樂意點心

香港有唔少點心專門店，但每次經過尖沙咀 "樂意點心"，發現門口排長龍，好奇之下，呢日就去咗食依度嘅絕配套餐，另揀選幾款點心。店內地方雖然唔係好大，但裝修頗有格調，環境舒適，服務親切友善。點心用料上乘，賣相精緻，好比酒店級嘅中菜廳裡嘅點心。點心種類都唔少，無論係傳統蒸點、煎炸、腸粉、包點以至蒸飯和甜品，都應有盡有。而且係即叫即製，保證新鮮熱辣。絕配套餐                $68有一個蒸飯、一個燉湯及可+$10追加精美點心，非常抵食。而且還可以加錢換成比較貴價的食材。這次食好一點，加了$20 轉換為「籠仔蒜蓉海蝦飯」及 +$10 臘腸一份。開邊海蝦肉質彈牙，臘腸肉味香濃，海鮮嘅鮮味被蒸飯所吸收，再加上蒜蓉的蒜香，每一啖都非常享受。「椰子燉烏雞湯」，一上枱就聞到濃濃嘅椰子同烏雞香氣，湯底清甜順喉，飲落暖胃又滋潤，真係身心都滿足！以套餐湯品黎講，質素遠超預期！碧綠叉燒腸粉             $28叉燒份量非常多，肉味濃郁而軟腍，配合有米香又滑溜嘅腸粉，高質。青瓜蜆仔撈汁             $26蜆肉同青瓜份量頗多，蜆肉鮮甜，青瓜爽口，配自家製醬汁，帶少許辣，味道都不錯。芝麻蝦多士              $22蝦多士每一件都好大件，上面鋪滿芝麻增加風味，咬一口特別香脆完全唔油膩，沾一下酸酸甜甜嘅醬汁更滋味。鮮竹牛肉球               $19手打牛肉球都幾大個，肉味濃郁，加入香菜和馬蹄，食落特別爽口。…查看更多

每次行過尖沙咀漢口道，都見到✨樂意點心門口排晒長龍，成日都好奇，究竟有咩咁好食，會咁多人排隊等？🤪今次終於食咗佢哋嘅 絕配套餐，仲加咗啲點心同飲品，真係食到停唔低口！環境舒適，服務親切，喺尖沙咀呢個地段黎講，性價比真係好唔錯！✨荔枝玫瑰茶話說佢哋嘅茶選擇好多，除咗傳統嘅香片、普洱、菊花，仲有啲特別嘅選擇，例如白桃烏龍同荔枝玫瑰茶。我揀咗荔枝玫瑰茶，飲落真係好舒服！有淡淡嘅荔枝甜味，仲有玫瑰嘅花香，解膩又令人心情愉悅。✨籠仔金針雲耳蒸雞飯 + 臘腸（另加 $10）金針同雲耳吸晒雞汁嘅鮮甜，配上軟糯嘅米飯，每啖都好有層次感。特別加咗 $10 嘅臘腸真係神來之筆，油香滿溢，同豉汁嘅鹹香好夾，撈勻一齊食，簡直係停唔下來！✨雲腿雞腳燉鮑魚湯呢個湯真係套餐嘅靈魂！一上枱就聞到濃濃嘅火腿同雞湯香氣，湯頭好醇厚但完全唔膩。湯料好有誠意，有隻迷你鮑魚彈嫩，雞腳燉到軟糯入味，飲落暖胃又滋潤，真係身心都滿足！以套餐湯品黎講，質素遠超預期！✨白灼菜心菜心爽脆又多汁，簡單嘅白灼做法突顯咗食材嘅新鮮，作為配菜幫忙平衡其他濃味嘅菜式。✨豉椒蒸排骨 ($25)排骨蒸得軟嫩入味，豉椒嘅香氣好濃，仲有少少辣味提鮮，食到胃口大開！份量適中，適合同其他點心一齊share，熱辣辣食係最好味。✨蟹籽燒賣 ($19)皮薄餡靚，蟹籽點綴加分，入口鮮甜多汁，熱騰騰食風味最佳。✨鮮蝦腐皮卷腐皮炸得香脆，內裡嘅鮮蝦彈牙多汁，口感對比好強烈。調味唔會太重，保留咗蝦嘅鮮甜，係一款經典嘅點心。✨越式米網炸兩腸 ($35)呢道越式炸腸外皮酥脆，內裡軟糯，米網嘅口感特別，為整道菜加分。✨樂意水果茶 ($16)水果茶真係一個驚喜！新鮮生果份量多，飲落清爽又解解膩✨蛋散 ($22)蛋散香脆可口，蛋香好濃，係一款簡單但好正嘅甜點。下次再黎，會想試吓其他點心拼盤，期待有更多驚喜！樂意點心📍尖沙咀漢口道19-21號地舖…查看更多

