沙田新強記燒鵝海鮮酒家

营业中

休息中

🦆燒鵝世家🦆🕺🏻下午茶之選，去大圍威威，食個老字號🥢#大圍美食#燒鵝專門店#沙田新強記#下午茶#孖寶#放假日記中國風既裝修，好吸引，入面既格局同普通酒樓冇分別，座位闊落，冇壓迫感🫖燒鵝瀨黎到老字號，當然要食下招牌燒鵝，燒到皮脆肉嫩，鎖住肉汁，鮮嫩既鵝肉🦢正✨下午茶要配埋瀨粉🍜好有童年回憶強記雞粥軟綿綿既粥底，用上鮮雞熬製，一碗雞粥份量已經有半隻雞🐥連啲粥都有雞味，味道剛剛好，唔會好鹹，（碗）都足以兩個人食🐣金牌燒乳鴿用上bb 乳鴿，bb 肉好嫩滑，卜卜脆外皮，一咬落去，肉汁岀哂黎，食落更加有口感，果然係金牌之選👍下午茶孖寶🥧$38.8兩款仼揀七彩炒米粉，煎尖椒山竹牛肉球，啖啖肉，牛肉結實🤲🏻菜苗鮮蝦餃，材料十足，大大隻蝦，菜苗又多🥬皮薄餡靚🤲🏻最後飲啖茶，消除油膩感🍵

上次食強記係十年前，最記得係佢嘅乳鴨同雞粥，今次黎新強記，實測味道係咪同以前一樣😆新強記餐廳好大，平日來嘅顧客亦唔少，不少上一代長輩、一家人都黎食小菜🧆♡ 金牌燒乳鴿乳鴿同以前一樣都係咁高質素，乳鴿皮燒得好香，皮裡滲出少許油脂。裡面肉質好滑，點埋華鹽食到舔舔脷😋 水準依然高質❣️♡ 強記雞粥雞粥以雞油熬製而成，裡面好多雞肉，雞肉都幾滑。配搭大蔥同薑絲，再帶點胡椒味，食落幾惹味♡ 蒜蓉白菜仔白菜口感剛好，唔會過硬或過林，蒜蓉味炒得好香，而不會過鹹♡ 椒鹽九肚魚九肚魚口感好柔軟，入口帶點微辣，點埋喼汁一齊食，味道層次好豐富，好滋味間中有少少骨，食果陣要小心

帶家人來吃了，絕對是重遊舊地的感覺。位置其實係近大圍地鐵站，過埋條天橋就到，都好方便。食物質素真係高，特別係最出名既沙田雞粥, 雖然只係叫左一碗，但係份量都好多，夠曬2個人食，可以留返d位，食其他點心，好似蝦腸，咖哩魷魚都好好味。

入大圍一定要去新強記食乳鴿🤤🤤🤤🤤🤤🤤🤤招牌乳鴿係即燒，熱辣辣而且皮薄肉多。想食到更Juicy嘅鴿肉可以請師傅原隻燒乳鴿上枱，放低少少儀態你會試到更誘人嘅滋味。

今日比親戚叫咗去大圍飲茶～記得上次係新強記食晏晝真係又平又選擇多，特別係脆皮燒腩仔，食過都念念不忘。今日決定再叫，一樣熱辣辣脆卜卜，腩仔肥瘦適中，好鬼香口😋😋而今日嘅叉燒有少少少燶邊食落更加滋味，肉質軟淋，唔會柴，帶有蜜糖甜蜜味，配飯無得頂👍🏻點心方面一樣保持水準，鹹水角熱辣辣，煙煙韌韌口感一流；豉汁鳳爪有小小辣夠淋身易食惹味；脆皮紅米腸，夠特色，賣相靚紅噹噹；懷舊糯米包，金黃色三大個，係用燒賣皮包住啲臘味糯米飯，香口飽肚；潮州粉棵，外皮煙靱，餡料爽口。二人賣單$300不用，食到仲可以打包咁多，真係性價比十分高😆抵試！

一直都有聽沙田強記雞粥燒鵝好出名，但係一直無試過，今日突然有個朋友提起，決定擇日不如撞日，放工約埋一齊過黎食。餐廳位於大圍，地鐵站過條天橋就到，非常方便。平日時間大約7:00到達餐廳都可以full house，可見餐廳的確人氣高企。大約等5分鐘就有張細枱，坐低order完茶就緊係睇餐牌啦。餐牌選擇非常多，有多款套餐好抵食，不過人少少就好難叫套餐，下次要叫多d人黎一齊食先可以試。而佢地既招牌菜式招牌燒味全部都圖文並茂，就算有外籍人士都容易理解。新強記小炒王 $128小炒王係我食大排檔必點既菜式之一，估唔到喺酒樓都搵到。鑊氣夠，腰果份量多，最重要既係蝦乾大大塊，食落有口感，魷魚嘅份量都有唔少，夠晒足料。招牌雞粥 $128招牌雞粥一碗裝可以有3湯碗，而我地就order佐個例牌既，可以有6個湯碗。最impress我既係佢既雞件都幾多，而且唔會煮得過老，雞肉鮮甜而粥底軟綿綿，咸香剛好。脆皮炸大腸 $108炸大腸亦都係另一款招牌菜，配紅色既酸甜醬汁，醬汁比較稀，唔會蓋過炸大腸既香脆，而我特別鍾意佢既口感，脆皮同埋肉既比例同食乳豬差唔多，值得推薦。茶芥每人$12，合理價錢，特別要讚既係待應服務非常好

