泰排檔

营业中

休息中

見近排新開咗好多泰式菜🇹🇭，而泰排檔就係因為之前灣仔 Samsen 泰廚主理，所以就黎試下，大約7:30pm去到前面都有10張枱要等，大約等咗30分鐘。裡面就比較細，同埋比較迫。真心食落唔似Samsen個種味道，但啖啖蟹肉奄列係做得比較出色🦀。價錢就一定比上環Samsen平啲，因為開喺佐敦。今次就叫咗下邊啲菜式和牛船面金邊粉 $98 🐄Wagyu Beef Boat Noodles 見每日枱都有點呢個船面，望落個湯好濃，但係食落去好淡味，而且唔係好辣，所以其實個味道同泰國嘅船面都差比較遠，而和牛食落口感比較普通。啖啖蟹肉奄列 $168 🦀🍳Carb Meat Omelette我覺得最有驚喜，就係呢個啖啖蟹肉奄列，因為真係即刻炸起，啲蛋邊係脆卜卜嘅，而且一切開就係海量既蟹肉，而且配咗個甜酸醬，非常之惹味同好驚豔，份量仲要唔少，雖然係呢個價錢，但係覺得性價比較高。燒豬頸肉 $98 🐖Thai-style Grilled Pork呢一間嘅豬頸肉揀嘅豬肉係比較肥，肥肉比較多，而且燒出黎唔係好似炭燒，無炭香味，因為唔多燶面，但份量唔少。飛天通菜 $68 🥬Stir-fried Morning G

//<泰排檔>小編有日無懼風雨黑雨都同友人出街食lunch⛈️⛈️所以去到唔使排隊😂😂由柯士甸站行過去大概5分鐘到🚇🚇不過估唔到入面都幾乎坐滿晒人🫠🫠門口仲有個好有趣嘅cosplay店員叔叔😂😂 佢嗰日着住狼人衫～ 仲好好咁用狼爪幫友人拗痕🐺🐺入面大部份嘅店員都係泰國人🙏🏻🙏🏻——————————沙爹雞 $48沙嗲雞有三串🐥🐥 點落沙嗲醬度好濃味，雞肉都幾滑～好食💖💖——————————燒豬頸肉 $88呢度嘅燒豬頸肉燒到好香🐷🐷 佢哋嘅豬頸肉都係半肥瘦，食落有豬肉嘅油脂香🤤🤤 口感有少少入口即溶🤏🏻🤏🏻——————————蟹肉炒飯 $98蟹肉俾得好大方🤪🤪 基本上每一啖飯都可以配大大嚿蟹肉🦀🦀 炒飯炒得好乾身，粒粒分明嘅感覺😆😆 鹹味啱啱好，呢個都好好食🔥🔥——————————香辣金不換炒豬肉碎 $78呢個真係勁有泰國風味🇹🇭🇹🇭 佢嗰兩隻窿邊流心煎蛋係個精粹🤩🤩 成個飯有少少辣好惹味～ 整體份量都幾大🤰🏽🫄🏽——————————和牛船麵 $88船麵個湯底係有嗰種泰式複雜嘅味道😂😂 即係好多香料嗰一種🍃🍃 個面好快就淋🫠🫠 但係啲配料都幾好食～ 牛肉唔會韌～ 炸豬皮浸湯真

好貴又唔好食。$108蟹肉炒飯，得一舊蟹肉，又鹹又盛。豬頸肉98 ，有韌又唔好味，串燒有啲燒得唔夠，有啲又燒得燶，成$98。兩杯嘢飲仲離譜$38冰多，又細杯，仲要用外賣膠杯上。中伏中伏中伏。仲要+1。見到對面個姐姐嗌船河，見到個樣都唔想食有細碗又黑鼆鼆有冇料咁都話要排長龍。網上啲人真係吹得太大.又話係平民泰國菜，環境真係好平民，一啲都唔好坐。但價錢就一啲都唔平民，返番九龍城食好過。