平時lunchtime 時間真的等不了這家店，總是太多人排隊，除了旅客喜歡外，也有不少本地街坊支持，這裡的點心好多選擇，連茶都有一大壺不同味道的茶，優惠時段再有88折，真的太吸引！🟣絕配套餐如果和同事或朋友一起來的話，點一份絕配套餐加點心超幸福！這次我們吃的飯是原隻！原隻！花鷼蛋白臘腸蒸紅花蟹飯配椰子燉烏雞湯，椰子燉雞湯底清甜滋潤，湯頭雞肉依然嫩嫩的，兩個人剛好一人一大碗～等飯的時候雖然等了好一段時間，但上桌一刻真的是‘咩都抵返曬！’原來這個蒸蟹是即叫即做，把大大隻紅花蟹蒸熟確實需要一點時間，而且裡面還有大大條很有鹹香的臘腸和滑溜的蛋白，蟹肉非～～常鮮甜，我們一邊吃一邊說，這真的太划算，而且好滿足呀！！！！！🟣芝麻蝦多士蝦多士每一件都好大件，上面鋪滿芝麻增加風味，咬一口特別香脆完全不掛油，沾一下酸酸甜甜的醬汁更滋味🥰🟣蟹籽燒賣必須要熱吃！因為它放涼了入口依然很輕甜多汁，不會很難咬，能夠一口吃掉味道更豐富呢。🟣荔枝蝦球賣相好精緻的這道點心外層香脆帶濃郁荔枝味，這份天然的果甜和裡面超足料的蝦肉組合在一起很有獨特性。🟣三色小籠包這個大小絕對要叫大籠包😂三款味道都很鮮明，黑松露鹹香突出，紅色的帶辣很開胃，裡面很多湯汁～🟣薄荷青檸梳打天氣熱想冰涼一點，這裡也有多款特飲，這杯特別冰爽解熱，整體不會太甜，配點心也很合適。…查看更多