今日約左個fd出黎食飯，見佢咁耐無番香港，緊係一齊去食啲港式野食😬 google完搵到新強記好似幾出名，一於就試下。大約上晝至中午時段黎，都已經有好多客，睇黎都係好受歡迎既酒樓😆。點心同粉麵既選擇都好多，唔同野食都有唔同既供應時間，好在我地想食既點心都仲有供應😆🍴椰香黃金糕平時都係過年先食到黃金糕，今年無食到就嗌黎食下。啲糕甜甜地幾好食😋仲要超彈牙，一籠有三大件🍴豉汁鳳爪、姜蔥牛栢葉呢兩樣飲親茶都必嗌，係酒樓既水準👍🏻🍴蟹子燒賣皇肉質紮實，值得試試🍴椒鹽豆腐呢個真係好正😆 岩岩炸起新鮮滾熱辣，唔洗點醬已經勁好味，外面又脆又香口，入面既滑豆腐就入口即融。一碟有好多粒，食到停唔到，我地食到最後先醒起未影相🤣推介！（連隔離枱個婆婆都問我地呢個咩黎🤣話好似好好食）🍴香妃雞飯兩個人食點心加個飯就夠曬飽，而且份量都好多。可惜個fd唔食鵝，如果唔係都好想試下佢地既燒鵝😋除左點心，以前食過佢地個雞粥都好正。今次得2個人，食得太飽食唔到咁多野，下次再黎試下先。

👍🏻大圍傳統茶樓 新強記燒鵝海鮮酒家嗰日經過大圍嗰邊好想食傳統大排檔式嘅嘢食，行咗一陣見到間茶樓有我想食嘅嘢，仲有好多老友記幫襯，估計都唔差，就入咗去食😋 門口仲有隻金鵝，幾搞笑因為我哋得兩個人所以試到嘅嘢唔多，不過全部質素都幾好👍🏻👉🏻強記雞粥（位）$60係呢度嘅招牌，必試！雖然佢係一位嘅份量，但係都可以不到四五碗，雞嘅份量啱啱好，好嫩幾新鮮。不過最正都係佢嘅粥底，好綿，好鮮甜👉🏻椒鹽九肚魚 $108大排檔必叫！外脆內滑嘅口感一流！調味恰到好處唔會太鹹，食完唔會口渴👉🏻 XO醬海鮮豆腐煲特登叫黎送飯，海鮮份量好多，都幾新鮮，又有菜又有豆腐好健康，而且調味又啱啱好，送飯一流👍🏻仲叫咗白飯同埋要加茶芥，但最後每人都唔使200，晚餐來講幾抵食，我見佢仲有大量海鮮可以食，如果下次多人食嘅話都好想試埋！

之前一路都想試下呢度嘅晚飯小菜，今日大圍打完波就約埋朋友，二人食個晚飯🥣海鮮孖寶🎣～翡翠炒班球微微金黃色嘅斑片，嫩滑得來帶點鑊氣，入口嫩滑起膠，火喉啱啱好，甜豆迹亳不失色，完全「索」哂啲鮮味😍～蒜蓉蒸頭腩即叫即蒸，賣相有光澤👍🏻頭腩位入口特別甘甜肥美，蒸得軟滑，令人好容易就一件接一件食😄今次仲有送一碟蜜汁叉燒皇，雖然係送，但上枱依然熱騰騰，肉質肥瘦適中，甜甜地好開胃，我哋都好鍾意。下次要黎試埋招牌菜雞粥和乳鴿先🙌🏻

🧧新年出外走走，行完沙田車公廟感受下氣氛，就黎到附近嘅新強記燒鵝海鮮酒家食個晚飯😆新強記小炒王👉🏻個人覺得小炒王嘅精髓就係喺獲氣，即叫即炒最緊要，配料有韮菜、蝦乾、魚乾仔、豆腐乾及魷魚等，爆香咗嘅豬油渣，整碟餸勁香口，鍾意咸香嘅朋友一定好愛！菠蘿生炒骨👉🏻用上腩排，份量都幾多，雖然入口略略覺得有點油膩，勝在配料用上菠蘿、三色椒調和，唔錯！我地今次好彩早到，離枱嘅時候嘅時候已經坐滿哂人，下次再黎一定要試埋招牌雞粥和乳鴿，同記得要訂枱🙌🏻

