民豐粉麵行

营业中

休息中

聽朋友講民豐既餃子唔錯,今日工作完咁岩在附近就走去睇下入到去見到都幾多唔同種類既麵,同餃子同雲吞選擇今日選擇左細盒韭菜雲吞,之後返到家煮左黎食.都幾多料,D肉又唔會好肥膩.而雲吞皮唔算好厚身即場包既真係比較新鮮D

酥炸韮菜餅Deep Fried Chives Cake (HK$13)Rating: 3/5 ⭐民豐粉麵行成立於1953年係荃灣老字號，而呢個新鮮炸嘅韮菜餅係荃灣其中一個名物。13蚊，新鮮炸起， 的確係幾香口，但老實講我又唔覺得味道好特別，個餡料調味唔算話好出，個炸皮亦似普通豆沙鍋餅皮。可能佢地嘅糯米糍(另一名物) 會比較有驚喜？🤔Min Fong Hong was founded in 1953, it s a time honoured brand in the neighbourhood. This deep fried chives cakes is one of the signature products in the shop - HK$13, freshly made, its indeed quite crispy, but then fairly speaking I am not particularly impressed - the fillings did not have any special flavours and the cake's textur

本身住港島區，偶爾去荃灣探望朋友，巧遇呢間店，最鍾意呢種懷舊自家製嘅店！結果大掃貨，試左蒸燒賣、韭菜餅，再買埋三種唔同口味嘅粽、30隻水餃番屋企食！現食嘅燒賣，有料又不失咬勁，5蚊一串好抵食！即刻我就再買多一包燒賣番屋企看門口，慢慢品味即煎韭菜餅煎緊已經超級香味四溢，食落口都好正，將韭菜香齒頰留香（首先你係鍾意韭菜味啦但可惜韭菜好耐擺得耐，只可以現食呢D平價自家製嘅特色店，港島呢邊買少見少，幾乎都見唔到啦！行開荃灣真係要試下驚喜味道好多呀！依家荃灣美食吸引左我啦！

平時一得閒，不想煮飯，便會到這裡買餃子回家食。我本身喜歡食水餃。但因為老公喜歡食雲呑皮。所以之後多數買雲吞比較多。而我較喜愛食「冬菇豬肉」，韮菜餅其實煎得都好香。但實在太油，所以都沒有買。這裡我都買過蘿蔔糕，但真的好多粉，不好食，沒咩蘿蔔味道，不太推薦。這裡的餃子，便不錯。皮好滑。另外，我都間中買這裡的黑芝麻湯圓。我覺得好好食😍。不過怕花生同豆沙太甜。因而鐘情於黑芝麻味。如果未試過，不妨一試。我都有試過荃灣街市內另一間餃子店，但我個人覺得個間偏甜（餃子），我不太習慣這味道，所以最後都去番民豐買。

咁岩閒開荃灣，見到間上海鋪排左長長人龍 就去湊下熱鬧！呢間鋪賣雲吞 湯丸 麵 仲有啲熟食 好似粢飯 糯米糍 茶果 韮菜煎餅等等...我買左糯米糍同粢飯🤤😋芝麻糯米糍皮外面沾上沾米粉，皮薄餡靚！皮好煙韌，好薄！一咬，啲芝麻餡爆晒出黎！芝麻餡脆脆地又香口，唔係好甜，好好食🤤🤤🤤同埋只係$5，好抵食！推薦！仲有花生同豆沙餡！😋粢飯見姐姐密密包粢飯，忍唔住叫埋！不過粢飯啲糯米太淋，同有啲散，覺得一般姐😪😪

這晚少有地夜晚在荃灣，晚上9點左右經過見到民豐還未關門！平日都是日間經過，總是很墟冚，以為這小店跟街市一樣六七點就會關門，想不到會營業至這麼晚。看到茶果及糯米滋仍有大量供應，尤其是茶果，像是新整好的一底，就決定買返個來食下。店員姨姨遞一個給我，啊！是暖暖地的！我的猜測沒錯，真是新整的，晚上9點竟然還吃到新鮮的茶果！糯米皮夠煙韌，眉豆餡咸咸甜甜，非常可口，個人覺得比糯米滋更正！P.S. 晚上煎韮菜餅蘿蔔糕那個爐頭就沒有開，望過去仍有兩舊瓷飯。

昨晚去荃灣，順道替爸媽買明天的早餐，來了民豐粉麵行買冬菇包和菜肉包。在買蒸包的同時，我去了排隊買煎餃子，有點肚餓嘛。這裡餃子五元兩件，算是便宜，當然吃兩件不飽，所以我買了四件餃子。整袋餃子蠻有份量，每顆餃子挺飽滿的。餃子煎至微微焦黃，餃皮不薄不厚，脆度一般。四顆餃子中有一顆完全破掉，韭菜餡料都四散。韭菜餃子比白菜餃子味道濃厚，白菜餃子相對清新，最好先嚐白菜口味，再嚐韭菜的，那麼就不會蓋掉白菜原味。

