民豐粉麵行

营业中

休息中

我真係好鍾意食懷舊糕點，但香港賣茶果同糯米滋既地方真係愈黎愈少😭幾經辛苦比我搵到荃灣呢間老字號粉麵行，入面居然有紅豆/眉豆茶果，仲有花生糯米滋！.紅豆茶果 $5/件紅豆餡甜度適中，味道唔死甜，茶果偏實淨，唔知係咪因為無趁熱食，所以咬開個皮同餡有d分離，感覺有d乾，可能要趁熱先好味～.花生糯米滋 $5/件最期待呢個！個皮都幾軟身🤗但花生餡就唔算好多，要咬超過一半先食到d餡花生磨得幾幼細，同砂糖既比例都好好，有加到分😉可以一試

我一家吃了民豐的食品包括水餃及糭等二十多年，質素向來有穩定水準，也從未發生衞生問題，味道非常好，所以十分支持這家本地出品，讓我們除了連鎖品牌包裝食品外有更好的選擇。

朋友又為我準備了晚餐，不過是要自己煑的。他買來民豐的上海菜肉雲吞，主要材料是麵粉、豬肉、水、醬油、蔬菜、熟油和鹽。煑食也很簡單，燒開熱水，放入雲吞，待加熱起煙再等五至六分鐘即成。第一次自己煑雲吞零失敗。熱呼呼的雲吞好好味呀，餡料飽滿，很鮮味 又有蔬菜的青爽，加上一點薑絲和醋，一頓晚餐便完成了。

作為煙韌控 民豐既糯米糍一直都係我口袋名單裡面但礙於位置太架涉 一直未有機會去試依日行完山剛好經過 就正好滿足一下願望下晏4點幾黎到民豐店內人頭湧湧 分左好幾條隊排唔同既食物不過由於我一早已target左糯米糍 所以一黎已經疊埋心水排佢條隊但好不幸地 排到我既時候 竟然冇哂花生同紅豆味得番芝麻味 實在有點失望不過既然一場黎到 就買兩個芝麻味試試吧~~粒糯米糍外形圓碌碌 外層裹上一層薄薄既粘米粉以防黏手驟眼一睇就好似一個小雪球咁 而且攞上手都幾墜手 有番一定既份量 令人不禁期待佢既味道~但一咬落去我就知道佢唔係我鍾意既糯米糍因為咬完好幾啖都仲未食到個餡...雖然佢既糯米皮都幾軟熟 但實在係太厚而且同餡既比例唔平均 令整體既味道較淡加上黑芝麻餡唔夠香濃 仲有少少出水既情況令到糯米皮有少少黏手 感覺唔係咁討好真係令人好失望..

民豐既糯米糍好出名不嬲都知，難得到荃灣，當然要一試！買左芝麻同花生兩隻味。糯米糍拎上手係有少少聚手嫁😆圓圓的，摸落仲好軟熟添！糯米糍面頭痴左有好多粉防黏，未食糯米糍前聞下會有一陣糯米香。忍唔住咬一啖，糯米糍皮軟熟、但未夠煙韌（我係煙韌控，期望係會有比較煙韌既口感）。皮都算厚，唔係薄皮果種，就算餡既比例唔少，但每一啖都會有糯米糍皮既分佈。仔細品嚐，皮有少少米香。餡料方面，我食既花生同芝麻都未有大家所講既爆餡現象。唔知係我唔好彩定佢已經縮左水。不過平心而論，都餡都唔算少既。無論係花生定芝麻，都明顯見到溝左好多砂糖，而甜度我認為適中。可能因為皮比較厚，甜度被中和。花生vs芝麻？係我心目中，花生勝！花生同砂糖混合後口感好夾。有花生香氣。花生甜度較芝麻高，但芝麻餡有種甘苦味，我比較接受唔到。加上我果個芝麻糯米糍皮比較厚，係皮厚變相餡更少既情況下，苦味更出。所以我中意花生多啲。整體而言，味道其實唔差，但唔驚艷。個人認為皮夠軟糯，但較厚，缺少煙韌口感。餡料冇想像中多，較失望。但一粒$5黎講，性價比高，經過可以買黎試下，特登搭車去就唔洗啦～除左糯米滋，韭菜豬肉餅亦係佢另一出名小食。買果陣仲煎緊，一煎起