難得星期一放假，做完嘢後就去咗樂意點心食個lunch，本身早一日就諗睇下食啲乜，最後揀咗呢間人氣唔錯嘅點心餐廳。店嘅面積唔大，一般只適合2-4人左右，座位嘅數目亦唔係多。雖然舖仔細細，但都好衛生企理；食物方面，點咗6樣嘢，其中《籠仔鳳爪排骨飯》同個湯係一個set嚟，各樣菜式均各有驚喜。首先係嚟個湯，我哋點咗《鮮無花果雪耳沙參玉竹燉排骨》，個名就好長，到底係咪真係咁巴閉呢？佢個湯飲落係有無花果嘅清甜味，淡淡沙參玉竹嘅輕藥材味，好有下火嘅感覺，而且真材實料，呢個湯出面飲至少都$4-50蚊，而且唔係清一色嘅例湯味，呢個湯真係絕讚。第二樣上菜嘅係呢個set嘅主角《籠仔鳳爪排骨飯》，見到呢個排骨飯忍唔住哇咗一聲，會唔會太大啊！一個人食我覺得會食唔哂。呢個蒸飯，有荷葉放响底，令到個飯蒸出嚟有荷葉嘅香氣，而且响上面加上蔥、蒜、莞茜同洋蔥，將佢地撈埋個飯一齊食，連同排骨同鳳爪嘅精華夾雜响一齊，各種嘅香氣一同爆發，一滴豉油都唔使落，味道亦十分足夠，$68蚊(連湯)就食到呢個我食過最好食嘅排骨飯，呢個係真正嘅平！靚！正！有人會覺得排骨飯上嘅青色東東好恐怖，但我不但可以接受，而且非常喜歡。個飯食到一半左右，第三樣《蘆筍蝦餃》登場！唔好睇佢只係得兩粒，但佢係大大粒，外表非常飽滿，而且皮亦夠薄，完全透視到皮入面嘅蝦肉；最緊要係，蝦唔係細細粒，再加一堆筍扮蝦；呢度嘅蝦餃絕對係真材實料。目測有兩粒蝦仁，咬落去係十分爽脆，而且有蝦嘅鮮香味，雖然點都唔會用新鮮蝦整，但至少冇食到果種雪藏嘅味道。嚟到第四樣係《帶子菜苗餃》，外表十分吸引，帶子雖然係開半，亦唔會覺得寒酸。佢個皮冇完全包住啲餡料，可以清楚見到入面嘅餡料，除咗個主角之一嘅菜外，仲有爽脆嘅蝦仁，入口係軟綿綿，同一般嘅菜苗餃嘅質感完全唔同，佢呢個菜苗餃，有種好新鮮嘅感覺，食落好清新。跟住第五樣係《懷舊馬拉糕》，我一向麻麻地食馬拉糕，但點咗嘅我點都會試下。入口係好鬆軟，亦帶出好香嘅焦糖味，而且唔會太甜，味道剛好，佢跟排骨飯個餐只係加$10蚊，鍾意食馬拉糕嘅foodie ，我都覺得值得去試下。到第六樣係我覺得去到邊間點心店或茶樓都要點嘅燒賣~《蟹籽燒賣》。佢呢度嘅燒賣有樣得意嘅係，佢有一陣花鵰酒味，我諗我唔會食錯掛，呢個味道同燒賣放响一齊又係另一個境界，能夠將成粒燒賣嘅鮮味提升，加上佢肉質鮮嫩有口感。佢同蝦餃一樣只係得兩粒，同樣地都係大大粒，食落令人非常滿足。最後一樣係我平時甚少會叫嘅《蟹柳棉花雞》，呢個棉花雞同一般嘅外表都係差不多，只係多咗件蟹柳仔。我好鍾意佢啲雞肉夠嫩滑，連埋個汁一齊食個味道好鮮，冇雪藏味，處理得好好，加上我最愛嘅魚肚，啲汁完全滲哂入魚肚，非常juicy同入味。佢個汁好鮮甜，唔係一般好咸果種，最後連啲汁都飲埋。埋單兩個人食連茶錢都係$187蚊，我覺得算好抵食，唯一缺點係地方比較細，好似我11點到已經要等幾枱。但即使要等一陣，食到咁正嘅點心，我覺得都係值得。…查看更多

每次經過漢口道都見到勁多人排隊.我好好奇, 究竟有幾好食先可以令到有咁多人排隊呢？今次我叫咗個絕配套餐再加咗個點心.依度嘅茶都幾多選擇.有傳統嘅香片、普洱、菊花.排咗咁耐就梗係試吓啲特別嘢啦.我揀咗荔枝玫瑰茶.另外嘅白桃烏龍都幾多人揀.荔枝玫瑰茶飲落幾舒服, 有淡淡嘅荔枝味.啲點心好快就上枱.碧綠叉燒腸粉 (HK$28)個皮唔會好厚, 味道正常.都幾多叉燒.絕配套餐 （HK$68): 鮮蝦花甲粉絲湯 (+HK$10)都幾多材料㗎.不過我就覺得個湯味道偏淡, 同埋啲蜆好似洗得唔係好乾淨.籠仔土魷肉餅飯呢個肉餅飯份量都幾多.味道都OK嘅.係個肉餅有啲散.奶皇包 （+HK10)個奶皇包係有流心㗎, 好好食.蟹籽燒賣 (HK$19)味道正正常常, 同普通燒賣差唔多.依度嘅點心係幾抵食嘅.除咗個湯, 其他點心味道都係唔錯.依間餐廳都幾多韓國人幫襯, 有冇人話到俾我點解呢？…查看更多