本身好鍾意食泰國菜特別係街頭美食超級有風味✈️ 今次試咗呢間泰國菜大廚係米芝蓮泰菜Samsen出身⚜️用嘅食材九成都係泰國運黎👍🏻口味正宗但係價錢好平民化值得一試🩷⭐️ 泰式炒金邊粉 🍝用咗虎蝦份量豐富又好新鮮🦐 金邊粉炒出嚟輕微嘅酸甜味道又有鑊氣🔥係好地道嘅感覺⭐️ 和牛船麵 🍜湯底十分濃郁帶鹹香味道好正宗😚和牛同肉丸都帶濃郁既肉味🥩口味真材實料⭐️ 鹹蛋木瓜沙律 🥗泰式嘅青木瓜沙律清新又帶爽口既感覺☘️微辣既感覺好開胃🌶️特別加上鹹蛋提升了整個層次的風味 🍳⭐️ 沙爹雞 🍗沙嗲烤得嫩滑又Juicy🐔配上濃郁既花生醬風味滿滿🥜⭐️ 炸雲吞 🫔香口得黎又有街頭小食嘅感覺🤪配上甜甜地嘅雞醬感覺好吸引😛⭐️ 芒果糯米飯 🥭話喺香港最高質嘅芒果糯米飯之一絕不誇張🤩 芒果份量豐富甜度好高💛 配上糯米飯粒口感煙煙韌韌帶米香🍚平衡得好好⭐️ 泰式斑蘭雪糕🍦雪糕質地比較黏稠香濃嘅斑蘭味道🏝️仲有椰子肉同花生碎嘅點綴💙充滿熱帶感覺⭐️ 酸梅茉莉梳打 🌼酸梅口味好清爽🍓中和返濃郁嘅食物就啱啱好🥹⭐️ 新鮮椰青 🥥入口清甜又消暑🌤️係食泰國菜嘅絕配

見好多朋友都試過，今次專登去咗柯士甸食呢一間泰式小店。未行到小店已經見到外面有條人龍排緊，勁誇張，好彩都keep住有人出入，大概排咗廿分鐘左右就有得入。入到去唔係好大，坐得有少少迫，但係裝修就幾有風味。呢度出名係佢嘅班底全部都係泰國人，其中大廚仲係Samsen過嚟。仲要佢哋標榜咗食材都係由泰國直接運送過嚟，絕對可以令我哋體驗到道地嘅泰國風味。前菜嗌咗個木瓜沙律，份量大到嚇親我哋。木瓜幾爽脆，但要提吓大家個辣汁都幾辣下。佢呢個辣汁係加咗鯷魚汁，係有少少似魚露嘅味道，層次好豐富。主菜我哋嗌咗呢度推介嘅和牛船麵同埋醉貓炒河。船麵味道唔錯，牛肉都食得出比一般外面食嘅更重牛香味，但更想讚嘅係炒河，炒得好有鑊氣同惹味之餘，河粉煙煙韌韌有少少似Mochi咁嘅口感，好特別！而虎蝦都好新鮮，好爽口。飲品嗌咗泰式奶茶同埋椰青水，泰奶大大杯，甜度適中啱啱好；椰青水就幾清新，食完啲泰式重口味嘅嘢飲就啱啱好。最後見到個雪糕幾靚，所以嗌咗個嚟試吓。我哋嗌咗嘅係哥椰汁雪糕，椰味都幾出，配埋花生、椰果同埋少少椰子絲多少少，口感增添左啲層次。整體嚟講依家泰式小店相當唔錯，仲要見到店主都係泰國人！但想食就可能要與排隊。

最近見好多人係社交平台 post呢間今晚一於黎試下雖然5點幾去都要等左30分鐘至有得食 , 但係完全值得叫左3樣野食和牛船麵真係必食生蝦都好fresh好新鮮 , 食埋個泰式奶茶超滿足呢間餐飲除左偏差D之外冇缺點

我地就諗住趁未開門之前就去到, 我地大概6點去到已經見到門口有一條人龍, 本身諗住可能要等下一輪, 點知好好彩地我地成功係第一輪尾二男組入到, 大概只係等左10分鐘✌🏽呢度既食物選擇都係一啲泰國平民既菜式, 以香港黎講算係正常價錢😌和牛船麵🐮($98)湯底好濃郁同埋辣得好過癮, 麵底可以選擇金邊粉/蛋麵, 我地揀左煮到夠腍帶少少煙韌既金邊粉, 配上牛丸, 豬皮, 和牛, 好豐富, 基本上每一枱都有嗌😍飛天通菜🥬($68)炒到勁鑊氣既通菜用左泰式既調味料去炒, 如果唔太食得辣既朋友記得叫小辣或者走辣, 因為本身佢係有三隻辣椒既辣度😉沙嗲串燒🍢($98)雞同豬可以雙拼每樣三串, 個人覺得串燒可以唔洗叫, 冇咩特別, 雞比豬好食, 沙嗲醬唔夠濃郁, 仲有一個酸汁同辣汁可以配搭😁泰式椰子雪糕🥥($58)香濃椰子味既雪糕配上新鮮椰子肉, 椰果, 花生, 脆卜卜既Waffle Cone, 值得一試😋泰式青檸茶🍋‍🟩($38)用左正宗泰式茶底去沖既青檸茶味道同係泰國飲到既一樣, 不過偏甜左啲, 飲到最尾啲冰融左就會冇咁甜😂班蘭香茅茶🌱($38)香茅同班蘭既味道都好出, 不過都真係幾甜, 飲到最尾冰融