民豐平時都成日都排隊， 今晚放工後（20:00）到民豐見唔洗排隊，入去睇睇仲有乜雲吞水餃買先雲吞水餃的價格如下：買左：上海香菇菜肉雲吞好味冬菇同菜肉比例好好， 雲吞皮較薄，好香冬菇味上海韮菜肉雲吞（熟左幾隻先記得影相）如喜歡食韮菜既朋友， 應該都會鐘意依隻雲吞， 好香好味上海菜肉水餃： 水餃皮較厚菜肉係白菜+肉， 因為無哂菜肉雲吞， 只有買水餃代替， 菜肉饀好味⋯ 係水餃皮較厚， 食落有點飽但值得一讚： 水餃係即買即包， 所以等左陣，尚算新鮮

依間係上網見到糯米糍排行榜排第三既 睇到佢介紹幾吸引 同埋係街市老店感覺傳統 鐘意食煙韌鐘意糯米糍 難得黎開荃灣尊登過黎食鋪頭係好傳統老店 攤晒d野食出黎 睇岩要咩就同d姐姐講 一早鎖定左目標要食芝麻味芝麻糯米糍 $5個面鋪滿粉 所以用膠袋裝唔會痴住 個皮的確好軟熟 但我自己鐘意煙韌有咬口d既 而個餡係多糖到嚇人 當然就非常非常甜 幾乎食唔到芝麻味韮菜餅 $13俾係門口煎餅既味吸引左買埋依個 熱辣辣既韮菜餅好香 個皮有d太厚 好似餡都幾多 而且調味幾好 唔會好咸抵食 唔值尊登去 不過如果經過會試佢既茶粿

花生糯米糍民豐糯米糍有3款味: 紅豆、花生、芝麻，,全部都係$5.00一件, 比起一般糯米糍大粒得多抵食，性價比很高。糯米糍入口幾煙韌軟綿，粉感唔重最好食都係花生🥜，餡係多到瀉出黎，花生餡澎湃足料，不過糖度較高

今日經過荃灣街市附近，看見一條人龍，便上前行行，原來是一間叫民豐的店舖，分別有兩條人龍一條是買韭菜餅，一條是排糯米糍，聽聞很多人都讚糯米糍是爆多餡料的，所以便買了兩件芝麻糯米糍品嚐，原來是黑芝麻，當咬下去餡料便湧出來，以為會很甜，但原來一點也不甜，因為本人不喜歡吃甜的東西，但這個糯米糍我一個人可以吃兩件，都不會覺得厭倦，吃完也不會很口乾。價錢是只需（$5）1件，十分便宜，最後本人買了半打回家品嚐，這個價錢可以吃到爆多餡料的黑芝麻糯米糍，相信沒有其他地方可找到！

大前日 (4-8-2018 Sat)晏晝同老公o係貓の茶房食完晏後,覺得唔係好夠,於是又邊行邊搵o野食,老公突然記得呢間o既眉豆茶粿,啊.我o地去到睇,除o左眉豆外,竟然有豆沙同蘿蔔茶粿咁新奇,就買齊佢啦,重買多個芝麻糯米糍俾爸爸食,全部都係$5.00一件.我o係坐車途中,發現手機有好多塵,o係係貓の茶房攪成咁,我就撥咔佢,好彩民豐o既店員將裝芝麻糯米糍o既袋打o左結,否則啲塵入晒去.而3個茶粿都熱騰騰o既.返到屋企,即同老公食茶粿.1. 蘿蔔茶粿內裡o既蘿蔔絲好豐滿,味道幾清,不過同糯米皮好似唔多夾.味道: 3.5分2. 豆沙茶粿紅豆大大粒夠腍,味道又唔太甜,感覺呢個夾啲啲.味道: 4.5分3. 眉豆茶粿一食落去就食到好濃o既五香粉味道,明顯呢個係鹹啲,而眉豆夠腍,唔錯.味道: 4.5分3個茶粿皮都軟糯同帶點煙韌o既.4. 芝麻糯米糍呢個size明顯比以前細o左好多,爸爸o係前日食o左,冇問佢覺得點.抵食係2.8分上次食評: https://www.openrice.com/zh/hongkong/review/%E8%A8%98%E4%BD%8F1-30pm%E5%BE%8C%E8