今日過開去尖沙咀，順道嚟呢間樂意點心，價錢親民，點心選擇多，大部分食物都保持水準。環境乾淨，上菜速度快，適合想簡單食個點心又唔想太浮華嘅朋友。兩個人食$200左右已經好豐富，係尖沙咀區性價比不錯🍀🍽️ 豉椒蒸排骨 $26真心抵讚！排骨蒸得剛好，肉質嫩滑又入味，豉椒香氣十足，係傳統點心風味🍀🍽️ 碧綠叉燒腸粉 $28腸粉皮做得薄身透亮，叉燒餡料飽滿，搭配綠色蔬菜絲，口感同賣相都唔錯🍀🍽️ 絕配套餐 $68/位其中值得推薦係椰子燉烏雞湯🥣 椰子香突出，連湯渣都食埋！另外奶皇包一咬開真係有驚喜！鮑汁奶皇澎湃流出，好似熔岩效果，香甜唔膩…查看更多

樂意點心 地址: 尖沙咀漢口道19-21號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：蜆仔海帶撈汁 $25，蟹籽燒賣/2件 $19，蟹柳棉花雞 $28，越式米網炸兩腸 $38，荔枝蝦球/2件 $22，薄荷青檸梳打 $20蜆仔海帶撈汁：嫩滑的海帶絲是主要基底，口感帶有輕微的韌性，充滿海洋氣息。蜆仔肉雖小巧，但其濃郁的鮮甜味卻能為整道菜增添層次感。搭配的撈汁酸甜微辣，使得海帶和蜆仔在冰鎮後更能帶出冰涼爽口的風味！👏🏻👏🏻👏🏻蟹籽燒賣：紮實的豬肉餡料被包裹在薄薄的燒賣皮中，蒸煮後口感緊緻而富有肉感。燒賣的頂部點綴著大量的橙紅色蟹籽，這些蟹籽在咀嚼時會發出細微的「爆珠」聲響，釋放出清新的鹹鮮味！😄😄😄蟹柳棉花雞：去骨的雞肉塊蒸得極為嫩滑，幾乎入口即化。底部鋪著柔軟的魚肚，形狀蓬鬆如棉花，能完美吸收蒸煮過程中滴下的雞汁和蟹柳帶來的海鮮鮮味，使得這三種食材的風味層次交融，口感濕潤而豐富！👍👍👍越式米網炸兩腸 $38：腸粉皮一如既往的柔滑細膩，而內裡的油條由脆口米網紙包裹著。這種米網紙經過炸製，比油條更加輕盈酥脆。一口咬下，能感受到腸粉的滑、米網的脆和油條的韌，形成了外滑中脆內軟的獨特口感三重奏！😍😍😍荔枝蝦球：蝦肉被製成飽滿的蝦球，經過輕微炸製後，外表微酥，有荔枝的造型，內裡鮮爽彈牙。搭配的新鮮荔枝肉，其特有的清甜果香和多汁口感，不僅中和了油膩感，還帶出一種酸甜迷人的風味！😋😋😋薄荷青檸梳打：青檸的酸度和清新的香氣提供了強勁的解膩能力，新鮮的薄荷葉搗碎後，釋放出冰涼醒腦的獨特香氣，融入碳酸梳打水後，使得整杯飲品口感冰爽、氣泡豐富！❤️❤️❤️…查看更多

常客，門口等候位總是人滿為患，務必提早取籌號，再行去周圍逛，GULU關注排隊進度。等半個鐘是常規操作，週末通常要預1個鐘。按菜單滾過一遍，基本無踩雷。點心都是現做，除了點心皮的顏色很豐富以外，皮的口感很好。必點荔枝蝦球，造型逼真滿分，爆汁有荔枝香氣，外層脆米口感有趣，蝦仁彈牙。蝦餃和龍蝦餃皇都好食。蝦餃裡面有蘆筍，讓口感直接next level，鮮貝菜苗餃 雖然顏色略怪但口感fresh，感覺吃了一口春天。一人食的話，直接點招牌絕配套餐，＄68一位（另加一）可以自選一款主食、一款燉湯、加10元追加一款小吃和飲料，超抵食！比如龍仔豉汁帶子飯＋臘腸（另加10元），用傳統鉢仔蒸飯，豉汁香濃完全滲入飯粒之中。帶子雖然不算巨型，但是份量也算多，口感軟嫩，鮮味十足。加分位在於追加的臘腸，油香滿溢，和豉汁帶子飯是絕配！撈勻一起吃。早上8點~10點同下午3點~6點落座享全單88折。…查看更多

