樂意點心

营业中

休息中

尖沙咀美食：樂意點心尖沙咀地鐵站出口。超低食親民點心店。好多人幫襯。要有排隊嘅心理準備。裝修清新。座位系卡位。點心有懷舊傳統點心。亦都有新式點心。非常多款招牌蒸飯。亦都有多款海鮮特色蒸飯。仲有真材實料嘅燉湯。強烈推薦必食//絕配套餐/$68配普通蒸飯. 1:加錢配海鮮蒸飯。2:加錢配燉湯。我選擇加錢配海鮮蒸飯及燉湯//花鵰蛋白臘腸蒸紅花蟹飯（套餐）（原隻紅花蟹）$55//雲腿雞腳燉花膠（套餐）$10

呢間餐廳好多人排隊，我地等左一陣就入去坐低左，佢入面坐無虛席，我地叫左一份鮑魚鵝掌花膠餐，鮑魚彈牙配埋d汁撈飯好夾鵝掌大大隻入口仲好軟綿綿甘花膠有兩塊，呢度有好多唔同既點心仲有海鮮籠仔飯，我地叫左杏汁燉蛋白好飲同滋潤，牛柏葉加埋薑絲同葱好惹味唔會好韌，牛柏葉係切到比平時既細條易咬所以薑葱更入味，呢度既茶位都係$5一位好抵，茶包仲可以自己選擇沖入個壺度浸住慢慢嘆，另外個餐仲配埋足料靚湯真係好好飲，健康推介。

尖沙嘴長期堆滿人，這間點心店也不例外。小編曾經在尖沙嘴工作了年半，一次都未能成功吃到lunch。今次小編親戚提早幫手攞籌，終於食到了。籠仔豉汁帶子飯份量大至3人都足以share，帶子都有5件，都算鮮，醬汁比較開胃，蒜蓉味重，加上有大量生蔥花，會比較辣。小編個人覺得飯有點太濕，可能是醬料加荷葉蓋住，所以水分有點多。芝麻蝦多士多士香脆，蝦口感爽彈，芝麻量度且濃烈，另外附上酸辣醬，小編覺得可以再提供沙律醬🤪。合桃包推薦，餡料是流沙，微甜，然後帶一顆顆整顆合桃，沙沙質地配上原整核桃，口感非常豐富。麵包軟綿，密度比較實，建議趁熱食。鵪鶉蛋燒賣食得出不是放了很久，平常外面放久了，鵪鶉蛋口感變得差，這個沒有。豬肉都算彈牙，沒有異味，比外面吃到的清淡，不錯。香莤牛肉腸腸粉軟綿煙韌，牛肉份量多，莞茜味不是很突出，但整體尚算不錯。鮮無花果雪耳沙參玉燉排骨燉湯清而香甜，口感偏濃稠一點，鹽落得不多，主要都是食材味道。玫瑰桂花凍第一次試玫瑰與桂花的配搭，蠻好吃的，甜度，都算是比微甜多一點點。桂花味濃，花凍口感不會很硬，玫瑰花瓣份量多，主要是增添口感，兩者都算能融合在一起。樂意點心尖沙咀漢口道19-21號漢宜大廈

絕配套餐($68/位)有鮑汁花膠鮑魚鵝掌(配白飯)、鮮花甲粉絲湯同埋白灼西生菜。超抵食呀！❤️鮑汁花膠鮑魚鵝掌(配白飯)有花膠、鮑魚和鵝掌，一次過滿足三個願望，正！❤️鮮花甲粉絲湯花甲和粉絲的份量都好多！👏🏻👍🏻湯與胡椒豬肚近似有啲芹蒜入口好香❤️白灼西生菜🥬十分新鮮爽脆❤️龍蝦餃(2件)餃皮煙韌，皮薄餡靚～❤️沙律蟹柳春卷(3件)好少食甜嘅春卷，好特別👍🏻。炸得香脆！❤️豉椒蒸排骨排骨蒸得熟透👍🏻，唔會紅，食得放心。最特別係入面有白蘿蔔！❤️原隻鮮蝦腸粉腸粉好滑。入面包住大大粒鮮蝦，十分新鮮有鮮味😋。❤️玫瑰桂花糕(凍)/3件有玫瑰🌹和桂花，入口好香～❤️茶位$5位，超平呀！原來有玫瑰花茶😍，飲落好香好舒服～🥰我同朋友約下午5點半到，原來早茶同下午茶(3-6pm)時段有88折！

