民豐粉麵行

营业中

休息中

餡料來說 是足夠的 但一點花生香也沒有 只有糖味 每口都是糖不適合上年紀的人吃糯米皮 普通 比起馬來西亞的 花生碎比較大顆也炒得很香 糖度也剛好 而且糯米皮混合了斑斕葉 勁香又滿足

啱啱行過荃灣街市附近，聞到好香韮菜味👃🏼，就見到前面有條長長既人龍排緊隊買韭菜餅，所以自己都試一試🤣🤣熱辣辣新鮮炸起，餅皮薄兼脆卜卜，吾油膩👍🏻👍🏻一咬落口好多韭菜餡，好香韮菜味😍😍

民豐既餃子同粉麵係荃灣區應該無人不知，每日排隊購買既人龍，不停手努力包餃的姨姨們，就知道是如何大受本區街坊歡迎。因工作需要經過民豐，因時間關係沒有買餃子，而買了粢飯。 因為是即叫即整，所以粢飯很熱，糯米飯很嫩糯，內𥚃包的肉鬆和油炸鬼也很多，足料。 但味道非常淡，完全沒有味道，肉鬆吃不到咸香味粢飯的糯米是沒味道的，所以涵料便是決定整個粢飯好不好吃的關鍵。 這個粢飯只有熱度令人一讚，味道真的令人失望，如果來到民豐還是不建議買這個小吃。

好彩我幾年前買咗財經界尖子出身的女廚神「大師姐」嗰本「全港食材最強」，昨日趁住要去荃灣海連酒樓飲早茶，喺星期日早上九點順便喺嗰區嘅「民豐粉麵行」買咗兩盒15隻白菜冬菇豬肉餡的薄皮水餃&半斤上海幼麵，今日的午餐用咗一盒水餃入面的10隻加埋啲上海麵係屋企煮咗午餐，啲上海麵只係煮左2分幾鐘就熟，食落去味道及質感的感覺好似去咗米芝蓮六星級粉麵店食咗一個水餃麵午餐一樣，我只係用咗史雲生魚湯溝一半水，加埋冬菜中芹菜粒同埋蔥花！我求其整都靚仔到咁！😳😳😳😳👍👍👍👍$33/15隻（一餐如果有麵，每人五隻已經好飽）$24/半斤（夠兩個人食到好飽）事後喺某社交平台分享的時候發現原來我因為星期日早上那麼早才不用排隊，一般平時經常排長龍。

荃灣街市對面，有間食品店嘅煎韮菜餅，聽聞非常美味，一直都冇機會試到，因每次都係食飯後行過。今日中午去荃灣搵野食，係對面街，已聞到陣陣煎韮菜餅香味。見排隊人唔多，於是決定買一個韮菜餅作午餐，另外加芝蔴糯米糍，紅豆糯米糍作甜品韮菜餅，餅皮煎得好脆，好香口，唔油膩（可能d油畀個紙袋吸咗）一口咬開，佢地真係一d都唔吝嗇，餅餡全都係韮菜，韮菜香味好重，鍾意食韮菜嘅人，一定要試。芝蔴、紅豆糯米糍，一口咬落去，啲餡爆晒出嚟，唔太甜

陳日打風太突然，個個都無準備，近近地，一次過連同事過份買咗堆雲吞、水餃。因為係即包，成品好軟，你見佢墊哂紙皮個盒都凹入，所以唔想食肉醬攞返去就要好小心！雲吞、水餃都係四款口味，價錢有兩款一樣，有兩款水餃貴啲，正常水餃又真係應該包到多啲料，但另外兩款又係？菜肉水餃，每隻都幾大，但好油！你見湯底，其實只係熱水，而且皮好厚，菜竟然係梅菜味，好似食梗油浸梅菜肉丸，食完成口油，加好多醋先掂，仲油過大陸過幾間連鎖店。等攞期間仲買咗其他，當時見有包出爐，估計都無心機食中午，雖然八蚊個幾貴，但未食過又難得遇到，就買咗兩個菜肉包。上手都仲暖，正常大小，包身遍厚，無麵粉香，感覺實在同乾，飽肚。肉球少，要第二囗先食到，同上海菜肉水餃一樣料，不過多咗陣梅菜香，比水餃好食，但肉汁唔知去哂邊，真係太乾！甜品都有，雖然佢嘅湯圓大時大節都排長龍，但糯米糍未又係過三款，紅豆、花生，芝麻，只係湯圓細細粒，煮完個皮較厚實，糯米糍直接食，個皮軟粘，食到成口粉，更對胃口，但雪過就無梗好食，唔買得多，五蚊間中買返隻都唔搞湯圓啦！雖然話係打風儲備，但個個都話當日就食哂，果然手工嘢即食係最好。

