沙田新強記燒鵝海鮮酒家

营业中

休息中

🐔🐔🐔馳名強記沙田雞粥，有3個選擇，我揀左一位($60), 以為只係一個大碗裝但估唔到都好大份, 一個瓦皿裝，湯麵碗咁大! 夠3個人食！粥好綿，好香雞油味，雞件又大件又滑！一試難忘！果然係招牌菜😬🐤金牌燒乳鴿, 我地揀左原隻上, 唔切, 連待應都話原隻上好食D! 皮脆肉嫰, 不錯喔~菠蘿生炒骨, 香炒上枱, 色香味俱全, 再加碗絲苗白飯真係一個女仔食哂都無問題呀! 生炒骨香脆熱口, 醬汁酸甜好味☺️🙏🏼侍應們態度十分親切, 會同客人有講有笑, 上菜更會客氣地講: 多謝哂..令到我覺得好窩心! 地點就腳又易搵, 對正大圍站👍

閏密剛剛生咗Bb，去完仁安探佢之後就喺大圍搵嘢食，被呢間門面裝潢古色古香嘅酒家就去試吓。酒家鋪面唔算大，但都客席滿座，晚市有多款小菜同套餐選擇，呢到見最馳名就係佢啲招牌燒味，啱哂我口味！因為時間尚早未算好肚餓，只係點咗燒鵝皇例同埋叉燒皇例同埋肉鬆炒四季豆。燒鵝比咗髀位我哋，啖啖鵝肉！鵝皮燒到香脆，咬落去啲鵝油喺口入面爆發，雖然好邪惡，但真係好好味！叉燒皇雖然係例，但份量十足，每件叉燒都大大塊。叉燒肥瘦適中，肉質非常軟稔，最怕食到啲叉燒又乾又鞋。新強記叉燒非常出色，下次都會encore！呢碟又係餸飯一流，鑊氣夠炒到非常香口，食到陣陣肉鬆嘅油脂香同埋香蒜味。必讚係四季豆好貼心咁搣咗兩邊嘅絲，所以食落完全無渣！而且份都係十足！呢間外表古色古香，望落有啲舊嘅酒家，但食物絕對有質素！

今日放工同朋友去開大圍，最老字號食乳鴿同埋燒鵝出名嘅餐廳餐廳位置靠近大圍火車站出入好方便，鋪面顯眼又開揚食物方面夠鑊氣且熱辣辣款款又香口美味，最出色又夠派頭，必試名物，乳鴿，雞粥，豬大腸極力推薦食物温度保持夠熱，奉上甜品但水準高好不錯！碟碟份量不論份量十足且性價比高又夠飽 價錢合理適合朋友或親友親臨前來幫襯！有時去大圍諗唔到食乜嘢，又想食乳鴿同粥既真心可以考慮試試，即使夏天温度大熱也充斥着滿滿美食真的大快人心

是日友好相約吃晚餐，到沙田新強記先到先拎位。到達店員就安排了座位，點普洱茶邊飲邊睇食譜。🍽️🥢🫖齊人可以點菜，每人一道菜式。朋友點新強記小炒王，金牌燒乳鴿，椒鹽九肚魚而我就點了粟米龍躉石斑塊。菜來了，人未吃手機先吃。新強記小炒王-韮菜新鮮嫩口，蝦乾又大又香，魷魚彈牙，還有腰果爽脆。🤩金牌燒乳鴿-炸得夠脆而入面還保持到肉汁。椒鹽九肚魚-熱辣辣，入面嫩滑，一口咬落去口感一流。😍粟米龍躉石斑塊-石斑先走油鎖住肉汁，嫩滑魚肉配合魚香加上粟米，very nice。飯後贈送糖水同樣一流，特別推薦紫米露。🤗

