民豐粉麵行

营业中

休息中

.話說去民豐排隊買湯圓同餃子嘅時候你總會喺門外面聞到好香嘅韭菜味道呢一個香煎韭菜餅同埋韭菜餃子必食忍唔住要買黎試下果然即買即食熱辣辣係吾同既=========================韭菜豬肉餅$14真係好大塊好厚外皮煎香脆口而且份量好多內裏餡料好足真係好食==========================而韭菜餃子🥟$10/4隻亦好好食好香口好有韭菜味道而且餡料係好足=============================後記：成日都要排隊係因為所有嘢都係即日包即日整賣晒就冇啦所以就保持到新鮮人手香港製造有興趣嘅朋友真係要早少少去排隊尤其是大時大節

==========================價錢亦都好合理白菜豬肉，冬菇菜肉，鮮蝦菜肉，韭菜豬肉兩個size可以買細盒15隻$32-45大盒30隻$62-$90如果揀蝦同冬菇就會貴少少=======================================================後記：成日都要排隊係因為所有嘢都係即日包即日整賣晒就冇啦所以就保持到新鮮人手香港製造有興趣嘅朋友真係要早少少去排隊尤其是大時大節

前日 (19-3-2022 Sat)同老公由紅磡返到荃灣,去完鳥元買炸雞,就去悅和買豉油,經過民豐,見到有兩條龍,又嗅到招牌韭菜餅嘅香味,咁唔爭在喺喥買埋啦,排到我喇,見到有韭菜餃,就問晒兩樣嘢幾錢?亞姐答韭菜餅$14.00一件,韭菜餃$10.00四隻.咁我就買呢兩樣嘢啦.返到屋企等到晚飯時間拎出嚟,見到兩樣嘢都煎得好夠,我將韭菜餅切開,睇見充滿韭菜粒,正.我先食韭菜餃,竟然令我大失所望,完全冇韭菜味,只有唔鹹嘅豬肉.味道:1分韭菜餅味道依然咁香濃咁好食.味道:5分上次食評係2018年8月7日刊登嘅呢篇:https://www.openrice.com/zh/hongkong/review/%E5%89%B5%E6%96%B0%E8%8C%B6%E7%B2%BF-e3116089

一個星期又過咗，自從我Tony哥同老闆搬咗去九龍塘之後，已經2年冇去民豐買餃子食⋯⋯今日即興，揸架911入荃灣都係15分鐘左右，就去行下街市街吧⋯⋯大約下午4:00入到民豐，e…?冇以前咁多人排隊喎 等了5分鐘到我地入店買餃⋯⋯個阿姐好急咁問我：要乜餃？大定細？係咪十五粒？我就興興地答：妳一論咀有妳說就不比人說！我就話：9菜、冬菇大粒各15 2盒！湯丸2盒呀⋯⋯‼️‼️佢地old shop 以前喺M記旁 都係一樣態度不過算啦 費事再嘈，揸車走人⋯⋯係咁先喇⋯⋯

同朋友係荃灣行街食飯，朋友話想買餃子，黎到民豐，今日條隊都算短，排左幾個字已經買到。我就買花生糯米糍同黑芝麻糯米糍，每個$6，好大個，軟淋淋，見到已經想食。返到屋企，黑芝麻個個比媽媽食，佢話麻麻地，太散，所以相都無影🙈 我食花生，啲餡好多，皮好軟熟👍🏻

呢個星期颱風襲港 大家好多被逼留係屋企 應該好多人都儲定餃子 杯麵🤣但係超市嘅餃子好多都細粒又麻麻地 今次就決定介紹荃灣街坊應該都知道嘅民豐粉麵行餃子 日日都見到有條長龍排隊買餃子 更加有其他例如糯米糍 湯圓 韭菜餅等等！🥟上海菜肉雲吞(30隻)🥟上海韭菜肉雲吞(30隻)💰60呢間D餃子係好多姨姨即時係入面整嘅 所以好新鮮 而且每一粒都超大粒又足餡 最鍾意係雲吞嘅皮 厚得來有咬口好有韌勁！韭菜雲吞好香口 入面韭菜味道好突出 唔使點醬齋食都特別好味！菜肉雲吞嘅肉味會比較重 係人人必買嘅item！p.s.買雲吞會好過買餃子 餃子皮特別厚🤣呢度嘅糯米糍都好好味 有芝麻 花生同紅豆三種味 特別推薦花生 餡料好足又夠甜 糯米皮都唔係特別厚！📌 民豐粉麵行 (荃灣)荃灣街市街35號

幾個月前朋友買了呢間芝麻糯米糍比我食，當時味道同質感好好，好有芝麻香，所以今日路經荃灣特登過來買，返到屋企一食，嘩！！！乜同上次朋友買比我嗰啲差左咁遠，今次啲粉勁多厚，皮好濕，最差係個芝麻，眼見有好多白色粒粒，我估係糖，只得甜味，芝麻味欠奉，難食到一個點，幾個月時間點可以做到由一個好好味嘅芝麻糯米糍變成難食糯米糍，呢個難食程度係數一數二，之前我仲不斷介紹人經荃灣呢間糯米糍要試一試，今次之後要再同朋友講呢間千祈唔好試！