最鍾意掃街嘅我 ，知道荃灣有一間出色嘅韭菜餅， 就算唔識路都要專登google下點樣去朝聖。皇天不負有心人， 路痴嘅我終於搵到， 佢正正喺楊屋道街市對面， 排曬長龍嗰間就係啦。已經係六點鐘, 過曬下午茶 ,又即將晚市, 仍然都有人排隊, 因為係即煎即賣， 我去到啱啱煎好，只係等入袋比$。大過手掌嘅韭菜餅 ，用料十分充足，入面有大量韭菜加豬肉 ，而且仲有好多肉汁，香味濃郁， 令人一試難忘 ，最重要係十三蚊咋， 質素非常之好。 掃街王推介美食。

👉🏻糯米糍(芝麻、花生、豆沙)💲5 超好食🤤💕平得嚟又勁大粒又勁多餡😽多到爆哂出嚟 唔小心啲食仲會食到成地成身都係😹多餡之餘個糯米片又勁soft💕軟冧冧💛個人認為芝麻最好食😻豆沙就冇爆餡嘅效果喇不過都好好味好smooth嘅豆沙蓉😛

上星期去左荃灣，順便試埋好多人都介紹既民豐糯米糍😍😍... 糯米糍 $5 一粒好墜手，有芝麻味同埋花生味，我就要左花生味😗😗原諒我影得好hea，事關又落雨我又心急既關係😛😛糯米糍外層厚得黎但又好軟熟，入面就好似傳說中咁爆曬餡🤣花生食落好香，而且因為好多時砂糖關係，食起黎有種沙沙嘅口感❤️❤️個度仲有好多小食都好吸引，餃子湯圓都唔錯🤣🤣🤣🤣。。～～～～民豐粉麵行地址：荃灣街市街35號

講真 一兩年前民豐只係荃灣人/老街坊嘅口袋美食 都會有人龍👀但絕對唔係而家9成時間都咁多人 所以我都停食咗好耐(最近又少人翻)🐤見無人即買6個糯米滋 3個茶果 一食就知質素下降了少許👐糯米滋外皮厚度同口感依舊很好 煙韌又綿綿的 芝麻/花生糯米滋亦爆餡(不過花生少過芝麻🙊) 芝麻非常香口 仍然推薦👍👍奈何花生無以前的驚喜 沒有的完整花生粒 花生碎亦不太香 太多沙糖啦😭.韭菜煎餅$14同樣保持水準🌿🌿餡料飽滿有水份 帶點肥肉 很香👍餅皮厚度不一更顯手工感 (當然沒有相差太遠🙈)而且喜歡有微微韌度 越嚼越香👍 唯一不喜歡的是現在早早煎滿一堆山的煎餅 吃不了新鮮煎起的感覺 只能回家翻熱(然後你就發覺紙袋全是油!!!!)😭.蘿蔔絲茶果令我小失望(面頭黑色點點係因為我食完芝麻糯米糍😂)😢餡料少又唔香 沒有炒過/調味 比較淡味 皮亦厚 有點吃不濟呢😥.

吃了那麼久東西，你會漸漸發覺某些食品是很極端，你只會 愛 或 不愛，沒有麻麻地/沒所謂的選擇。例如？...... 芫茜、苦瓜、榴槤、蔥等等等等，那些「大味」之食真是令人非愛即恨。我都是那類人，我完全受不了榴槤、臭豆腐那「香味」，但我對香料香菜類就大愛特愛，大蔥、蒜頭，然而韮菜更是每次走過蒸包店，都要買一個煎韮菜餅來吃，哪怕其重口味，根本愛的就是那陣味！而說到哪裡有好味的韮菜餅，必定有荃灣的民豐！即煎的香煎韮菜餅，香噴噴十三蚊一大塊，攞上手熱到傻了，那那聲攞返屋企慢慢歎。你可以見到它的外皮煎得金黃色，焦糖的外表，美麗得很！分開一半，滿滿的韮菜、豬肉碎在內，還要充滿肉汁！每咬一啖，先有脆口的外皮，後有濕潤而香口的韮菜豬肉餡子，60秒完全殲滅！其實它出名的還有糯米糍，但是我還是喜愛那「大味」之美。