沙田新強記燒鵝海鮮酒家

营业中

休息中

一直好鍾意食燒鵝、乳鴿，所以成日都會幫襯呢間新強記👍🏼我無論帶外國親戚、定同屋企人朋友聚會，都會推介佢哋嚟呢度食燒鵝😋今次例牌食燒鵝，因為得兩個人所以例牌已經好夠食，燒鵝皮脆多汁，一啲都唔「柴」，正呀🤩乳鴿都係外皮香脆，四件都係啖啖肉同多肉汁😍椒鹽九肚魚，基本上都係皇牌必點餸菜之一，炸完出嚟熱辣辣，外面脆口得嚟入邊軟林林好似豆腐咁，名副其實外脆內軟👍🏼啲餸基本上都大碟，兩個人食三個餸已經好滿足👍🏼如果有更多人食就可以食更多餸😆整體來講，餐廳食燒味好正嘢食夠火侯，仲有好多款唔同菜式可以揀。雖然今次冇食啲套餐，都影俾大家望吓有好多選擇。

同朋友💇🏻‍♀️一齊喺大圍，想坐低飲杯茶食件雞🐓，即刻諗吓邊度合適，記得呢間食店，咁就嗱嗱聲同朋友💇🏻‍♀️行過去開餐😆$118 嘅「頭抽豉油雞(半隻)」：「豉油雞」好香醬油味，特別係雞皮部份俾豉油徹底滲透😋，真係忍唔住食咗幾塊雞皮🤩；雞肉幾滑幾好雞味😋$68 嘅「金牌燒乳鴿」：乳鴿肉幾嫩，乳鴿皮脆脆哋，燒到皮脆肉嫩好香口😋，怪唔得叫「金牌燒乳鴿」🤩$108 嘅「金銀蛋時蔬」：時蔬揀咗 白菜🥬；除咗鹹蛋、皮蛋之外，仲加咗蒜頭、肉碎、香菇 等，簡單好食😆

沙田飲食，最馳名的是什麼? 入沙田，去新強記食雞粥乳鴿啦！沙田新強記始創於70年代，專門售賣沙田生滾雞粥及燒乳鴿，主打三大招牌菜式：燒鵝、乳鴿和雞粥，多年來成為了沙田必食名菜。今日有幸可以食大廚出品的招牌菜式，梗係要同大家分享下金牌燒乳鴿 本身我自己唔係特別鍾意食乳鴿，但係新強記呢隻乳鴿真係好嫩滑！沙田新強記雞粥 好食！粥底棉密，而且雞件啖啖肉，雞油很香，食咗兩碗！新強記燒鵝皇香桃咕嚕肉脆皮炸大腸粟米龍躉斑塊咖喱牛腩煲

多年無嚟新強記，以往都是來吃晚飯，第一次嚟飲茶🫖食點心。嚟到唔使等位😃早上8時至11時，仲有醒神孖寶， $38.8，任選兩款👍🥢點了菜苗鮮蝦餃 蠔皇鮮竹卷鯪魚肉煎尖椒時菜鯪魚球雞絲蒸粉卷新強記蝦餃皇📝懷舊茶樓，衛生爭少少，杯同筷子都係未洗乾淨😅。食物方面，菜苗鮮蝦餃👍，大大隻，皮薄幾足料😊時菜蒸鯪魚球，熱辣辣，大大粒，魚肉有彈性，不過蝦餃皇就一般啦，雞絲蒸粉卷，個皮比較厚，其他點心就不過不失啦，醒晨孖寶多選擇😊

今日放假，去到沙田飲茶食點心。新強記好耐冇嚟過，附近有時租停車場，比較方便。沒有訂位，到達的時候，店舖差不多是九成滿。侍應做嘢好快手，一個執枱給我們，另一個就已經準備開茶俾點心紙。所以我哋好快到可以坐低叫嘢食。去到啱啱未夠11點，仲有早茶點心，$38.8 可揀2款點心。我哋一共揀咗八款點心。味道也不錯，份量足。推介粟米魚餅，藥膳鳳爪，盅頭飯。藥膳雞腳一上枱已經有好香嘅藥材味炆得好淋好入味。鹹魚肉餅盅頭飯，好耐未食過，飯蒸得啱啱好，豉油汁好好味，唔會過鹹。 蝦餃係最貴嘅點心，$38，足料，多蝦。蒸鯪魚球也很好吃，siza 比一般酒樓大，好似山竹牛肉咁大粒。 好香鯪魚味，好彈牙。11:00之後有廚房食品供應，新強記主打沙田雞粥，乳鴿和燒鵝。除了燒鵝好吃，估不到燒腩仔也做得很不錯，皮很脆，不會有豬燥味。我叫的燒腩仔是細的，$68（午市）早茶點心好抵食，燒味做得不錯，附近有得泊車。

