沙田新強記燒鵝海鮮酒家

营业中

休息中

如果你鍾意飲茶，可以試吓去沙田新強記。食物質素唔錯，係街坊嘅酒樓。呢度飲茶分早市及午市兩個時段。我哋點咗幾樣嘢一齊食：蝦餃皇4隻$42蜆介鯪魚球$32香煎蘿萄糕$30香茜牛肉腸$32胡椒咸菜豬肚$48雞粥$60茶芥$10/位蝦餃皇外皮薄，內餡鮮美，加上豐富的鮮蝦，足料。除了蝦餃皇，我還品嚐了其他幾道菜。其中最特別的是胡椒咸菜豬肚，這道菜以豬肚為主料，加上咸菜和胡椒，味道鮮美。蜆介鯪魚球也是一道不可錯過的菜品，外皮酥脆，魚肉滿滿，非常好吃。我哋還點了一碗雞粥，所以叫了煎蘿蔔糕和香茜牛肉腸。雞粥大大碗，入邊有好多雞，雞粥綿滑。蘿蔔糕煎得香脆。牛肉腸即蒸熱辣辣，腸粉滑、牛肉餡多。

呢間酒樓細細個食過，最出名就係燒味。今日來大圍探朋友，請佢去新強記食飯。門面好多紅色燈籠，入面裝修又夠華麗，食物都好出色🌟脆皮炸大腸 $108平時嘅炸大腸好似掃街咁好似一個圓圈，有啲餐廳會刮咗大部份肥膏，但呢度直程剪開將佢變成長條形，令佢炸出來更乾身脆口，而大腸甘香嘅油香都冇因此減少🌟南乳吊燒雞 （半隻） $118新強記出名食燒味，當然要叫半隻燒雞食，雞皮脆卜卜，雞肉又多汁。質地好似炸子雞，但做法只係吊燒，食落更健康🌟紅豆沙是日糖水係紅豆沙，真係起晒沙，亦唔會太甜，好多豆好足料

細細個屋企人成日帶我去新強記食乳鴿，依家我就帶返屋企人去🤤回味下童年回憶💗從大圍站出口經天橋就可以直達，好方便~呢度係老字號午市時段都坐滿晒，無論咩時間都有好多街坊幫襯🫶🏻舊式裝潢古色古香有風味。最出名梗係有招牌菜沙田三寶👉🏻燒鵝/ 乳鴿/ 雞粥，依度嘅乳鴿係我嘅至愛，每日朝早11:00開始就有供應了💗午市再嘆埋點心So Good🫶🏻🔶 乳鴿 $68 /隻沙田必食名菜🥳馳名乳鴿👍🏼味道一如既往，Size中等，皮嫩多汁好香口入味～🔶五柳炸雲吞 $30一客三大嚿，入面包住鮮蝦餡料，炸得非常香脆🥳配以五柳醬汁，酸甜脆香。🔶脆脆紅米腸 $32呢款第一次食，覺得都幾有特色，用紅米腸粉暗粉紅外皮好吸引，入面餡料有煎香嘅蝦粒，仲有脆脆嘅口感。🔶古法燒腩卷$ 30充滿古早風味中式包點，入面有厚切腩肉同埋芋頭片，腩肉唔算太肥，配搭唔錯。🔶養顏桂花糕 $20一客四件超大一件好抵食，晶凝通透見到用料好足，清香桂花配粒粒杞子，入口清甜不膩。🔶茶錢 $10/位

平日夜晚同屋企想食下乳鴿，八點左右walk in 唔使等位。沙田新強記雞粥（例）-$128(4.5/5)勁大煲，一上到嚟熱辣辣，4個人食都夠。佢嘅粥煲岩岩好，有雞油香，雞肉唔算勁滑，但係好有雞味。金牌燒乳鴿-$68一隻(4.5/5)佢唔算好大隻，但係勝在外脆內軟，又唔會好油。怕叫一隻唔夠，一次過叫咗兩隻！食得盡興啲！椒鹽鮮尤（例)-$128(4.5/5)最鍾意叫啲喺屋企好難先整到嘅餸菜，佢魷魚份量都多，上面再灑上味鹽，正！南乳粗齋煲-$118(4.5/5)佢有好多唔同款嘅菜，仲有腐竹，粉絲，好足料。仲偏重口味，送飯一流。總結：佢所有嘢一上菜都勁熱辣辣，好值得稱讚，上菜速度都好快，屋企人都好滿意。下次會再嚟。

