水門雞飯 (萬勤商業大廈)

营业中

休息中

呢一間嘅海南雞飯，好有泰國感覺！同泰國食嘅時候係一樣味，每一次食佢都好掛住泰國！我鍾意佢嘅水門雞飯，平時我唔食雞皮，呢一間嘅雞，我係會連埋啲皮一齊食，佢啲雞好滑，完全唔油，啲皮都唔會覺得好肥膩，所以真係好好食😋！佢仲配埋醬汁，配落啲飯好好食啊🤣只要叫水門雞飯佢就會配埋個湯，都係一樣好有泰國嘅味道，胡椒味好重，有少少辣但係好好飲今次仲叫咗佢嘅炸蝦丸，炸得好脆好好食，不過唔係好知道外陣脆卜卜係咩黎，味道岩岩好，佢配埋甜酸醬，好夾好好食😋

呢間想試超級耐，成日見到佢都排長龍今次見佢冇乜人就試一試環境比想像中大同埋乾淨食物選擇都唔少試咗佢最人氣嘅水門雞飯，另外加咗$10要雞髀啲雞好白滑，唔會好乾點埋佢嗰個醬汁好好食佢嘅雞油飯唔會好油，價錢都幾抵個人幾推介呢款另外試咗佢嘅泰式咖喱牛腩麵佢都幾足料，有勁多嚿牛腩大大嚿之餘仲要勁淋配料有洋蔥同埋芽菜，上面仲有啲脆條啲麵吸晒啲咖喱汁超濃味不過佢完全唔辣，所以唔食得辣嘅都可以試吓小食方面試咗沙嗲雞肉同豬肉串佢有兩款醬汁，包括醋同埋沙嗲醬自己覺得點醋比較開胃同埋冇咁肥味道酸酸地都幾特別仲試左佢嘅馬拉盞肉醬炒芥蘭苗都幾大碟，而且啲菜唔會好老加埋啲肉醬幾好食，冇想像中咁油飲品方面試咗話梅茶同埋泰式奶茶話梅茶食完辣野飲一流，泰式奶茶比出邊嗰啲茶味更加重，而且唔會太甜整體幾推介，係一間價錢親民嘅泰國菜佢性價比高而且好飽肚會再嚟試吓其他嘢食同埋即日起星期一至四全線分店3:00pm-5:00pm 招牌水門雞飯堂食只係$30，抵到爛

水門雞飯愈開愈多分店，將泰國🇹🇭風味帶到香港，假日相約男朋友去食返餐感受下泰國嘅味道😋環境比泰國店舒適，冷氣夠，食物味道都保持到水準🌟水門雞飯 $62飯前先飲碗湯，白胡椒味好濃，配埋冬瓜，清甜得黎辣辣地，男朋友大讚👍🏻雞件超級滑，蘸上特製醬汁食好惹味🌟雞肉串燒（2串）$26燒得岩岩好，保持到雞肉嘅嫩滑度，沙嗲醬味道亦調較得貼近香港人口味🌟馬拉盞肉醬芥蘭苗 $24芥蘭苗好嫩，條條大細一致，唔會澀，加左馬拉盞肉醬食落帶點微辣，送飯唔錯🌟凍泰式奶茶 $22🌟凍泰式鴛鴦 $22兩杯飲品都飲到泰國手標奶茶嘅味道，奶嘅比例剛好，唔會掩蓋左茶香推薦指數：🌕🌕🌕🌕🌗（5🌕滿分）非常接近泰國店水準，性價比高，門口經常現人龍

