔥辣椒汁。飛天通菜 $68好有鑊氣好香，越食越辣好過癮，份量幾多，好抵食。芒果糯米飯 $78芒果好甜好多汁，果肉好香又結實，配滑滑椰奶糯米飯，軟糯香甜，份量仲幾多，超正。

終於今日少些人（打風後），我去試了長龍店。我主要試了蟹肉炒飯，份量夠，有鮮味。我媽媽試了金邊粉，她認為太辣。全家她最能吃辣，建議不吃辣的朋友走辣。我聽到我鄰座那位走辣。她覺得份量比較小，男性應該吃下飽。中午餐牌沒有蟹肉奄列，可惜。超級不建議想來傾偈的人，地方很窄，非常嘈。

最近發掘了一間CP值超高的泰式餐廳「泰排檔」，價格親民得讓人跌眼鏡，味道絕對不馬虎！今次點了七道菜，每一道都令人回味無窮。必試的和牛船麵，麵條彈牙有嚼勁，和牛片香嫩多汁，醬汁香濃不膩，入邊仲有泰國和牛丸，完美平衡！金不換炒豬肉碎飯是我的心頭好，香辣夠勁，豬肉碎粒粒飽滿鮮甜，撈著煎到脆邊嘅荷包蛋，叫人停不了口。虎蝦醉貓炒河更加驚艷，河粉吸滿鑊氣，虎蝦新鮮彈牙，醬汁香辣過癮。好難得喺香港食到質地咁煙靭嘅泰國河粉，絕對係會再想食多次！叫咗個食泰國嘢必叫嘅飛天通菜！通菜食得出佢新鮮！質地爽口！炸粟米蝦餅外皮酥脆，內餡紮實多料，蝦肉鮮甜，配上酸甜醬汁絕配。燒豬頸肉肥瘦適中，醃製入味，外皮微焦帶點焦香，肉質嫩滑多汁。甜品愛好者嘅，我再叫多咗個芒果糯米飯，質素亦都非常高！最後壓軸的泰式斑斕雪糕，濃郁椰香配上清甜的斑斕味，口感綿密細滑，完美為這頓饗宴劃上句點。整體來說，以這個價位能吃到這水準的泰式料理實在難得。餐廳環境簡單乾淨，服務態度親切，份量十足又美味，絕對是聚餐的好選擇。建議趁還未太多人發現前來嚐鮮，相信很快就會變成區內熱門食店，另外這樣的價格絕對超值！人氣指數：⭐⭐⭐⭐⭐性價比：⭐⭐⭐⭐⭐推薦

最近搵到間超高質泰菜館「泰排檔」，一踏入門口已經聞到陣陣香料香，成間舖充滿泰國街邊小店嘅氛圍，樓面都係泰籍員工，即刻有種置身曼谷嘅感覺！上網睇返原來大廚仲係拎到米芝蓮泰菜嘅餐廳出身今次食左唔少嘢食，首先講和牛船面，用上正宗金邊粉煮到啱啱好嘅軟硬度，夾埋滑嫩嘅和牛片，個湯底香料味香濃，飲落唔會太鹹，啖啖都係泰式風味！醉貓炒河就勁香口，啲河粉彈牙爽滑，炒得有鑊氣，啲虎蝦新鮮彈牙，個醬汁香辣惹味鹹蛋木瓜沙律真係正！青木瓜爽甜，鹹蛋香濃，配埋花生，酸甜鹹香味道層次豐富沙爹豬同燒豬頸肉都係推介，沙爹豬腍滑多汁，醃料香濃，個花生醬香甜惹味。燒豬頸肉外皮燒得香脆，肉質嫩滑，配埋特製嘅辣醬，一流！講到飛天通菜就一定要讚，啲通菜新鮮爽脆，炒得火候十足，個蒜蓉醬香噴噴，配埋啲辣椒，辣中帶香，蒜香味重又唔會過份。甜品方面，芒果糯米飯用上正宗泰國芒果，甜而唔膩，糯米軟綿，配上香濃椰汁，絕配！泰式椰子雪糕都係手工製，香濃幼滑，仲加咗椰肉碎，食落好香口。青檸梳打夠酸夠清新，清甜解渴。最重要係價錢相宜，而且全部都係泰國直送嘅新鮮食材！有呢啲水準，難怪日日都大排長龍。