有朋友嚟香港玩，一定要帶佢哋去有香港特色的餐廳食返餐，飲茶點心周圍都有，要搵間傳統酒樓有靚叉燒燒鵝同小菜，就一定要去大圍的新強記，餐廳歷史咁悠久，有裝修過環境都唔錯，亦保留住以前年代的特色，仲記得細個嘅時候可以喺酒樓打電話俾同學仔（暴露年齡！）呢度沙田友一定識，最出名仲有沙田雞粥，雖然外國朋友食唔慣，最欣賞都係佢哋嘅燒鵝，例牌燒鵝已經足夠二至三人分享，皮薄帶油香，鵝肉亦軟嫩唔會柴，真心好食過唔少排隊名店，而且價錢仲真心抵，好多住附近嘅朋友都表示默默支持咗好多年當日我們只有兩人，再嗌咗個金牌咖喱牛腩煲$128，牛腩啖啖肉加埋個港式咖喱汁，非常適合送飯，鍾意咖哩放心嗌，幾高質～食完飯仲有糖水送，感覺好old school又幾正 —————————————————沙田新強記燒鵝海鮮酒家 (大圍)大圍積運街2-8號海福花園47-50號地舖—————————————————#hkfood #hkfoods #hkfoodstagram #hkfoodshare #hkfoodlover #hkfoodie #hkfoodieblogger #hkfoodies #hongkong #hongko

沙田新強記燒鵝海鮮酒家 - 大圍今次再去到大圍新強記燒鵝海鮮酒家，由於酒家於大圍火車站對面非常方便，落車很2-3分鐘就到。今次叫左幾個招牌菜，當然唔少得雞粥。沙田新強記雞粥（例） $128雞粥（例）份量都很多大約有8-9碗的份量，粥底煲得很綿滑，味道都很濃，雞件數量都很多金牌燒乳鴿 2隻 $68/隻乳鴿熱辣辣又香脆，肉質都幾嫩及多汁，而且不會油配埋有汽既飲品/酒，就非常正菠蘿生炒骨 $108菠蘿生炒骨除了啖啖肉的排骨，再配上酸酸甜甜醬汁非常開胃，加上三色椒顏色非常豐富。椒鹽鮮魷 $128椒鹽鮮魷炸琴金黃色非常香脆，魷魚口感都很爽口彈牙，配埋表面的椒鹽都幾香口，值得一試。南乳粗齋煲 $118南乳粗齋煲，南乳味非常濃烈，配合煲中的菜、菇、粉絲、腐竹等等，非常惹味。粉絲吸哂當中的精華很香很多汁好。

⭐️沙田新強記燒鵝海鮮酒家📍位於：圍積運街2-8號海福花園47-50號地舖今晚晚餐去咗新強記度食佢地嘅海鮮孖寶套餐 （$236)有白灼海生蝦(半斤)金銀蛋浸時蔬送：蜜汁叉燒皇(小)佢既蝦好新鮮又大隻👍🏻 金銀蛋時菜份量夠多，蜜汁叉燒佢既汁好正又夠香另外叫左椒鹽九肚魚 ($128)熱辣辣，香脆可口同埋另外都叫左雞粥一位 ($60)一位既份量，都可以食三至四碗👍🏻夠足料，粥好棉，好入味兩人食唔哂，打包反屋企宵夜再食😆

紅燒乳鴿還可以，但係其他係水平之下，我已經係散叫，侍應要求我哋食套餐，原來餐單千篇一律，沒有新意，同叫套餐冇分別，根本係全場團餐，估唔到仲可以生存買單都唔平，外面的三送飯俾佢更超班，餐具又有污跡，清潔度嚴重失望，蠱惑地又刪了撰寫評價，真可恥，叫了燒鵝例牌竟然衰過碟頭飯，散叫一個生炒骨，只係得六舊，所謂著名嘅繼續其實就係加咗雞油大量，雞又鞋又冇味，叫咗個龍躉斑腩好腥，話送個叉燒同食柴皮冇分別，保證唔會再有下次

