水門雞飯 (萬勤商業大廈)

营业中

休息中

✨呢間已經開咗好多分店既［水門雞飯],佢地以泰式海南雞飯為招牌！聲稱用泰國直送既香料,而且用脂肪較少既走地雞同用泰國香米做油飯,見下午茶唔係太多人所以試吓‼️.💬水門雞飯 $58無骨海南雞,啖啖肉,唔肥偏瘦,口感算嫩,但雞味唔濃,油飯唔算好有油香,整體黎講中規中矩,但價錢可以😌！.💬 泰國船粉 $44佢地呢個餐活動性好大,可以揀唔同既配料同粉麵,我就揀咗生牛肉配金邊粉,佢仲可以追加小食唔算貴,講番味道,湯底唔算濃,生牛肉生熟度可以,肉質唔韌,整體黎講一般😂！.💬凍泰式奶茶 （跟餐）/ 原價$20💬菠蘿冰 餐加$5 / 原價$24🧋泰式奶茶味道偏甜,有茶香,可以！🍍菠蘿冰係呢啲咁熱既天氣飲,真心好爽,味道都唔錯✅..📍 水門雞飯 ..

去泰國旅行一定會食嘅其中一樣野就係水門雞飯，一直都好想係香港試下，今日終於有機會試，解下旅行癮🙈我地係平日下午茶時段去，都等左一陣先有位，我地每人叫左個水門雞飯，另外再加左炸雞同烤麵包。-💎水門雞飯雞肉好嫩滑，然後個汁好惹味，撈飯食一流😋💎水門炸雞件外皮好香脆，雞味好濃，仲要熱辣辣上枱，推薦👍🏻💎炸麵包好奇心驅使我地叫嘅一碟😂就係普通一啲烤麵包，配上咖喱汁，係幾好食嘅，但個人認為唔需要特別嗌呢樣野🤣🙈

泰式水門雞飯一直都好高人氣，🍄🍄終於試到！但第一次食唔係食雞飯，係食鴨肶湯粉再外賣半隻海南雞。成隻上既鴨肶真係好吸引，而且好多配料，亦好大碗！飲品就叫左泰式0茶。外賣果半隻海南雞竟然有豬紅？好驚喜呀！第二次就真係堂食左個水門雞飯，唔好以為點解果雞飯咁少，其實係因為🍄🍄唔太肚餓，所以叫左少飯，但食完之後又發覺真係好少🤣飲品方面就叫左個菠蘿沙冰，好香既菠蘿味🥰🍄🍄覺得水門雞飯既精緒在於個醬汁，簡直就係靈魂既所在。味道唔會過醎但就有些辣，唔點汁真係差好遠！雖然雞都係無骨和滑既，但🍄🍄好愛個汁👍❤️

之前聽朋友介紹，又遲遲未去得旅行，專程黎試下，仲諗住可以回味下....點知..食物🔥樣樣野都極重味精，附送嘅湯直頭好似係味精開水咁，雞飯不過不失，醬料係加分既，但無大家吹捧得咁好味。牛丸金邊粉，牛丸味精味極濃，金邊粉太硬身，唔係特別好食..其中芥蘭菜苗好食，好嫰，唔會有渣飲品🔥香茅特飲勁似泰國神油開水既味道，好難幻想，唔信可以order試下.. 真心好伏服務係零，受氣既一餐4點幾去，客唔多，幾個樓面堆埋一齊 掛住出外賣，無人理個場..大熱天時，見隔離枱鬆鬆口罩抹汗，都無5秒，就比態度極差既侍應大聲喝：「野食未到唔好除口罩...」感覺有意比全場食客聽咁，見隔離枱即時尷尷尬尬。其實咁大個人，好聲好氣唔得既，好似小學雞咁捉人..食物到，即時除口罩放銀包隔離試吓野食，過一陣就聽到有人係後面講「口罩套！」當時同朋友講緊野，真心唔知把聲係同邊枱講嘢，之後有隻手篤篤我膊頭，又大聲呼喝「比個口罩套你放住個口罩呀！！！」望一望係個紋身金髮束馬尾女侍應係後面發顛，當下我燥燥地答佢「聽到喇！」講真，唔係專登唔理你，但可唔可以係人哋前面講，企人背後點知你同邊個講野咩.. 我口罩都係放自己銀包旁邊，又無整到你嘅