每次經過金馬倫道或者豉油街都比佢比個大大發光招牌吸引，今日終於約到朋友到泰國空間一聚啦😆就咁睇門面到內部裝修，的確有份代入左泰國街頭泰館嘅風味，牆上掛著拳套，內部有個瓦頂廚房掛著海南雞，天呀!~ 唔睇返呢個裝修都唔覺原來去泰國已經係咁奢侈嘅事🤦🏻‍♂️Menu 吸引之處係款式選擇多，有飯有炸雞，粉類款式有河粉/金邊粉/米粉/粉絲/蛋麵水門雞飯主打泰式雞飯。招牌野必點係常識，介紹返先，店主專程從泰國直送香料和調味料，選用脂肪少而且皮薄惠州羅浮山的走地雞，所以上檯色香味同泰國食到的海南雞十分相似。正宗水門雞飯$52（加雞雜$10、轉雞髀加$10） 推介:⭐️⭐️⭐️⭐️泰式海南雞已起骨，大碟裝盛看似份量唔多，但其實兩層啖啖厚肉，份量剛好十分嫩滑，油飯加入雞湯、香料、蒜頭、辣椒，炒完再煲熟，軟硬平均。濃郁雞骨湯慢火熬足4小時，加入冬瓜作伴，而胡椒味比較突出甚至重味左，飲落有胡椒豬肚湯果種重口味，想飲清淡的未必喜歡。冬陰雞湯粉$59推介:⭐️⭐️⭐️⭐️⭐️冬陰控必選秋日限定冬蔭功湯底嘅誘人滋味，另加＄20仲可以食埋豬肉/雞肉串燒點都要講返佢d雞，落湯煮嘅雞一定無海南雞咁滑，但加上濃郁惹味又還原到泰國新加坡嘅傳統

水門雞飯 (萬勤商業大廈) (尖沙咀)📍尖沙咀金馬倫道18號萬勤商業大廈地舖成日行過都見到呢度門口排晒長龍入面裝修到成個泰國嘅本地市場咁真係有啲似去咗泰國旅行🐥水門雞飯$54同餐廳同名嘅當然要叫黎試吓差唔多台台都係嗌呢個好彩嚟到雞髀位 啲肉好嫩滑 份量都唔少而且幾入味 唔夠味嘅話 可以加埋佢配嘅醬汁撈埋個飯幾好食而且仲有碗冬瓜湯 好鍾意個胡椒味🍢豬肉 雞肉串燒$84最低消費三串 沙嗲味好出色燒嘅火候啱啱好 仲保持到肉質好嫩滑🦑馬拉盞西蘭花炒魷魚$68魷魚份量好多 食極都仲有馬拉盞鹹鮮嘅味道配埋成個菜好合襯😚🥭芒果糯米飯$58最後食埋甜品先走有半隻芒果同白色糯米飯煙煙韌韌 食完好飽肚🤰🏻賣單最後發現原來連加一都唔需要而且由即日起星期一至四全線分店3:00pm-5:00pm 招牌水門雞飯只係賣$30 (只限堂食)唔怪得知門口長期都咁多人排隊 性價比極高😬

大家應該對「水門雞飯」呢間餐廳唔陌生喇掛？餐廳極具人氣，我相信好多人都食過😎 星期日夜晚五點幾嚟到，難得見到無乜人排隊就入咗去食！嗰日真係好好彩，因為我食完步出餐廳嘅時候，就見到一條長長嘅人龍🐉 所以建議大家要食嘅話，最好夜晚六點前過嚟食🤣 同埋佢哋全線分店星期一至四 3:00-5:00pm 堂食招牌水門雞飯只係$30！！勁抵！🤯 不過今日我過咗鐘數，miss咗😅餐廳環境衞生都做得幾好，店員有良好防疫意識，完全唔會鬆懈，呢方面我係幾欣賞👍🏻❤️ 水門雞飯 $54 (+$10 轉雞髀)加十蚊轉咗雞髀🥰 唔好睇佢個外表好似好白，估唔到都幾好食😆 雞肉去咗骨，啖啖肉，肉質又嫰滑又鮮味。雞皮薄薄哋，皮下脂肪較少，清爽唔油膩！個醬汁更加係靈魂嚟，鹹甜微辣，好送飯😝 個飯粒粒分明，有淡淡嘅雞油香同香料味，油份唔多。隨飯附送雞湯，個湯胡椒味強勁🤭❤️ 泰式炒通菜 $54分量唔少，鍾意佢炒得唔算太油！火候啱啱好，唔會炒得太乾，保持到通菜濕潤💦 個汁辣辣哋甜甜哋，唔係辣到飛起嗰種，又唔會太鹹！❤️ 胡椒單骨雞翼 $42單骨容易食，唔洗食到好狼狽。每條都炸到脆一脆，香脆惹味😛 胡椒落得都幾多，辣得嚟都幾滋味！❤️