放工想飲下茶、搵左間中餐廳飲個茶、好耐冇飲過茶啦🍽️🍽️🍽️🍤🍤🍤🍽️🍽️🍽️🥄👅 絕配套餐💲68位👅🥢籠仔豉汁帶子飯加臘腸一份（餐）🥢帶子鮮甜嫩滑，豉汁醬汁濃郁惹味，臘腸香氣濃厚，口感彈牙，與帶子配搭和諧。 椰子燉烏雞 （餐）🥢烏雞肉質鮮嫩，燉得入味，帶自然甘甜、椰汁香濃細滑，令湯底更滋潤且帶熱帶風味。 🥄👅 海蜇青瓜川椒 💲25👅🥢海蜇爽脆，青瓜清新解膩，口感層次分明。 川椒帶微辣香麻，增加刺激感但不搶味。 🥄👅 香茜牛肉腸 💲22👅🥢牛肉腸味道濃郁，肉質紮實香嫩。 香茜味道清新提香，令人胃口大開。 🥄👅 芝麻蝦多士 💲22👅🥢芝 蝦肉鮮甜彈牙，外層包裹香脆多士，芝麻帶來香氣和微微焦香味，增添豐富味道。 🥄👅 橙C美式咖啡 💲20👅🥢甜酸又帶咖啡苦香，口感清新醒神，這類飲品酸甜平衡，有點類似水果調味的咖啡，非常有特色…查看更多

而家啲酒樓點心都冇以前咁好食，反而啲點心店嘅點心仲新鮮抵食～呢間嘅點心encore咗幾次，點心夠晒大件，仲有個蒸籠仔套餐好抵食～-蒸飯套餐基本只係$68 ，已經有個大大份嘅蒸飯，連埋燉湯，加$10仲可以有多份點心，如果一個人嚟食，真係飽到上心口～-今日我就加錢試吓個蒜蓉海蝦飯，再加埋臘腸～海蝦熟透但唔會韌，連埋臘腸嘅油香一齊食好正～最正係個燉湯，平時出去飲燉湯都要幾十蚊一盅，呢度套餐包埋真係超抵，個湯仲要好清甜，完全冇味精味～-點心最好可以叫兩件，兩個人食可以試多啲嘢～呢度啲牛肉球一粒等於平時酒樓食兩粒🤣蝦多士嘅蝦肉份量同件多士一樣大件，蝦肉仲要幾彈牙～-今日同媽咪兩個人share呢個套餐食，再加多三個點心，人均$100已經超級飽～…查看更多

超級平價高質，性價比爆燈點心店位於尖沙咀區精緻點心店，超抵食嘅「絕配套餐」，整體感覺幾滿意。絕配套餐$68可以享受到蒸飯加燉湯加左$20升級至 🍚 龍仔蒜蓉海蝦飯 蒸飯用竹籠上枱，飯面鋪滿開邊海蝦和，仲有蒜蓉、蔥花，海蝦新鮮彈牙蒜蓉香而不嗆，份量夠兩個人分。飯底蒸得軟硬適中，飯粒撈勻炸蒜和豉油，味道濃郁大滿足。雲腿雞腳燉鮑魚湯（加$10升級）材料十足，鮑魚、螺肉、雞腳燉出清甜湯底，鮑魚彈牙，雞腳腍滑，飲完暖胃滋潤。套餐可以追加點心（每款加$10）🥟香茜炸粉果 & 奶黃包炸粉果是懷舊點心，外皮炸得酥脆不油膩，入面餡料足口感豐富；奶黃包流心效果做得唔錯，奶黃香甜不滑溜。荔枝蝦球：荔枝外形，好有心思賣相好好，蝦膠打得爽口，外層脆脆地，點啲辣椒油更加滋味。蝦餃皮薄餡靚，外皮晶瑩剔透蝦肉飽滿彈牙有汁，值得一試。咖哩魷魚港式咖哩風味，魷魚爽口咖哩香辣。楊枝甘露芒果味濃，柚子肉唔苦，甜度適中。整體嚟講，點心做得精緻即叫即製，保證新鮮熱辣，真材實料手工點心，套餐尤其抵食。環境乾淨，去到都多旅客和街坊排隊，等候一陣就安排入坐，服務速度合理，如果想喺尖沙咀搵個地方飲啖茶食個包，呢度係個唔錯選擇。…查看更多