如果好掛住泰國，去呢間食就啱架喇，入到餐廳裏面真係好有泰國feel，食到乾淨版嘅正宗泰國雞飯🤣價錢真係唔算平，不過份量同味道都唔錯再加上係黃店，一試無妨🥰.🐔水門雞飯 $52雞飯係招牌點可以唔叫呢，不過可能期望高咗少少，覺得冇乜特別😎不過啲雞肉真係好嫩滑，真係有雞味🤪.🐔鳳尾蝦炒金邊粉 $68味道酸酸甜甜，天時暑熱食都幾開胃🤩鳳尾蝦都幾大隻幾多，乜都值返曬😋仲有好多配料，食落有層次😛.🐔泰式炒通菜 $52小編食泰國菜必叫通菜，真係好好好食，辣辣地好惹味又有鑊氣🥳.🍽味道: 3/5 🏙環境: 3/5‍👨🏼‍🍳服務: 3/5💧衛生: 3/5💰價錢: 3/5

水門雞飯應該好多人都識，想重溫泰國既味道，就黎試下啦！除左招牌水門雞飯之外，仲有各式湯河、船河、炒金邊粉，價錢亦都唔貴，仲要係良心店鋪😋1️⃣水門雞飯（$54）黎到緊係要叫佢最招牌既水門雞飯啦🐔飯既油香即夠，雞肉份量都算唔少，件件都去曬骨，但係肉質有啲偏瘦，唔夠嫩滑。另外佢有碟醬汁可以用黎點啲雞食，見到入面有啲薑、青辣椒咁🌶️用黎點啲雞食辣辣地好好味🤤泰國既水門雞飯緊係要跟埋碗湯啦！不過呢度既湯好重胡椒味同埋都幾鹹下。 

裝修得令人彷如置身在泰過的水門雞飯店，但可享受著比泰國更涼的冷氣。••••••••••••••••••••••••••••••水門雞飯 $62Chicken with chicken rice份量比在泰國吃到的大，油飯夠香，湯和泰國的一樣充滿胡椒味，雞肉不會韌剛剛好，唯醬油有經改量沒有想像中辣。••••••••••••••••••••••••••••••凰尾蝦泰式金邊粉 $78Phad Thai份量足，蝦肉夠爽口，金邊粉感覺不會太油又不會過甜。••••••••••••••••••••••••••••••凍泰式奶茶 Iced Thai Milk Tea奶茶味香濃不會水水的，而且比泰國喝到的減甜了，不會過甜，適合香港人口味。••••••••••••••••••••••••••••••泰式炆雞腳 $18 （6隻）Thai Chicken Feet中規中矩，略嫌雞腳不夠林。••••••••••••••••••••••••••••••作者：(Openrice) 食小鬼