今日喺聖誕節補假，喺尖沙咀誠品偽文青到九點幾。十點嘅尖沙咀，體感溫度唔夠10°C，喺要有熱辣辣嘅野入肚之必要。唔抱任何期望嘅我只好寄望開飯APPS，轆轆下見到間開喺iSQUARE附近，有300幾個好評同萬幾人收藏嘅點心店，有燉湯有籠仔蒸飯，仲要開到23:45！喺你啦，《樂意點心》！ 我哋兩個人22:15嚟到《樂意》，無諗過呢個時間都甘多人同我食爭食，旺到要拎飛等位嘅程度。《樂意》有細二人枱同四人卡位，目測坐到30～40人。 熟讀完個Menu，最低食嘅喺佢個“絕配套餐“，$68+有飯有燉湯，+$10可以追加指定點心。同店員確認過套餐嘅份量同單點一樣，冇懸念，兩個人嗌咗兩個絕配套餐同兩個點心：〰️〰️〰️🫖 開茶：▪️ 叫得飲茶，茶喺茶客心目中有不能妥協嘅定位，講完。其實純粹想話佢哋隻白桃烏龍(+$0)白桃味幾香甜，聞同入口都好香，喺甘多。 🍽 點心 x 2：🦞 龍蝦餃 $32 (2粒一籠) 🆖️▪️ 靚喺幾靚仔，可惜蒸過咗火，餃皮一夾就爛，餡又唔得特別，無咩記憶點。 🦪 珍寶帶子腸粉 $42 (5件一碟) 🆗️▪️ 腸粉本身未到特別滑，輕輕腍咗啲，勝在帶子大大片同夠新鮮爽脆，拉高返個水平，都唔錯。 🍽

.‼️❤️ 記得CLICK我PROFILE關注我呀 ❤️‼️.🦀 𝙔𝙪𝙢 𝘾𝙝𝙖 𝙍𝙚𝙞𝙢𝙖𝙜𝙞𝙣𝙚𝙙 @ 🌟 樂意點心《👽食神大媽食點心》.💁‍♀️ 圖片展示美食為：絕配套餐 HKD 108- 花雕蛋白蒸紅花蟹飯- 椰子燉烏雞鮮蝦腐皮卷 HKD 16帶子菜苗餃 HKD 26豉椒蒸排骨 HKD 25合桃包 HKD 16棗皇糕 HKD 20.👽 大媽好鍾意黎呢間地點方便、裝修新派嘅點心專門店食點心，因為佢除咗點心之外，仲有好正嘅招牌籠仔蒸飯套餐。.🦀 呢度嘅絕配套餐，裏面會有一個招牌籠仔蒸飯，同燉湯，全部可以自己揀要咩味道。我哋今次呢就食咗「花雕蛋白蒸紅花蟹飯」配「椰子燉烏雞」。個蒸飯真係好鬼正，原個蒸籠上枱。隻蟹以花蟹黎講好好肉地，同埋夠新鮮，冇雪藏味。燉湯更加係清甜，有烏雞同埋黑木耳湯料。.🦐 然後再加幾個點心嘆下，叫咗「鮮蝦腐皮卷」好鬼大隻蝦，腐皮好鬼脆。「帶子菜苗餃」好大隻，帶子都幾厚身。「豉椒蒸排骨」夠經典，好入味。「合桃包」同「棗皇糕」作為甜品，好滿足。.🤩 呢間點心專門店食物選擇算多，最正係有咁正嘅蒸飯套餐，係食點心嘅好選擇。.⠀📍 尖沙咀漢口道19-21號地舖☎️ +(852)233