呢間點心性價比超高🤩🤩好味而且價錢超值。好喜歡佢點心可以兩件起叫，人少都可以試好多款，燒賣真係大大粒用料足，而且好多肉汁👍🏻👍🏻越式米網炸兩腸真係超級正，米網超級酥脆，配合新鮮紫色椰菜、蘿蔔，鮮蝦，非常有好感，配埋個豉油汁真係一絕，超好味。荔枝蝦球外表精美，足料酥脆。蟹柳棉花雞，雞肉超級嫩滑，食食完忍唔住會想再食。好欣賞椰子燉烏雞湯，椰香濃郁，又鮮味，叫一盅兩個人都夠飲。整體都食得好滿足。食得一讚係佢個白桃烏龍茶，非常香氣撲鼻，解膩。…查看更多

服務態度超級唔好，工作期間店員一路偷食嘢一路聽order個口又食緊嘢又答唔到我地，個位老啲嘅啊姐話係負責人喎又係一擔擔無禮貌好聲好氣問大概等幾耐左右個啊姐大大聲話唔阻住佢以家就可以快啲執枱喎…查看更多

今天（10月4號）15：41 pm攞咗第A008飛，等到4點，但見到螢幕顯示上1張叫咗嘅飛A006系12點55分叫嘅，即係足足3個鐘冇叫1人位，咁我提職員1人冇叫幾個鐘究竟一人會唔會叫，提完佢就即刻叫A007, 咁耐人都走咗十世啦，咁諗到我A008啦， 錯，佢叫咗其他2人以上的位，再跟住嘅2張都係未到我，我追早剛叫果張幾點攞飛，佢唔答我，態度開始差，話冇位嘅情況緊係叫大枱啲人啦，有位就叫我1人嘅，到呢一刻真到我，因為啲人吃完走晒就有一些空位了，一人位有咁嘅待遇嘅話請取消1人飛吧，一肚氣！…查看更多

今次同朋友嚟試咗個性價比超高嘅套餐，$68竟然可以食到原隻紅花蟹飯！😱 真心推薦俾鍾意飲茶又追求新意嘅你～👇花鵰蛋白臘腸蒸紅花蟹飯原隻紅花蟹上桌超吸睛！蟹肉鮮甜飽滿，仲有淡淡花鵰酒香滲入米飯，搭配臘腸同嫩滑蛋白，口感豐富！仲要蟹膏精華滲透飯粒，鮮味大爆發！🌟鮮無花果雪耳沙參玉燉排骨養生之選！湯頭清甜滋潤，無花果同雪耳煲到軟腍，排骨燉得入味，飲完成個人暖笠笠～秋冬飲一流！💯香茜炸粉果外皮炸到金黃酥脆，內餡芫茜味突出，點喼汁食更加開胃～蟹籽燒賣經典點心必點！豬肉餡紮實彈牙，蟹籽卜卜脆，鮮味十足。碧綠叉燒腸粉腸粉皮薄滑溜，叉燒餡料滿滿，加上碧綠蔬菜點綴，鹹甜平衡唔會膩～薄荷青檸梳打食完濃味點心飲返杯特飲簡直透心涼！薄荷同青檸清新解膩，氣泡感十足，瞬間refresh～💚…查看更多