下午茶前食左少少野, 晚飯又唔想食太大份量, 水門雞飯絕對適合.裝修雖然唔似泰國總店咁, 不過廚房位佢有少少做到排檔既樣, 感覺地道D.其實都好多款野食, 本身都掙扎緊叫湯河好, 定係食個飯好. 見咁耐無食過水門雞飯, 都係叫個飯黎食下.一向我都唔食雞皮既, 不過佢個皮好薄, 又唔油, 如果專登撕開佢, 反而仲難, 所以今次試下連埋皮食啦. 雖然唔會好似平時食既黃油雞皮咁香, 但多一分滑口, 加埋雞肉就更嫩更滑. 醮埋個汁, 酸酸辣辣咁, 更加惹味, 不過個油飯就好似偏硬少少. 但出眾既居然係個湯, 初時以為冬瓜湯清清涼涼消下暑咁啦, 點知原來落左好多胡椒, 飲落去加更辣口. 好在有2片青瓜可以清下個口, 如果唔係個辣味就會LAST好耐.炸雞一D都唔會遜色得過切雞, 炸得脆口得黎, 雞肉都仲係嫩既, 不過有D邊位, 粉漿都係多左少少, 會變左有舊好硬既脆漿. 重點係個醬汁, 酸酸甜甜辣辣咁, 唔似平時食開既雞醬味, 配落炸雞度更加帶出個味道來, 比切雞個汁更加突出.不過餐廳坐位就比較窄, 2人既話仲指定要對住坐, 每次傳菜, 店員都要好小心, 亦都要叫食客小心, 令食客們欠缺一份舒適感

我終於返嚟油尖旺區喇🤪嚟encore水門雞先！每次食呢間 坐佢啲銀色枱凳(?)🤣真係好泰國🥺🥺(放心呢間有冷氣🤣)💟水門雞飯 [$62]雞夠滑 雞油飯夠香 重點係佢個汁好正 有少少青檸嘅味道 用嚟點雞肉配油飯真係會飯到停唔到口😍😍😍呢個飯會送個餐湯 有啲冬瓜 味精湯des唔駛drink all xd不過佢可以解辣！解咩辣呢？下面的那碟！💟鳳尾蝦泰式金邊粉 [$78]我！真！係！好！L！鍾！意！食金邊粉！ᴘᴀᴅ ᴛʜᴀɪ ʙᴀʙʏ! 🤣🤣四隻鳳尾蝦夠爽口 撈埋紅辣椒同花生碎再加埋炒蛋碎 真係好惹味好好食QAQ留意返 雖然佢喺個餐牌無辣椒logo 但佢有得撈放左喺執邊嘅紅辣椒 佢係可以幾辣的🤣🤣🤣💟凍泰式奶茶 已經喺餐牌上的凍飲都係不用加錢des!!!!🤩🤩太耐無喺泰國飲 今日飲返真係晤~~~~~~左好耐啊！泰式奶茶有偏蔗糖嘅甜味但同時有夠濃嘅泰茶味！雖然我唔鍾意飲甜野但次次都放唔低泰式奶茶🤤我地另外再加左$20要左碟菜 感覺良好啲🤣醬汁不是很濃 但加埋奶茶真係好飽肚😌另外一杯免費飲品係薑蜜 薑味好重！唔重蜜糖味得嚟仲有薑碎！好適合養生派飲😂

曾經經過呢間店，但冇食過呢一間，今日心血來潮好想好想食佢呢一個鳳尾蝦金邊粉☺️但午飯時間永遠都係咁多人排隊😰加上咁熱嘅天氣，我都係買外賣食算☹️等咗大概10分鐘左右，我嘅外賣就拎得啦，急不及待返公司享用呢一個午餐，打開蓋，四隻飽滿嘅鳳尾蝦，已經流晒口水，金邊粉好上色，橙色的顏色係夏天見到好令人開胃，佢仲有一堆辣嘅粉狀灑左係啲金邊粉度，金邊粉好開胃，因為係酸酸甜甜，但係撈埋果一堆辣粉一齊食就真係好辣，我一路食一路流汗，一個金邊粉裏面蘊藏着好多種層次，有辣有酸有甜又有香味，又有辣嘅刺激感，好惹味，至於鳳尾蝦好爽脆好大隻，成個午餐好豐富，好飽肚，下次我要少啲辣粉😅咁就very good👍🏼

e !?水門雞飯 咁似泰國食個間 實冇死啦 點知咁既心態就出事😢午餐餐牌都係佢地出名既水門雞飯 同有粉麵食 呢次就叫左個兩拼雞飯 雞真心好一般 1d都唔滑 炸雞就正常既 不過個湯就好鹹下 札肉金邊粉👇🏼賣相都ok 最出事既 係佢個d野飲 叫左杯菠蘿冰 除左人造糖整到杯野超甜之外 已經飲唔到菠蘿味午餐可以加錢要消息 小食加左個串燒 凍左加上d肉銀 唔合格午餐加埋個小食都差唔多80蚊 真心同泰國嗰間冇得比 環境同服務都唔係話特別好同坐得唔係太舒服 唔會再幫襯了