鋪頭位置係地鐵站附近，裝修風格好似泰國水門雞店鋪💕位置都幾多☺️而家仲出左兩款秋日限定分別係冬陰雞湯粉同泰式清湯腩船麵三寶飯 $64💛💛水門雞飯 $54兩個飯都係雞飯，三寶飯係多d幾款係上面，會有兩款雞，水門雞同炸雞✨佢地既雞好嫩滑配埋佢地既自家醬汁好有泰國既風味🇹🇭青木瓜沙律 $48調味帶酸酸甜甜既味道好開胃😋而且一碟有勁多木瓜味健康之選💪🏻💪🏻炸雞皮 $20 🐣即叫即炸，熱辣辣送上，超級香脆😻一定要快快食又吾會覺得好油，一碟仲要有超多件凍泰式奶茶 $44茶底好香濃，完全同泰國飲既一樣味道😆而甜度佢調整左吾會似泰國果種極甜岩岩好😇😇✨✨✨依家鋪頭仲要做緊優惠✨✨✨即日起星期一至四全線分店⏰3:00pm-5:00pm 招牌水門雞飯只售$30 (只限堂食)‼️超抵食‼️

水門雞飯係我最喜歡餐廳之一，價格相當優惠，食物質素超高， CP值超高！📌秋日限定：冬陰雞湯粉🍜🌶$54秋天限定款式，揀咗金邊粉，相當掛湯，雞肉好嫩，喜歡這個配搭！📌雞肉串燒🍢+$20超好食，燒得好香，雞肉夠嫩，超喜歡他們色彩繽紛的醋，勁靚！📌水門雞飯🐔$54每次來必定要點的招牌水門雞飯，超級高質！📌魷魚鬚馬拉盞炒西蘭花🥦🦑$68馬拉盞相當濃郁，配合西蘭花和魷魚鬚，惹味無窮！必點！🤤📌椰青🧉$38Keep住咁高質，好大個椰青，好清甜，好多汁，啲肉都軟嫩好食😋📌鮮檸梳打🍋$10喜歡酸酸甜甜的朋友可以點這個，清爽清新！

講起海南雞飯，一定會想起「水門雞飯」。店主專程從泰國請來泰國大廚主理，務求做出最地道的泰國海南雞風味，難怪每次經過都見到人山人海。凍泰式咖啡泰式咖啡口感順滑，啡味香濃。豬肉串燒 / 雞肉串燒串燒口感煙韌彈牙，只需輕點沙爹醬汁，更添惹味。水門雞飯雞肉嫩滑鮮味，入口啖啖嫩肉，而米飯不會太油膩，粒粒分明，怪不得水門雞飯那麼出名。牛肉湯牛丸生牛肉金邊粉熱盪盪濃郁湯底，配上彈牙牛丸、嫩身生牛肉，金邊粉幼細順滑，甚有泰式風味。

晏晝去食，排咗大概15分鐘左右最鍾意佢呢間舖頭炸魚骨，用嚟送湯一流！為咗回味去泰國，所以兩個人一次過叫咗勁多嘢食。其實食雞飯係度度唔差得好遠，要分出勝負，真係要靠個雞汁，我覺得如果個汁點再調濃再少少就更加好！有個炒河粉好好食，用咗正宗闊河粉，好有鑊氣！

去完科學館，經過水門雞飯，平時見到呢間舖頭都好多人排隊，今日冇人排，於是就入去試下啦。食物價錢相宜， 都有唔少人係一個人嚟食。 水門雞飯雞皮好薄，食落去啲肉好彈牙，都好嫩滑。飯就一般，唔係好食到雞油味。就咁望個湯以為係冬瓜湯， 因為有一塊冬瓜喺裏面，但係一飲就有好強勁嘅胡椒味，都算幾辣。 雞肉串燒同豬肉串燒，唔會燒到好乾，配埋個沙爹汁，超惹味，唔算好辣。 蝦膏炒雜菜食到鹹嘅味，但係唔係好食得出係蝦膏味。雜菜都好爽脆：椰菜、椰菜花、粟米芯、紅蘿蔔、蘑菇等等， 營養豐富， 不過有啲鹹得滯。