早排喺尖沙咀路過見到呢間點心好多人排隊，bookmark咗之後呢日終於去咗食～當日下午茶時間去到都仲係有人排隊🙊不過等咗陣就有位～ 裝修幾靚，有別於平時啲點心舖～呢間好grand~嘢食嚟得幾快，叫咗呢幾樣～#絕配套餐 #籠仔土魷肉餅飯呢個餐幾抵食，跟咗個燉湯之餘，個飯份量好大，超大舊肉餅，啲餸好足，我哋見有得加臘腸，仲加咗條🤭🤭凍冰冰食臘腸正～絕配套餐 #無花果雪耳沙參燉排骨 滋潤！乾燥日子飲到呢個湯好舒服～絕配套餐 #川味麻辣青瓜呢個小食跟餐點 +$10，偏辣，但好惹味～#薑蔥牛柏葉去親飲茶都叫咁濟😂 呢個夠晒入味～#芝麻蝦多士一碟有三件，香脆可口，第一啖咬落去，食到叮一聲#荷葉藤椒蒜蓉粉絲蒸北寄貝藤椒有少少「麻麻地」嘅味道，再加蒜蓉粉絲，正正子～#杏汁燉蛋白呢個甜品正！簡直為呢餐寫咗個完美句號，甜甜地，超級滋潤，冬天食呢個超正❤️因為無食lunch，下午茶食嘅時候勁肚餓，叫咗勁多嘢食，食到捧住個肚走😂

帶愛吃點心的媽媽來飲茶吃點心幸好早一點來等位 門外等了一會就可入座了🔸鮑汁花膠鮑魚鵝掌鮮鮑魚好彈牙，鵝掌好腍好入味，還有兩舊大花膠🔸安蝦鹹水角好煙靭好甜，影相後才吃都還很香脆🔸鮮無花果雪耳沙參玉燉排骨這裡的燉湯很著名，無花果排骨湯清甜潤喉🔸鮮花甲粉絲湯 花甲粉絲湯花甲有8-10隻，好鮮甜🔸咖喱魷魚香辣，比想像中辣🔸荷葉藤椒蒜蓉粉絲蒸北寄貝北寄貝藤椒好香好吸引，但一點都不辣🔸玫瑰桂花糕很美香不會太甜，紅蘋果清香

應承丫爸得閒帶佢飲茶食一盅兩件, 趁今晚可以準時收工, 帶丫爸去咗尖沙咀漢口道呢間「樂意點心」, 各式點心全日供應, 而且全日不設加一, 感覺抵食!店舖面積不大, 座位唔多, 所以門外經常要排長龍, 但當然係要好食先多人排, 仲吸引唔少遊客排就知幾有實力。入座送上熱茶 (茶位: HK$8/位), 食物自行click order紙落單,【絕配套餐】HK$68/位+HK$55升級: 花鵰蛋白臘腸蒸紅花蟹(餐)原隻紅花蟹放面, 清蒸更顯鮮味, 墊底蛋白滑得入口即化, 配上幾片唔硬又甜甜地嘅臘腸薄片, 送飯一流!鮮無花果雪耳沙參玉燉排骨(餐)熱辣辣燉湯, 冬天飲最岩, 足料無味精, 清甜味美又滋潤。【咖哩魷魚】HK$26魷魚份量足, 口感彈牙, 咖哩味濃, 仲有索滿汁嘅蘿蔔, 好惹味!【芝麻蝦多士(3件) 】HK$30沾滿芝麻的蝦多士大件又厚身, 面層d蝦又夠大隻, 食落每啖都香脆又鬆化, 香口超好食。【碧綠叉燒腸粉】HK$26腸粉滑, 叉燒唔硬, 配有少少翠玉瓜碎, 配搭新鮮又好食。【杏汁燉蛋白(熱)】HK$26杏汁味濃, 清香甜甜地, 蛋白滑得入口即化, 性價比極高, 推介!