民豐店雖然歷史悠久，亦留下不少童年回憶，猶記得當年父母經常會購買糯米糍回家給我們小朋友帶來驚喜，到自己慢慢長大，每次經過總會購買回家當甜品享用，但今時不同往日，味道及材料已經大不如前，不知是否因為租貴或是人工貴，將價就貨以致水準大跌，雖然如此，每次經過總是抵不住誘惑買來品嚐，期望尋回當年那種味道，卻一次又一次令自己失望，究竟是否應該繼續盲目支持，還是香港已經沒有了哪些追求原味道的良心商家? 實在令人不勝唏噓😩

鐘意自己煮麵嘅朋友可考慮幫襯下呢間野，區內非常出名，門口成日排晒長龍。佢d麵都幾彈牙，油麵、粗麵、幼麵全任君選擇。餃子亦有多種口味，我最鐘意菜肉雲吞餡，番屋企自己煮埋個上海面吃，正。

星期日嘅早上，係玩電話嘅時間見到某報章介紹呢間嘅粉面店，除咗粉麵之外原來仲有賣包、餃子，等等小食。睇到流晒口水，決定出去試一試，一去到已經見到有好多人買緊粉麵或者水餃，而門口就有個姐姐煎緊韭菜餅，望一望頭上餐牌，除咗韭菜餅，仲有蘿蔔糕，煎水餃，黐飯，糯米糍同埋茶果。第一時間叫返個韭菜煎餅，同埋蘿蔔糕，原本想試埋韭菜餃，但姐姐話要下晝四點先有，有少少失望。韭菜煎餅只係$13 ，蘿蔔糕大大件都係$5咋，好抵呀！煎餅攞上手熱辣辣，咬一啖，香濃嘅肉汁同埋新鮮嘅韭菜味道攻入黎，估唔到真係咁好味，見到入邊有啲姐姐喺度包緊水餃煎餃，就知道真係好新鮮呀！平時食韭菜豬肉類嘅食品，可能會有啲酸味或者雪味，但塊韭菜餅真係好香好好味非常新鮮！而蘿蔔糕方面大大件煎得好香口，質地啱啱好唔會太林或太硬，同樣令人印象深刻。食完之後我哋去咗行街，行行吓其實都四點啦已經，我哋決定返去再試韭菜煎餃！去到之後買咗$10/4粒嘅韭菜煎餃，姐姐送多一粒俾我因為認得我就係頭先買韭菜餅嗰位哈哈，同樣地韭菜煎餃都係好香好濃郁好新鮮，完全冇失望呀！下次再食過！

以前食呢間野通常買花生同芝麻糯米糍餡料係爆多每次經過都會買 我就最鍾意食芝麻味🤫👻👻👻真係傳說中嘅皮薄餡靚😼每次見到人哋排隊買韭菜餅都冇買因為個人唔係咁鍾意食餡餅因為通常啲皮都好厚好油😾但又有好鍾意食韭菜 今次就試吓👏🏻👏🏻👏🏻👏🏻有十派😍😍😍個皮唔厚唔會太油 仲要熱辣辣多汁韭菜fans要買黎試吓👻👻👻👻👻