今天下午行經荃灣一間著名老字號 - 民豐粉麵行，被那香噴噴的生煎韭菜餅所吸引！生煎韭菜餅每天下午二時開始售賣，店員姐姐會用傳統鐵板煎餅，常常看見門外有不少人排隊買煎餅呢！生煎韭菜餅($13)。外皮煎得夠焦脆香口，餅皮厚薄適中，煙煙韌韌有咬口。內裏的韭菜和豬肉碎餡料也不少，韭菜夠新鮮，不會黏牙，整體口感不錯，滿滿韭菜和油香！有機會經過，必定會再來買這個生煎韭菜餅，此外還想試試看這裏的另一名物 - 糯米糍呢！

入咗嚟荃灣就去埋好出名嘅民聲啦！入到去果然人頭湧湧，見到好多人都買餃子！我哋就買咗一盒餃子嚟試下，仲買埋糯米糍同埋韭菜餅！ 個韭菜餅煎得好香不過多咗少少油🤔而糯米糍就好大粒，個皮好軟熟都好多 餡料😋個餃子就都好大粒，即場包好新鮮！

近70年歷史的荃灣老字號，長期顯現人龍，以前屋企人亦會有時買雲吞、端午糭、黃金糕， 難得路過，聞到陣陣韭菜香味已經把持唔住。*韭菜餅 $13每日兩點開售，用傳統鐵板生煎，望見店舖姨姨一個人密密地不停煎，熱辣辣新鮮出爐，其實等一陣都值得!韭菜餅煎得外脆內軟，餅皮煙韌，韭菜濃郁新鮮，絕對唔會痴牙，內餡的豬肉碎比例大約1/3，完全唔需要擔心一咬會爆汁。不過餅皮厚少少和始終生煎，一定會用上大量油，真的少食多滋味。

週末午後想輕鬆地行一行山，想起城門水塘是最佳選擇，炎熱天氣下在水塘附近走走最舒服🏞因為有林蔭水汽等清涼一番。上山前在小巴站附近尋找一下補給的地方，想起早幾個月在網上看到附近有一間傳統粉麵店，除了賣粉麵外，還有各式小食出售🤤 .往後面走一條街已經見到民豐粉麵行，門口有數條人龍非常易認，走近一問，原來每條人龍都是在等買不同的東西，端午糭，即包餃子🥟糯米糍和韭菜餅也各有捧場客，其中最長人龍的是即包餃子，由店鋪裏面排到出門外，保持一直有十數人。 .🌯在門口聞到韭菜濃香，就決定買兩個餅上山補充體力之用，雖然未到兩點，但店員已在煎製第一輪的韭菜餅，等了5分鐘就拿到香噴噴的煎餅。對上一次吃這個東西已經是在台灣，當地稱為韭菜盒子，名字更為貼切。 .韭菜餅外皮煎得油香，外脆內軟，韭菜新鮮味道濃郁，碎肉調味適中，仍有少許肉汁。下次想試一試糯米糍，甜咸夾擊下，相信就算行了山體重也有增無減😋

民豐都算係荃灣幾出名既鋪頭，成日都好多人排隊買餃子，但係除左出名餃子之外，佢地既韭菜餅同埋糯米糍都好值得試！1️⃣韭菜餅（$13）韭菜餅係即煎既，攞上手仲熱辣辣。雖然係油左啲，但係個皮幾煙韌，入面啲韭菜同豬肉餡好多！食落仲有啲肉汁🤤而且真係好大塊🤩  2⃣️花生糯米糍（$5）食落去有少少沙沙地既口感🥜糯米糍既皮唔算話好薄，但係夠煙韌！而且餡料真係好多好爆！  3⃣️芝麻糯米糍（$5）我自己鍾意花生味既多啲，芝麻味呢款都一樣好爆餡，芝麻味好濃，不過偏甜左少少。 

今日經開荃灣口痕醒起有間出名大件夾抵食既糯米糍民豐粉麵行就買左兩個黎試下😍花生味 咬左一啖後 入面真係好足料啖啖花生🥜都係($5)粒除左花生味之外 我仲試左芝麻味又係啖啖芝麻無記錯仲有紅豆味中意既朋友仔可以去試下😍

一向都十分喜歡食糯米糍，鐘意那意軟糯感。果日過經過這間鋪頭，看門面以為只賣粉麵，原來有糯米糍賣，仲只係$5粒好抵🤭🤭，有紅豆，花生，黑芝麻三款。回家急不及待就切開試下，餡料很多，而且炒得好香，糯米皮好軟好綿😋😋，不太痴牙好軟滑，食完唔會結在喉嚨。值得推介大家試下😊😊

本身好少出荃灣，但每次經過民豐粉麵行都見到有人排隊，所以上網search下點解咁受歡迎，原來係一間專賣麵粉類製品既老店。第一次光顧，我心思思想試好多野，綜合過openrice既評語之後，我買左芝麻糯米糍、花生糯米糍、韭菜餅同埋冬菇菜肉水餃。✔︎ 必推！大大粒爆餡糯米糍 $5粒就咁睇相都見到，糯米糍皮薄餡多，咬多兩啖之後，就咁會漏哂出來，而且糯米好軟糯，忍唔住食完一粒又一粒😋✔︎ 韭菜餅 $13韭菜餅亦係超多餡料，表面煎得好香脆，但就油左少少。✔︎ 必推！冬菇菜肉水餃 $35最多人推薦冬菇菜肉水餃，當然要試下，水餃大大粒，好足餡，一咬落去就會有充滿冬菇鮮味既湯汁流出，好正！但略嫌水餃皮有d厚。