泰國水門雞飯店，香港終於有分店啦味道同泰國一樣裝修同枱都同當地一樣，雞肉味道新鮮，好味，，係份量就真係細咗啲。湯係胡椒湯。海南雞係招牌，仲有其他泰國野食，如冬陰功 豬頸肉都有。

星期六午餐時間嚟到尖沙咀水門雞飯門口已有一條人龍 不過好彩食客去流得好快大約等咗5/6分鐘已經有位黎到試試招牌午餐 水門雞飯 配龍眼蜜海南雞飯去骨雞肉鮮嫩皮薄而且雞肉份量都適中 特製嘅泰式醬汁 辣得來帶有甜味撈飯同雞肉都惹味可口套餐嘅冬菇雞湯胡椒味過重 個人認為湯就一般般龍眼蜜淡淡龍眼肉 甜度合適 解渴解膩整體評價海南雞飯味道合格價錢都合理尖沙咀地區來講實在係唔錯嘅選擇簡單美味解決一餐

🍴抵食水門雞飯 🐔📍水門海南雞飯 $54海南雞飯乾淨俐落，去骨的雞肉鮮嫩，皮薄肥膏少，肥瘦均勻，雞肉肉質嫩滑，而且份量不少，配以搞瓜片，頓感清新。把雞肉蘸上附有的泰式香辣醬油，惹味可口。至於米飯，粒粒香軟，米飯以雞湯及香料烹調而成，富有香味。套餐中配冬瓜雞湯一客，雞湯胡椒味香，鮮甜可口。🔸小總結：假日下午茶時分人流不太多，可以不用大排長龍下吃到招牌海南雞飯。食物味道不錯，而且餐廳選擇種頗多，物有所值，必再回訪。👅 味道：4.9//5💰CP值：4.9/5🕴🏻服務：5/5🔰餐廳環境：4.9/5👀回頭率：4.9/5🍽 餐廳： 水門雞飯🌐地址: 尖沙咀金馬倫道18號萬勤商業大廈地舖

食過好多次嘅泰國菜🇹🇭，餐廳裝修勁似係泰國曼谷食過嘅水門雞飯，人均唔駛一百，超抵食！呢兩年旺角、尖沙咀都開咗新分店，可以同朋友出街嗰陣食～🐔水門雞飯 💰54 （轉雞髀🍗➕💰10）（7/10）雞皮爽口，雞肉十分嫩滑🐔，好有咬口，加咗$10轉雞髀🍗，個人認為唔使加錢舊雞肉已經夠好食，沾上酸酸辣辣嘅汁好夾👍🏿🐮牛肉湯牛丸生牛肉河粉 💰50（9/10）生牛肉分量足夠🐄，有四五片，牛肉湯味道濃郁鮮甜，河粉煮到好冧🍜，好入味，會忍唔住想飲晒成碗湯，牛丸彈牙爽口，真係好好食🍜味道👅：8/10（牛肉湯河好好食，超入味）環境☺️：9/10（裝修好似去咗泰國🇹🇭水門市場咁）服務🙇‍♂️：6.5/10抵食💸：8/10（人均唔駛一百）〰️〰️〰️〰️〰️〰️〰️〰️〰️〰️〰️〰️〰️〰️🍴 水門雞飯 (尖沙咀)📍 尖沙咀金馬倫道18號萬勤商業大廈地舖〰️〰️〰️〰️〰️〰️〰️〰️〰️〰️〰️〰️〰️〰️如果你鐘意呢段食評嘅話希望你可以幫幫手讚好同埋分享比其他人～️〰️〰️〰️〰️〰️〰️〰️〰️〰️〰️〰️〰️〰️#fatgirlhk_香港 #fatgirlhk_尖沙咀#fatgirlhk_元朗 #fatgirlhk_泰國菜...#hkfoodie #hkfood #food #hkig #