喺大圍屹立不倒的「新強記」出名食燒鵝、乳鴿同雞粥，聽就聽人講得多，自己就真係未試過平日嚟開大圍探婆婆順道就試一試店外有氣勢的「新強記」牌匾，以能代表酒家的招牌名菜金雞作招徠；紅磚外牆配以綠瓦頂，之上懸掛著一排甚有氣派的大紅燈籠及串燈籠，充滿著古色古香的裝修風格；店內掛上山水畫，餐碟同樣用上帶有山水圖案的，非常貫徹==========🔹新強記燒鵝飯 午市優惠 $68鵝鵝數量超過十件，大小均勻，白飯份量充足，配以新鮮豆角鵝皮微脆富油香，鵝肉鹹度適中有鵝味，脂肪比例低，緊實有彈性推介指數：8.5/10==========🔹金牌咖喱牛腩煲 午市優惠 $88配白飯一碗牛腩煲有牛筋、青椒、紅椒、薯仔及洋蔥，足料豐富配料新鮮 薯仔經走油夠粉香牛腩數量超過十件，帶腩衣；牛腩炆煮時間剛好，入味有嚼頭而不"鞋"口 咖喱汁小辣，咖喱香出眾，稀稠度適中，送飯一流推介指數：9.5/10==========🔹蟹籽燒賣皇 (頂) $40燒賣夠大粒裡面有原隻蝦肉，豬肉帶點彈性而肥肉不多，調味不錯推介指數：7/10==========🔹菜苗鮮蝦餃 (大) $30隻隻飽滿，賣相得體蝦肉爽口彈牙有鮮味，菠菜苗鮮嫩香口，餃

收工想食少少野突然心血來潮想食燒鵝就走去左新強記新強記位於大圍港鐵站隔離好方便👍🏻平時去新強記都係食雞粥多今日就叫碟燒鵝試下燒鵝 - 例牌啲燒鵝汁好好味竟然唔會好多肥膏 啖啖肉外皮仲脆卜卜 果然老字號例牌份量都已經好多 兩個人食好滿足上湯蝦伊麵想食啲濕濕地既麵食樓面姐姐推介左上湯蝦伊麵比我地又真係無介紹錯 上湯伊麵底 濕濕地 又大份好好食 👍🏻👍🏻👍🏻👍🏻👍🏻👍🏻蝦份量都唔少 食完都已經好飽

朋友來香港旅行，帶佢去大圍試下金牌燒乳鴿。新強記位於大圍站附近，上天橋過對面就到，好方便！下次朋友再來旅行自己去都輕易去到😃今次我地叫左個海鮮孖寶套餐，加多一個小菜，同一隻乳鴿，最後仲有糖水奉送~海鮮孖寶B餐 $288包括半斤白灼海生蝦，金銀蛋浸時蔬，蜜汁叉燒皇。有三樣野，都幾抵食！估唔到海蝦都幾大隻！色澤光鮮，鮮甜爽滑，好新鮮~金銀蛋浸時蔬叉燒雖然menu寫是小份的，但份量也不少，朋友要求要瘦叉燒，雖然肉比較瘦，但肉質軟林鬆化，不柴，醬汁香甜濃郁的。粟米龍躉石斑塊 $168魚塊好吃！但更喜歡這個粟米蛋花獻汁，晶瑩剔透的，濃稠適中，剛好掛在魚塊上，真的好吃。金牌燒乳鴿 $68/1隻未食先聞到香噴噴，令人好有食欲！皮超脆！肉質軟嫩有肉汁，食到停唔到口~最後仲有糖水送！又是大滿足的一晚！

細細個就成日聽過新強記燒鵝今日同朋友係沙田附近搵地方飲茶就入左去食點心門口外面裝修好傳統中式風味當然有佢嘅招牌燒鵝logo入到去滿漢全席 見到大部分應該都係附近街坊點心紙食物種類都多 基本腸粉 燒賣 馬拉糕都有雖然依到環境無新穎高貴感覺不過就有份懷舊老街坊味道點左幾款小食都唔錯炸雲吞餡料較細 但炸得好香脆同埋無油溢味點心燒賣蝦籽都好多 香菇味都好重馬拉糕成個籠咁大 即叫即蒸好鬆軟我最鍾意佢腸粉 蒸到晶瑩剔透唔會黐埋哂最後當然要食佢地強記招牌燒鵝燒鵝表皮好脆口 我個人唔係咁鍾意食佢肥膏 但佢都算肥瘦均勻 而且鵝肉都好有肉汁成碟肉都唔會乾爭爭 整體都好juciy