《沙田新強記燒鵝海鮮酒家 - 大圍》其實去過大圍都唔會唔識新強記，好多關係搞到其實都真係好多年冇食，以前食都係食開強記。新強記燒鵝王(例牌) $170燒味係我專科，第一係叉燒，第二就數到燒鵝，本來大家過黎係諗住食乳鴿，但因為呢隻鵝，我地今餐冇食到乳鴿。燒鵝分兩派，一派食脆皮，一派食油香，呢間係後者。入口油香陣陣，帶果木香，肉就唔係好多，不過都滑。但有少少油得濟，所以要趁熱食，同埋叫個白飯會balance一點。蜜汁叉燒王(例牌) $138叫做叉燒王咁串，就叫埋佢叫，不過叫黎都預左呢餐一定食唔哂。真嘅！蜜汁叉燒整體做得十分唔錯，好食過燒鵝tim，不如改名叫燒味海鮮酒家。講真，佢用嘅肉唔算特別靚，賣138一個例牌毛利一定高，但佢用嘅造法係幾古早嘅廣東燒味造法，係細個最常見，半肥瘦叉燒就係一舊痴住一舊，中間有d肥膏果種。蜜汁燶邊，係個制法補返個肉本身。叉燒冇得呃，睇相就知好食。強記雞粥 (位) $60做咩唔叫白飯？因為我叫左雞粥，黎大圍講飯成日都係話要食雞粥嘛！初頭見佢一位位計差d想叫2個，好彩冇咁做。因為份量很大，少少地夠2位食，煲雞粥以雞殼為主，所以唔好問點解肉唔多，如果雞粥雞多，你就知問

喺香港呢個繁華都市中，最令人懷念嘅莫過於那些道地美食。我最近拜訪咗沙田新強記燒鵝海鮮酒家，品嚐咗佢哋嘅招牌菜——沙田雞粥和乳鴿。讓我非常驚艷嘅係，呢啲菜肴都帶有香港獨特味道，令人彷彿回到了那些年的街頭巷尾。首先來講下個沙田雞粥。呢個粥味道非常濃郁，粥上面見到濃郁嘅黃油，配合著嫩滑雞肉和米粒，入口即化🤤。而且他們在粥上撒上了一些蔥花和薑絲，令整道菜多咗一份清新口感。跟住到個乳鴿，佢嘅肉質非常嫩滑，加上師傅炸到啱啱好，香噴噴。點少少淮鹽，令人忍唔住一啖接一啖食，根本停唔到落嚟。重點一定要用手食😆！整個餐廳好有舊香港嘅感覺，讓人感到非常自在。而且，服務員姐姐親切細心，價格也相當合理，絕對係性價比好高嘅餐廳。總括嚟講，今次品嚐之旅讓我充分感受到香港嘅味道，那些令人懷念嘅味道。見坐隔離幾枱都係移咗民，暑假返嚟香港嘅人，特登都要嚟回味舊味道。

《沙田新強記燒鵝海鮮酒家 - 大圍》呢一間餐廳其實屹立左喺大圍都一段長時間，細個同屋企人過嚟大圍呢邊都會食呢一間酒家，可以話係一間老字號嘅酒樓，雖然佢內部翻新過，不過入面嘅間隔都仲係好似以前咁滲透着一點懷舊嘅氣息😉今次同朋友過嚟呢邊食飯，兩個人點左三個餸完全食唔晒要打包走😝佢哋菜式既size 都真係幾大份，味道方面都係好唔錯👍🏻💁🏻‍♀️新強記燒鵝王(例牌) $170由於我同朋友都鍾意食燒鵝，所以呢一道餸我哋夾都冇夾過就異口同聲話要食啦🤭呢度嘅燒鵝唔係食佢嘅皮脆，反而係食佢嘅果木香，如果鍾意好脆好脆皮的話，佢未必可以滿足到你想要嘅口感，但係我個人覺得佢算係皮薄微脆果種，而且佢個皮深透住陣陣果木香，啲肉絕對唔會柴皮，食落有肉汁同油香，所以一定要趁熱食👍🏻送飯一流💁🏻‍♀️蜜汁叉燒王(例牌) $138除咗燒鵝之外，其實我哋仲想叫埋叉燒同埋乳鴿，但係我哋兩個食量都超水皮，好彩冇叫到乳鴿，因為最後我哋連呢三樣嘢都食唔晒要打包😂不過講真，佢呢度個蜜汁叉燒做得十分唔錯，個人覺得比起佢嘅招牌燒鵝仲要做得更好，半肥瘦叉燒最好食嘅地方係佢個邊邊位有一個爽口嘅筋位，而且個外皮有少少焦香同燶邊，加埋佢個蜜汁一齊