大圍老字號 📍沙田新強記📍突然想食乳鴿，又係大圍附近，就問下住附近既朋友有咩推薦？每位都推介老字號，當然要食下啦🤲🏻一去到門口，見到個裝修就知，真係老字號🫶🏻🐦金牌燒乳鴿燒得皮脆肉嫩，唔係瘦猛猛，真係啖啖肉，另外加埋調味料，令乳鴿更特岀鮮味👍🥢波蘿生炒骨肉嘅份量比配菜多，半肥瘦既豬肉炸得好鬆化，外邊只有一層簿簿既麵粉，令味道更香口👍酸酸甜甜更開胃🤤另外配一碗白飯🍚真係無敵🫶🏻🥢小炒王豐富既小炒王，咩都有，有蝦有好多我最愛既韮菜🤭啲蝦肉仲要大大隻，唔似外邊餐廳用蝦乾，而且好多魷魚，份量十足😋炒得好有鑊氣！

每次經過大圍港鐵站都會望到這間掛著大紅燈籠的地標食肆 - 沙田新強記燒鵝海鮮酒家。不少客人專程入來沙田都是為了品嚐他們的招牌菜「沙田三寶 - 雞粥、乳鴿、燒鵝」。這家老字號酒家除了招牌三寶，還可以找到不少的懷舊菜式和手工點心。金牌燒乳鴿（$68）鎮店之寶之一，金牌燒乳鴿，原隻上並沒有斬件，肉汁緊鎖在內，用手拿著慢慢品嚐，真係好味到手指都舔埋。沙田新強記雞粥（$60/位）粥底綿滑並充滿雞油的香氣，雞件嫩滑有雞味，沙鍋盛載的雞粥更可保持溫度。新強記燒鵝飯（$68）燒鵝的皮很薄，下面一層薄薄的鵝脂加上香嫩的鵝肉，甘香而不膩，配合酸梅醬汁，味道更豐富。椒鹽豆腐（$58）金磗一般的椒鹽豆腐，一口一粒。豆腐炸至外脆內軟，火喉到位，香辣的椒鹽令味道更有層次感。黑椒蒸爽肚（$36）這是一款懷舊點心，黑椒蒸爽肚，豬肚爽彈帶點嚼口，適量的黑胡椒不但增添香氣，更可為味道提鮮。 門面內在環境餐牌

新強記 - 大圍美食沙田新強記燒鵝海鮮酒家(大圍) 今日約咗朋友食飯，位置係正大圍地鐵站出口對面，好方邊，超易搵🤭食物❤️❤️❤️❤️❤️樣樣食物都好夠熱，一嚟果陣熱辣辣又香口，好正～特別推介必試名物～乳鴿，雞粥，豬大腸呢3樣嘢都好好味好香口其他嘅都好夠熱，所以樣樣都高分～甜品係送嘅但水準在線🥰份量傳統餐廳嘅份量，性價比高，夠晒飽 👍🏼👍🏼👍🏼環境環境似以前細個食果啲大酒樓，唔係好新嘅裝修但啲設施都保存得好好，枱枱櫈櫈都ok無乜損耗冷氣好足，今日天氣咁熱入到去坐咗半個鐘後都開始覺得凍，唔會怕熱服務有個插曲係我同侍應反映冷氣凍，佢哋即係幫我搵另一個位調，食完野隻碟有骨好主動過嚟幫我哋換碟，完全唔需要出聲，好貼心價錢價錢計返每樣都係百幾蚊，價錢合理值得幫襯！🤭🤭🤭#hkfoodie #hkfoodies #hkfoodieblogger #hkfoodieyiki #大圍 #taiwai #taiwaifood #新強記 #新強記燒鵝乳鴿海鮮酒家 #香港美食 #大圍美食 #沙田美食 #吃貨 #相機食先