💯推薦指數：8/10≡※≡※≡※≡※≡※ 🍑桃仔推薦必試菜式🍑 ≡※≡※≡※≡※≡▪️花雕蛋白臘腸蒸紅花蟹飯 $55超抵吃！只需55蚊就能吃到一大隻淡淡肉爆膏紅花蟹，還有超滑的臘腸蒸蛋配白飯，對女生而言已經足夠一餐，可說是月尾荷包救星。▪️薑蔥牛柏葉 $28濃郁的調味醬汁掛滿牛柏葉，伴隨陣陣薑蔥味，加上口感爽口彈牙，好正！▪️龍蝦餃 $32蝦餃好大粒，晶瑩剔透，皮薄爽韌，肉質紮實。≡※≡※≡※≡※≡※≡ 💁🏻‍♀️值得一試系列💁🏻‍♀️ ≡※≡※≡※≡※≡※≡※▪️玫瑰桂花糕 $20三大件桂花糕，味道清新，不過過甜，有著解膩。▪️沙拉蟹柳春捲 $30春捲身較冰涼，內裡是滿滿的蟹柳沙律，頗足料。≡※≡※≡※≡※≡※≡※≡ 👍🏼值得加分項目👍🏼 ≡※≡※≡※≡※≡※≡全部小食都超大份超抵吃，難怪門口大排長龍。

樂意點心 📍尖沙咀漢口道19-21號地舖鬧市的平民點心店鮮花甲粉絲湯花甲肉厚鮮味無砂，粉絲湯清甜鮑汁花膠鵝掌養顏精選，花膠滋補養顔，鵝掌煮腍且非常入味，鮑汁惹味帶子菜苗餃菜苗混入蝦膠，口感豐富雷沙煎堆仔推介！煎堆仔外層酥香，咀嚼後芝麻香繼而溢岀，黑芝麻餡流心地湧岀越式米網炸兩腸腸粉嫩滑不帶重粉感，內裏炸兩鬆化美味！籠仔豉汁帶子飯第一次品嚐豉汁帶子飯，帶子鮮味，籠仔飯帶有荷葉香，惹味樂意點心 📍尖沙咀漢口道19-21號地舖

上openrice見點心店好評如潮 一於過黎試試餐廳真係人龍不絕 平日都要攞飛排隊 等左大約40分鐘入座 發現食客有唔少遊客當日下午茶時段3:00pm-6:00pm落單 全單有88折優惠啊👍🏻💁🏻‍♀️茶芥 $5/位點心店唔係沿用酒樓點心店普通茶壺🫖 茶壺走簡約高檔風 壓幾壓可幫助茶包出味點左菊花茶🌼有兩個絲絹裝滿滿菊花嘅茶包菊花味濃郁清新 無草青味 飲得好舒服💁🏻‍♀️蘆筍蝦餃 $18/2件餡料豐富 有兩大粒蝦同蘆筍粒可惜蝦欠缺鮮味及爽口彈牙感 外皮偏硬 比較鞋口 💁🏻‍♀️香煎蘿蔔糕 $16/2件糕身綿密 味道中規中距有蘿蔔絲 臘味粒 略嫌不夠餡料💁🏻‍♀️合桃包 $16/2個外皮印滿模仿合桃殼壓花 賣相可愛質地軟綿綿 新鮮蒸起熱辣辣內餡有流心甜奶香加豐富合桃肉 必點合桃包呀 好好味😍💁🏻‍♀️芝麻蝦多士 $30/3件芝麻又香又多 每件多士有兩隻蝦多士炸得夠香脆 可惜唔夠乾身咬落比較油 食一件已經有油膩感💁🏻‍♀️碧綠叉燒腸粉 $26叉燒足料 一片片而唔係一粒粒 加入翠肉瓜豐富左口感叉燒味道淡 偏瘦偏乾 亦缺乏叉燒油香腸粉皮偏硬同厚 一般💁🏻‍♀️棗皇糕 $20/3件糕身煙韌但有些少削 只食到淡