放工同幾個同事一齊約左係大圍新強記酒家食燒乳鴿😆一放工就一齊行去覓食，認真開心。新強記地方夠寛，岩曬放工開心講野大聲的我們😂海鮮孖寶 G款$378同事們一坐底就隨手點左個套餐，包括左薑蔥炒大肉蟹、金銀蛋浸時蔬，仲送一碟蜜汁叉燒皇，真係幾抵食。叉燒好靚喎肥瘦均勻，鹵汁又好食😋好快就俾我地清曬。金牌燒乳鴿$68熱辣辣、脆卜卜咁上台，點可以唔食呢個招牌菜呢，點少少鹽已經好滋味！呢餐飯既菜餚係絕對無失望！

再次黎到新強記飲下午茶🫖果然係老字號，無論幾時過黎食晚餐/飲茶🫖食物質素仍然保持水準👏🏻🐔雞粥濃郁雞味，軟綿綿嘅粥底，唔會太稀，而且入邊仲係真材實料，粥底己吸收哂雞油嘅精華，因為用新鮮雞嘅關係，所以味道更加提升👍不得不食招牌雞粥🐔至於下午茶時間，當然有特價孖寶優惠～其他點心都係即叫即蒸，熱辣辣上枱🫖我地就食午市推介～🐧燒鵝飯（$68）燒到外皮香脆，肉質仍然保持油香，鵝汁，肉嫩飽滿，而且份量勁多，配埋白飯，更滿足☺️點心方面，不少得招牌蟹籽燒賣皇，鮮竹卷，蒸排骨🐷比較有特色係蒸排骨，用了腸粉做底，腸粉仲要勁滑，𥄫哂豬油，好好食😋排骨肥瘦適中，有少少肥膏，但都不油膩😗

放工同同事去左新強記酒家食飯，入到去仲撞到舊同事，睇黎呢度果然係聚會好地方。服務亦都周到。黎呢度又點可以唔食乳鴿，燒得脆香，點上少許鹽或甜醬都係好食😋無需多餘的點綴，傳統手藝傳承下去的美味。海鮮孖寶亦都出色，薑蔥炒大肉蟹甚是滋味，大蔥係送飯神器，加上蟹肉的鮮美，讓人停不下來。配有金銀蛋浸時蔬，肉同菜都食到，營養均衡，贈送的蜜汁叉燒皇也絕不馬虎。途中侍應亦好勤力換骨碟，抵讚！小費茶芥俾得值，係下次聚會再黎的好地方。

今日同媽咪去大圍探婆婆，之後就打算喺附近搵嘢食完先回家。媽咪喜歡中菜，見附近有間酒家門面幾有氣派就比佢吸左入去試吓。酒家的裝潢都以舊派古式古香為主，格局唔算好大，但晚市時段都坐滿哂客人。我哋叫咗一份例牌燒鵝皇、爽口凍燻蹄同埋椒鹽白飯魚。燒鵝例牌嚟講都算大份，而且仲要有髀位，好開心！燒鵝皮燒到脆卜卜，油脂香口，肉質厚實，點埋冰梅醬絕對可以餸一大碗飯。凍燻蹄就偏薄，但都有十多塊。燻蹄就係要食佢嘅口應，煙韌彈牙嘅豬皮加入口即溶嘅脂肪再加有埋有質感嘅豬肉，成件事好滿足好有層次；點埋蒜醋汁，開胃一流！椒鹽白飯魚份量都好有誠意，炸漿唔會過厚，每條白飯魚分明，唔會炸漿同白飯魚分離或鬆散，點埋喼汁食真係停唔到口。最後不得不讚酒家嘅樓面姨姨，大部分都面帶笑容，而且服務態度非常之好，好樂意去服務客人，好難得👍🏽