聽聞某米芝蓮泰菜餐廳嘅主廚出咗嚟開呢間泰排檔，廚房樓面都係泰國人，食材大部分都係泰國入貨，一向鍾意泰菜嘅我點會唔試沙爹豬($98) - 外層香口，豬肉燒得嫩滑，口感彈牙和牛醉貓炒河($118) - 河粉口感煙韌彈牙，啖啖都食到和牛同其他配菜，味道豐富生菜包香葉豬肉碎($88) - 豬肉混入唔同嘅香料炒得好香口，份量十足，每一件都可以包滿肉碎飛天通菜($68) - 食材新鮮，口感爽脆，好有鑊氣，調味濃而不膩芒果糯米飯($78) - 泰國香芒味濃郁，糯米飯口感軟糯，椰汁香濃酸梅茉莉梳打($38)、泰式奶茶($38) - 酸梅同茉莉味好突出好夾，泰式奶茶嘅雲尼拿香味好濃，口感順滑環境好乾淨，佈置好似泰國當地餐廳咁，令人有種去緊旅行嘅感覺泰排檔嘅概念係地道街頭美食，所以餐牌好精簡，好多都係大家耳熟能詳嘅經典泰菜，價錢親民，樓面好親切，整體性價比好高，值得推薦

今日一個人行得無聊得滯自己走去食一間幾出名嘅泰國餐廳，叫泰排檔呢排當紅炸子雞。聽聞佢個大廚係喺我平時最鍾意食嗰間泰國菜嘅泰麵做大廚👍🏻👍🏻想必然佢個手勢都有返咁上下功力。嗰日我晏晝去佢有午餐，我叫咗和牛香葉肉碎飯配青檸茶🩷🩷🩷🩷 首先講佢個和牛肉碎飯同平時灣仔食開嗰間泰麵係有啲分別，佢呢個肉碎係比較細粒啲，而平時灣仔食到嗰間係比較大粒。但佢個價錢都平過灣仔嗰間，呢啲梗係一分錢一分貨嘅👍🏻佢都真係都炒得幾入味，而且個蛋側邊嘅蛋白整埋燶邊蛋非常之好👍🏻個蛋汁都10分Juicy。不過佢杯青檸茶就有少少失望，佢係冇咁濃偏清淡嘅青檸茶。但係佢有個美中不足嘅地方就係，個地方真係太細。真係大隻啲都坐唔到，就算好勉強坐到都好辛苦。我覺得真係逼得有啲離譜🫠明白香港嘅地方係寸地黃金，要做生意，但真係冇辦法，嗰日好彩係落大雨先唔使排咁耐隊，平時聽人哋講話要排個幾鐘嘅話，我覺得真係唔使特登去試😂等熱潮過後就唔使點排隊👍🏻不過整體嚟講我覺得始終灣仔嗰間真係用料比較實在，而且環境都比較舒服👍🏻可一不可再🫠五個心心為最高分泰排檔 (佐敦)佐敦文苑街24號地舖

經過好多次都俾條人龍嚇親！今日終於試咗，1150到，開1200， 等咗15分鐘有得入。食咗蟹肉炒飯、和牛船麵、豬 satay, 全部都幾好食。最正係個店長，好熱情好客，油麻地好少見呢啲店長。食完出門口仲有廿幾人出面排隊。😱 隱世小店竟然喺八文樓揾到！