黎沙田新強記呢，照著佢個招牌菜點就一定唔錯慣例先食個沙田新強記雞粥，128例牌我地三個人每日食左兩三碗，新強記雞粥係特別惹味，同平時淡口清淡嘅粥完全唔同，尤其是滑雞份量足夠，我地都食得好開心小菜叫咗椒鹽九肚魚，128，幾時都話新鮮炸起嘅九肚魚最好食，香氣十足，調味方面簡單炸蒜七味粉已經帶到炸物的香味新強記小炒王128 韭菜、炸腰果、銀魚仔、魷魚，一定要讚下佢個蝦乾，同平時出面嗰啲size完全唔同，呢度比嘅靚蝦乾又大又香，抵讚沙爹金菇肥牛煲 128 材料都係嗰啲，呢到嘅肉量充足，大大淡食都仲有好多肉，沙爹有種特別的香味，可以一試！新強記作為老字號一直都keep到佢嘅水準，大份夾抵食！

今晚約左朋友去大圍新強記食晚飯。火車站G出口過條天橋就到都幾方便。今晚我地叫左粟米龍躉石斑塊，新強記小炒王，椒鹽九肚魚，金牌燒乳鴿。粟米龍躉石斑塊：大大塊石斑，啖啖肉配起粟米更加好味道。新強記小炒王：材料足，有鑊氣。大大條蝦乾好野味。椒鹽九肚魚：外脆內熱，即炸即食真係賞心悅目。金牌燒乳鴿：皮脆肉嫩，香口好味道。食完仲有糖水送,真係非常之正呀食埋糖水就完滿了。紫米露：足料好味道。紅豆沙：都ok正常。

大圍新強記雞粥，乳鴿及燒鵝遠近馳名，其他粤菜相信質素都唔錯先可以屹立大圍多年如果想一次過想齊以上推薦的鎮店三寶，可以叫晚市套餐，會比較抵食，但套餐只供應星期一至五啊我哋今次散叫， 想試下唔同菜式。沙田新強記雞粥(例牌)雞件嫩滑有肉香， 應該輕輕炒過再放粥。綿密粥底高質夠味，配上炒過雞件，兩者味道完美混合叫得招牌嘅，真係唔會令人失望。份量都唔小，有一大鍋，三至四人食都無問題新強記小炒王整體鹹香有鑊氣，鮮嫩韭菜配上如蝦乾，魷魚等海味，輔以菜甫及腰果。下飯及送酒都係一流之選椒鹽九肚魚炸粉輕薄，魚身細膩嫩滑，基本上不用咬，就可以把魚整條吞下，食晒食碟都唔會有負擔沙爹金菇肥牛煲味道濃厚而不會膩，除了主角金菇肥牛外，還有不少粉絲把沙爹醬仔完美吸收，份量亦相當充足地點好方便，大圍站出站就見到，不錯的粤菜選擇

今日約咗一大班朋友去踩單車，所以順便可以過來試吓，因為我們一大班朋友，所以我們都預先訂位，但係電話打了幾天也沒有人接聽，所以我哋都驚冇位，旅是我就開門嘅時候打電話過去，因為夜晚真係冇人聽電話，我哋訂咗10個位去到嘅時候入座，佢留咗一張大枱俾我哋，我哋點咗馳名雞粥佢個雞粥非常好味，非常入味，而旦很濃郁嘅雞味非常非常香甜，值得再去吃，是我吃過咁多間最好吃的，而且我們點了他的叉燒，非常好吃，因為他的肥瘦到適中，而且蜜糖亦很足夠，吃起來，不會有很乾的感覺，當然不少得我們點了他們最馳名的燒鵝，老實講他們真的很好吃，因為燒鵝他們的皮非常脆，而且是熱騰騰的，裏面還有燒鵝的肉汁咬起來會有執流出來的感覺，非常之Juice，仲有最尾佢送咗碗紅豆沙俾我哋食，碗紅豆沙不得了，不甜之外，仍有豆香味，還有一些果皮這一間舖頭價錢非常合理，值得推介