今晚難得響大圍食飯，就同啲朋友去咗區內一間老字號到食飯夜晚一早就已經坐滿晒人，好彩都仲有張四人枱，咁啱我哋就可以直入我哋即刻叫咗燒鵝同埋乳鴿，因為聽聞好出名，所以專程過嚟食，味道果然唔錯，燒鵝皮脆，而且好入味，乳鴿亦都好鮮嫩，果然係王牌跟住仲叫咗個小辣嘅雞煲，雖然唔係打邊爐有火嗰啲，但係都幾滑啲雞，味道都好新鮮食咁多肉，梗係要叫返個菜～我哋叫咗上湯腐竹勝瓜，多汁清清地幾好仲叫咗個茄子煲，一樣都係好鮮味好送飯，呢一餐我哋四個人食都非常之飽！有機會再嚟食過

新強記係老字號飲茶地方，細個都嚟過食燒鵝，佢嘅山水畫幾有記憶。年近新年無左下午茶，茶位$10/人潮州蒸粉粿 小點 $18沙角、花生、糖、糖粉、韭菜、蝦米加上有五香粉。佢既「粉」好痴，純純感覺！懷舊糯米包 中點 $28好少見既點心，舊酒樓先有機會有。3個飽滿黃金包咁，新年幾好意頭既都。有蝦米同糯米為主，痴痴貼貼！菜苗鮮蝦餃 大點 $30好大件飽滿~ 菠菜有薑味，菜量好多！蝦都爽口幾唔錯！花生炆豬手 大點 $30讚！多份量，無豬腥味道！入哂南乳味道既，花生🥜都粉粉！鯪魚肉煎尖椒 特點 $34唔算好辣，少少刺辣~ 有4件，比大部分酒樓多1件，哈哈！乾爽皮包鯪魚肉有啲口感。百花釀魚肚 超點 $46掛湯魚肚不過不失~新強記燒鵝飯 $68平日午市先有既~ 平平地可以食到燒鵝yeah！好抵食既碟頭飯，有成兩碗飯咁講！有豆角都幾甜喎！燒鵝配酸梅醬，燒鵝皮係薄脆有層油再帶瘦肉，香口，小食多滋味！

今日約左幾個朋友黎大圍食飯～ 住沙田既朋友推薦黎呢間食中菜！ 佢話呢度出名食燒鵝同燒乳鴿🥰而呢兩樣都係我鍾意食既！ 加上今日有4個人可以叫多幾款小菜～！ 我地大概8點左右去食，差啲就要等位先有得食！ 好彩仲有最後一張～ 🥳叫左燒鵝列牌、燒乳鴿、魚香茄子煲、麻辣雞煲同鮮腐竹浸勝瓜～ 總共5道餸～😍😋燒鵝列牌份量都幾多～好鍾意食燒鵝皮！ 皮下鵝油岩岩，唔太多又唔太乾～食落口好香鵝味～😍🤤之後燒乳鴿我覺得仲出色，雖然望落細細隻，但呢隻乳鴿燒到火喉岩岩好！入面既肉質好幼嫩！ 好好食！ 之後就係魚香茄子煲，呢個一定要配白飯食！ 超餸飯～ 麻辣雞煲就不過不失～ 最後呢道蝦乾腐竹浸勝瓜就係清淡之選～！好鍾意食佢啲蝦乾同腐竹～浸到好入味～🥰

今日同朋友無啦啦講食粥，就諗起沙田雞粥，諗諗下真係好耐無去食，就立即打去book位，當晚就去食。東鐵開通之後真係方便好多，港島過去都勁快🥳招牌-沙田新強記雞粥一大窩有黃油嘅雞粥上，大概都有6-7碗，粥底夠綿軟，雞汁味突出。主角嘅雞件大小都適中，雞肉鮮嫩美味，絕對唔會失望🤤金牌燒乳鴿乳鴿皮卜卜脆之餘而肉仲可以保持返鮮嫩濕潤，火喉控制得好好同調味適當，唔洗點淮鹽都夠哂味。麻辣肥牛炒寬粉…應該係粉絲😂餐牌係炒寬粉，點知經侍應講先知原來轉左做粉絲，都照order，但師傅炒得好好，夠乾身。菜式既味道就麻而不辣，而且好多肥牛，唔錯👍🏻

運動後的晚餐 同男友去咗大圍踩單車，還車之後又唔想食啲肥膩嘢，行行吓見到有一間好有特色嘅酒樓館，掛滿好多燈籠🏮咁就吸引咗入去了😂 環境都好寬敞，服務員安排我哋坐最入面嘅位置，仲有一幅好長好大嘅中式畫，有植物山水，茶具都比起其他茶樓有心思。兩個人就諗住叫咗兩樣嘢先，通常諗唔到都叫佢哋嘅招牌菜，叫咗一個例雞粥，黎到既時候，服務員好好仲幫我哋預先勺定每人一碗🥰，個份量都好多好足，正常既2人應該叫細都得，好彩我地都食得曬，因為啲粥係好綿密好正，吾會好稀既感覺，雞既份量都多肉，吾鞋👍  再叫多個燒鵝做配菜，個皮整得脆卜卜，唔會好多肥膏，全部肉嫩，最中意都係個甜酸汁，相信叫多一碗飯都食得落😻2個人三百幾我覺得好扺，因為真係好飽好飽🐷希望下次可以全家人去叫多啲好 好味嘅海鮮🦞