去咗荃灣心郁郁順便去「民豐粉麵行」買糯米糍，每次都一試難忘，回味無窮，呢個糯米滋真係必食架！糯米糍有三款口味：「有紅豆餡、芝麻餡、花生餡」款款都係 $5 一大粒，.🔹芝麻糯米糍 $5糯米糍面頭沾粉不少,拎上手就唔會黏,糯米糍煙煙韌韌,外皮好軟糯又有糯米香,餡料混合粒粒砂糖和少許豬油及芝麻香磨粉,員工話有別於一般坊間的製作,味道較像湯圓餡...好正 🤤❤但食開無糖就會覺得偏甜🤭粒粒都皮薄餡厚，餡係多到瀉出黎,點解啲餡可以咁足料?咬第一啖啲餡已經漏晒出嚟🤭食到成身都係😂BTW真心好抵食呀！.「民豐粉麵行」已有多年歷史另外有粉麵、餃子雲吞、湯丸出售添！周不時有啲街坊入去幫襯,每日都好多人排隊，今日去都要排呀，好彩都係排左一陣姐。買左一盒拎走同家人開心Share，有紙盒裝呀！

前幾日經過民豐行，見到大排長龍😗好奇就走去趁下熱鬧🙊原來係排緊賣韮菜餅🌮聞到已經好香，仲要1點第1輪岩岩新鮮出爐！所以就不知不覺咁排埋一份lu😙一拎上手熱辣辣♨️有白煙出，但都忍唔住要快d放落口呀🥵🤣一咬落去已經係滿滿既韮菜肉餡，好香又多汁，實心，而餅皮係煎過，脆身但又保持到嚥韌，有咬口，食到一半已經有d飽😝但慢慢食又會食得哂呢🤣一1個人當lunch應該都岩岩好！唔知點解，其實我覺得有d似巨大版煎餃子🥟🤣

This place is worth a special trip (exactly what I did yesterday afternoon). I was told by my friend about this local place in Tsuen Wan. They make all their dumplings on site. Also sell all kinds of noodles. I went around 3pm and was told all shrimp dumplings were sold out already ..... So I bought pork/chive and pork/ mushroom dumplings. They come in either 15 or 30. I bought 15 each. Once I got home, I cooked the dumplings for about 5 minutes and they were amazing!!! Definitely a hidden gem !

當大家都著重佢嘅餃子煎餅粉麵嘅時候， 應該都係忽略咗佢嘅魚肉燒賣， 真係好鬼正㗎!喺一片味精嘅潮流之中帶出濃濃魚肉香味， 又喺濃濃魚肉味中帶出點點精香嘅味精味😍好彩“孖寶“有好多喺荃灣住嘅甜親密友，成日買畀“孖寶“食，如果唔係我對呢個魚肉燒賣嘅慾望，都唔知點算好! 佢好味道當我晚飯食得好飽嘅時候，只係雖要小休一會，就當蒸起上嚟嗰個魚肉味同味精嘅香味，再加上豉油同埋加點名牌辣椒油，例如“英記“人渣油，或者近期好hot嘅“吾“C父，呢d不良份子嘅配合，簡直就係魔鬼嘅誘惑，令我難以抗拒，真係擋不住的瘋情，實食到收唔到口，買幾多塞飽個“雪胃“都唔夠🤭，噢賣葛吖😍😍😍

每次行過民豐都會聞到好香嘅煎餅味，每次見到都會排隊買野食，初初覺得應該冇咩特別，所以行過幾次都冇買，直至有人邊行邊食個韭菜餅，我就覺得好香好吸引，就排隊買黎食下。排隊有得買韭菜餅、炸雲吞或者餃子，我見個個都買韭菜餅，我都唔執輸到買返件食！成個餅好重手，一咬開啲韭菜味攻出黎好正呀！好juicy好脆好香口！順手仲買埋佢每日新鮮包嘅盒豬肉雲吞試下添！如果想買鮮蝦吞就要早啲排隊，成日都好快賣曬嫁！！！！！

荃灣好多好野食，但有一間我每次都要去食嘅一定係民豐。第一次食係行過聞到好香嘅煎餅味，又有d肚餓，就隨手買左個韭菜餅，點知一食就返唔到轉頭由於都幾多人買嘅關係，佢都煎得好密手，我次次都買到係新鮮煎起嘅。成個餅好飽滿，一咬開果陣香味攻出黎真係好正。滿滿嘅韭菜同肉碎，仲有好多肉汁！雖然會食到成咀汁成咀油，但真係好好味，韭菜迷一定唔可以錯過除左d即煎即食嘅野外，佢仲有賣麵餅、水餃雲吞、湯丸果d傳統食品。香港呢類老店已經買少見少，希望佢可以長做長有

✏️芝麻糯米糍 ($5)翻到屋企見到有民豐行嘅糯米糍係開心嘅🤩真心好抵點解啲餡可以咁足料先🥰芝麻餡係有啲沙沙嘅感覺 糯米皮超軟糯喔🤩不過今次個芝麻餡我覺得真係甜左啲 師傅可能唔小心落糖重手左😂

韭菜豬肉餅😬$13的確好新鮮，好juicy，即煎即整。熱辣辣既韭菜餅，內涵用料十足，大量韭菜配上豬肉 ，而且juicy既原因，係因為有好多肉汁鎖著左響𥚃面😎所以食個陣要小心D😂不愧為荃灣抵食之選😎