今日等到差唔多tea time嘅時候先去食午餐，為左食成日經過都見有人排隊嘅泰排檔。雖然已經兩點半，仲係平日，但大部份嘅枱都有食左冇幾耐嘅客人，睇黎真係好高人氣。餐廳喺佐敦文苑街，裝修風格就如其名，走泰式大排檔風格。店員同廚房都係泰國人，對客人態度親切，有如置身係小泰國。午市都好多選擇叫左個泰式炒金邊粉(虎蝦)個人好鐘意食金邊粉，特別鐘意多配料，生碎，泰式芽菜，青檸等等。餐廳9成食材都係泰國入口，啖啖泰國味。炒金邊粉好夠鑊氣，上碟仲熱辣辣，陣陣香味。青檸一擠勁多汁，配上其他配料，有咬口得黎，仲有酸甜清新味道。金邊粉保持到咬口之餘仲有少少濕度，食落唔會太乾，而且份量都好足料。虎蝦有三大隻，真係大大隻，口感爽滑之外，有鮮味。小食叫左 炸粟米蝦餅，金黃外表超級脆，配上軟綿綿又彈牙嘅蝦餅口感十足，推薦一試！泰式奶茶少冰，因為甜度固定，所以冇得少/走甜。飲落甜度啱啱好，唔會掩蓋左奶茶嘅香味。奶茶質感幼滑厚身，茶味都夠濃。

在我妄想下以為熱潮該過了吧所以在傍晚五時半多到餐廳 發現原來已經有人龍了 哈哈目測自己該是第18個 應該可以第一輪入座吧怎料最後還是等待了一個小時才能入座因為原來有客人已預先訂座 而有些則是有先頭部隊來排隊 所以我估算錯誤了餐廳是沒有限時用餐 而出餐也很快惟餐廳內伴隨音樂及客人閒談聲音 所以蠻嘈吵的 座位之間也頗狹窄 真不愧是大排檔風格😋🍝醉貓炒河（虎蝦） $118是可以選走辣的選擇虎蝦有三隻 是後期製作的爽彈口感河粉質地真的很喜歡 晶瑩通透的煙韌口感還加入了粟米芯 芥蘭 炒蛋等配菜 整體味道是相當地道的 只是對個人來說蠻重口味及偏鹹 但還是推薦炒河 因為很少在香港吃到這類河粉口感😋🍖燒豬頸肉 $98豬頸肉厚度適中又大塊 份量很足 烤得很香口及惹味 沾上醬汁味道更有層次😋☘️飛天通菜 $68炒通菜很有穫氣及惹味 味道也是頗地道的濃口味 😋🍹酸梅茉莉梳打 $38因為每道菜都頗濃味 難避免要喝些較為清新的飲品 茉莉味道未算突出 但酸梅混入青檸梳打內 酸酸甜甜 很解膩又清新提醒光顧的話 要帶夠足夠現金因為餐廳只收現金的

最近呢間餐廳真係好出名，今次閒日晚飯時間6:15黎到，都大排長龍! 建議大家要早D黎就唔洗等咁耐。見到呢到無論係廚房定樓面都係泰國人，廚房大廚仲係是米芝蓮泰菜samsen出身架，所以食物有保證! 不過呢到主打平民化價錢，相對上吸引好多! 和牛醉貓炒河睇落都好有鑊氣，食落的確好惹味，調味好岩我口味。除左和牛，仲有粟米芯，芥蘭等等既配料，河粉口感煙煙韌韌，整體食落係辣辣地，越食越開胃，好食! 蟹肉奄烈 第一次係泰式餐廳叫呢樣野，比我想像中大份好多，奄烈外皮煎到好香脆，入口唔油膩，而且還有D蛋汁，唔會太乾，奄烈中間夾住好多蟹肉，非常飽滿，真係啖啖滿足!燒豬頸肉 咬落唔會乾，每塊都好厚肉，一定要點埋佢個靈魂醬汁!芒果糯米飯糯米飯食落好Q彈，濃郁既椰奶配埋微暖既飯，芒果又甜又多汁，好夾。 呢到既泰奶係好地道既味道! 連最近介凍飲既我都係到搵到好飲既熱班蘭香茅茶，飲落甜甜地，有陣清香既班蘭味。

今次第二次排終於食到，佢開夜晚六點，上次6:30pm嚟到門口排好多人，所以呢日再戰。今勻5:50pm嚟到，未開門但我前面已經有大約8個人等緊，入面大約38個位，要第一轉穩入就要早啲嚟。踏正六點入得，坐咗全店唯一一張二人枱。我哋點咗三樣嘢食，醃魚青木瓜沙律、醉貓炒河（虎蝦）、和牛船麵，加一杯青檸梳打，埋單400幾。沙律有魚露所以味道偏咸就預咗，少少辣好惹味和牛船麵係用澳洲M9和牛，牛肉好軟好香，湯頭用豬骨熬製三個鐘再加豬血煮，加上泰國香葉，好濃郁好有層次，本身唔食豬紅但食落ok～醉貓炒河偏油，有三隻虎蝦，味道唔錯～ 食完大概6:35pm，門口又排滿晒人，佢上菜快，坐位比較迫，翻枱都快，總結可以嘅就第一轉食，如果唔係就預咗要排隊～