尖沙咀食點心嘅好地方，餐廳位置好方便又近地鐵站天氣凍凍地，好想食飯暖吓胃，今日走到尖沙咀，呢間餐廳可以食美味鮑汁花膠鮑魚鵝掌，又可以食點心，價錢又合宜，好抵食😋鮑汁花膠鮑魚鵝掌😄花膠鮑魚鵝掌係我的至愛，加上入味鮑汁配白飯就最好配搭最惹味鮮無花果雪耳沙蔘玉燉排骨😊燉湯最暖身，之前去旅行食好多生冷食物，當然要保一下，湯味濃郁足料，排骨已燉一段時間，好軟淋薑蔥牛柏葉牛柏葉充滿薑蔥味好味道👍帶子菜苗餃大大粒菜苗餃好足料芝麻蝦多士香脆蝦多士好鬆化

😂估唔到呢間～樂意點心～連下午茶都要排隊😂真係好誇張～店員服務有禮～等左一陣見到有不同國籍嘅遊客都會嚟呢度品嚐佢哋嘅點心👍🏻雖然地方唔係好大，但佢哋都有幾張卡位👍🏻價錢唔貴，但食物質素性價比非常高❤️一坐低店員會問你飲咩茶☕️～玫瑰、白桃烏龍、菊花、香片、普洱⋯可選擇🍀估唔到喺尖沙咀行街行到攰嘅時候,都可以舒舒服服咁有咩餐有質素嘅茶識有質素嘅點心🍀我哋今次一行二人叫咗幾款唔同嘅點心，同埋佢哋出名嘅荷葉蒸飯😊～🧧絕配套餐籠仔豉汁帶子飯加臘腸一份（淡淡荷葉香味，份量十足，帶子同埋臘腸都好多，蔥花蒜蓉再加佢哋調配嘅豉汁！推介👍🏻）🧧鮮無花果雪耳沙參玉竹燉排骨湯（真正用新鮮無花果，雪耳沙參玉竹配呢個秋涼天氣⋯非常滋潤）🧧薑蔥牛柏葉（份量好多，唔屬於水準高嘅薑蔥牛柏葉）🧧荷葉藤椒蒜蓉粉絲蒸北寄貝（2隻）（蒸嘅時間剛剛好，唔會靭，味道鮮甜，配藤椒去蒸非常特別）🧧芝麻蝦多士/3件（非常香脆可口😆蝦多士上面佈滿香脆芝麻🦐，推介）

環境舒適，裝潢走輕奢風格。位於尖沙咀遊客區，但價錢合理，有較少見嘅食物款式，我自己都會再encore，帶埋屋企人再食🥳 推薦！🌟絕配套餐$68✨籠仔豉汁帶子飯 (+$20)每一口都有豉油同蒜蓉香氣，份量十足，帶子新鮮，有嚼勁。✨鮮花甲粉絲湯 (+$10)為咗呢個湯而翻兜🤤 充滿海鮮鹹香，鮮味十足，蔥花嘅存在係錦上添花。清雅路線但唔會淡如水，濃濃海鮮風味。而花甲嘅質素亦相當好，飽滿多汁，完全冇沙👍🏻👍🏻-✨安蝦鹹水角 (+$10)外層脆卜卜及乾爽，冇多餘油份，餡料雖然不算飽滿，但口感佳，呢個價錢係冇得挑剔。✨咖喱魷魚 $26咖喱味突出，辣度不高，微微辣更有風味，重點係份量多到滿溢🙈✨鮑汁花膠鵝掌 $38鮑汁好似帶咗少少酒香，鵝掌煮得到位，花膠正常發揮。✨棗皇糕 $20香濃棗皇味，口感軟熟。✨生煎菜肉包 $16煎得香口，如果多少少肉汁就更好了。今日撞正優惠時段有折扣，食得相當盡興！