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥 📍沙田新強記燒鵝海鮮酒家 (大圍)🔍大圍積運街2-8號海福花園47-50號地舖🩵燒鵝招牌燒鵝皮脆肉嫩、肉質鮮美，香氣撲鼻。少量油脂塊皮食起黎更香口🤤燒鵝嘅外觀皮色金黃鮮亮，賣相十分吸引🤩肉質鮮美，香氣四溢。🩵乳鴿招牌乳鴿賣相係金黃色的外皮，外脆內軟。肉質非常鮮嫩，口感柔軟，配上香氣四溢的調料或者鹽，讓人回味無窮😋😋🩵雞粥招牌雞粥味道非常濃郁，雞肉香氣十足。粥嘅口感非常細膩，入口即化。雞肉件件都好大舊，一人份量兩個人食都好唔夠🤩勁抵食！

沙田新強記燒鵝海鮮酒家 大圍積運街2-8號海福花園47-50號地舖大圍站一出過一條天橋就係門口有幾串紅燈籠都幾易辨認一間富有故事，富有歷史香港原味道酒家茶市時間人來人往 一盅兩件鳳爪排骨飯飲茶文化依舊係港人最常飲食之一叉燒切雞飯 $48午市時間碟頭飯有優惠 叉燒又稱為港式BBQ叉燒汁精華同設計嘅雞油混合左喺白飯裏面所以即使冇豉油都非常好送飯大大份一定夠食蝦餃王半肥瘦嘅豬肉 兩隻蝦肉大大粒，沒有一部份是多餘的haha所以蝦餃始終是我最愛鮮蝦菜苗餃翠綠色嘅菜苗打開睇到係勁多 肥豬肉唔多只係作油香嘅配襯 蝦肉作點綴古法香妃雞(半隻）$128雞肉好滑 落去有種蒜香 又有點孜然既味道雞髀肉成隻雞最滑部位 我就唔禮讓啦 食左先算

今日同屋企人去咗沙田大圍老字號酒家飲早茶，店內裝修擺設古舊佈局，懷舊風味十足，平日早上已經座無虛席，非常熱鬧！菜苗鮮蝦餃（大）$30 蝦肉彈牙、菜苗青綠新鮮鮮甜 、皮薄晶凝通透。百花釀魚肚 （超） $46魚肚大大件軟林林，好入味。豉汁蒸鳳爪 （中）$27傳統酒樓食豉汁蒸鳳爪係最好食，師傅巧手。懷舊糯米包 （中）$27糯米包，唔係好多地方可以食到，份量多，皮薄。醒神孖寶 $38.8皮蛋瘦肉粥+蝦餃粥底煲到軟綿綿，配皮蛋瘦肉，正！蝦餃，皮少少煙靭，口感好，晶瑩剔透。煎腸粉+鹹水角 腸粉煎外皮脆脆地，入邊軟林林配上醬料。鹹水角甜甜地，大大隻，外皮帶有少少煙韌好好味。總括而言：點心即叫即蒸需時20分鐘 ，如果趕時間就唔太適合，點心新鮮、份量大大碟，早上茶市醒晨孖寶只係 $38.8 ，抵食！性價比高！

二訪新強記 依舊比佢既門口招牌吸引左🏮1️⃣沙田新強記雞粥 (例) $128上年黎食係$98 今年加左價喇😂份量都依然咁多 今次我地四個人食 都可以每人一碗半🥣🐔雖然係冰鮮雞 但都冇雪味 雞肉好滑 同埋粥都煲得好綿2️⃣金牌燒乳鴿 $68乳鴿都貴左$20😆 但好彩夠大隻 大過一般酒樓果d！剛剛烤熱就上桌 正🤭3️⃣菠蘿生炒骨 $108想食肉所以嗌多樣小菜 好大碟 肉同菠蘿都好多！生炒骨火侯夠 肉質彈牙🤓4️⃣椒鹽鮮魷 $128炸到金黃色 好香脆🫶🏻勁快食晒！