最近超人氣嘅泰國菜紅日去到都有條人龍喺門口排隊，排隊嘅時候透過玻璃已經見到餐廳好多職員都係泰國人，另外廚房大廚更加係米芝蓮泰菜samsen 出身。之前已經食過samsen 嘅泰菜，都相當滿意，所以今次更加期待。見到餐廳嘅Menu都係各種地道泰國街頭美食，但係價錢就比samsen平民化好多。晚市嘅Menu比午市選擇更多，試完今次之後，好想再試埋晚市嘅其他菜式。醉貓炒河有和牛或者虎蝦兩種配料選擇，我就選擇咗虎蝦，虎蝦好大隻，食落超級彈牙，好重嘅蝦味。另外仲有雞蛋粟米仔同菜洋蔥呢幾樣材料，所以食落都幾豐富。我幾鍾意泰式河粉咁闊身，食落有少少Q彈嘅口感，而且個河粉炒得好有鑊氣好香，唔會好辣又唔會過於油膩，一切都好平衡。食得出食材同香料都係好正宗嘅泰國風味，大部分都係由泰國直接入口，推薦！和牛船麵湯底望落去超級濃郁，飲落去都一樣。而且配料質素好高，和牛都幾大塊，食落去味道香濃，肉質軟嫩，肉丸都好彈牙。船麵揀咗金邊粉，金邊粉掛湯一流。燒豬頸肉燒豬頸肉切成一片片，每片都好大塊。豬頸肉燒得好香，唔會燒到太乾身，咬落彈牙有油香，肥瘦適中。配上個酸酸哋嘅醬汁特別開胃。泰式椰子雪糕椰子雪糕唔會太甜，帶有淡淡

星期日特登入嚟食行到過嚟排咗差唔多一個鐘，830入座本身就係想食佢個蟹肉奄列，芒果糯米飯點知叫乜冇乜，退而求其次想食個粉絲煲同蠔餅，都冇！大佬，星期日830乜都冇都算，係咪至少要喺出面個menu寫返冇乜嘢食，又或者同排隊嘅人講聲先？個感覺好似俾你呃咗入嚟咁，排咗成粒鐘同我講乜都冇！最後叫咗個醉貓虎蝦炒河，生菜包同蝦餅生菜包$88又細碟又咸醉貓炒河$98一嚟到真係呆咗，我去啲19連鎖餐廳食都冇咁細碟，返九龍城食唔好？呢度個位置都唔係方便㗎喇味道就ok，但真係太咸，同太細碟粟米蝦餅$88冇乜特別，唔係好食，有啲粟米喺中間泰奶$38個杯細都算，用膠杯真係好掃興，咁嘅質素我出返尖沙咀買ChaTraMue唔好？睇返覺得好似好mean，但真係唔過分，我嘅體驗就係咁差P.S.啲員工幾nice，不過有個泰妹聽唔明廣東話一開始亂咁答我嘢總之可以唔使食，俾錢食咗個寂寞！

正宗泰國嘢，排得隊一定有料到，不過我淨係排咗5分鐘，醉貓炒河同蟹肉炒飯真係要試，嘢飲都試咗龍眼水 奶茶 同埋椰子沙冰，可以話唔係去泰國都食到，staff全部泰國人，不過全部識廣東話。

今日山長水遠黎到佐敦，試一試呢間新開又出名既泰國餐廳 晏晝等左大慨30分鐘就入得我同女朋友各自嗌左個泰式炒河（豬肉）同和牛船麵，飲品就泰式奶茶首先飲左杯水 佢係凍水 但飲落就有浸金屬既味道 感覺似水喉水咁無耐我地野食就到左我個泰式炒河賣相唔錯，但一黎弓就聞到好重豉油味，食落點知真係勁咸 大慨食左4分1，我已經頂唔順 真係再食會生腎石果種咸 其實睇相都睇得出果個咸味而個船麵就一般般，和牛就稱唔上，牛肉同牛太其實好普通 唔應該吹到咁好食 一定好多打手而個泰奶真係可以既 不過偏甜左啲，可接受範圍而另外見到店員整跌左幾個外賣既蓋 竟然執番擺落櫃，唔攞去掉，衛生應該要改善

見好多Foodie介紹呢間餐廳，佢又開係我屋企樓下，一班friend決定等幾耐都試吓，等咗兩個鐘入到去。除咗佢welcome to Thailand 幾特別之外，食物真的令人失望，船麵淡而無味，完全唔似泰國人嘅調味，串燒肉質一般，醉貓炒河唔夠煙靭，碟頭全部都比較細碟，價錢仲要偏貴，同 samsen/ soi29/ 泰城比仲有一大段距離，個老闆仲話個廚師喺Samsen 度出嚟，好懷疑佢以前係咪喺只係嗰度洗碗。留言主要係覺得此風不可長，餐廳成功與否真係唔可以淨係靠打卡或者marketing，否則第時喺香港好難搵到好食嘅餐廳