影片
更多
2023-06-19
198 浏览
《沙田新強記燒鵝海鮮酒家 - 大圍》呢一間餐廳其實屹立左喺大圍都一段長時間，細個同屋企人過嚟大圍呢邊都會食呢一間酒家，可以話係一間老字號嘅酒樓，雖然佢內部翻新過，不過入面嘅間隔都仲係好似以前咁滲透着一點懷舊嘅氣息😉今次同朋友過嚟呢邊食飯，兩個人點左三個餸完全食唔晒要打包走😝佢哋菜式既size 都真係幾大份，味道方面都係好唔錯👍🏻💁🏻♀️新強記燒鵝王(例牌) $170由於我同朋友都鍾意食燒鵝，所以呢一道餸我哋夾都冇夾過就異口同聲話要食啦🤭呢度嘅燒鵝唔係食佢嘅皮脆，反而係食佢嘅果木香，如果鍾意好脆好脆皮的話，佢未必可以滿足到你想要嘅口感，但係我個人覺得佢算係皮薄微脆果種，而且佢個皮深透住陣陣果木香，啲肉絕對唔會柴皮，食落有肉汁同油香，所以一定要趁熱食👍🏻送飯一流💁🏻♀️蜜汁叉燒王(例牌) $138除咗燒鵝之外，其實我哋仲想叫埋叉燒同埋乳鴿，但係我哋兩個食量都超水皮，好彩冇叫到乳鴿，因為最後我哋連呢三樣嘢都食唔晒要打包😂不過講真，佢呢度個蜜汁叉燒做得十分唔錯，個人覺得比起佢嘅招牌燒鵝仲要做得更好，半肥瘦叉燒最好食嘅地方係佢個邊邊位有一個爽口嘅筋位，而且個外皮有少少焦香同燶邊，加埋佢個蜜汁一齊
呢一間餐廳其實屹立左喺大圍都一段長時間，細個同屋企人過嚟大圍呢邊都會食呢一間酒家，可以話係一間老字號嘅酒樓，雖然佢內部翻新過，不過入面嘅間隔都仲係好似以前咁滲透着一點懷舊嘅氣息😉今次同朋友過嚟呢邊食飯，兩個人點左三個餸完全食唔晒要打包走😝佢哋菜式既size 都真係幾大份，味道方面都係好唔錯👍🏻
💁🏻♀️新強記燒鵝王(例牌) $170
由於我同朋友都鍾意食燒鵝，所以呢一道餸我哋夾都冇夾過就異口同聲話要食啦🤭呢度嘅燒鵝唔係食佢嘅皮脆，反而係食佢嘅果木香，如果鍾意好脆好脆皮的話，佢未必可以滿足到你想要嘅口感，但係我個人覺得佢算係皮薄微脆果種，而且佢個皮深透住陣陣果木香，啲肉絕對唔會柴皮，食落有肉汁同油香，所以一定要趁熱食👍🏻送飯一流
💁🏻♀️蜜汁叉燒王(例牌) $138
除咗燒鵝之外，其實我哋仲想叫埋叉燒同埋乳鴿，但係我哋兩個食量都超水皮，好彩冇叫到乳鴿，因為最後我哋連呢三樣嘢都食唔晒要打包😂不過講真，佢呢度個蜜汁叉燒做得十分唔錯，個人覺得比起佢嘅招牌燒鵝仲要做得更好，半肥瘦叉燒最好食嘅地方係佢個邊邊位有一個爽口嘅筋位，而且個外皮有少少焦香同燶邊，加埋佢個蜜汁一齊食好惹味，又係送白飯一流既菜式
💁🏻♀️強記雞粥 (位) $60
如果唔係叫咗個雞粥，我哋真係會想叫白飯㗎，不過嚟得呢邊食飯又點可以唔食佢嘅招牌雞粥呢？其實我真係唔明白點解係用一位位計🤔一位真係食得晒成鍋咩😂？佢呢度嘅一位用雞粥夠晒我哋兩個每人食兩碗，雞件食落嫩滑，食得出係新鮮滾起嘅雞粥，同埋本身佢個調味都好足夠，有啲薑絲同蔥花調味，更加帶出左雞粥嘅鮮味，同我細個食嘅感覺都仲係一模一樣😎
總括嚟講，呢度嘅燒味其實做得唔錯，我對佢個燒鵝嘅果木味印象好深刻，而叉燒都係水準以上嘅東西，下次過嚟一定要食埋佢嘅乳鴿，聽講都好出名😋值得一提嘅係佢呢度有得代客泊車，我今次仲傻更更去咗附近出名地獄停車場嘅富嘉花園泊車🥲玩到我陀陀擰，如果有揸車嘅朋友又放心的話，其實可以考慮泊返喺出面，相對嚟講比較方便一點
张贴