知道大圍有間好出名嘅燒鵝店 終於約到朋友一齊嚟食😍果然冇令我失望！ 有年代感嘅中式酒樓設計 寬敞嘅空間 坐得舒服😉見到有兩個套餐選擇 其中一個套餐有燒鵝同埋雞粥 有晒想食嘅兩樣嘢🤩🤩新強記燒鵝王（例）燒鵝皮烤得好香 夠油脂 皮同肉之間嘅脂肪較少 所以食落唔會好漏 而肉質都好嫩滑 容易咬開 鵝味濃金牌燒乳鴿（兩隻 ）份量雖然多 但係乳鴿好瘦 又乾 比較失色😢😢招牌新強記雞粥雞粥份量好多 每人起碼食到三碗 繼續煲得好綿 好濃嘅雞味 而且雞件好嫩 食得出好足料同埋好味😋椒鹽鮮魷炸粉適中 魷魚亦容易咬斷 味道都不錯可惜椒鹽味不重 加上份量都偏少😣😣金銀蛋浸時蔬揀咗白菜仔 份量不錯 味道正常發揮🙂粟米龍躉斑塊（單點） 呢個真係必嗌😍 龍躉大大嚿 裹住嘅炸粉好薄身 龍躉好嫩 食落好新鮮🥰🥰裹住個粟米汁唔會太多 咁樣可以保持到炸粉嘅口感 食落唔會淋哂 送飯一流 唯一係價錢偏貴🤑大部份嘢食都好好食 為咗個燒鵝同粟米斑塊一定要再嚟🥰🥰🥳

沙田食雞粥非新強記莫屬！紮根於沙田大圍已有一段長時間，新強記主要食粵菜為主。餐廳裝修中式古色古香，面積很大，可容納過百人，是日平日晚餐滿座！沙田新強記雞粥 (例) $128雞粥係新強記首選之一，綿綿的粥和嫩滑的雞，食完都要encore。新強記燒鵝皇 (例) $170燒鵝係新強記招牌菜之一，亦都係大家必點菜式。我地order左例牌，啖啖肉，皮脆肉嫩，好味道！下次幫襯一定會再叫黎食。新強記小炒王 $128廚師煮得好出色，火候控制得好好，韭菜花香嫩，魷魚鬚蝦乾魚仔好香口。椒鹽鮮魷 $108椒鹽鮮魷炸醬炸得鬆脆，炸得唔會太乾柴，椒鹽亦唔會過甜。

有時出街食飯點餐絕對是種學問，慶幸小弟有位老友是專餐專員，只需埋位等食，幸福也。而今晩我地就到位於大圍嘅新強記晚飯，餐廳老字號裝修佈置就如舊式酒樓，勝在環境衛生，員工有禮。入座後正如我所講專員拎起幾張menu就有定案，分別點左份海鮮孖寶B餐（白灼海蝦半斤+金銀蛋浸時蔬再送蜜汁叉燒皇細），粟米龍躉班塊，招牌燒乳鴿。另一點抵讚就係上菜速度係超音速咁快，白灼海蝦…蝦肉鮮甜彈牙，簡單點下辣椒豉油，令味道更佳。，金銀浸蛋時蔬係白菜仔，都幾夾好送飯，份量亦比想象中大份，而蜜汁叉燒今次就差少少，如果肥瘦比例可以4-6就更加好啦。粟米龍躉班塊…炸得外層香脆，內層班肉結實中帶有魚油，每塊都被粟米汁包住，看似簡單但煮得好。招牌燒乳鴿…係每次黎沙田必食嘅，外皮香脆外內裹油香滿滿嘅肉汁，不得了但今晩點得多嘢所以就唯有每人半隻過過囗癮。好滿足，有好友當點餐專員，小弟又要積極減肥啦埋單$603都算合理。

今日入到大圍做野，一收工約朋友食晚餐，朋友即時推介新強記食燒鵝，外面裝修好有懷舊嘅氣氛，入去有一種細個嗰陣飲茶感覺，坐低左，睇到餐牌見到燒鵝乳鴿雞粥好正，我哋兩個人食飯，選擇乳鴿，雞粥再椒鹽九肚魚。乳鴿 ，熱辣辣，食落好脆口，份量兩隻，同朋友一人一飯， 食到我哋舔舔脷。 雞粥，份量勁大，每人最少食到兩大碗，材料好足料，雞嘅份量都好多，粥煮到好軟綿綿，好易入口。椒鹽九肚魚，我自己覺得味道唔夠濃，但係食落好脆口。

突然間好想食燒鵝，朋友諗起大圍有一間古色古香酒樓推介，地方好方便好近地鐵站，睇完餐排，職員推介我們食燒鵝同雞粥，因為我哋三個女仔食唔到咁多，我哋要例夠食，叫咗個燒鵝同雞粥例牌，再魚湯腐皮浸時菜。職員好細心，準備粥碗給我們食雞粥。～燒鵝 （例牌）一上枱食到熱辣辣，好脆口個皮，肉好滑好淋，好正。～雞粥 （例牌）勁大盤，完全唔需要落胡椒粉，食落好有雞味同有少少薑味，啲粥煮得好軟熟。～魚湯腐腐皮浸時菜時菜係小白菜🥬，魚湯好清甜，有幾粒杞子，～

中午人气很足，拼桌入座。烧鹅下半庄例牌真的太大了，很好吃，就是一个人吃不完。蟹籽烧卖一份是四个，味道还行。陈皮红豆沙过甜。总的来说值得吃一次烧鹅，点心不是特别有意义。