早放工經過想睇下買唔買到糯米糍，好多時候7點幾已經無曬今日早放見到仲有。芝麻糍米滋：其實比起以前第一次食真心縮咗水好多，個皮係較軟身個種唔知係錯覺定點好似無以前咁煙un 芝麻個沙糖比較多，所以比較甜。眉豆茶果就唔錯，咸甜咸甜咁，眉豆有好香既五香粉味另外買咗燒賣都想睇下質素如何。

●花生/芝麻/紅豆糯米糍（$5）●世界上有種最傻嘅等待~明知已經回不去 仍然一次又一次咁俾機會 等佢改過 等佢上進就好似民豐咁 近年來水準已經下降不少糯米糍餡料冇以前咁飽滿 外皮亦缺乏糯米香同嚼勁😥但每一次經過我都一定會買返個 買嘅係一個希望 希望佢有朝一日可以突然間變返以前咁好食 但每次期望越大失望越大 屢次失落教會我死心 :'(可惜有啲嘢過咗就過咗 挽回已經係不可能嘅事 而家會買都只因已成習慣 就當懷緬一下已經逝去嘅回憶💭💭💭好味(4/⑩)抵食 (4/⑩)💭💭💭

同呢間鋪頭真係相逢恨晚先生之前成日帶我嚟呢間鋪頭 買佢最鍾意食嘅糯米糍, 之前曾經試過花生餡糯米糍同芝麻餡糯米糍, 印象中佢嘅糯米糍都唔錯, 但我本身唔太好糯米糍, 只係覺得佢啲糯米皮非常軟糯, 糯米糍來講算係做得非常好, 唯一嘅缺點係我覺得啲涵偏多偏甜最近經過見到有人排隊買煎餅, 味道非常香好奇之下一問原來係韭菜餅, 於是加入排隊大軍, 買咗一個試吓唔試由止可 一試真係愛上左!🙈韭菜餅煎得非常香口, 入面嘅餡亦算多係屬於一食停唔到口嗰隻, 所以食咗一啖之後明知道好熱都會忍唔住繼續食落去😍我諗我之後每次經過荃灣都會想行去鋪頭度買一個韭菜餅嚟食❤️

民豐係好有歷史的老舖，沒有冷氣，門口有即煎檔口仔，成間舖都有陣陣熱風吹出黎，每次嗱嗱聲比完錢都會快快脆行返出去。我雖然唔係住喺荃灣，但每次經過果附近，都必定買返十隻八隻糯米糍返屋企同家人分享，可惜民豐的質素已經大不如前，我老公仲食到肚痾🤢。琴晚上小巴返屋企前買了花生味及芝麻味糯米糍，以往民豐的糯米糍鬆軟香滑，好似捉住隻兔仔咁，大力少少都會將d餡料唧左出黎，搞到成身都係，所以我例必返屋企前買，再拎返屋企食。短短唔駛半小時的車程，一返屋企就即刻食，一拎起粒芝麻味已覺得怪怪，唔似以往鬆軟手感，好似雪左隔夜咁死死實實👎🏻食落鞋口👎🏻，我再拎粒花生味試，糯米糍有些細孔滲出啡色的水🤢，發出似爛香蕉嘅怪味👎🏻，我老公唔為意，食左成粒，痾左成晚，呢個變壞程度，唔似係短短的車程造成，而且全程仲係有冷氣的，至少涼過間舖，應該係賣果刻已有問題。怕街坊食左會肚痛，我出於好心打返比民豐叫佢唔好賣果批糯米糍出街，店主喺電話度叫個師傅黎，鬧佢下次唔好再搓定d糯米，賣晒先再搓，相信呢個就係唔再鬆軟同變壞的原因🤢。

聽朋友講民豐的水餃和雲吞都是即時包,今日經過就去到店舖購買正想買有蝦的雲吞,奈何看見所有鮮蝦售罄所以轉買了冬菇菜肉雲吞31蚊有15隻,返到家食都好香冬菇味道,味道都唔錯中間個肉味都算鮮味