尖沙咀💛店水門雞一般經常見到好多人排隊等候，晚上見人少了，所以都去捧場。小店有點逼夾～上菜快，免收加一我的朋友說雞一般所以點了其他菜～#鳳尾蝦泰式金邊粉 $75金邊粉偏軟身濕濕地～惹味，小辣，蝦🦐爽口。可式份量很細\( ᐙ )/價錢偏貴#泰式腩仔 $52生炸超肥腩肉，微脆肉淋但冇乜味( ⸝⸝･༝･⸝⸝ )不會再叫～～～～ฅ'ω'ฅ～～～～服務質素：6/10環境舒適度：7/10ᶘ ᵒᴥᵒᶅ個人口味評分：6/10

疫情下無得去泰國，就唯有繼續係香港搵以往既味道🙈嗌左海南雞飯，西蘭花炒魷魚，炸雞皮同兩豬一雞既串燒，有驚喜！雞飯唔係太油，食落有香味，落埋辣椒豉油就更惹味（不過都真係幾辣），同埋好食過好多泰國既！🙈西蘭花魷魚係即炒，炒完有dd汁，唔會變左中菜咁收到乾哂，香口有風味🤤炸雞皮就夠熱夠脆，不過食下食下就唔似雞皮，好香口但好熱氣，如果送酒一流🤪串燒就無乜特別，要讚個沙嗲汁都幾香，令個肉食落多左層次😋

標題講明黃店，因為而家不少香港人依然支持黃色經濟圈（包括我），但係伏既話亦唔會有下次，更不推薦。叫左水門雞拼炸雞飯，同一個湯粉。湯粉係正常好味，但同樣既價錢食到更好味，重點伏既就係招牌-水門雞，口感非常粗糙，乾身，無雞味，份量偏少，但仍夠飽足感。食物質素對應價錢不值，但野飲調配得好飲，只係黎填肚不會只為野飲埋單🙈服務態度方面不奢求，然而食左都無15分鐘，職員就急住收碟，仲要倒左一兜醬汁整到同行友人個袋連褲都有，職員見住整到客，都不為所動，直接行開...太過份，出面都無人龍，我地都無食好奈就咁樣趕客...要大家支持你，要做好基本禮貌先，唔該。香港經濟圈加油...

半個月一次的中醫調理之後又是會很累的日子和飢餓感充當的時段所以怎樣也得吃回公司的路上隨便找吧每次都是什麼都想吃決定不到吃什麼好有時更今直接不吃而今天走到金馬倫道發現一家雞頭招牌嗯…被招牌吸引了平常走過數百萬次都滑注意到雞 就會5聯想到是泰式或越式餐廳因為打自外賣回公司吃便在門外先選好再進去點場內設計正正方方規規矩矩加上白色為主色的設計有一種泰國飯堂的感覺然後..其實在下真的想好好地坐下來慢慢地吃不過這種感覺好像離在下越來越遠無論如何..辣豬肉碎飯 $64從辣味入手然後在下又理所當然地說 真的不辣再且其實這幾天不該吃辣的不過味道也真不錯至少在下能把整盒飯吃掉光是豉油 鹽 糖 加入小小的香料就能做出這般不錯的菜色簡單之中的不平凡平凡裡又充滿了特色串燒 三串起於是在下點了2串雞 $281串豬 $15今天沒有吃牛的慾望 感覺自己有點畢常反而泰式串燒好像總不能討好在下大概是比較喜歡中式的？或是更喜歡日式的吧 🤫